initiale_L

Glossae Scripturae Sacrae-electronicae (Gloss-e)


<32. Ecclesiasticus seu Sirach>

Capitulum 41

Numérotation du verset Sir. 41,1 
o mors quam amara est memoria tua homini pacem habenti in substantiis suis
marg.|  HOMINI  HABENTI  PACEM. Qui prosperitatem mundi et divitias amat amara est illi mors corporalis quia future vite gaudia negligit.
Numérotation du verset Sir. 41,2 
viro quieto et cuius vie directe sunt in omnibus et adhuc valenti accipere cibum
Numérotation du verset Sir. 41,3 
o mors bonum est iudicium tuum
interl.|  bonum est christianis iudicium mortis quia per ipsam transeunt ad vitam eternam
homini indigenti
interl.|  terrenis subsidiis
et qui minoratur viribus
interl.|  non presumens de se
Numérotation du verset Sir. 41,4 
defecto etate
interl.|  unde deficiens Abraham mortuus est in senectute bona
et cui de omnibus cura est
interl.|  mandatis Domini implendis vel proximis iuvandis
et incredibili
interl.|  qui non consentit heretico errori
qui perdit sapientiam
interl.|  mundi que stulticia est apud Deum
Numérotation du verset Sir. 41,5 
noli metuere iudicium mortis
interl.|  temporalis
interl.|  qui potius eum time qui potest animam et corpus perdere in gehennam
memento que ante te fuerunt et que superventura sunt tibi hoc iudicium
interl.|  temporalis mortis
a Domino omni carni
marg.|  HOC  IUDICIUM. Commune est omni carni nec quisquam evadere potest et si centum aut mille annos vixerit aut ultra. Unde : quis est homo qui vivet et non videbit mortem ?
Numérotation du verset Sir. 41,6 
et quid superveniet in beneplacita Altissimi sive decem sive centum sive mille anni
Numérotation du verset Sir. 41,7 
non est enim in inferno accusatio vite
interl.|  in inferno nihil prodest confessio unde : in inferno autem quis confitebitur tibi
Numérotation du verset Sir. 41,8 
filii abominationum fiunt filii peccatorum et qui conversantur secus domos impiorum
marg.|  FILII  ABOMINATIONUM. Abominabiles sunt filii peccatorum qui scilicet impios patres imitati sunt. Unde subdit : qui conversantur secus domos impiorum.
Numérotation du verset Sir. 41,9 
filiorum peccatorum periet hereditas
interl.|  unde : evellet te et emigrabit te de tabernaculo tuo et radicem tuam #de terra viventium
et cum semine illorum assiduitas obprobrii
Numérotation du verset Sir. 41,10 
de patre impio queruntur filii quoniam propter illum sunt in obprobrio
marg.|  DE  PATRE  IMPIO. Qui male filios nutrit vel exemplo perdit reus est eorum perditionis vel qui mala opera de prava voluntate gignit damnabitur pro eis.
Numérotation du verset Sir. 41,11 
ve vobis viri impii qui dereliquistis legem Domini altissimi
Numérotation du verset Sir. 41,12 
et si nati fueritis in maledictione nascemini
interl.|  ecce enim in iniquitatibus conceptus sum etc.
et si mortui fueritis
interl.|  non renati per gratiam
in maledictione erit pars vestra
interl.|  ite maledicti in ignem eternum etc.
marg.|  ET  SI  NATI  FUERITIS. Superioribus respondet in quibus de morte temporali disputavit quia sicut homo de terra creatus pro peccato originali in terram redit quamvis in corruptione surrecturus sic impii pro peccatis suis maledicti in eternam perditionem cum corpore et anima ibunt.
Numérotation du verset Sir. 41,13 
omnia que de terra sunt in terram convertentur sic impii a maledicto in perditionem
Numérotation du verset Sir. 41,14 
luctus
interl.|  beati qui lugent quoniam ipsi consolabuntur
Hominum
interl.|  sapientium qui divinis obediunt mandatis
in corpore ipsorum nomen autem impiorum delebitur
interl.|  de libro viventium et de mundo
Numérotation du verset Sir. 41,15 
curam habe de bono
interl.|  vel mundo
nomine hoc enim magis permanebit tibi quam mille thesauri magni pretiosi
marg.|  CURAM  HABE. Ut bene et religiose vivas. Sic autem acquiritur bonum nomen. « Melius est nomen bonum quam divitie multe ».

Prv. 21, 1.
Numérotation du verset Sir. 41,16 
bone vite
interl.|  erit
numerus dierum bonum
interl.|  eternorum unde longitudine dierum adimplebo eum
autem nomen permanebit in evo
interl.|  merces bone vite et bone fame permanebit in eternum
Numérotation du verset Sir. 41,17 
Disciplinam
interl.|  morum
in pace conservate filii
interl.|  sequimini pacem cum omnibus
sapientia enim abscondita et thesaurus occultus que utilitas in utrisque
interl.|  quasi non sufficit bene vivere nisi studeas proposse tuo alios docere
Numérotation du verset Sir. 41,18 
melior est homo qui abscondit stultitiam suam
interl.|  qui scilicet vaniloquium et pravam doctrinam devitat
quam homo qui abscondit sapientiam suam
interl.|  ve mihi quia tacui
marg.|  MELIOR  EST  HOMO. Qui abscondet frumentum maledicetur in populis benedictio autem super caput vendentium.
Numérotation du verset Sir. 41,19 
verumtamen reveremini in his que procedunt de ore meo
interl.|  anima que benedicit impinguabitur
marg.|  VERUMTAMEN  REVERTIMINI. Quia bonum nomen et bonam vitam utilem esse predixit et occultantes scientiam reprehendit suadet ut revertantur ad studium docendi quia non est bonum irreverentem et inobedientem esse suo doctori. Unde : et animo irreverenti et infrunito ne tradas me Domine.
Numérotation du verset Sir. 41,20 
non est enim bonum omnem irreverentiam observare et non omnia omnibus beneplacent in fide
interl.|  quasi tamen non omnia omnibus conveniunt aliis officiunt que aliis proficiunt sibilus equos mitigat catulos instigat
marg.|  NON  EST  BONUM. Iuxta litteram nos instruit ut a vitiis caveamus et virtutibus operam demus et ne spretis melioribus eligamus peiora que sequitur confusio sempiterna.
Numérotation du verset Sir. 41,21 
erubescite matrem et patrem de fornicatione
interl.|  idolatrie vel heretice secte
et a presidente
interl.|  coram oculis Dei eccam
interl.|  sponsionis vestre in baptismo promisse
Numérotation du verset Sir. 41,22 
a principe et iudice de delicto
interl.|  a Christo qui est iudicaturus vivos et mortuos
a synagoga et plebe
interl.|  angelorum et plebe sanctorum
de iniquitate
Numérotation du verset Sir. 41,23 
a socio et amico de in iustitia de loco in quo habitas
Numérotation du verset Sir. 41,24 
de furto de veritate Dei et testamento de discubitu in panibus et ab offuscatione dati et accepti
Numérotation du verset Sir. 41,25 
a salutantibus de silentio a respectu mulieris fornicarie et ab aversione vultus cognati
Numérotation du verset Sir. 41,26 
ne avertas faciem a proximo tuo
interl.|  non communicando indigenti
ab auferendo
interl.|  cuilibet
Partem
interl.|  pecunie
et non restituendo
interl.|  admirando eloquentiam
marg.|  NON  AVERTAS  FACIEM. Cum angeli colligent de Ecclesia omnia scandala et reprehendent iniustos de iniustitia sua tunc manifestabitur qui circa veritatem et testamentum Dei in tabernaculo Ecclesie dolose egit vel furtum commisit. Ille quoque arguetur qui comessationi et ebrietati incubuit et qui avare rapuit vel non erogavit que a Deo accepit. Ille quorum confundetur qui talentum verbi abscondit et qui vultum convertit a fratribus suis et fornicationibus hereticorum se miscuit.
Numérotation du verset Sir. 41,27 
ne respicias mulierem
interl.|  doctrinam
alieni viri
interl.|  heretici qui alienus a fide et religione
et ne scruteris ancillam eius neque steteris ad lectum eius
interl.|  delectationi istando
marg.|  NE  RESPICIAS  MULIEREM. Cupiditatem carnalem que debet subesse spiritui hanc non debemus scrutari et suggestionibus eius subiici.
Numérotation du verset Sir. 41,28 
ab amicis de sermonibus improperii
interl.|  unde : ne molliaris amico tuo malum cum in te habeat fiduciam
et cum dederis ne improperes
interl.|  datum obfuscat qui improperat imitare Deum qui dat affluenter et non improperat




Comment citer cette page ?
Glossa ordinaria (Sir. 41), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 18/10/2018. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber32.xml&chapitre=32_41)