string(58) "/var/www/html/gloss-e/sources/editions/lyr/GLOSS-lyr37.xml"
Nicolaus de Lyra

Capitulum 19

Numérotation du verset Ez. 19,1 

Et tu fili hominis1 assume planctum super principes Israel
1 fili hominis] om. Weber
Numérotation du verset Ez. 19,2 

et dices quare mater tua
leena inter leones
cubavit in medio leunculorum enutrivit catulos suos
Numérotation du verset Ez. 19,3 

et eduxit unum de leunculis suis leo factus est et didicit capere predam hominemque comedere
Numérotation du verset Ez. 19,4 

et audierunt
de eo gentes
et non absque vulneribus suis
ceperunt eum et adduxerunt eum in catenis in terram Egypti
Numérotation du verset Ez. 19,5 

que cum vidisset
quoniam infirmata est
et periit exspectatio eius tulit unum
de leunculis suis
leonem
constituit eum
Numérotation du verset Ez. 19,6 

qui incedebat inter leones
et factus est leo didicit predam capere et homines devorare
Numérotation du verset Ez. 19,7 

didicit viduas facere et civitates eorum in desertum adducere
et desolata est terra et plenitudo eius a voce rugitus illius
Numérotation du verset Ez. 19,8 

et
convenerunt adversum eum gentes undique de provinciis et expanderunt super eum rete suum in vulneribus earum captus est
Numérotation du verset Ez. 19,9 

et miserunt eum in caveam in catenis adduxerunt eum ad regem Babylonis miseruntque eum in carcerem ne audiretur vox eius ultra super montes Israel
Numérotation du verset Ez. 19,10 

mater tua
quasi vinea
in sanguine tuo
super aquam plantata
fructus eius et frondes eius creverunt ex aquis multis
Numérotation du verset Ez. 19,11 

et facte sunt ei virge solide in sceptra dominantium
et exaltata est
statura eius inter frondes et vidit altitudinem suam
in multitudine palmitum suorum
Numérotation du verset Ez. 19,12 

et evulsa est
in ira in terramque proiecta et ventus urens siccavit fructum eius
marcuerunt et arefacte sunt virge roboris eius ignis
comedit eam
Numérotation du verset Ez. 19,13 

et
nunc transplantata est in desertum
in terra invia et sitienti
Numérotation du verset Ez. 19,14 

et egressus est ignis
de virga
ramorum eius qui fructum eius comedit et non fuit
in ea virga fortis
sceptrum dominantium
planctus est et erit in planctum

Capitulum 19

Numérotation du verset Ez. 19,1 
marg.| £ .1. % {4.1219} Et tu : Hec est pars quinta, in qua arguitur principum malitia sub metaphora leene et vinee evulse. Et dividitur in tres partes secundum tres filios Iosie contra quos loquitur, secunda ibi : Que cum vidisset, tertia ibi : Mater tua. Circa primum dicitur a Domino.
marg.| £ .2. % Et tu : Ezechiel. Quod autem subditur in aliquibus libris. Fili hominis, Non est in Hebreo, nec in libris correctis.
marg.| £ .3. % Assume planctum, etc. Plangendo eorum culpam, et penam sequentem.
marg.| £ .4. % Quare mater tua, etc., id est domus regia.
marg.| £ .5. % Leena, id est crudelis facta et rapax, cum tamen David fuerit mitissimus.
marg.| £ .6. % Inter leones cubavit, id est consilio crudelium et impiorum acquievit.
marg.| £ .7. % In medio leunculorum enutrivit, id est pueros de semine regio.
marg.| £ .8. % Et eduxit, etc. Scilicet Ioachaz filium Iosie.
marg.| £ .9. % Leo factus est, id est rex institutus. 4Rg. 23. Per leonem enim qui est rex animalium, intelligitur ipsum regnum.
marg.| £.10.% Et didicit : Per rapinas.
marg.| £.11.% Hominemque comedere : Per homicidia.
marg.| £.12.% Et audierunt de eo : Quia malitia eius nota facta est Gentibus {4.1220} in circumitu habitantibus.
marg.| £.13.% Et non absque : Quia in captione eius per regem Egypti, fuerunt hinc et inde plurimi vulnerati. In Hebreo habetur sic. In fossis earum captus est. Prosequendo parabolam leonis, ad cuius captionem fiunt fovee et operiuntur paleis in superficie, et leo desuper incedens cadit et sic capitur.
marg.| £.14.% Et adduxerunt eum : Hoc habetur. 4Rg. 23.
marg.| £.15.% Que cum vidisset : Hic consequenter agitur de Ioakim filio Iosie, quem rex Egypti substituit regem loco fratris sui, ut ibidem habetur. Que cum vidisset. Scilicet domus regia.
marg.| £.16.% Quoniam infirmata est : Per captionem Ioachaz.
marg.| £.17.% Et periit expectatio, id est expectatio defensionis per eum.
marg.| £.18.% Tulit unum de leunculis super, etc. Scilicet Ioakim.
marg.| £.19.% Leonem constituit eum, etc., id est fecit regem : licet enim rex Egypti hoc fecerit, tamen hoc fuit ad preces stirpis regie.
marg.| £.20.% Qui incedebat inter leones, etc. Habens secum homines impios et crudeles.
marg.| £.21.% Et factus leo, id est similis eius in crudelitate.
marg.| £.22.% Et didicit predam capere : Subditos spoliando, ut inde solveret tributum regi Egypti. 4Rg.. 23.
marg.| £.23.% Et homines : Vicinas Gentes occidere : Cetera patent usque ibi:
marg.| £.24.% Et convenerunt de provinciis : In exercitu regis Babylonis.
marg.| £.25.% Et expanderunt, etc., id est multitudinem bellantium.
marg.| £.26.% In vulneribus earum : In Hebreo habetur : In fossis earum captus est. Et exponatur utraque littera ut supra.
Numérotation du verset Ez. 19,1 
marg.| {4.1221} £ .1. % Adduxerunt eum, etc. Inceperunt enim Chaldei ipsum ducere in Babylonem : sed in via mutato consilio reduxerunt eum ante Hierusalem, et ipso interfecto proiecerunt cadaver eius extra portas Hierusalem, ut habetur Ier. 22.
marg.| £ .2. % Mater tua etc. Hic agitur de tertio filio Iosie scilicet Sedechia quem rex Babylonis exoculavit, et in Babylonem duxit, et quantum ad hoc dicitur : Mater tua, id est domus regia.
marg.| £ .3. % Quasi vinea : Ex rebellione enim Sedechie contra regem Babylonis secuta est magna effusio sanguinis. In Hebreo habetur : Quasi vinea in similitudine tua, id est assimilata est vinee evulse, ut habetur infra.
marg.| £ .4. % Super aquam plantata est, id est super populum Iuda fluidum sicut aque.
marg.| £ .5. % Fructus eius, id est divitie et filii.
marg.| £ .6. % Creverunt ex aquis multis, id est ex stipendiis a populo multo collectis.
marg.| £ .7. % Et facte sunt ei virge solide in sceptra : Sedechias enim confidens de sua potestate et robore gentis sue voluit dominari absque iugo regis Babylonis.
marg.| £ .8. % Et vidit altitudinem suam : Considerans ex superbia sua, quod indecens erat et subesse regi Babylonis : et sic rebellavit, et iuramentum fregit : propter cuius fractionem Dominus fuit iratus contra eum et contra suum populum ideo subditur.
marg.| £ .9. % {4.1222} Et evulsa est : Scilicet Dei, eius enim deiectio et regni sui magis fuit virtute Dei, quam hominis.
marg.| £.10.% Et ventus, id est rex Babylonis.
marg.| £.11.% Siccavit fructum : Quia occidit filios eius.
marg.| £.12.% Marcuerunt et arefacte : Quia fracta civitate viri bellatores eius fugerunt.
marg.| £.13.% Ignis comedit : Quia Chaldei incenderunt domum regis, et templum et totam civitatem. 4Rg. ul.
marg.| £.14.% Et nunc : Quia Sedechias cum multis aliis fuit ductus in Babylonem, ubi frequenter pungebantur verbis et factis iniuriosis tamquam deserti spinis.
marg.| £.15.% In terra invia et sitienti : Quia ibi etiam patiebantur defectum sufficientis alimenti.
marg.| £.16.% Et egressus est ignis, id est Ismael.
marg.| £.17.% De virga ramorum eius : Quia fuit de semine regio.
marg.| £.18.% Qui fructum eius comedit : Quia Godoliam interfecit et filias regis et populum qui cum eo erant, captivavit, ut habetur Ier. 41.
marg.| £.19.% Et non fuit in ea virga fortis, sceptrum dominantium : Quia Iohannan filius Caree et bellatores qui cum eo erant, et reliquus populus timore Chaldeorum concussi fugerunt in Egyptum contra verbum Domini ad eos per Ieremiam dictum Ieremi. 43.
marg.| £.20.% Planctus, etc., id est materia planctus.
marg.| £.21.% Est et erit, etc. Toti populo quod dictum est de filiis Iosie regis Iuda sancti et iusti.
Numérotation du verset Ez. 19,moraliter 
marg.| £ .1. % {4.1219} Et tu : In hoc capitulo secundum sensum litteralem arguitur malitia domus regie scilicet filiorum Iosie : et hoc sub parabola duplici scilicet leene, et vinee evulse. Moraliter
prol.| autem per primam parabolam arguitur cupiditas ecclesie accipiendo ecclesiam pro cupidis pastoribus et eorum ministris. et sic dicitur.
marg.| £ .4. % Quare mater, id est crudelis et rapax cum in principio fuerit valde benigna, secundum quod dicitur Act. 4.f. Multitudinis credentium erat cor unum et anima una : nec quisquam eorum que possidebat, aliquid suum esse dicebat : sed erant illis omnia communia. Et sequitur ibidem. Nec quisquam egens erat inter illos, Sed modo facta est rapax leena malitiis exquisitis rapiens subditorum bona.
marg.| £ .7. % In medio, id est in medio rapacium hominum, quos multi in ecclesie dignitatibus constituti tenent secum.
marg.| £ .8. % Et eduxit etc. In electionibus enim et promotionibus ecclesiasticis {4.1220} plus attenditur aliquando ad potentiam et astutiam eligendi, quam ad eius scientiam et virtutem.
marg.| £.10.% Et didicit : Nam data sibi potestate incipit magis rapere quam ante.
marg.| £.12.% Et audierunt, id est demones ad vicia Gentilium inducentes.
marg.| £.13.% Et non : Nam propter multa peccatorum vulnera datur in potestate demonum.
marg.| £.14.% Et adduxerunt : Nam ipsum peccatis multis incatenatum ducunt demones ad fossam inferni.
marg.| £.15.% Que cum : Scilicet societas illorum, que promoverant eum.
marg.| £.16.% Quoniam infirmata : Scilicet consequendi remunerationes ab eo.
marg.| £.17.% Tulit unum, id est promovit aliorum loco eius ita malum vel peiorem. Et hoc aliquando contingit, ideo subditur.
marg.| £.18.% Et desolata est : In cura talis hominis posita : propter quod de eo subditur.
Numérotation du verset Ez. 19,moraliter 
marg.| † {4.1221} Et miserunt : Quia demones talem ducunt ad infernum in consimili vel maiori pena.
marg.| £ .2. % Mater tua, etc. Hic ponitur secunda parabola de vinea evulsa, per quam moraliter intelligitur prelatus male promotus, ideo sequitur.
marg.| £ .4. % In sanguine : Per quod designatur indignus prelatione, promotus tamen ad eam consanguineorum suorum fortitudine {4.1222} vel timore.
marg.| £ .7. % Et facte sunt, etc. Quia per fortitudinem sui sanguinis stabilitur, licet coram Deo eiiciatur, ideo subditur.
marg.| £ .9. % Et evulsa est in ira : Scilicet Dei.
marg.| £.16.% Et egressus est ignis de virga ramorum eius : Quia frequenter contigit, quod ignis discordie accenditur inter amicos eius. Et sic consumuntur eius temporalia bona, et ipse moriens descendit ad inferna, ideo subditur : Planctus est et erit in planctum.


Comment citer cette page ?
Martin Morard, ed., Nicolaus de Lyra (Ez. 19), in : Sacra Pagina, IRHT-CNRS, 2025. Consultation du 06/11/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=37&chapitre=37_19)
Signaler un complément d'information

Notes :