Capitulum 29
Numérotation du verset
Ez. 29,1
In anno
decimo in decimo mense undecima mensis factum est verbum Domini ad me dicens
Numérotation du verset
Ez. 29,2
fili hominis pone faciem tuam contra pharaonem
regem Egypti
et prophetabis de eo
et de Egypto universa
Numérotation du verset
Ez. 29,3
loquere et dices hec dicit Dominus Deus ecce ego
ad te pharao
rex Egypti
draco magne qui cubas
in medio fluminum
tuorum
et dicis meus est fluvius
et ego
feci memet ipsum
Numérotation du verset
Ez. 29,4
et
ponam frenum in maxillis tuis
et agglutinabo
pisces fluminum tuorum
squamis tuis
et extraham
te
de medio fluminum tuorum et universi pisces
tui squamis tuis adherebunt
Numérotation du verset
Ez. 29,5
et proiciam te in desertum
et omnes pisces fluminis tui super faciem terre cades
non colligeris
neque congregaberis
bestiis terre
et volatilibus celi
dedi te ad devorandum
Numérotation du verset
Ez. 29,6
et scient
omnes habitatores Egypti
quia ego Dominus
pro eo quod fuisti baculus
arundineus
domui Israel
Numérotation du verset
Ez. 29,7
quando apprehenderunt te manu et
confractus es et lacerasti
omnem humerum
eorum
et innitentibus eis super te comminutus es et dissolvisti omnes renes eorum
Numérotation du verset
Ez. 29,8
propterea hec dicit Dominus Deus
ecce ego adducam super te gladium
et interficiam de te
hominem
et iumentum
Numérotation du verset
Ez. 29,9
et erit terra Egypti in desertum et solitudinem
et scient
quia ego Dominus eo quod dixerit fluvius meus est
et ego feci eum1.
1 eum] eum]
om. Weber
Numérotation du verset
Ez. 29,10
Idcirco ecce ego ad te et ad flumina tua
daboque terram Egypti in solitudines gladio dissipatam
a turre Syenes usque ad terminos Ethiopie
Numérotation du verset
Ez. 29,11
non pertransibit eam pes hominis neque pes iumenti gradietur in ea et non habitabitur quadraginta annis
Numérotation du verset
Ez. 29,12
daboque terram Egypti desertam in medio terrarum desertarum
et civitates eius in medio urbium subversarum
erunt desolate quadraginta annis et dispergam Egyptios
in nationes et ventilabo eos in terras
Numérotation du verset
Ez. 29,13
quia hec dicit Dominus Deus
post finem quadraginta annorum congregabo Egyptum de populis in quibus dispersi fuerunt
Numérotation du verset
Ez. 29,14
et reducam captivitatem Egypti et collocabo eos in terra Fatures in terra nativitatis sue
et erunt ibi in regnum humile
Numérotation du verset
Ez. 29,15
inter regna
cetera erit humillima
et non elevabitur
ultra super nationes
et imminuam eos ne imperent gentibus
Numérotation du verset
Ez. 29,16
neque erunt ultra domui
Israel in confidentia docentes iniquitatem
ut fugiant
et sequantur eos
et scient quia ego Dominus Deus
Numérotation du verset
Ez. 29,17
et factum est in vicesimo et septimo anno in primo
in una mensis
factum est verbum Domini ad me dicens
Numérotation du verset
Ez. 29,18
fili hominis Nabuchodonosor rex Babylonis servire fecit exercitum suum servitute magna adversum Tyrum
omne caput decalvatum et omnis humerus depilatus est
et merces non est reddita ei neque exercitui eius de Tyro pro servitute qua servivit mihi adversum eam
Numérotation du verset
Ez. 29,19
propterea hec dicit Dominus Deus ecce ego dabo Nabuchodonosor regem Babylonis in terra Egypti et accipiet multitudinem eius et depredabitur manubias eius et diripiet spolia eius et erit merces exercitui illius
Numérotation du verset
Ez. 29,20
et operi pro quo servivit adversum eam
dedi ei terram Egypti pro eo quod laboraverunt
mihi ait Dominus Deus.
Numérotation du verset
Ez. 29,21
In die illo
pullulabit cornu
domui Israel et
tibi
dabo apertum os in medio eorum
et scient quoniam ego Dominus.
Capitulum 29
Numérotation du verset
Ez. 29,1
marg.|
marg.|
{4.1293}
In anno : Hic Ezechiel prophetat contra Egyptum, et dividitur in duas partes, quia primo destructionem Egypti denuntiat, secundo, super hoc carmen lugubre decantat, ca. 32. Prima in duas, quia primo hanc destructionem predicit, secundo ad hoc similitudinem adducit, capitulo 31. Prima adhuc in duas, quia primo prophetat contra regem Egypti et eius bellatores, secundo, contra eorum auxiliatores, capitulo sequenti. Prima in duas, quia primo denuntiatur Egypti destructio, secundo, populi Iudaici reductio, ibi : Indie illa. Prima adhuc in duas, quia primo ponitur causa destructionis demeritoria, secundo, effectiva, ibi, Et factum est. Prima adhuc in duas. quia primo ponitur Egypti destructio, secundo eiusdem reparatio, ibi, Quia hec dicit. Prima in duas secundum duplicem causam destructionis Egypti. secunda ibi, Pro eo quod fuisti. Prima autem fuit nimia superbia, cui tamen premittitur tempus revelationis huius destructionis, cum dicitur.
marg.|
£
.1.
%
In anno : scilicet transmigrationis Ioachin regis Iuda.
marg.|
£
.2.
%
{4.1294}
Una die : id est prima die mensis, sicut : Gn. j.d. dicitur Factum est vespere et mane dies unus. idest. primus.
marg.|
£
.3.
%
Pone faciem : ad pronuntiandum miseriam ei et populo suo futuram.
marg.|
£
.4.
%
Ecce ego : scilicet : destruendum.
marg.|
£
.5.
%
Draco : propter dolositatem.
marg.|
£
.6.
%
Magne : propter potestatem.
marg.|
£
.7.
%
Qui : id est secure habitas secundum tuam estimationem.
marg.|
£
.8.
%
In medio, id est in Egypto, que Nilo irrigatur, et Nilus propter eius magnitudinem et terre fecundationem in pluribus alveis dividitur.
marg.|
£
.9.
%
Et dicis : pre nimia superbia.
marg.|
£.10.%
Meus est, id est Dominor in Egypto, nec superiorem aliquem aliqualiter recognosco.
marg.|
£.11.%
Et ponam, id est instinctum exeundi in prelium contra regem Babylonis.
marg.|
£.12.%
Et agglutinabo, id est omnes bellatores Egypti in hoc assentient tibi.
marg.|
£.13.%
Et extraham, etc. quia ivit obviam regi Babylonis, usque ad fines regni Egypti.
marg.|
£.14.%
Et proiiciam te in desertum : Quia ibi fuit interfectus, et maior {4.1295} pars sui exercitus, et eorum cadavera remanserunt insepulta.
marg.|
£
.1.
%
Pro eo : Hic ponitur causa secunda demeritoria, que fuit falsa confidentia, quam dedit Sedechie regi Iude, promittens ei auxilium contra regem Babylonis, ex quo Sedechias fuit motus ad rebellandum regi Babylonis, a quo cum populo suo fuit captus et captivatus, rege Egypti non prestante ei auxilium, ut habetur Ier. xxvij. et hoc est quod dicitur, Pro eo quod fuisti. falsam confidentiam ei prebendo.
marg.|
£
.2.
%
Quando apprehenderunt te manu : confidentes de tuo auxilio.
marg.|
£
.3.
%
Et confractus es : eis deficiendo.
marg.|
£
.4.
%
Et lacerasti omnem, id est fuisti occasio occisionis et destructionis eorum, {4.1296} Et subditur pena, cum dicitur, Propterea etc. patet littera ex predictis usque ibi:
marg.|
£
.5.
%
A turre : que est in uno termino Egypti.
marg.|
£
.6.
%
Usque ad terminos : qui sunt in opposita parte.
marg.|
£
.7.
%
Non pertransibit : id est ita pauci erunt ibi, quod quasi pro nihilo erunt computandi, sicut dicitur comuniter, Nullus est in foro quando sunt ibi pauci comparative respectu numeri, qui solet ibi esse. cetera patent usque ibi:
marg.|
£
.8.
%
Et dispergam : quia plures eorum fuerant in captivitatem ducti, et multi in servitutem venditi Gentibus et nationibus diversis.
marg.|
£
.9.
%
Quia hec dicit : Hic consequenter describitur Egypti reparatio, cum dicitur, Post finem xl. annorum.
marg.|
£
.1.
%
{4.1297}
Et collocabo eos in terra : que est in optimo Egypti loco.
marg.|
£
.2.
%
Et erunt ibi in regnum : ita quod non revertentur ad pristinam pompam et superbiam.
marg.|
£
.3.
%
Neque erunt ultra domui Israel in confidentia : scilicet falsa, sicut fuerunt tempore Sedechie.
marg.|
£
.4.
%
Docentes iniquitatem : Induxerunt enim Sedechiam ad frangendum iuramentum, quod fecerat regi Babylonis : ideo subditur.
marg.|
£
.5.
%
Ut fugiant : de Dominio Nabuchodonosor.
marg.|
£
.6.
%
Et sequantur : Egyptios de eis conficiendo.
marg.|
£
.7.
%
Et scient : per experientiam potestatis et vindicte mee.
marg.|
£
.8.
%
Et factum : Hic ponitur destructionis Egypti causa effectiva : Que est duplex una principalis, scilicet Deus, et alia instrumentalis, scilicet rex Babylonis et eius exercitus et utraque tangitur in hac parte, premittitur tamen tempus huius revelationis facte Ezechieli,
{4.1298}
cum dicitur : Et factum est.
marg.|
£
.9.
%
In primo : scilicet mense.
marg.|
£.10.%
In una, id est prima die mensis : ut supra expositum.
marg.|
£.11.%
Nabuchodonosor, scilicet in executione iustitie mee.
marg.|
£.12.%
Adversus : que propter suam superbiam destrui meruerat secundum divinam iustitiam.
marg.|
£.13.%
Omne caput : in exercitu Nabuchodonosor.
marg.|
£.14.%
Decalvatum : ex deportatione bacineti ferrei vel galee.
marg.|
£.15.%
Et omnis : ex deportatione lapidum et lignorum quibus Nabuchodonosor voluit facere viam usque ad Tyrum, ut predictum est.
marg.|
£.16.%
Et merces : quia habitatores Tyri videntes appropinquare eius captionem, omnia preciosa quantum potuerunt, miserunt ad insulas longe per navigium, et residuum absconderunt in terra vel proiecerunt in mare, ne aliquid inde haberent Chaldei.
marg.|
£.17.%
Propterea, id est faciam eum ibi habere victoriam.
marg.|
£
.1.
%
{4.1299}
Et depredabitur, id est quecumque preciosa, et dicuntur manubie quasi manu capte. Cetera patent ex dictis. Sed queritur hic, quomodo bona Egypti data fuerunt a Deo Nabuchodonosor et eius exercitui pro destructione Tyri ? Ad quod dicendum quod si Nabuchodonosor fecit hoc intuitu iustitie utpote propter malitiam habitantium in Tyro, bene meruit ex hoc retributionem temporalem, quamvis esset idololatra et infidelis. Si autem non fecit hoc intuitu iustitie, sed dominationis et cupiditatis libidine, sicut videtur tex. sonare ex precedentibus : sic non meruit inde mercedem aliquam, etiam temporalem, et secundum hoc scriptura loquitur hic de eo, sicut et in multis aliis locis more humano. Apud homines enim ille cuius adversarius debellatur ab aliquo, gratus est debellanti quamvis non fecerit hoc intuitu eius, sicut dicitur. 2Rg. 8. quod Thou rex Emath misit {4.1300} Iocalia preciosa David, eo quod percusserat Adadezer regem Syrie eius inimicum, licet hoc fecisset aliqualiter propter ipsum.
marg.|
£
.2.
%
In die : Hic consequenter describitur populi Iudaici reductio in Iudeam, cum dicitur : In die, id est in tempore a Deo previso.
marg.|
£
.3.
%
Pullulabit : Quod fuit impletum tempore Cyri, qui sub Zorobabel duce dedit Iudeis licentiam redeundi.
marg.|
£
.4.
%
Et tibi : quia omnibus apparebit, quod tua prophetia fuerit impleta : et sic poteris constanter dicere, quod hoc habuisti ex divina revelatione. Sicut enim Mardocheus et Daniel post reditum captivitatis vixerunt per aliquod tempus, ut patet ex libris Esther et Danielis. quia Assuerus cum quo fuit Mardocheus, regnavit post reditum captivitatis Babylonice, Mardochus autem et Ezechiel ducti fuerunt in Babylonem simul cum Iechonia rege, et sic potuit tantum vivere sicut Mardocheus.
Numérotation du verset
Ez. 29,moraliter
marg.|
£
.1.
%
{4.1293}
In anno decimo : Hic Ezechiel incipit prophetare contra Egyptum Quam primo prophetat absolute in hoc ca. et sequen. postea comparative, capitulo 31. Circa primum dicitur.
marg.|
£
.3.
%
Fili hominis : Per nomen Pharaonis, quod interpretatur dissipans virum, significatur carnalitatis vitium, quod dissipat mores viriles. Per officium regni, potentia designatur. Et per hoc quod
{4.1294}
dicitur infra draco magnus, malitia, quia sicut dicit Augustinus : leo aperte irascitur, draco autem occulte insidiatur. Et ideo per Pharaonem regem Egypti significatur moraliter homo potens, qui ex potentia atque malitia ultra modum in superbiam elevatur, cuius deiectio designatur, cum subditur.
marg.|
£.11.%
Et ponam frenum in maxillis tuis : auferendo a te potentiam nocendi hominibus bonis.
marg.|
£.13.%
Et extraham te de medio fluminum, id est carnalium deliciarum, et sequitur.
Numérotation du verset
Ez. 29,moraliter
marg.|
†
{4.1295}
Bestiis : id est demonibus, qui dicuntur bestie propter crudelitatem, et aves propter superbiam.
marg.|
† Dedite : Nisi per veram penitentiam emenderis. quod semper potest fieri, quamdiu vivit homo in vita presenti. et ad hoc designandum subditur postea.
marg.|
†
{4.1296}
Daboque terram : per quos significatur debita penitentia, accipiendo diem pro anno. Moyses enim quadraginta diebus naturalibus ieiunavit in monte, Ex. 24. et Elias. 3Rg. 19, et Christus Mt. 4. propter quod numerus quadragenarius institutus est ad perfectam penitentiam designandam, per quam peccator Deo reconciliatur. ideo subditur.
marg.|
£
.4.
%
Post finem : per hoc autem quod subditur.
Comment citer cette page ?
Martin Morard, ed., Nicolaus de Lyra (Ez. 29), in : Sacra Pagina, IRHT-CNRS, 2025. Consultation du 06/11/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=37&chapitre=37_29)
Martin Morard, ed., Nicolaus de Lyra (Ez. 29), in : Sacra Pagina, IRHT-CNRS, 2025. Consultation du 06/11/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=37&chapitre=37_29)
Notes :