string(58) "/var/www/html/gloss-e/sources/editions/lyr/GLOSS-lyr37.xml"
Nicolaus de Lyra

Capitulum 6

Numérotation du verset Ez. 6,1 

Et factus est sermo Domini ad me dicens:
Numérotation du verset Ez. 6,2 

Fili hominis pone faciem tuam
ad montes Israel et prophetabis ad eos
Numérotation du verset Ez. 6,3 

et dices montes Israel
audite
verbum Domini Dei hec dicit Dominus Deus montibus
et collibus
rupibus et vallibus ecce ego inducam super vos gladium et disperdam excelsa vestra
Numérotation du verset Ez. 6,4 

et demoliar
aras vestras et confringentur
simulacra vestra
et deiciam
interfectos vestros
ante idola vestra
Numérotation du verset Ez. 6,5 

et dabo cadavera filiorum Israel ante faciem simulacrorum vestrorum et dispergam ossa vestra circum aras vestras
Numérotation du verset Ez. 6,6 

in omnibus habitationibus vestris
urbes
deserte erunt et excelsa
demolientur et dissipabuntur et interibunt are vestre
et confringentur et cessabunt idola vestra
et conterentur delubra vestra
et delebuntur opera vestra
Numérotation du verset Ez. 6,7 

et cadet interfectus in medio vestri et scietis quoniam
ego Dominus
Numérotation du verset Ez. 6,8 

et relinquam in vobis eos qui fugerint gladium in gentibus cum dispersero vos in terris
Numérotation du verset Ez. 6,9 

et recordabuntur mei liberati vestri in gentibus ad quas captivi ducti sunt quia contrivi cor eorum fornicans
et recedens a me et oculos eorum
fornicantes post idola sua et displicebunt
sibimet super malis que fecerunt in universis abominationibus suis
Numérotation du verset Ez. 6,10 

et scient quia ego Dominus non frustra locutus sum ut facerem eis malum hoc
Numérotation du verset Ez. 6,11 

hec dicit Dominus Deus percute manu tua
et allide pedem tuum
et dic eheu ad omnes abominationes malorum
domus Israel qui gladio fame peste ruituri sunt
Numérotation du verset Ez. 6,12 

qui longe est
peste
morietur qui autem prope
gladio
corruet
et qui relictus fuerit et obsessus
fame
morietur
et compleam indignationem meam in eis
Numérotation du verset Ez. 6,13 

et scietis
quia ego Dominus cum fuerint interfecti vestri
in medio idolorum vestrorum
in circuitu ararum vestrarum in omni colle excelso in cunctis summitatibus montium et subtus omne lignum nemorosum
et subtus universam quercum frondosam
locum ubi accenderunt tura redolentia universis
idolis suis
Numérotation du verset Ez. 6,14 

et
extendam
manum meam
super eos
et faciam terram
desolatam et destitutam a deserto Deblatha
in omnibus habitationibus eorum
et scient quia ego Dominus.

Capitulum 6

Numérotation du verset Ez. 6,1 
marg.| £ .1. % {4.1123} Et factus est : Postquam descripta est Hierusalem obsidio et populi eius destructio, hic consequenter describitur totius Iudee vastatio, et dividitur in duas partes : quia primo describitur hec vastatio, secundo vastationis acceleratio capitu. sequenti. Presens autem capitulum in tres partes dividitur, quia primo describitur Iudee generalis vastatio, secundo, aliquorum specialis reservatio, ibi : Et relinquam. tertio ceterorum finalis {4.1124} destructio ibi: Hec dicit Dominus. Circa primum dicitur.
marg.| £ .2. % Fili hominis pone faciem tuam, id est respice terram Israel vultu irato, ad designandum iram Dei contra ipsam.
marg.| £ .3. % Hec dicit Dominus : Quasi dicat nullus locus remanebit indiscussus ab adversariis discurrentibus ubique ad interficiendum homines latitantes, et rapiendum sibi bona abscondita, et comburendum edificia.
marg.| £ .4. % Et disperdam excelsa, ubi colebantur idola.
marg.| £ .5. % Et deiiciam interfectos : Quia corpora interfectorum ubique dimittentur insepulta, cetera patent in littera usque ibi:
Numérotation du verset Ez. 6,1 
marg.| {4.1125} £ .1. % Et scietis, quia vindicte mee.
marg.| £ .2. % Et relinquam : Hic consequenter describitur aliquorum specialis reservatio, quia ad hoc sunt reservati in vita et ducti inter Gentiles, ut per penitentiam ad Deum converterentur, et a Deo in periculis liberarentur, et ex tali liberatione mirabili multi Gentiles converterentur ad fidem unius veri Dei, sicut in lib. Esther legitur esse factum liberato populo a persecutione Aman. et Danie. 3. ubi dicitur quod liberatis tribus pueris de camino ignis rex precepit per totum regnum suum revereri Deum celi. Et hoc est quod dicitur. Et relinquam in vobis eos qui fugerint gladium scilicet Chaldeorum ad vitam reservati.
marg.| £ .3. % Et recordabuntur mei : Ut patet in exemplis positis.
marg.| £ .4. % Quia contrivi cor eorum : Vexatione dante eis intellectum.
marg.| £ .5. % Fornicans : Per idololatriam.
marg.| £ .6. % Et recedens : Latriam negligendo, ex hoc videtur, quod non benedicant, {4.1126} qui exponunt passum istum de Apostolis et aliis credentibus ex Iudeis. quia non fuit in eis penitentia de idololatrie peccatis que hic tanguntur, quia illo tempore et ante per longum tempus cessaverat idololatria in Iudeis.
marg.| £ .7. % Et scient, etc. Scilicet pene. Dicit enim Philosophus 5. Ethicorum quod pene sunt quedam medicine ad peccati correctionem. Et ideo sicut medicina dicitur esse frustra, quando non inducit sanitatem, sic pena inflicta dicitur esse frustra, quando ad eam non sequitur correctio, sicut dicitur Ier. f. Frustra percussi filios vestros, disciplinam non receperunt, sed si inde sequitur correctio, sicut in proposito, tunc non est frustra a fine suo.
marg.| £ .8. % Hec dicit : Hic consequenter denuntiatur ceterorum finalis destructio propter obstinationem eorum in malo, cum dicitur prophete.
marg.| £ .9. % Percute :Percutiendo manus ad invicem ad modum dolentis et irati.
marg.| £.10.% Et illide : Impingendo ad lapidem ad modum hominis turbati, qui non advertit ubi pedem suum ponit.
Numérotation du verset Ez. 6,1 
marg.| {4.1127} £ .1. % Et dic, id est idololatrias propter penam sequentem, que subditur.
marg.| £ .2. % Quia gladio : Sicut declaratum est cap. precedenti.
marg.| £ .3. % Qui longe : Scilicet ab adversariis.
marg.| £ .4. % Peste morietur, id est corruptione aeris et mortalitate.
marg.| £ .5. % Qui autem : Scilicet adversarios.
marg.| £ .6. % Gladio : Adversariorum.
marg.| £ .7. % Et qui relictus : Confidens in fortitudine murorum, fame morietur.
marg.| £ .8. % Et scietis : Per experientiam vindicte mee.
marg.| £ .9. % Cum fuerint : Ut ibi peccaverunt ubi puniantur.
marg.| {4.1128} £.10.% Et subtus omne : In talibus enim locis exercebant idololatriam maxime Veneris et Priapi, ibi, in venerationem eorum suam exercentes luxuriam.
marg.| £.11.% Ubi accenderunt thura : Que soli Deo deberent offerri.
marg.| £.12.% Et extendam manum, id est potestatem iusticie mee.
marg.| £.13.% Et faciam terram, id est vacuam hominibus.
marg.| £.14.% Et destitutam : Bonis fructibus.
marg.| £.15.% A deserto : Ad quod in una parte sui terminatur Iudea.
marg.| £.16.% In omnibus, id est usque ad finem alterum, ita quod nihil remaneat quod non sit desertum.
marg.| £.17.% Et scient : Per experientiam mee punitionis.
Numérotation du verset Ez. 6,moraliter 
marg.| {4.1123} £ .1. % Et factus : Secundum litteralem sensum in hoc capi. describitur vastatio Iudee generaliter per regem Babylonis, per quam mystice significatur ecclesie vastatio per astutiam demonis. In ecclesia vero militante sunt principes et prelati, qui per montes signantur propter altitudinem status sui. Sunt etiam milites et clerici, qui per colles signantur, quia minores sunt principibus et prelatis : Colles vero minores sunt montibus. Sunt etiam religiosi qui designantur{4.1124} per rupes, eo quod status religiosorum est status asperitatis. Sunt etiam laici vulgares qui per valles signantur, eo quod sunt in inferiori statu respectu prelatorum. Et in omnibus istis statibus sunt peccatores multi iuste pro suis peccatis puniendi, de quibus subditur.
marg.| £ .3. % Hec dicit Dominus Deus montibus et collibus, etc. Ecce ego adducam super vos gladium, etc. Scilicet iusticie mee per punitionem debitam iniquitati vestre. Et subditur causa, cum dicitur.
marg.| £ .4. % Et disperdam etc., id est idololatrias vestras. Idolum enim cuiuslibet {4.1125} peccatoris est vicium, cui principaliter mancipatur. Ephesiorum 5.a. Omnis fornicator aut immundus aut avarus, quod est idolorum servitus. Illud quod est idolorum servitus, non solum refertur ad avariciam, sed etiam ad alia vicia : Igitur secundum hoc potest dici quod principes idololatrant superbie. Milites et clerici simplicium oppressioni iniuste, nam milites opprimunt simplices per potentiam, clerici vero per astutam {4.1126} malitiam. Religiosi vero per iusticiam simulatam, vulgares homines opprimunt se mutuo per fraudulentiam in contractibus humanis. Verumtamen quia in quolibet statu predicto sunt aliqui boni, ideo subditur.
marg.| £ .2. % Et relinquam in vobis eos qui fugerint gladium, id est evaserint punitionem eternam. Que dupliciter evaditur. Uno modo per innocentiam vite. Alio modo per emendam penitentie debite : et quantum ad hoc subditur. Et recordabuntur mei.


Comment citer cette page ?
Martin Morard, ed., Nicolaus de Lyra (Ez. 6), in : Sacra Pagina, IRHT-CNRS, 2025. Consultation du 13/12/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=37&chapitre=37_6)
Signaler un complément d'information

Notes :