initiale_L

Glossae Scripturae Sacrae-electronicae (Gloss-e)


<03. Genesis>

Capitulum 13

Numérotation du verset Gn. 13,1 
Ascendit ergo Abram de Egypto ipse et uxor eius et omnia que habebat et Loth cum eo ad australem plagam
Numérotation du verset Gn. 13,2 
erat autem dives valde in possessione argenti et auri
Numérotation du verset Gn. 13,3 
reversusque est per iter quo venerat a meridie in Bethel usque ad locum ubi prius fixerat tabernaculum inter Bethel et Ai
Numérotation du verset Gn. 13,4 
in loco altaris quod fecerat prius et invocavit ibi nomen Domini
Numérotation du verset Gn. 13,5 
sed et Loth qui erat cum Abram fuerunt greges ovium et armenta et tabernacula
Numérotation du verset Gn. 13,6 
nec poterat eos capere terra ut habitarent simul erat quippe substantia eorum multa et non quibant habitare communiter
Numérotation du verset Gn. 13,7 
unde et facta est rixa inter pastores gregum Abram et Loth eo autem tempore Chananeus et Pherezeus habitabant in illa terra
Numérotation du verset Gn. 13,8 
dixit ergo Abram ad Loth ne queso sit iurgium inter me et te et inter pastores meos et pastores tuos fratres {t. 1 : Erfurt, f. 22va ; facsim., p. 46a} [Rusch, f.  22va ] enim sumus
Numérotation du verset Gn. 13,9 
ecce universa terra coram te est recede a me obsecro si ad sinistram ieris ego ad dexteram tenebo si tu dexteram elegeris ego ad sinistram pergam
Numérotation du verset Gn. 13,10 
elevatis itaque Loth oculis vidit omnem circa regionem Iordanis que universa irrigabatur antequam subverteret Dominus Sodomam et Gomorram sicut paradisus Domini et sicut Egyptus venientibus in Segor
Numérotation du verset Gn. 13,11 
Elegitque sibi Loth regionem circa Iordanem et recessit ab oriente divisique sunt alterutrum a fratre suo
Numérotation du verset Gn. 13,12 
Abram habitavit in terra Chanaan Loth moratus est in oppidis que erant circa Iordanem et habitavit in Sodomis
Numérotation du verset Gn. 13,13 
homines autem Sodomite pessimi erant et peccatores coram Domino nimis
Numérotation du verset Gn. 13,14 
dixitque Dominus ad Abram postquam divisus est Loth ab eo leva oculos tuos et vide a loco in quo nunc es ad aquilonem et ad meridiem ad orientem et ad occidentem
Numérotation du verset Gn. 13,15 
omnem terram quam conspicis tibi dabo et semini tuo usque in sempiternum
Numérotation du verset Gn. 13,16 
faciamque semen tuum sicut pulverem terre {t. 1 : Erfurt, f. 22vb ; facsim., p. 46b} [Rusch, f.  22vb ] si quis potest hominum numerare pulverem semen quoque tuum numerare poterit
Numérotation du verset Gn. 13,17 
surge et perambula terram in longitudine et in latitudine sua quia tibi daturus sum eam
Numérotation du verset Gn. 13,18 
movens igitur Abram tabernaculum suum venit et habitavit iuxta convallem Mambre quod est in Hebron edificavitque ibi altare Domino




Comment citer cette page ?
Glossa ordinaria (Gn. 13), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 25/04/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber03.xml&chapitre=03_13)