initiale_L

Glossae Scripturae Sacrae-electronicae (Gloss-e)


<22. *Tobias*>

<22.1> Prologus

prol.|   {t. 2 : Erfurt, f. 165va ; facsim., p. 330a} [Rusch, f.  165va ] Chromatio et Heliodoro episcopis, Hieronymus presbyter in Domino salutem. Mirari non desino exactionis vestre instatiam. Exigitis enim ut librum, Chaldeo sermone conscriptum, ad latinum stilum traham, librum utique Tobie, quem Hebrei, de catalogo divinarum Scripturarum secantes, his que Hagiographa memorant, manciparunt.
1 Prologus] Incipit prefatio sancti Ieronimi presbyteri in Thobiam Tr621, eiusdem ad Chromatium et Eliodorum in Tobiam praefatio Clementina | 2 presbyter] om. Weber | 3 Chromatio... salutem] om. Weber | in Domino] om. Cava Σ |
marg.|   HIS QUE HAGIOGRAPHA. Potius et verius dixisset inter hagiographa, vel large accepit hagiographa, quasi ‘sanctorum scripta’ et non de numero illorum novem que proprie dicuntur hagiographa que sunt de catalogo, hoc est de numero viginti duorum librorum. Consistit enim in Pentateucho et octo prophetis et novem hagiographis quia autem, secundum Grecos, in primo ordine septem ponit libros, addens Pentateucho, Iosue et Iudicum, et vocat ordinem illum Heptateuchum, ab hepta : septem et theucos : volumen.
prol.|  Feci satis desiderio vestro, non tamen meo studio. Arguunt enim nos Hebreorum {t. 2 : Erfurt, f. 165vb ; facsim., p. 330b} [Rusch, f.  165vb ] studia et imputant nobis, contra suum canonem latinis auribus ista transferre. Sed melius esse iudicans Phariseorum displicere iudicio, et episcoporum iussionibus deservire, institi ut potui. Et quia vicina est Chaldeorum lingua sermoni Hebraico, utriusque lingue peritissimum loquacem reperiens,
marg.|  UTRIUSQUE  LINGUE. Tenebat librum Chaldei cum et legebat Hebraice
prol.|  unius diei laborem arripui et quidquid ille mihi Hebraicis verbis expressit, hoc ego accito notario sermonibus latinis exposui.
marg.|  ET  QUIDQUID. Hoc dicit ne videretur hyperbole quod tam brevi tempore tantum opus videretur adimplere.
prol.|  Orationibus vestris mercedem huius operis recompensabo, cum gratum vobis didicero me quod iubere estis dignati complesse. 

Fons : Hieronymus, Prologus Tobiae, ed. Weber, p. 676.

Codd. : Tr621, f. 200rb; Rusch; Weber
operis recompensabo] compensabo Tr621*, operis conpensabo Tr621² complesse] + Explicit prefatio. Incipit liber Thobie secundum Ieronimum Tr621




Comment citer cette page ?
Glossa ordinaria (Tb. ), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 20/02/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber22.xml&chapitre=22_)