initiale_L

Glossae Scripturae Sacrae-electronicae (Gloss-e)


<33. Isaias>

Capitulum 24

Numérotation du verset Is. 24,1 
Ecce Dominus dissipabit terram
interl.| interl.| ut omnia pateant||
interl.| interl.| his habitatoribus||
et nudabit eam
interl.| interl.| commutabit per ignem in melius unde vidi celum novum et terram novam||
et affliget faciem eius
interl.| interl.| Septuaginta : revelabit ut procedant mortui de sepulcris||
interl.| interl.| igne comburendo ut tamquam aurum clariorem et pulchriorem restituat||
et disperget
interl.| interl.| in diversa loca bonorum vel malorum||
interl.| interl.| separabit oves ab hedis||
habitatores eius
marg.| marg.| ECCE  DOMINUS  NUDABIT. Post specialem gentium singularium correptionem Iudee Babylonis Philistiim Moab Damasci Israel Egypti deserti maris Arabie Idumee vallis visionis et Tyri quod totus orbis in consummatione passurus sit describit. Nec de singulis gentibus sed de cunctis pariter agit. Prius que sunt impiorum tormenta quomodo transeat celum et terra et deducantur peccatores in infernum post quomodo sancti rapiantur obviam Domino in aera. De speciali ergo descriptione transit ad generalem que est quarta regula cyconii de specie enim et genere agitur nec persona mutatur.||
marg.| marg.| Ecce Dominus nudavit a specie ad genus transit descripto enim speciali onere Babyloniorum Assyriorum Egyptiorum et multorum aliorum ad generale onus iudicii extremi transit.||
Numérotation du verset Is. 24,2 
et erit sicut {t. 3 : Erfurt, f. 93ra ; facsim., p. 41a} [Rusch, f. 93ra ] populus sic sacerdos et sicut servus sic dominus eius
interl.| interl.| sine acceptione persone||
sicut ancilla sic domina eius sicut emens sic ille qui vendit sicut fenerator sic is qui mutuum accipit
interl.| interl.| quasi meum tuum||
sicut qui repetit sic qui debet
marg.| marg.| ET ERIT  SICUT. Omnes simul vel bonis remunerabuntur vel pro malis damnabuntur.||
marg.| marg.| {t. 3 : Erfurt, f. 93ra ; facsim., p. 41a} [Rusch, f. 93ra ] Nulla diversitas erit inter nobilem et ignobilem sacerdotem et laicum servum et dominum etc. Omnes enim ex equo stabunt ante tribunal Christi nec erit acceptio personarum apud Deum. Unde : Iob parvus et magnus ibi sunt et servus non timet dominum suum.||
marg.| marg.| SIC  SACERDOS. Bonus populus cum bono sacerdote percipiet coronam vite mali simul sustinebunt tormenta gehenne.
Numérotation du verset Is. 24,3 
Dissipatione
interl.| interl.| igne incendu||
dissipabitur terra et direptione
interl.| interl.| habitatorum suorum||
Predabitur
interl.| interl.| a Domino||
interl.| interl.| quasi hoc sine dubio fiet Dominus enim locutus est||
Dominus enim locutus est
interl.| interl.| per prophetas||
verbum hoc
Numérotation du verset Is. 24,4 
Luxit
interl.| interl.| lugebit||
interl.| interl.| extrema gaudii luctus occupat||
et defluxit terra
interl.| interl.| terreni||
interl.| interl.| defluet in igne||
marg.| marg.| TERRA. Terrena opera ad nihilum redigentur ut abolita imagine terreni hominis permaneat imago celestis. Caro enim et sanguis regnum Dei non possidebunt quia mortale hoc induet immortalitatem.||
et infirmata est
interl.| interl.| que fortis videbatur||
defluxit orbis infirmata est
interl.| interl.| id est infirmabitur in die iudicii||
altitudo populi terre
interl.| interl.| potentes superbi quia Deus superbis resistit humilibus autem dat gratiam||
Numérotation du verset Is. 24,5 
et terra interfecta est
interl.| interl.| ab aliis alii||
interl.| interl.| propter eos qui sanguinem sanguini miscuerunt et sanguinem interfectorum ad Dominum clamare fecerunt||
ab habitatoribus suis quia transgressi sunt leges
interl.| interl.| scriptas vel naturales||
interl.| interl.| quia totus mundus prius accepit naturalem legem sed postea lex per Moyen data est quia prima dissipata est||
mutaverunt ius
interl.| interl.| legem||
Dissipaverunt
interl.| interl.| consuetudinis||
fedus sempiternum
interl.| interl.| pactum amicicie quod deberet esse sempiternum||
Numérotation du verset Is. 24,6 
propter hoc maledictio
interl.| interl.| ite maledicti in ignem eternum|||
vorabit terram
interl.| interl.| terrenos||
et peccabunt habitatores eius ideoque insanient
interl.| interl.| stupebunt in die novissimo||
cultores eius
interl.| interl.| amatores||
et relinquentur
interl.| interl.| aliis damnatis||
homines pauci
interl.| interl.| multi vocati pauci electi||
marg.| marg.| MALEDICTIO. Sicut in principio benedixit Deus omni creature sic in fine maledicit his qui terreni sunt nec peregrini sed habitatores terre et qui in ea peccant obliti condicionis sue contra se mutuo de bachantes. Et pauci remanebunt qui habeant imaginem celestis.||
Numérotation du verset Is. 24,7 
luxit
interl.| interl.| lugebit||
vindemia
interl.| interl.| amator vini et ebrietatis ebriosi regnum Dei non possidebunt||
interl.| interl.| de vinea Sodomorum vinea eorum||
infirmata est vitis ingemuerunt omnes qui letabantur corde
interl.| interl.| risus dolore miscebitur||
marg.| marg.| LUXIT  VINDEMIA etc. In consummatione mundi preteritarum deliciarum recordatio erit materia cruciatuum. Unde : purpuratus dives qui receperat bona in vita sua elevans oculos de inferno cernit Lazarum in requie. Unde : ve vobis qui saturatis estis quia esurietis.||
marg.| marg.| INGEMUERUNT  OMNES. Hoc testimonium ingerimus eis qui in conviviis non solum gula et ebrietate sed auribus luxuriantur ut per omnes sensus anime fortitudo mollescat.||
Numérotation du verset Is. 24,8 
cessavit gaudium tympanorum quievit sonitus letantium conticuit dulcedo cithare
interl.| interl.| quia||
Numérotation du verset Is. 24,9 
cum gaudio
interl.| interl.| alias : cantico ||

gaudio] cantico Weber
non bibent vinum
interl.| interl.| sicut ante||
amara erit
interl.| interl.| in die iudicii amara pro dulcibus bibent||
potio bibentibus illam
interl.| interl.| omnis ebrietas que statum mentis evertit homines vigilare non patitur||
Numérotation du verset Is. 24,10 
attrita est civitas
interl.| interl.| quelibet spiritalis vel Babylon||
vanitatis
interl.| interl.| vanitas vanitatum et omnia vanitas||
clausa est omnis domus nullo introeunte
interl.| interl.| que modo marmore et ebore decoratur||
marg.| marg.| ATTRITA  EST etc. Mundus in quo omnia vana vanitas vantitatum et omnia vanitas.||
Numérotation du verset Is. 24,11 
clamor erit super vino
interl.| interl.| erroris||
in plateis deserta est
interl.| interl.| non in angusta via que ducit ad vitam||
interl.| interl.| in celos||
translatum est
interl.| interl.| transit in dolorem||
gaudium terre
marg.| marg.| CLAMOR  ERIT  SUPER  VINO. Per vinum errorem ebrii enim errant. Per plateas que grece a latitudine dicuntur spaciosam et latam viam que ducit ad mortem accipimus. Super his ergo qui erraverunt in lata et spaciosa via huius seculi in die iudicii clamor doloris erit.||
Numérotation du verset Is. 24,12 
relicta est in urbe solitudo
interl.| interl.| quondam celeberrima||
et calamitas
interl.| interl.| miseria||
interl.| interl.| habitatorum||
opprimet portas
interl.| interl.| per quas affluebant agmina populorum||
Numérotation du verset Is. 24,13 
quia hec
interl.| interl.| predicta||
interl.| interl.| impleta||
erunt in medio terre
interl.| interl.| constat de totius orbis interitu hoc nuntiari||
marg.| marg.| IN MEDIO  TERRE. Hierusalem que est (ut aiunt) umbilicus terre. Et autumant {t. 3 : Erfurt, f. 93rb ; facsim., p. 41b} [Rusch, f. 93rb ] multi quia Dominus iudicaturus super montem Sion ex quo ascendit in aere sedebit in nube veniet. Unde : quemadmodum vidisti euntem eum in celum sic veniet et alibi : tunc videbunt filium hominis venientem in nubibus||
in medio populorum quomodo
interl.| interl.| in die iudicii||
interl.| interl.| fit||
si pauce olive que remanserunt
interl.| interl.| si pauci electi post separationem malorum||
excutiantur ex olea et racemi cum fuerit finita vindemia
marg.| marg.| QUOMODO SI  PAUCE  OLIVE etc. Paucis relictis cum persecutio voraverit terram tanta erit sanctorum paucitas tanta pressura ut temptentur etiam electi si fieri possit et paucitas eorum baccis olivarum rarissimis comparetur quibus excussis vix pauce remanent in cacumine arboris collectis quoque racemis vix pauci remanent in vitibus vacuis.||
Numérotation du verset Is. 24,14 
Hii
interl.| interl.| pauci||
Levabunt
interl.| interl.| in sublime||
vocem suam atque laudabunt
interl.| interl.| Dominum||
interl.| interl.| beati qui habitant in domo tua Domine in secula seculorum laudabunt te||
cum
interl.| interl.| in sanctis||
glorificatus fuerit
interl.| interl.| veniens in gloria Patris cum angelis||
Dominus
interl.| interl.| Christus||
hinnient
interl.| interl.| letabuntur ineffabili letitia||
de mari
interl.| interl.| de mundo liberati||
marg.| marg.| ATQUE  LAUDABUN. Laudabunt qui poterunt remanere et pressuram antichristi fugere vel ardorem imminentis gehenne.||
marg.| marg.| HYNNIENT. Equorum similitudine letitie gestientes magnitudine.||
Numérotation du verset Is. 24,15 
propter hoc
interl.| interl.| quia audistis premium vestrum et supplicium reproborum||
in doctrinis
interl.| interl.| vestris||
glorificate
interl.| interl.| apostoli doctores Ecclesie||
interl.| interl.| qui gloriatur in Domino glorietur||
interl.| interl.| qui in scripturis sacris eruditi estis||
Dominum
interl.| interl.| non vos||
in insulis
interl.| interl.| Ecclesiis non in una||
maris
interl.| interl.| seculi||
nomen Domini Dei Israel
interl.| interl.| predicate||
interl.| interl.| non nobis Domine non nobis sed nomini tuo da gloriam||
Numérotation du verset Is. 24,16 
a finibus terre
interl.| interl.| ab alis terre vox eorum de quibus supra : levabunt vocem suam etc||
interl.| interl.| vox electorum in die iudicii||
marg.| marg.| A FINIBUS. In hebreo alis terre. Alegorice autem vel fines terre prophete sunt et apostoli qui de terrenis ad celestia volant et quibusdam preceptorum finibus vivendi modum terminant. Dicunt ergo sancti sicut a prophetis et apostolis audivimus sic modo impletum videmus.||
laudes audivimus
interl.| interl.| predicari||
gloriam
interl.| interl.| #quia omnis predicta impleta||
Iusti
interl.| interl.| Christi iustificantis omnes||
et dixi
interl.| interl.| hec dicentibus aliis||
secretum meum
interl.| interl.| «Quod oculus non vidit nec auris audivit » etc.| ||

1Cor. 2, 9.
Mihi
interl.| interl.| soli non possum effari||
secretum meum
interl.| interl.| quasi quante pene ante oculos meos versantur||
mihi
interl.| interl.| est||
interl.| interl.| legem scriptam vel naturalem||
marg.| marg.| SECRETUM  MEUM  MIHI. Nec potest plene enarrare premia bonorum nec penas malorum que previdet per spiritum et inde dolet dicens : ve mihi.||
interl.| interl.| et ideo||
ve mihi prevaricantes
interl.| interl.| hec est causa vetus||
prevaricati sunt et prevaricatione
interl.| interl.| exaggeratio est||
transgressorum prevaricati sunt
interl.| interl.| et ideo||
Numérotation du verset Is. 24,17 
formido et fovea et laqueus
interl.| interl.| quasi non differtur pena nec predicitur futura||
super te qui habitator
interl.| interl.| amator||
es terre
marg.| marg.| FORMIDO ET  FOVEA. Possunt hec tam ad tempora martyrum quam ad tempora antichristi referri. Imminente enim persecutione multi formidine tormenti Christum voce et non corde negabant et post penitere nolebant et sic in foveam cadebant post instante diabolo in laqueum eterne damnationis sic etiam fiet in tempore antichristi.||
Numérotation du verset Is. 24,18 
et erit qui fugerit a voce formidinis cadet in foveam
interl.| interl.| hoc est qui se putaverit fugisse ex alio incidet in aliud||
et qui se explicuerit
interl.| interl.| volet explicare||
de fovea tenebitur laqueo
interl.| interl.| et ideo non evadet||
interl.| interl.| ut despiciat Dominus omnia peccata que prius ignorare videbatur quia non puniebat||
quia cataracte
interl.| interl.| fenestre Antichristi||
de excelsis aperte sunt
interl.| interl.| qui respicit terram et facit eam tremere||
interl.| interl.| terra motus magni erunt per loca||
marg.| marg.| APERTE  SUNT. Ut videat Deus iniquitates antichristi et iudicet. Dum enim non punit peccata se videre ea dissimulat.||
Et
interl.| interl.| ideo||
marg.| marg.| FUNDAMENTA  TERRE. Principes seculi terrena opera.||
Numérotation du verset Is. 24,19 
confractione confringetur terra contritione conteretur terra commotione commovebitur terra
interl.| interl.| in re vel habitatores omnia enim in momento transibunt||
marg.| marg.| {t. 3 : Erfurt, f. 93va ; facsim., p. 42a} [Rusch, f. 93va ] CONFRACTIONE. Non quod terra redigatur in pulverem vel in nihilum sed quia omnia terrena transibunt. Et quomodo ebrius nescit quid agat sic omnes qui versantur in terra malorum magnitudine ebrii erunt et stupebunt ad omnia.||
Numérotation du verset Is. 24,20 
agitatione agitabitur terra sicut ebrius et auferetur quasi tabernaculum unius noctis et gravabit eam
interl.| interl.| ut non resurgat id est non sit habitatio hominum in ea||
marg.| marg.| TABERNACULUM  UNIUS  NOCTIS. Quod a viatore transfertur ut nullum remaneat vestigium sic transibit figura huius mundi et erit terra deserta ut non sit habitatio amplius hominum in ea.||
iniquitas sua
interl.| interl.| pondere que in Zacharia"sedet super talentum plumbi".||

Sententia ex Za. 5, 6-7 ; cf. nota prolixior in Glossa ordinaria (Za. 5, 6-7).
et corruet et non adiiciet ut resurgat
interl.| interl.| id est non erit terrena conversatio vel pristine vite status||
Numérotation du verset Is. 24,21 
et erit in die illa
interl.| interl.| iudicii||
visitabit Dominus
interl.| interl.| quasi egrotantem||
interl.| interl.| vindicando visitabo in virga iniquitates eorum etc.||
super militiam celi
interl.| interl.| prophetas antichristi et demones qui in aera discurrent||
in excelso et super reges terre
interl.| interl.| aereas potestates vel quoslibet terrena amantes||
qui sunt super terram
interl.| interl.| provincias||
interl.| interl.| quia non servaverunt sanctum gradum||
marg.| marg.| ET ERIT IN  DIE  ILLA etc. Quasi fenestre celi aperte sunt ut prospiciente Domino terrena peccata omnis figura terrenorum operum pretereat et corruat neque in pristina statura resurgat. Visitabit ergo Dominus in die illa super militiam celi ut non solum terrena sed celestia iudicet.||
marg.| marg.| SUPER  MILITIA  CELI. Inebriatus est in celo gladius meus astrs non sunt munda in conspectu eius et in angelis suis repperit pravitatem.||
marg.| marg.| REGES  TERRE. Rectores tenebrarum harum contra spiritalia nequitie in celestibus. Unde in Daniele : exiit in occursum mihi principes regni Persarum et principes regni Medorum||
Numérotation du verset Is. 24,22 
et congregabuntur
interl.| interl.| anime illorum||
in congregationem
interl.| interl.| colligati||
interl.| interl.| similes in pena quia similes in culpa||
marg.| marg.| ET CONGREGABUNTUR. Hieronymus HIERONYMUS. Origenes dicit quod #post hanc sententiam ite maledicti in ignem eternum post multos dies id est post mille annos visitandi et liberandi sunt. Sed hoc Ecclesia non recipit dictum est enim : ibunt impii in supplicium eternum iusti autem in vitam eternam. Quod autem eternum est omni fine caret et sicut gaudium eternum ita et supplicium.||
unius fascis in lacum
interl.| interl.| inferni ; « lacum aperuit et effodit eum »||
interl.| interl.| ite in ignem eternum||
marg.| marg.| UNIUS  FASCIS. Unde : alligate ea per fasciculos ad comburendum||
et cludentur ibi in carcerem
interl.| interl.| usque ad iudicium||
et post multos diez
interl.| interl.| evoluti seculi||
visitabuntur
interl.| interl.| evocabuntur ab inferis ut receptis corporibus statim ad penas retrudantur||
marg.| marg.| ET POST  MULTOS  DIES  VISITABUNTUR. Notandum quod non addit a Domino vel ab angelis sed absolute visitabuntur. Ex qua ambiguitate verbi et remedium {t. 3 : Erfurt, f. 93vb ; facsim., p. 42b} [Rusch, f. 93vb ] potest intelligi et correctio scilicet quod postquam iusti premia receperint illi in perpetuis penis visitentur. Et tamen sciendum quod iudicium Dei humana non potest scire fragilitas nec de penarum magnitudine vel mensura ferre sententiam quod Domini arbitrio derelictum est.||
Numérotation du verset Is. 24,23 
et erubescet luna
interl.| interl.| non lucem amittendo sed in comparatione vere lucis que Christus est tamquam nihil lucendo||
marg.| marg.| ET ERUBESCET  LUNA. Unde creatura ingemiscit et parturit cernens scilicet homines scilicet qui suo fruebantur lumine nihil dignum Dei bonitate fecisse qui solem suum oriri facit. Quoniam si dispensator veniente Domino cernat familiam variis subici cruciatibus unde : sol obscurabitur et luna non dabit lumem suum.||
et confundetur sol cum regnaverit Dominus exercituum
interl.| interl.| peracto iudicio ablatis impiis ne videant gloriam Dei||
in monte Sion et in Hierusalem
interl.| interl.| celesti||
et in conspectu senum suorum
interl.| interl.| cani hominis sapientia est||
interl.| interl.| patriarcharum prophetarum apostolorum||
fuerit glorificatus
interl.| interl.| ea gloria quam videbunt soli filii Dei||
marg.| marg.| SENUM  SUORUM. Qui imitantur vetustum dierum quales presbyteros iubetur Moyses eligere qualis fuit Abraham mortuus in senectute bona.||




Comment citer cette page ?
Glossa ordinaria (Is. 24), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 23/08/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber33.xml&chapitre=33_24)