initiale_L

Glossae Scripturae Sacrae-electronicae (Gloss-e)


<34. Ieremias>

Capitulum 33

Numérotation du verset Ier. 33,1 
et factum est verbum Domini ad Ieremiam secundo cum adhuc clausus esset in atrio carceris
interl.| interl.| ubi Sedechias clauserat eum||
dicens
marg.| marg.| ET FACTUM  EST. Predicit quod sicut peccatoribus vindicta ita penitentibus paretur medicina ubi enim per indignationem Domini iacuerant cadavera ibi conversorum reedificabuntur tabernacula cum bonorum omnium abundantia ut inde gloria Domini predicetur et laus et leticia in omnibus gentibus oriatur. Quod quidam ad resolutionem captivitatis chaldaice referunt sed melius videtur ad christiana tempora referri ubi spiritaliter Dominus fidelibus suis universa bona tribuit ut in omni pace et concordia conversentur unde pacem meam do vobis pacem relinquo vobis et alibi. Ecce ego vobiscum sum omnibus diebus usque ad consummationem. Cum vero de Babylone redissent finitime gentes infestabant prohibentes reedificare templum et civitatem. In Machabeorum quoque temporibus plurima adversa passi sunt nec unquam plenam securitatem habuerunt donec a Romanis per totum orbem dispersi sunt.||
Numérotation du verset Ier. 33,2 
hec dicit Dominus
interl.| interl.| cuius omnes servi sunt||
qui facturus est Dominus et formaturus illud et paraturus Dominus nomen eius 
Numérotation du verset Ier. 33,3 
clama ad me et exaudiam te et annuntiabo tibi grandia et firma que nescis
marg.| marg.| CLAMA AD ME etc. Ostendit quod per orationes prophetarum et sanctorum qui fuerunt in plebe Dominus placatus sit et revelaverit eis reversionem in terram suam que ad huc occulta latebat.||
marg.| marg.| Supra dictum est noli orare pro populo hoc etc. Nunc autem dicitur clama ad me et exaudiam te quia imminentem captivitatem Dominus avertere noluit ut primum solverent penam peccati sui postea vero reversionem non negavit quam modo promittit.||
Numérotation du verset Ier. 33,4 
quia hec dicit Dominus Deus Israel ad domos urbis huius et ad domos regis Iuda que destructe sunt et ad munitiones et gladium 
Numérotation du verset Ier. 33,5 
venientium ut dimicent cum {t. 3 : Erfurt, f. 149va ; facsim., p. 154a} [Rusch, f. 149va ] Chaldeis et impleant eas cadaveribus hominum quas percussi in furore meo et in indignatione mea abscondens faciem meam a civitate hac propter omnem malitiam eorum 
Numérotation du verset Ier. 33,6 
ecce ego obducam ei cicatricem et sanitatem et curabo eos et revelabo illis deprecationem pacis et veritatis 
Numérotation du verset Ier. 33,7 
et convertam conversionem Iuda et conversionem Hierusalem et edificabo eos sicut a principio 
Numérotation du verset Ier. 33,8 
et emundabo illos ab omni iniquitate sua in qua peccaverunt mihi
interl.| interl.| in adventu Christi||
et propitius ero cunctis iniquitatibus eorum in quibus deliquerunt mihi et spreverunt me 
Numérotation du verset Ier. 33,9 
et
interl.| interl.| hoc||
erit mihi in nomen et in gaudium et in laudem et in exultationem cunctis gentibus terre que audierint omnia bona que ego facturus sum eis et pavebunt et turbabuntur in universis bonis et in omni pace quam ego faciam ei 
Numérotation du verset Ier. 33,10 
hec dicit Dominus adhuc audietur in loco isto quem vos dicitis esse desertum eo quod non sit homo et iumentum in civitatibus Iuda et foris Hierusalem que desolate sunt absque homine et absque habitatore et absque pecore
marg.| marg.| ADHUC  AUDIETUR. Ne desperent Iudei propter minas et captivitates futuras restaurationis bona promittit ut locus qui desertus fuerat propter scelera habitatorum propter correctionem et emendationem habitetur.||
marg.| marg.| Mystice : Ecclesia gentilium que deserta fuerat a Domino per idolatriam et scelerum immanitatem habitatur per Christi fidem et repletur multitudinem credentium ex diversis nationibus cui per Isaiam dicitur : letabitur deserta et invia et exultabit solitudo etc. et alibi : lauda sterilis que non paris decanta laudem et ymnum que non parturis quia multi filii deserte.||
Numérotation du verset Ier. 33,11 
vox gaudii
interl.| interl.| predicatio evangelii||
et vox letitie
interl.| interl.| alleluia||
vox sponsi
interl.| interl.| Christi||
et vox sponse
interl.| interl.| Ecclesie||
vox dicentium confitemini Domino exercituum quoniam bonus Dominus quoniam in eternum misericordia eius et portantium
interl.| interl.| seipsos||
vota in domum Domini
interl.| interl.| non manu factam||
reducam enim conversionem
interl.| interl.| gentium||
terre sicut a principio
interl.| interl.| ut sit omnibus una fides et in confessione labium unum||
dicit Dominus 
Numérotation du verset Ier. 33,12 
hec dicit Dominus exercituum adhuc erit in loco isto deserto absque homine et absque iumento et in cunctis civitatibus eius habitaculum pastorum
interl.| interl.| apostolorum et evangelistarum et doctorum novi testamenti||
accubantium greges
interl.| interl.| vel : gregum ||
marg.| marg.| ACCUBANTIUM  GREGES etc. Greges Ecclesie scilicet de gentibus congregate que in culmine virtutum consistunt et tamen humilitatem non deserunt sed per fervorem Spiritus Sancti exercent studium bone operationis et dilectionis iura servant quibus sociantur greges vel gentes que in terra Beniamin in circuitu Hierusalem et in civitatibus Iuda versantur quia de illo priori populo multi sunt qui ad fidem Christi et ovium suarum numerum pertinent de quibus dicitur : oves mee vocem meam audiunt et ego agnosco meas et sequuntur me.||

gresges] gregum Weber
Numérotation du verset Ier. 33,13 
in civitatibus montuosis et in civitatibus campestribus et in civitatibus {t. 3 : Erfurt, f. 149vb ; facsim., p. 154b} [Rusch, f. 149vb ] que ad austrum sunt
interl.| interl.| Spiritus Sancti fervorem||
et in terra Beniamin et in circuitu Hierusalem et in civitatibus Iuda adhuc transibunt greges
interl.| interl.| viam huius vite||
ad manum
interl.| interl.| iuxta disposicionem scilicet veri pastoris viventes qui ait gaudete quia nomina vestra scripta sunt in celis||
numerantis
interl.| interl.| qui numerat mutitudinem stellarum||
ait Dominus 
Numérotation du verset Ier. 33,14 
ecce dies veniunt dicit Dominus et suscitabo verbum bonum
interl.| interl.| adventum Filii quo Verbum Dei caro factum est et habitavit in nobis||
quod locutus sum ad domum Israel et ad domum Iuda 
interl.| interl.| prophetas||
marg.| marg.| AD DOMUM  ISRAEL. De quibus Isaias erit in novissimis diebus preparatus mons domus Domini in vertice montium etc.||
Numérotation du verset Ier. 33,15 
in diebus illis et in tempore illo germinare faciam David germen iustitie et faciet iudicium et iustitiam in terra
interl.| interl.| Christum qui fecit iudicium et iustitiam in terra quia iustitia cingulum lumborum eius et fides cinctorium renum eius||
Numérotation du verset Ier. 33,16 
in diebus illis salvabitur Iuda et Hierusalem
interl.| interl.| apostoli et primitiva Ecclesia||
habitabit
interl.| interl.| in fide Christi||
confidenter
interl.| interl.| sub protectione Dei||
et hoc est quod
interl.| interl.| quod alibi dicitur Emanuel id est nobiscum Deus quia Verbum caro factum est et habitavit in nobis||
vocabit eam Dominus iustus noster
interl.| interl.| reddens unicuique iuxta opera sua||
Numérotation du verset Ier. 33,17 
quia hec dicit Dominus non interibit de David vir
interl.| interl.| Christus et membra eius||
qui sedeat super thronum domus Israel
interl.| interl.| Ecclesie ||
marg.| marg.| NON  INTERIBIT. Rabanus Maurus RABANUS. Hoc testimonium regno iudaici populi nec sacerdotio potest aptari necesse est ergo ut ad regnum Christi et sacerdotium transferatur de quo dicitur : ponam in seculum seculi semen eius et thronum eius sicut dies celi et alibi : iuravit Dominus et non penitebit eum tu es sacerdos in eternum secundum ordinem Melchisedech. Huius sacerdotis membra sunt filii Ecclesie unde Petrus : vos estis genus electum regale sacerdotium etc. Hic holocausta et sacrificia offert gratissima Patri.||
Numérotation du verset Ier. 33,18 
et de sacerdotibus et levitis non interibit
interl.| interl.| quia Christi sacerdotium eternum||
vir a facie mea qui offerat holocaustomata et incendat sacrificium et cedat victimas cunctis diebus 
Numérotation du verset Ier. 33,19 
et factum est verbum Domini ad Ieremiam dicens
marg.| marg.| ET FACTUM  EST  VERBUM  DOMINI etc. Rabanus Maurus RABANUS. Congrua similitudine hostes insultantes populo Dei confundit quia sicut leges celi et terre diei et noctis in ordine suo immobiliter persistunt sic promissio Dei immobilis permanebit duas cognationes a Domino electas regalem et sacerdotalem tribum vel duas que fuerunt in Hierusalem et decem que fuerunt in Samaria possumus intelligere. Has elegit Dominus quando patribus eorum promisit terram fluentem lace et melle. Sed licet plurimi eorum in veritate erraverunt plerique tamen in fide recta et operatione bona probati inventi sunt quia ex ipsis apostoli et primitiva Ecclesia.||
Numérotation du verset Ier. 33,20 
hec dicit Dominus si irritum fieri potest pactum meum cum die et pactum meum cum nocte ut non sit dies et nox in tempore suo
marg.| marg.| HEC  DICIT  DOMINUS. Supra dixerat de creatione solis lune et stellarum et cursu earum quod earum leges mutari non possunt nunc similiter dicit pactum diei et noctis irritum non posse fieri neque pactum Domini cum David. Finito enim sacerdotio legali Christi regnum et sacerdotium in eternum manebit.||
Numérotation du verset Ier. 33,21 
et pactum meum irritum esse poterit cum David servo meo ut non sit ex eo filius qui regnet in throno eius et levite et sacerdotes ministri mei 
Numérotation du verset Ier. 33,22 
sicuti numerari non possunt stelle celi et metiri arena maris sic multiplicabo semen David servi mei
interl.| interl.| spiritale cuius summa soli Deo nota qui numerat multitudinem stellarum etc.||
et levitas ministros meos 
Numérotation du verset Ier. 33,23 
et factum est verbum Domini ad Ieremiam dicens 
Numérotation du verset Ier. 33,24 
numquid non vidisti quid populus
interl.| interl.| hostium||
hic locutus sit
interl.| interl.| insultando||
dicens due cognationes
interl.| interl.| sacerdotalis et regia vel Iudas et Israel||
interl.| interl.| quibus promiserat terram fluentem lacte et melle||
abiecte sunt
interl.| interl.| ex toto||
et populum meum despexerunt
#|hoc dicentes||
eo quod non sit ultra gens coram eis
interl.| interl.| reputatione ipsorum||
Numérotation du verset Ier. 33,25 
hec dicit Dominus si pactum meum inter diem et noctem et leges celo et terre non posui 
Numérotation du verset Ier. 33,26 
equidem et semen Iacob et David servi mei proiciam ut non assumam de semine eius principes seminis Abraham et Isaac et Iacob
interl.| interl.| de quibus dicitur nati sunt tibi filii constitues eos principes super omnem terram||
reducam enim conversionem eorum et miserebor eis 




Comment citer cette page ?
Glossa ordinaria (Ier. 33), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 16/09/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber34.xml&chapitre=34_33)