initiale_L

Glossae Scripturae Sacrae-electronicae (Gloss-e)


<34. Ieremias>

Capitulum 37

Numérotation du verset Ier. 37,1 
{t. 3 : Erfurt, f. 152ra ; facsim., p. 159a} [Rusch, f. 152ra ] et regnavit rex Sedechias filius Iosie pro Iechonia filio Ioachim quem constituit regem Nabuchodonosor rex Babylonis in terra Iuda
marg.|  ET  REGNAVIT etc. Quod Sedechias post Ioachim qui cognominatus est Iechonias regnavit undecim annis non solum Ieremie sed et Liber Regum et Paralypomenon narrant. Si quidem post Iosiam patrem eius regnavit Ioachaz tribus mensibus post quem Eliachim qui et Ioachim frater eius annis undecim post hunc quoque Ioachim filius Ioachim tribus mensibus et diebus decem et post eum Sedechias patruus eius annis undecim sed omnes iniqui fuerunt et idolatre et ideo perierunt.
Numérotation du verset Ier. 37,2 
et non obedivit ipse et servi eius et populus terre verbis Domini que locutus est in manu Ieremie prophete 
Numérotation du verset Ier. 37,3 
et misit rex Sedechias Iuchal filium Selemie et Sophoniam filium Maasie sacerdotem ad Ieremiam prophetam dicens ora pro nobis Dominum Deum nostrum
marg.|  ORA  PRO  NOBIS  DOMINUM etc. Quo Chaldei solverunt hanc obsidionem advenientibus Egyptiis Iosephus manifestat Vasfrem regem Egypti in auxilium venisse Iudeis dicens : itaque dum cognovisset hoc Babylonie rex movit castra adversus eum et afflicta provincia et munitiones eius diripiens ad ipsam Hierosolimorum civitatem obsidendam cum magno veniebat exercitu. Rex autem Egyptius audiens quia Sedechias eius amicus esset obsessus adepta virtute maxima bellatorum venit ad Iudeam quasi absoluturus obsidionem Babylonius autem recedens ab Hierosolimis occurrit Egyptiis quos omnes superatos prelio in fugam vertens de Syria exire coegit. Cumque discessisset Babyloniorum rex ab Hierosolimis deceperunt falsi prophete Sedechiam dicentes Babylonios non esse contra eum denuo pugnaturos sed reversuros scilicet qui in Babylonia captivi erant cum vasis Dei que rex abstulerat. Ieremias contraria et vera prophetavit.
Numérotation du verset Ier. 37,4 
Ieremias autem libere ambulabat in medio populi non enim miserant eum in custodiam carceris igitur exercitus pharao egressus est Egyptum et audientes Chaldei qui obsidebant Hierusalem huiuscemodi nuntium recesserunt ab Hierusalem 
Numérotation du verset Ier. 37,5 
et factum est verbum Domini ad Ieremiam prophetam dicens 
Numérotation du verset Ier. 37,6 
hec dicit Dominus Deus Israel sic dicetis regi Iuda qui misit vos ad me ad interrogandum ecce exercitus pharaonis qui egressus est vobis in auxilium revertetur in terram suam in Egyptum 
Numérotation du verset Ier. 37,7 
et redient Chaldei et bellabunt contra civitatem hanc et capient eam et incendent igni 
Numérotation du verset Ier. 37,8 
hec dicit Dominus nolite decipere animas vestras dicentes euntes abibunt et recedent a nobis Chaldei quia non abibunt 
Numérotation du verset Ier. 37,9 
sed et si percusseritis omnem exercitum Chaldeorum qui preliantur adversum vos et derelicti fuerint ex eis aliqui vulnerati singuli de tentorio suo consurgent et incendent civitatem hanc igni 
Numérotation du verset Ier. 37,10 
ergo cum recessisset exercitus Chaldeorum ab Hierusalem propter exercitum pharaonis 
Numérotation du verset Ier. 37,11 
egressus est Ieremias de Hierusalem ut iret in terram Beniamin et divideret ibi possessionem in conspectu civium 
Numérotation du verset Ier. 37,12 
cumque pervenisset {t. 3 : Erfurt, f. 152rb ; facsim., p. 159b} [Rusch, f. 152rb ] ad portam Beniamin erat ibi custos porte per vices nomine Hierias filius Selemie filii Ananie et apprehendit Ieremiam prophetam dicens ad Chaldeos profugis 
Numérotation du verset Ier. 37,13 
et respondit Ieremias falsum est non fugio ad Chaldeos et non audivit eum sed comprehendit Hierias Ieremiam et adduxit eum ad principes 
Numérotation du verset Ier. 37,14 
quam ob rem irati principes contra Ieremiam cesum eum miserunt in carcerem qui erat in domo Ionathan scribe ipse enim prepositus erat super carcerem
marg.|  QUAMOBREM etc. Rabanus MaurusRABANUS. Frustra excusant Sedechiam quasi non sponte sed coactus violentia populi et rogatu principum Ieremiam in carcerem miserit illud ad confimationem opinionis inducentes quod pio affectu in necessitate famis iusserit ei dari cybaria cum ille qui infidelis et Deo contrarius fuit homini fidem servare non potuerit patet enim in operibus eius quod nec in Dei timore nec in proximi dilectione aliquid Deo gratum egerit et ideo iuste peccatorum suorum vindictam passus sit.
Numérotation du verset Ier. 37,15 
itaque ingressus est Ieremias in domum laci et in ergastula et sedit ibi Ieremias diebus multis 
Numérotation du verset Ier. 37,16 
mittens autem rex Sedechias tulit eum et interrogavit in domo sua abscondite et dixit putasne est sermo a Domino et dixit Ieremias est et ait in manu regis Babylonis traderis 
Numérotation du verset Ier. 37,17 
et dixit Ieremias ad regem Sedechiam quid peccavi tibi et servis tuis et populo tuo quia misisti me in domum carceris 
Numérotation du verset Ier. 37,18 
ubi sunt prophete vestri qui prophetabant vobis et dicebant non veniet rex Babylonis super vos et super terram hanc 
Numérotation du verset Ier. 37,19 
nunc ergo audi obsecro domine mi rex valeat deprecatio mea in conspectu tuo et ne me remittas in domum Ionathan scribe ne moriar ibi 
Numérotation du verset Ier. 37,20 
precepit ergo rex Sedechias ut traderetur Ieremias in vestibulo carceris et daretur ei torta panis quotidie excepto pulmento donec consumerentur omnes panes de civitate et mansit Ieremias in vestibulo carceris 




Comment citer cette page ?
Glossa ordinaria (Ier. 37), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 24/06/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber34.xml&chapitre=34_37)