initiale_L

Glossae Scripturae Sacrae-electronicae (Gloss-e)


<40. Osee**>

<40.1> Incipit prologus in librum Osee prophete

prol.  {t. 3 : Erfurt, f. 249ra ; facsim., p. 353a} [Rusch, f. 249ra ] Temporibus Ozie et Ioathe, Achaz et Ezechie regum Iuda et Ieroboam - filii Iohe regis, Osee filius Beeri ad prophetiam dicendam Spiritu sancto repletus est. De memorato itaque numero regum, Achaz rex Iuda et Ieroboam rex Israel, Dominum derelinquentes, ut historie Regum et Paralipomenon indicant, etiam Israel idololatrie crimen imperio ac potestate sua admittere {t. 3 : Erfurt, f. 249rb ; facsim., p. 353b} [Rusch, f. 249rb ] coegerunt. Propter quod Deus ad Osee hec locutus est dicens : Accipe tibi uxorem fornicariam sive fornicationum10  et fac11  filios fornicationis. Fornicariam itaque, non electione12  corporis meretricem sed gentilem Deum ignorantem appellat, que Dei creatoris sui amore contempto, simulacrorum se subiecit13  desideriis. Sed cum Dei precepto propheta in hac re paruisset, conceptum ex ea filium Iezrael precepit14  nominare, Deo pollicente, post breve tempus sanguinem Iezrael in domo Iehu vindicare. Cuius promissionis hec causa est : Iehu per Eliseum in regem inuncto ad defendendum sanguinem Naboth civis Iezrael, que tunc temporis metropolis erat, quem Iezabel Achab15  regis Israel uxor interemerat16  , sicut Regum historia exponit, is17  cum graviter iuxta divinum preceptum vindicandi sanguinis causa in omnem memorati domum desevisset, hoc peracto Dominum dereliquisse invenitur. Cuius pronepote Ieroboam, qui lectione comprehensus est, originis sue facta imitante ac contra Dei precepta et religionem cum populo18  Israel agente, sanguis Naboth, qui in loco certe19  Iezrael fuerat profusus, in domo Iehu patris memorati Ieroboe propter peccatum20  redundaturus significatur. Hinc factum est ut ira Dei in populo Israel per denuntiationem prophete processura diceretur21  . Domui autem Iude22  misericordia lectione comprehensa ob hoc promissa est, quia Ezechias rex Iude filius Achaz23  , sublatis idolis, que tam pater eius quam ceteri reges consecraverunt, templum Dei purgasse ac purificasse monstratur.24  25 

1 Incipit... prophete Rusch] Item secundus prologus [in XIIProph.] Ro1082 | 2 regum Iuda et Ieroboam] om. CCCM219 | 3 Iohe R1082 Rusch CCCM219 Bruyne (T=Sankt Gallen, Stiftsbibliothek, 238)] Ioas Bruyne | 4 regis] + Israhel R1082 Bruyne CCCM219 | 5 Cf. 4Rg. 16 ; 2Par. 28. | 6 Ieroboam I ; cf. 3Rg. 11, 26-14, 20, praesertim 3Rg. 15, 30.34 ; 3Rg. 16, 2.19.26.31 ; 4Rg. 3, 3 ; 10, 29.31, etc. ; Sir. 47, 29. | 7 Dominum Rusch CCCM219] Deum Bruyne | 8 etiam Bruyne (T) Rusch CCCM219] + in Bruyne | 9 hec Rusch Bruyne] om. CCCM219 | 10 sive fornicationum Bruyne (T) Rusch CCCM219] om. Bruyne | 11 fac Bruyne (Tb) Rusch CCCM219] + tibi Bruyne | 12 electione sic Rusch] elocata Bruyne (T), elocati Bruyne CCCM219 | 13 subiecit Rusch CCCM219] subiecerat Bruyne | 14 precepit Bruyne (M) Rusch CCCM219] precepitur Bruyne | 15 Achab Rusch Bruyne CCCM219] om. CCCM219 | 16 interemerat Rusch Bruyne] –rimerat CCCM219 | 17 is] hiis CCCM219, his Bruyne (TR) | 18 populo Rusch CCCM219] populi Bruyne | 19 certe Bruyne (M) Rusch CCCM219] certo Bruyne | 20 peccatum Rusch CCCM219] peccata Bruyne | 21 diceretur Bruyne Rusch CCCM219] <diceretur> CCCM219 | 22 IuBruyne (M) Rusch CCCM219] Iuda Bruyne | 23 Achaz Bruyne (R²) Rusch CCCM219Rusch CCCM219] Achab codd. Bruyne | 24 Codd. : Rusch Bruyne CCCM219 ; non percontuli : Ro1082 To100 | 25 Hieronymus (pseudo), Prologus in Osee propheta, ed. De Bruyne, Préfaces, XI : Prophetae minores, n° 6. Cf. A. T. Sulavik, Guillelmus de Luxi [1267-1275 c.]. In Osee expositio propheta, CCCM 219, p. 148.1-148.23. Cf. Repertorium biblicum, n° 507 et 11252. Cf. M. C. Diaz y Diaz, Index scriptorum latinorum Medii Aevi Hispanorum, t. 1, 1958, p. 16, n. 58. |




Comment citer cette page ?
Glossa ordinaria (Os. ), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 15/07/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber40.xml&chapitre=40_)