<03. Genesis>

Capitulum 38

Numérotation du verset Gn. 38,1

Eo tempore descendens Iudas a fratribus suis divertit ad virum Odollamitem ^{{t. 1 : Erfurt, f. 44vb ; facsim., p. 90b}
[Rusch, f. 44vb ]} nomine Hiram.

Numérotation du verset Gn. 38,2

Viditque ibi filiam hominis Chananei vocabulo Sue et uxore accepta ingressus est ad eam.

Numérotation du verset Gn. 38,3

Que concepit et peperit filium vocavitque nomen eius Her.

Numérotation du verset Gn. 38,4

Rursum concepto fetu natum filium nominavit Onam.

Numérotation du verset Gn. 38,5

Tertium quoque peperit quem appellavit Sela quo nato parere ultra cessavit.

Numérotation du verset Gn. 38,6

Dedit autem Iudas uxorem primogenito suo Her nomine Thamar.

Numérotation du verset Gn. 38,7

Fuit quoque¹ Her primogenitus Iude nequam in conspectu Domini et ideo² ab eo occisus est.

¹ Fuit quoque] Fuitque Weber ² ideo] om. Weber

Numérotation du verset Gn. 38,8

Dixit ergo Iudas ad Onam filium suum : ingredere ad uxorem fratris tui et sociare illi ut suscites semen fratri tuo.

Numérotation du verset Gn. 38,9

Ille, sciens non sibi nasci filios, introiens ad uxorem fratris sui semen fundebat in ^{{t. 1 : Erfurt, f. 45ra ; facsim., p. 91a}
[Rusch, f. 45ra ]} terram ne liberi fratris nomine nascerentur.

Numérotation du verset Gn. 38,10

Et idcirco percussit eum Dominus eo³ quod rem detestabilem faceret.

³ eo] om. Weber

Numérotation du verset Gn. 38,11

Quam ob rem dixit Iudas Thamar nurui sue : esto vidua in domo patris tui donec crescat Sela filius meus. Timebat enim ne et ipse moreretur sicut fratres eius. Que abiit et habitavit in domo patris sui.

Numérotation du verset Gn. 38,12

Evolutis autem multis diebus mortua est⁴ Sue uxor Iude. Qui post luctum consolatione suscepta ascendebat ad tonsores ovium suarum, ipse et Hiras⁵ opilio gregis Odollamita in Thamnas.

⁴ est] + filia Weber ⁵ Hiras] sic Rusch plerique codd. pro Hiram

Numérotation du verset Gn. 38,13

Nuntiatumque est Thamar quod socer illius ascenderet in Thamnas ad tondendas oves.

Numérotation du verset Gn. 38,14

Que depositis viduitatis vestibus assumpsit theristrum et mutato habitu sedit in bivio itineris quod ducit Thamnam eo quod crevisset Sela et non eum accepisset maritum.

Numérotation du verset Gn. 38,15

Quam cum vidisset Iudas suspicatus est esse meretricem. Operuerat enim vultum suum ne agnosceretur⁶.

⁶ agnosceretur] cognosceretur Weber

Numérotation du verset Gn. 38,16

Ingrediensque ad eam ait : dimitte me ut coeam tecum. Nesciebat enim quod nurus sua esset. Qua respondente : quid dabis mihi⁷ ut fruaris concubitu meo ?

⁷ d. m.] inv Weber

Numérotation du verset Gn. 38,17

Dixit : mittam tibi hedum de gregibus. Rursum illa dicente : patiar quod vis si dederis mihi arrabonem ^{{t. 1 : Erfurt, f. 45rb ; facsim., p. 91b}
[Rusch, f. 45rb ]} donec mittas quod polliceris.

Numérotation du verset Gn. 38,18

Ait Iudas : quid vis tibi pro arrabone dari ? Respondit annulum tuum et armillam et baculum quem manu tenes. Ad unum igitur coitum concepit mulier

Numérotation du verset Gn. 38,19

et surgens abiit. Depositoque habitu quem assumpserat induta est viduitatis vestibus.

Numérotation du verset Gn. 38,20

Misit autem Iudas hedum per pastorem suum Odollamitem ut reciperet pignus quod dederat mulieri. Qui cum non invenisset eam

Numérotation du verset Gn. 38,21

interrogavit homines loci illius : ubi est mulier que sedebat in bivio ? Respondentibus cunctis non fuit in loco isto meretrix.

Numérotation du verset Gn. 38,22

Reversus est ad Iudam et dixit ei : non inveni eam sed et homines loci illius dixerunt mihi numquam ibi sedisse scortum.

Numérotation du verset Gn. 38,23

Ait Iudas : habeat sibi ; certe mendacii nos arguere non poterit. Ego misi hedum quem promiseram et tu non invenisti eam.

Numérotation du verset Gn. 38,24

Ecce autem post tres menses nuntiaverunt Iude dicentes : fornicata est Thamar nurus tua et videtur uterus eius⁸ intumescere. Dixit Iudas :

^interl.| qui hic Iudaicum populum significat, iniuste condemnantem Christianorum fidem.

⁸ eius] illius Weber

producite eam ut conburatur.

Numérotation du verset Gn. 38,25

Que cum educeretur ad penam misit ad socerum suum dicens : de viro cuius hec sunt concepi cognosce cuius sit annulus et armilla et baculus.

^interl.| Accusata a Iudeis, Ecclesia ostendit in se esse completa legis et prophetarum sacramenta ; quibus comprobatis, liberatur ab infamia.

Numérotation du verset Gn. 38,26

Qui agnitis ^{{t. 1 : Erfurt, f. 45va ; facsim., p. 92a}
[Rusch, f. 45va ]} muneribus ait : iustior me est quia non tradidi eam Sela filio meo. Attamen ultra non cognovit illam.

Numérotation du verset Gn. 38,27

Instante autem partu apparuerunt gemini in utero atque in ipsa effusione infantum unus protulit manum in qua obstetrix ligavit coccinum dicens :

Numérotation du verset Gn. 38,28

iste egreditur prior.

Numérotation du verset Gn. 38,29

Illo vero retrahente manum egressus est alter ; dixitque mulier : quare divisa est propter te maceria ? Et ob hanc causam vocavit nomen eius Phares.

^interl.| divisio

Numérotation du verset Gn. 38,30

Postea egressus est frater eius⁹ in cuius manu erat coccinum quem appellavit Zaram¹⁰.

⁹ eius] om. Weber ¹⁰ Zaram] Zara Weber

Comment citer cette page ?
Glossa ordinaria (Gn. 38), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 20/02/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber03.xml&chapitre=03_38)

Signaler un complément d'information