<03. Genesis*>

Capitulum 9

Numérotation du verset Gn. 9,1

Benedixitque Deus Noe et filiis eius et dixit ad eos : Crescite et multiplicamini et replete¹ terram.

¹ replete ∑^oΩ^SJ Rusch Clementina] implete Weber

Numérotation du verset Gn. 9,2

Et terror ac tremor vester² sit supra³ cuncta animalia terre et super omnes volucres celi cum universis que moventur in terra. Omnes pisces maris manui vestre traditi sunt

² ac tremor – vester Rusch] inv. Weber ³ supra Rusch] super Weber

Numérotation du verset Gn. 9,3

et omne quod movetur et vivit erit vobis in cibum. Quasi olera virentia tradidi vobis omnia

Numérotation du verset Gn. 9,4

excepto quod carnem cum sanguine non comedetis.

Numérotation du verset Gn. 9,5

Sanguinem enim animarum vestrarum requiram de manu cunctarum bestiarum et de manu hominis, de manu viri et fratris eius, requiram animam hominis.

Numérotation du verset Gn. 9,6

Quicumque fuderit⁴ sanguinem humanum⁵ fundetur sanguis illius. Ad imaginem quippe Dei factus est homo.

⁴ fuderit Rusch] effuderit Weber ⁵ sanguinem humanum Rusch] inv. Weber

Numérotation du verset Gn. 9,7

Vos autem crescite et multiplicamini et ingredimini super terram et implete eam.

Numérotation du verset Gn. 9,8

Hec quoque dixit Deus ad Noe et ad filios eius cum eo :

Numérotation du verset Gn. 9,9

Ecce ego statuam pactum meum vobiscum et cum semine vestro post vos

Numérotation du verset Gn. 9,10

et ad omnem animam viventem que est vobiscum tam in volucribus quam ^{{t. 1 : Erfurt, f. 19vb; facsim., p. 40b}
[Rusch, f. 19vb]} in iumentis et pecudibus terre cunctisque⁶ que egressa sunt de arca et universis bestiis terre.

⁶ cunctisque Rusch] cunctis Weber

Numérotation du verset Gn. 9,11

Statuam pactum meum vobiscum et nequaquam ultra interficietur omnis caro aquis diluvii neque erit deinceps diluvium dissipans omnem⁷ terram.

⁷ omnem Rusch] om. Weber

Numérotation du verset Gn. 9,12

Dixitque Deus : Hoc signum federis quod do inter me et vos et ad omnem animam viventem que est vobiscum in generationes sempiternas.

Numérotation du verset Gn. 9,13

Arcum meum ponam in nubibus et erit signum federis inter me et inter terram.

Numérotation du verset Gn. 9,14

Cumque obduxero nubibus celum, apparebit arcus meus in nubibus

Numérotation du verset Gn. 9,15

et recordabor federis mei vobiscum et cum omni anima vivente que carnem vegetat. Et non erunt ultra aque diluvii ad delendam universam carnem.

Numérotation du verset Gn. 9,16

Eritque arcus meus⁸ in nubibus et videbo illum et recordabor federis sempiterni quod pactum est inter Deum et⁹ animam viventem universe carnis que est super terram.

⁸ meus Rusch] om. Weber ⁹ et Rusch] + inter omnem Weber

Numérotation du verset Gn. 9,17

Dixitque Dominus ad¹⁰ Noe : Hoc erit signum federis quod constitui inter me et¹¹ omnem carnem super terram.

¹⁰ Dominus ad Rusch] Deus (ad) Weber ¹¹ et Rusch] + inter Weber

Numérotation du verset Gn. 9,18

Erant igitur filii Noe qui egressi sunt de arca Sem, Cham et Iaphet. Porro Cham ipse est pater Chanaan.

Numérotation du verset Gn. 9,19

Tres isti sunt filii Noe et ab his disseminatum est omne genus humanum¹² super universam terram.

¹² genus humanum Rusch] hominum genus Weber

Numérotation du verset Gn. 9,20

Cepit¹³ autem¹⁴ Noe, vir agricola, exercere terram et plantavit vineam.

¹³ cepit Rusch] cepitque Weber ¹⁴ autem Rusch] om. Weber

Numérotation du verset Gn. 9,21

Et bibens¹⁵ vinum ^{{t. 1 : Erfurt, f. 20ra; facsim., p. 41a}
[Rusch, f. 20ra]} inebriatus est et nudatus iacuit¹⁶ in tabernaculo suo .

¹⁵ et bibens Rusch] bibensque Weber ¹⁶ iacuit C² Λ X Σ B Ψ^B Ω^S Ed1455 Rusch] est G O Θ^M* Ψ^F Ω^M Edmaior. ; om. C* Π A T M Φ Θ^AM2 P Ψ^DM Ω^J Clementina Weber

Numérotation du verset Gn. 9,22

Quod cum vidisset Cham pater Chanaan verenda¹⁷ patris sui esse nuda nuntiavit duobus fratribus suis¹⁸.

¹⁷ verenda Rusch] + scilicet Weber ¹⁸ suis Rusch] + foras Weber

Numérotation du verset Gn. 9,23

At vero Sem et Iaphet pallium imposuerunt humeris suis et incedentes retrorsum operuerunt verenda¹⁹ patris sui. Faciesque eorum averse erant et patris virilia non viderunt.

¹⁹ verenda Rusch] verecunda Weber

Numérotation du verset Gn. 9,24

Evigilans autem Noe ex vino, cum didicisset que fecerat ei filius suus minor

Numérotation du verset Gn. 9,25

ait : Maledictus Chanaan puer²⁰. Servus servorum erit fratribus suis.

²⁰ puer Ω^M Rusch] om. Weber

Numérotation du verset Gn. 9,26

Dixitque : Benedictus²¹ Deus Sem sit, Chanaan servus eius.

²¹ benedictus Rusch] + Dominus Weber

Numérotation du verset Gn. 9,27

Dilatet Deus Iaphet et habitet in tabernaculis Sem sitque Chanaan servus eius.

Numérotation du verset Gn. 9,28

Vixit autem Noe post diluvium trecentis quinquaginta annis

Numérotation du verset Gn. 9,29

et impleti sunt omnes dies eius nongentorum ^{{t. 1 : Erfurt, f. 20rb; facsim., p. 41b}
[Rusch, f. 20rb]} quinquaginta annorum et mortuus est.

Comment citer cette page ?
Glossa ordinaria (Gn. 9), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 22/10/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber03.xml&chapitre=03_9)

Signaler un complément d'information