initiale_L

Glossae Scripturae Sacrae-electronicae (Gloss-e)


<06. Numeri*>

Capitulum 20

Numérotation du verset Nm. 20,1 
Veneruntque filii Israel et omnis multitudo in desertum Sin mense primo et mansit populus in Cades mortuaque est ibi Maria et sepulta in eodem loco
marg.| marg.|  VENERUNTQUE  FILII, etc.  ISIDORUS. Tricesima tercia mansio est in deserto Syn, hec est Cades. Sin autem interpretatur sancta, per antifrasim sicut dicitur lucus cum minime luceat vel bellum cum sit horridum. In hac mansione moritur Maria et sepelitur {t. 1 : Erfurt, f. 162rb ; facsim., p. 323b} [Rusch, f.  162rb ] que significat prophetiam mortuam, sicut Moyses et Aaron legis et sacerdotii finem qui non valent ad terram promissionis pervenire nec populum de solitudine huius mundi deducere quod facit solus Christus, id est Salvator Dei filius.||
Numérotation du verset Nm. 20,2 
cumque indigeret aqua populus coierunt adversum Moysen et Aaron
Numérotation du verset Nm. 20,3 
et versi in seditionem dixerunt utinam perissemus inter fratres nostros coram Domino
Numérotation du verset Nm. 20,4 
cur eduxistis ecclesiam Domini in solitudinem ut et nos et nostra iumenta moriantur
Numérotation du verset Nm. 20,5 
quare nos fecistis ascendere de Egypto et adduxistis {t. 1 : Erfurt, f. 162rb ; facsim., p. 323b} [Rusch, f.  162rb ] in locum istum pessimum qui seri non potest qui nec ficum gignit nec vineas nec mala granata. Insuper et aquam non habet ad bibendum
Numérotation du verset Nm. 20,6 
ingressusque Moyses et Aaron dimissa multitudine tabernaculum federis corruerunt proni in terram et apparuit gloria Domini super eos
Numérotation du verset Nm. 20,7 
locutusque est Dominus ad Moysen dicens :
Numérotation du verset Nm. 20,8 
Tolle virgam et congrega populum tu et Aaron frater tuus et loquimini ad petram coram eis et illa dabit aquas. Cumque eduxeris aquam de petra, bibet omnis multitudo et iumenta eius.

congrega] congega cacogr. Rusch
Numérotation du verset Nm. 20,9 
Tulit igitur Moyses virgam que erat in conspectu Domini sicut preceperat ei
Numérotation du verset Nm. 20,10 
congregata multitudine ante petram dixitque eis audite rebelles et increduli num de petra hac vobis aquam poterimus eicere
Numérotation du verset Nm. 20,11 
cumque elevasset Moyses
interl.| interl.| Iudeus sub lege Moysi positus||
manum percutiens virga
interl.| interl.| ligno crucis affigens||
marg.| marg.|  PERCUTIENS  VIRGA. AUGUSTINUS. Quod petra aqua educta est Apostolus exposuit dicens : « Et omnis eundem potum spiritalem biberunt, bibebant enim de spiritali consequenti eos petra ; petra autem erat Christus ». Significata ergo de Christo profluens gratia spiritalis que interior irragatur sitis. Sed quod virga petra percutitur, crux Christi figuratur, ligno enim accedente ad petram gratia manavit et quod bis percutitur evidentius significat crucem. Duo enim ligna sunt crux. ||

1 Cor. 10, 4.
bis
interl.| interl.| propter duo ligna eiusdem crucis||
silicem
interl.| interl.| Christum||
egresse sunt aque
interl.| interl.| spiritalis gratie||
largissime ita ut et populus biberet et iumenta
Numérotation du verset Nm. 20,12 
dixitque Dominus ad Moysen et Aaron quia non credidistis mihi ut sanctificaretis me coram filiis Israel non introducetis hos populos in terram quam dabo eis
marg.| marg.|  QUIA  NON  CREDIDISTIS.  ISIDORUS. Hic Moyses Dominum ostendit et prohibetur Iordanem transire, turbatus enim murmure populi dubitanter petram virga percussit, quasi non posset Deus aquam de petra educere, quod fecerat ante. Hic Moyses iudaicum populum sub lege positum significat. Nam sicut Moyses petram virga percutiens de Dei virtute dubitavit, ita ille populus sub lege per Moysen data positus Christum ligno crucis affixit, sed eum Dei virtutem esse non credidit. Sed sicut percussa petra manavit aqua sitientibus sic plaga dominice passionis effecta est vita credentibus. Hanc ergo carnalem de Dei divinitate dubitationem in ipsius Christi altitudine Deus mori iubet cum mortem carnis Moysi in monte precipit fieri. Sicut enim petra Christus ita et mons, Christus petra humilis fortitudo, mons eminens magnitudo. Prudentia enim carnis vivit, cum tamquam petra percussa Christi humilitas in cruce contemnitur, Christus enim crucifixus, iudeis scandalum gentibus autem stulticia. Prudentia carnis moritur cum tanquam montis eminentia Christus excelsus agnoscitur. Ipsis enim vocatis iudeis et grecis Christus Dei virtus et Dei sapientia est. ||
Numérotation du verset Nm. 20,13 
hec est aqua Contradictionis ubi {t. 1 : Erfurt, f. 162va ; facsim., p. 324a} [Rusch, f.  162va ] iurgati sunt filii Israel contra Dominum et sanctificatus est in eis
marg.| marg.|  HEC est  AQUA, etc. AUGUSTINUS. Quod de aqua illa dictum est que de Petra {t. 1 : Erfurt, f. 162va ; facsim., p. 324a} [Rusch, f.  162va ] profluxit. Hec est  aqua contradictionis quia maledixerunt filii Israel ante Dominum et sanctificatus est in ipsis. Prius maledixerunt quando locuti sunt contra beneficium Dei, quo educti erant de Egypto et postea sanctificatus est in ipsis, cum in miraculo eius sanctitas declarata est. An forte duo genera hominum demonstravit contradicentium gratie Christi et percipientium ut illis sit  aqua contradictionis. De ipso enim dicitur : « in signum cui contradicetur ». ||

Lc. 2, 34.
Numérotation du verset Nm. 20,14 
misit interea nuntios Moyses de Cades ad regem Edom qui dicerent hec mandat frater tuus Israel nosti omnem laborem qui apprehendit nos
Numérotation du verset Nm. 20,15 
quomodo descenderint patres nostri in Egyptum et habitaverimus ibi multo tempore afflixerintque nos Egyptii et patres nostros
Numérotation du verset Nm. 20,16 
et quomodo clamaverimus ad Dominum et exaudierit nos miseritque angelum qui eduxerit nos de Egypto ecce in urbe Cades que est in extremis finibus tuis positi
Numérotation du verset Nm. 20,17 
obsecramus ut nobis transire liceat per terram tuam non ibimus per agros nec per vineas nec bibemus aquas de puteis tuis
interl.| interl.| gratis scilicet, sed : precium dabimus ; quod declarat in sequentibus.||

nec Rusch] non Weber
sed gradiemur via publica nec ad dexteram nec ad sinistram declinantes donec transeamus terminos tuos
Numérotation du verset Nm. 20,18 
cui respondit Edom non transibis per me alioquin armatus occurram tibi
Numérotation du verset Nm. 20,19 
dixeruntque filii Israel per tritam gradiemur viam et si biberimus aquas tuas nos et pecora nostra dabimus quod iustum est nulla erit in pretio difficultas tantum velociter transeamus
Numérotation du verset Nm. 20,20 
at ille respondit non transibis statimque egressus est obvius cum infinita multitudine et manu forti
Numérotation du verset Nm. 20,21 
nec voluit acquiescere deprecanti ut concederet transitum per fines suos quam ob rem divertit ab eo Israel
Numérotation du verset Nm. 20,22 
cumque castra movissent de Cades venerunt in montem Or qui est in finibus terre Edom
marg.| marg.| IN MONTEM  HOR. Tricesimaquarta mansio est  in monte Hor in extremis finibus Edom in quem ascendit Aaron iuxta preceptum Domini. Et mortuus est anno quadragesimo egressionis Israel de Egypto, scilicet quo novus populus terram promissionis intraturus erat. Et quamquam in monte sacerdotium Eleazaro filio reliquerit et lex eos quo eam impleverint ad summum perducat. Ipsa tamen sublimitas non est trans Iordanem, sed in extremis terrenorum operum finibus. Et plangit eum populus triginta diebus, Aaron plangitur, Hiesus vero non plangitur. In lege descensus ad inferos, in Evangelio ad Paradisum ascensus. ||
Numérotation du verset Nm. 20,23 
ubi locutus est Dominus ad Moysen
Numérotation du verset Nm. 20,24 
pergat {t. 1 : Erfurt, f. 162vb ; facsim., p. 324b} [Rusch, f.  162vb ] inquit Aaron ad populos suos non enim intrabit terram quam dedi filiis Israel eo quod incredulus fuerit ori meo ad aquas Contradictionis
Numérotation du verset Nm. 20,25 
tolle Aaron et filium eius cum eo et duces eos in montem Or
Numérotation du verset Nm. 20,26 
cumque nudaveris patrem veste sua indues ea Eleazarum filium eius et Aaron colligetur et morietur ibi
Numérotation du verset Nm. 20,27 
fecit Moyses ut preceperat Dominus et ascenderunt in montem Or coram omni multitudine
Numérotation du verset Nm. 20,28 
cumque Aaron spoliasset vestibus suis induit eis Eleazarum filium eius
Numérotation du verset Nm. 20,29 
illo mortuo in montis supercilio descendit cum Eleazaro
Numérotation du verset Nm. 20,30 
omnis autem multitudo videns occubuisse Aaron flevit super eo triginta diebus per cunctas familias suas




Comment citer cette page ?
Glossa ordinaria (Nm. 20), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 15/10/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber06.xml&chapitre=06_20)