initiale_L

Glossae Scripturae Sacrae-electronicae (Gloss-e)


<37. Ezechiel>

<37.1> Incipit prologus in Ezechielem prophetam

prol.|  {t. 3 : Erfurt, f. 183ra ; facsim., p. 221a} [Rusch, f. 183ra ] Ezechiel propheta, cum Ioachim rege Iuda captivus ductus est in Babylonem, ibique his qui cum eo captivi fuerant prophetavit, penitentibus quod ad Ieremie vaticinium se ultro adversariis tradidissent et viderent adhuc urbem Hierosolymam stare, quam ille casuram esse predixerat. Tricesimo autem etatis sue anno et captivitatis quinto, exorsus est ad concaptivos loqui. Et eodem tempore, licet posterior, hic in Chaldea, Ieremias in Iudea prophetaverunt. Sermo eius nec satis disertus nec admodum rusticus est, sed ex utroque medie temperatus. Sacerdos et ipse fuit sicut Ieremias, principia voluminis et finem magnis habens obscuritatibus involuta. Sed et vulgata eius editio non multum distat ab hebraico. Unde satis miror quid cause extiterit, ut si eosdem in universis libris habemus interpretes, in aliis eadem, in aliis diversa transtulerint. Legite igitur et hunc iuxta translationem nostram quoniam, per cola scriptus et comata, manifestiorem legentibus sensum tribuit. Si autem amici mei et hunc subsannaverint, dicite eis quod nemo eos compellat ut scribant. Sed vereor ne illud eis eveniat, quod grece significantius dicitur, ut vocentur phagolidoroi quod est manducantes senecias. .10 

1 Iuda] Iudae Weber | 2 captivi] capti PL28 Weber | 3 et ipse fuit sicut] + et PL28, et ipse sicut et Weber | 4 Unde] + non Clementina | 5 quoniam] scrips. cum Clementina, qm (quantum ?} Rusch, quia PL28 Weber | 6 legentibus sensum] inv. Weber | 7 phagoloidoroi] scrips., φαγο Λ οίδοροι PL28 Weber, fagolidori Rusch | 8 quod est… senecias Rusch] hoc est manducantes (A, manducans cett.) senecias Weber (A O M Φ), quod est manducantes sannas Clementina, id est manducantes sannas PL28, om. Weber | 9 Prologus in Ezechielem, Edminor., p. 1266 [CPL 0591 F (A)]. | 10 Codd. : PL28, 937D-940A, Rusch Weber, p. 1266 |




Comment citer cette page ?
Glossa ordinaria (Ez. ), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 19/09/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber37.xml&chapitre=37_)