initiale_L

Glossae Scripturae Sacrae-electronicae (Gloss-e)


<37. Ezechiel>

Capitulum 15

Numérotation du verset Ez. 15,1 
{t. 3 : Erfurt, f. 1# ; facsim., p. 2#} [Rusch, f. 1# ] et factus est sermo Domini ad me dicens
Numérotation du verset Ez. 15,2 
fili hominis quid fiet ligno vitis
interl.| interl.| variis similitudinibus eversio Urbis prefiguratur||
ex omnibus lignis nemorum que sunt inter ligna silvarum
marg.| marg.| QUI  FIET  LIGNO  VITIS. Vinea Domini Sabaoth domus Israel est de qua in Ysaia plantavi vineam soreth id est pulcram et electam hac vinea dum fructificat nihil in omnibus lignis preciosius alioquin cum radice et propaginibus igni traditur. Alia autem ligna etiam succisa aliquam habent utilitatem.||
marg.| marg.| Hieronymus HIERONIMUS. Simile in evangelio : Si sal infatuatum fuerit etc. et oculus qui totum corpus illuminat si fuerit excecatus audit a Domino : si lumen quod in te est tenebre sunt ipse tenebre quanta erunt ? Comparatione enim prevaricatoris et eius qui prius confessum negat Deum lovor est pena eorum qui nunquam Deum cognoverunt. Ligna autem silvarum secundum varietatem credentium in domo Dei habent aliquam utilitatem in qua non solum sunt vasa aurea et argentea sed et lignea et fictilia.||
marg.| marg.| Hieronymus HIERONIMUS. Possumus vineam et Hierusalem accipere credentium multitudinem que si pristine religionis culturam amiserit nec fruges virtutum fecerit nec vinum quod letificat cor hominis attulerit eternis ignibus tradetur et in nihilum reputabitur. Servus enim qui scit voluntatem domini sui et non facit vapulabit multis. Simile in evangelio dicitur : ego sum vitis vera et Pater meus agricola est. Omnis palmes qui manet in me et non facit fructum tollet eum et qui affert fructum purgabit eum ut fructum plus afferat. Si salvator vitis est et nos palmites et Pater agricola dum precepta Dei servamus semper extollimur et cultura nostra purgatio est. Non est enim volentis neque currentis sed miserentis Dei. Quia si afferentes fructum purgamur a Patre ut plus afferamus ostenditur quia ad finem et fructum plenitudinis perveniemus adiutorio Dei. Palmes qui non facit fructum tollitur a Patre sed quid post Deo fiat scriptura non dicit. Forte enim separatio a corpore Christi perpetuus est interitus.||
Numérotation du verset Ez. 15,3 
numquid tolletur de ea
interl.| interl.| vite||
lignum ut fiat opus aut fabricabitur de ea paxillus ut dependeat in eo quodcumque vas
Numérotation du verset Ez. 15,4 
ecce igni datum est in escam utramque partem eius consumpsit ignis
interl.| interl.| cum malleoli exciduntur utranque #partem eorum||
et medietas eius redacta est in favillam numquid utile erit ad opus
interl.| interl.| combustum||
Numérotation du verset Ez. 15,5 
etiam cum esset integrum non erat aptum ad opus quanto magis cum ignis illud devoraverit et combusserit
interl.| interl.| vel consumpserit||
nihil ex eo fiet operis
Numérotation du verset Ez. 15,6 
propterea hec dicit Dominus Deus quomodo lignum vitis inter ligna silvarum quod dedi igni ad devorandum sic tradidi habitatores Hierusalem
Numérotation du verset Ez. 15,7 
et ponam faciem meam
interl.| interl.| Septuaginta : obfirmabo||
in eos de igne egredientur
interl.| interl.| incense urbis||
et ignis
interl.| interl.| hostilis gladius||
consumet eos
interl.| interl.| qui evaserunt||
et scietis quia ego Dominus
interl.| interl.| qui evaseritis a pondere miseriarum||
cum posuero faciem meam in eos
Numérotation du verset Ez. 15,8 
et dedero terram inviam et desolatam
interl.| interl.| in eternam scilicet solitudinem||
eo quod prevaricatores extiterint dicit Dominus Deus
interl.| interl.| aliud est enim contemnere quod ignores aliud negligere quod colueris||




Comment citer cette page ?
Glossa ordinaria (Ez. 15), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 16/09/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber37.xml&chapitre=37_15)