initiale_L

Glossae Scripturae Sacrae-electronicae (Gloss-e)


<37. Ezechiel>

Capitulum 19

Numérotation du verset Ez. 19,1 
{t. 3 : Erfurt, f. 1# ; facsim., p. 2#} [Rusch, f. 1# ] et tu assume planctum super principes Israel
interl.| interl.| omnes scilicet qui de stirpe Iosei generati sunt ||
marg.| marg.| ASSUME  PLANCTUM. Captivitate vicina propheta non tam vaticinatur futura quam narrat preterita. Post sextum enim Sedechie regis annum statim in sequentibus legimus. Et factum est in anno septimo.||
Numérotation du verset Ez. 19,2 
et dices quare mater tua
interl.| interl.| Hierusalem||
leena inter leones
interl.| interl.| methaphorice omnia||
cubavit in medio leunculorum enutrivit catulos suos
Numérotation du verset Ez. 19,3 
et eduxit unum de leunculis suis leo factus est et didicit capere predam hominemque comedere
marg.| marg.| UNUM DE  LEUNCULIS. Ioachaz scilicet filium IosieNechao pharao duxit in Egyptum et substituit Ioachim cui Iechonias filius successit qui cum matre et optimatibus civitatis a Nabuchodonosor ductus est in Babylonem de quo natus est Salathiel pater Zorobabel.||
marg.| marg.| LEO  FACTUS  EST. Hieronymus HIERONIMUS. Hec iam facta fuerant cum propheta dicebat. Postquam enim Hierusalem eduxit Ioachaz filium Iosie de regia stirpe et regem constituit tam crudelis in #brevi extitit ut tropologice cepisse predas et homines devorasse memoretur. ||
Numérotation du verset Ez. 19,4 
et audierunt
interl.| interl.| famam eius||
de eo gentes
interl.| interl.| Egyptie||
et non absque vulneribus suis
interl.| interl.| cruenta fuit victoria||
ceperunt eum et adduxerunt eum in catenis in terram Egypti
Numérotation du verset Ez. 19,5 
que cum vidisset
interl.| interl.| mater Hierusalem qua geneurat et nutriuerat regemque creaverat eum||
quoniam infirmata est
interl.| interl.| deficiente regno||
et periit expectatio eius tulit unum
interl.| interl.| Iochoniam filium Ioachim||
de leunculis suis
interl.| interl.| aliis regibus||
leonem
interl.| interl.| regem||
constituit eum
Numérotation du verset Ez. 19,6 
qui incedebat inter leones
interl.| interl.| viam predecessoris ingressus||
et factus est leo didicit predam capere et homines devorare
interl.| interl.| nimia crudelitate ||
Numérotation du verset Ez. 19,7 
didicit viduas facere et civitates eorum in desertum adducere
interl.| interl.| desolari||
et desolata est terra et plenitudo eius a voce rugitus illius
interl.| interl.| exterrita||
Numérotation du verset Ez. 19,8 
et
interl.| interl.| ideo||
convenerunt adversum eum gentes undique de provinciis et expanderunt super eum rete suum in vulneribus earum captus est
marg.| marg.| ET EXPANDERUNT. Hieronymus HIERONIMUS. Non quod hoc Iechonie factum sit qui se tradidit Babylonie regi et in Chaldeam asportatus est sed ut leonis servetur translatio qui capitur in foveis constringitur cathenis reservatur in caveis.||
marg.| marg.| Alioquin iuxta hystoriam hoc de Sedechia legimus qui post Iechoniam in regnum promotus est et hoc facit occasio ut quia cathene cavee carcer nominantur Sedechiam potius quam Iechoniam plerique intelligant. Servatus autem in carcere est Iechonias nec interfectus sublato tantum regno. Sedechiam vero cecum ductum in Babylonem et statim occisum narrat tantum hystoria.||
Numérotation du verset Ez. 19,9 
et miserunt eum in caveam in catenis adduxerunt eum ad regem Babylonis miseruntque eum in carcerem ne audiretur vox eius ultra super montes Israel
Numérotation du verset Ez. 19,10 
mater tua
interl.| interl.| multis sermonibus res una dicitur||
quasi vinea
interl.| interl.| Septuaginta : flos in malis granatis||
in sanguine tuo
interl.| interl.| rubore florum||
super aquam plantata
interl.| interl.| ubi humore nutritur||
fructus eius et frondes eius creverunt ex aquis multis
marg.| marg.| MATER  TUA  QUASI. Hierusalem superius pulcre mulieri et post leene catulos nutrienti nunc vinee plucerrime comparatur.||
marg.| marg.| Vinea quanvis pulcra quanvis longis propaginibus extenta si hastilia calamosque subtraxeris iuncta terre arescit calore maxime si ventus urens quem greci elisonam alias kaysona vocant siccaverit fructus eius ut emarcescat et quasi ignis cremetur ardoribus.||
marg.| marg.| Babylonem vel Egyptum signat ad quam transfugerunt aut ipsam Iudeam in qua pauci pauperes remanserunt quibus prefectus erat Godolias ut congregaret et regeret reliquias populi quem Ismael de stirpe regia occidit in Maspha et hoc est quod dicitur ignis comedit eam.||
marg.| marg.| Hieronymus HIERONIMUS. Secundum anagogen hec ad ecclesiam referimus quia in novissimo tempore multiplicata iniquitate refrigescet caritas multorum ut probentur si fieri potest etiam electi et principes eius capiantur retibus diaboli qui non unius regis captione contentus quotidie reges et principes capere festinat unde : esce eius electe. Palmites quorum ecclesie qui dudum floribus et rubori sanguinis equabantur vento urente siccantur unde in evangelio qui germinaverant orto sole estuaverunt et siccata sunt ut vix remaneat unus ex palmitibus qui consurgat in virgam et dignus populi princeps fiat unde Ysai : inducam famem et sitim super terram non panis famem neque sitim aque etc. unde debemus plangere et lamentari super principes Israel quorum vicio et superbia Iudea capta est et Hierusalem.||
Numérotation du verset Ez. 19,11 
et facte sunt ei virge solide in sceptra dominantium
interl.| interl.| Septuaginta : in tribum ducum ut scilicet inde reges fierent||
et exaltata est
interl.| interl.| superbis Deus resistit||
statura eius inter frondes et vidit altitudinem suam
interl.| interl.| ut superbiret aliorum bona videamus nostra nesciamus||
in multitudine palmitum suorum
Numérotation du verset Ez. 19,12 
et evulsa est
interl.| interl.| in furore Domini||
in ira in terramque proiecta et ventus urens siccavit fructum eius
interl.| interl.| ruinas Hierusalem eleganti translatione demonstrat||
marcuerunt et arefacte sunt virge roboris eius ignis
interl.| interl.| Ismael||
comedit eam
Numérotation du verset Ez. 19,13 
et
interl.| interl.| tamen||
nunc transplantata est in desertum
interl.| interl.| tam pulcra tam fructuosa||
in terra invia et sitienti
Numérotation du verset Ez. 19,14 
et egressus est ignis
interl.| interl.| Ismael||
de virga
interl.| interl.| tribu regia||
ramorum eius qui fructum eius comedit et non fuit
interl.| interl.| ex tunc||
in ea virga fortis
interl.| interl.| aliquis rex qui populum gubernaret sed cum Iohanna filio caree in Egyptum transfugerunt||
sceptrum dominantium
interl.| interl.| regii generis quod in Iudea ultra cessavit donec veniret cui reposit in est qui erit expectatio gentium||
planctus est et erit in planctum
marg.| marg.| PLANCTUS  EST ET  ERIT. Hieronymus HIERONIMUS. Hinc patet hoc quod superius dictum est : Quare mater tua leena etc. et hic : mater tua quasi vinea etc. ad Hierusalem pertinere. que perdidit leones et palmites suos et non remansit in ea virga que consurgeret in tribum regiam a planctu enim cepit et in planctu finitur. Assume planctum etc. hoc in principio et in fine planctus est etc. Planctu enim et lamentatione stirps regia prosequenda est.||




Comment citer cette page ?
Glossa ordinaria (Ez. 19), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 16/09/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber37.xml&chapitre=37_19)