initiale_L

Glossae Scripturae Sacrae-electronicae (Gloss-e)


<37. Ezechiel>

Capitulum 38

Numérotation du verset Ez. 38,1 
{t. 3 : Erfurt, f. 1# ; facsim., p. 2#} [Rusch, f. 1# ] Et factus est sermo Domini ad me dicens
marg.| marg.| ET FACTUS  EST. Sciendum est quod hic ultimus sermo ad Ezechiel fit. Neque enim post hunc simile aliquid possumus invenire preter illud quod vicesimo quinque anno scriptum est transmigrationis Iechonie facta est super me manus Domini et adduxit mei illuc id est in terram Israel quando edificatio templi describitur et cerimoniarum eius ordo narratur.||
Numérotation du verset Ez. 38,2 
fili hominis pone
interl.| interl.| alii obfirma||
faciem tuam contra Gog terram Magog
interl.| interl.| grece doma latine tectum||
principem capitis Mosoch
interl.| interl.| amentia||
et Tubal
interl.| interl.| tota vel omnia||
et vaticinare de eo
marg.| marg.| PONE  FACIEM  TUAM. Multa consideratione vel obfirmatione vultus opus est ut que dicuntur revelata facie possimus agnoscere.||
marg.| marg.| CONTRA  GOG ET  MAGOG etc. Gog et Magog contrarie gentes scilicet et inimice sanctorum que egrediuntur ab angulis terre rectam scilicet lineam relinquentes he caput superbientis amentie et omnium malorum iuxta illud : Mundus in maligno positus est.||
marg.| marg.| Hieronymus HIERONIMUS. Gog tectum. Magog de tecto. Tectum hereticorum principes. De tecto qui illorum suscipiunt doctrinas. Et pulcre post multas et misticas in hoc volumine prophetias extremam contra Magog et Gog dirigit. Si enim tempus iudicii est secundum Petrum ut incipiat a domo Dei et Ezechielem qui ait : a sanctis meis incipite et novissimus inimicus destruetur mors. In Ysaia quoque primus sermo fit contra Iudeam in qua confessio Domini est et extremus contra quadrupedes que in deserto sunt et hic recte novissimus sermo fit contra Gog et Magog qui pugnant contra civitatem Dei id est ecclesiam de qua : fluminis impetus letificat civitatem Dei. Et : non potest civitas abscondi super montem posita. Et : Hierusalem que edificatur ut civitas.||
marg.| marg.| GOG ET  MAGOG. Omnis superbia et falsi nominis scientia que erigit es contra noticiam veritatis his nominibus demonstratur de talibus tectis Ysaias ait : in visione contra vallem Syon ascendisti in tecta.||
Numérotation du verset Ez. 38,3 
et dices ad eum hec dicit Dominus Deus ecce ego ad te Gog principem capitis
interl.| interl.| principis||
Mosoch
interl.| interl.| amentie||
et Tubal
interl.| interl.| omnium||
marg.| marg.| ECCE  EGO AD TE. Hieronymus HIERONIMUS. Iudei et nostri iudeizantis putant Magog et Gog Scithicas gentes esse innumerabiles et immanes que trans Caucasum montem et metodiam paludem et propter Capium mare ad Indiam usque tenduntur et has post mille annorum regnum esse a diabolo commovendas ut veniant in terram Israel ut pugnent contra sanctos gentibus secum multis coniunctis primum Mosoch quos Iosephus Capadoces dicit deinde Tubal quos idem Hiberos vel Hispanos hebrei Italos suspicantur habentes secum Persas et Ethiopes et Lybies. Gomer quoque et Thogorma quos Galathas et Frigas dicunt Sabeos quoque et Dedan et Carthaginenses sive Tharsis et hoc esse quod Iohannes ait: et cum finiti fuerint mille anni solvetur sathanas ut seducat gentes in quattuor angulos terre Gog et Magog etc. non intelligentes totum librum Iohannis qui revelationis titulo prenotatur esse misticum. Alii vero terrenum sensum relinquentes et iudaicas atque aniles fabulas que noxie sunt et acquiescentes sibi detrahunt in profundum nimium ad alta conscendunt et multo peiores fingunt nenias ut in celesti Hierusalem diaboli et exercitus eius bella describant et sub ethimologiis gentium singularum interpretentur spirituales nequicias in celestibus.||
||
Numérotation du verset Ez. 38,4 
et circumagam te et ponam frenum in maxillis tuis
interl.| interl.| primum a sententia tua fluctuare te faciam||
et educam
interl.| interl.| in salutem||
te
interl.| interl.| dispersum||
et omnem exercitum tuum equos et equites vestitos loricis universos
interl.| interl.| qui imitantur armaturam Dei et loricas iusticie habere se iactant||
multitudinem magnam hastam
interl.| interl.| qua feriant||
et clipeum
interl.| interl.| quo se tegant||
arripientium
interl.| interl.| contra ecclesiam||
et gladium
marg.| marg.| IN MAXILLIS  TUIS. In chamo et freno maxillas eorum constringe ut indomitus equus et lascivus et corruens per precipitia freno Domini teneatur. Unde : ascendes super equos tuos et equitatio tua salus. Tales equos et equites vidit Iohannes in celo.||
marg.| marg.| Hieronymus HIERONIMUS. Illud quoque breviter notandum quod in Ezechiele Gog princeps terre Magog dicitur. In Apocalipsi vero Gog et Magog nationes que egrediuntur de quattuor angulis terre. Et quomodo a Iacob qui primus dictus est Israel omnis populus hebreorum Israel vocatus est ab Aram Syria a Mesraim Egitpus quorum in Genesi scripta sunt nomina sic et a principe Gog omnes qui ei subditi sunt Magog appellantur.||
Numérotation du verset Ez. 38,5 
Perse Ethiopes et Libyes cum eis omnes scutati et galeati
interl.| interl.| gentes scilicet sevissime et inimice Israel quarum contra populum Dei bella leguntur||
Numérotation du verset Ez. 38,6 
Gomer et universa agmina eius domus Thogorma latera aquilonis
interl.| interl.| scilicet ab aquilone venientes qui frigidissimus et nomine dexter vocatur||
et totum robur eius
interl.| interl.| Magog||
populique multi tecum
interl.| interl.| subiecti||
Numérotation du verset Ez. 38,7 
prepara
interl.| interl.| yronia||
et instrue te et omnem multitudinem tuam que coacervata est ad te
interl.| interl.| subdita tuo imperio||
et esto eis in preceptum
interl.| interl.| preceptorem||
Numérotation du verset Ez. 38,8 
post dies multos visitaberis
interl.| interl.| visitabo in virga iniquitates eorum etc.||
in novissimo annorum
interl.| interl.| unde Iohannes : novissima hora est et populus gentium undecima hora ducitur ad colendam vineam||
venies ad terram
interl.| interl.| expugnandam||
interl.| interl.| sanctorum qua affert fructus centenos et sexagenos et tricenos||
que reversa est a gladio
interl.| interl.| ut in pace consistat||
congregata est
interl.| interl.| contempto errore gentilium||
de populis multis ad montes Israel
interl.| interl.| patriarchas prophetas||
qui fuerunt deserti iugiter
interl.| interl.| sine lege et preceptis Dei unde postea dicitur : plures filii deserte quam eius qui habet virum||
hec
interl.| interl.| terra||
de populis educta est et habitaverunt
interl.| interl.| alias habitabunt||
in ea confidenter universi
marg.| marg.| QUE  REVERSA  EST A  GLADIO. Dissipa gentes que bella volunt.||
marg.| marg.| DESERTI. Hec sunt deserta et inaquosa in quibus diabolus locum invenire non potest quia vocati sunt ad salutem.||
Numérotation du verset Ez. 38,9 
ascendens autem
interl.| interl.| Gog diabolus princeps hereticorum||
quasi tempestas venies
interl.| interl.| ut omnia tenebris et errore confundat. Non enim habet imbrem temperaneum et serotinum||
et quasi nubes
interl.| interl.| verborum||
ut operias
interl.| interl.| quantum in te est||
terram
interl.| interl.| credentium||
tu et omnia agmina tua et populi multi tecum
Numérotation du verset Ez. 38,10 
hec dicit Dominus Deus in die illa
interl.| interl.| temporibus novissimis||
ascendent sermones super cor tuum et cogitabis cogitationem pessimam
interl.| interl.| unde : si spiritus potestatem habentis ascendere voluerit super te etc. Dominus autem ascendit in cor iusti qui ascensiones disposuit in corde suo||
Numérotation du verset Ez. 38,11 
et dices ascendam ad terram absque muro
interl.| interl.| Dei auxilio vel dialeticorum argumentatione||
veniam ad quiescentes habitantesque secure
interl.| interl.| rex noster pacificus quia in pace factus est locus eius||
omnes habitant
interl.| interl.| inquit ille||
sine muro vectes et porte non sunt eis
interl.| interl.| seculari scientia qua stulticia est apud Deum||
Numérotation du verset Ez. 38,12 
ut diripias spolia
interl.| interl.| ecclesie||
et invadas predam ut inferas manum tuam super eos
interl.| interl.| christianos||
qui deserti fuerant
interl.| interl.| ante a Dei noticia||
et postea restituti et
interl.| interl.| id est||
super populum qui est congregatus ex gentibus
interl.| interl.| per Christum qui ait : Pater revelavi nomen tuum hominibus||
qui possidere cepit
interl.| interl.| hereditatem Christi||
et esse habitator umbilici terre
interl.| interl.| unde : operatus est salutem in medio terre. Veritas enim orta est de terra qua dicit: ego sum via veritas et vita||
Numérotation du verset Ez. 38,13 
Seba et Dedan et negotiatores Tharsis
interl.| interl.| Carthaginis vel maris qui inter huius seculi fluctus bonis operibus querunt mercimonia||
et omnes leones
interl.| interl.| sancti||
eius dicent tibi
interl.| interl.| o Gog||
numquid ad sumenda spolia
interl.| interl.| ecclesie||
tu venis ecce ad diripiendam predam congregasti multitudinem tuam
interl.| interl.| ut Christi possessio fiat tua hereditas||
ut tollas argentum
interl.| interl.| eloquentie||
et aurum
interl.| interl.| intelligentie||
auferas supellectilem
interl.| interl.| virtutum||
atque substantiam et diripias manubias infinitas
interl.| interl.| Christi victoriis congregatas||
Numérotation du verset Ez. 38,14 
propterea vaticinare fili hominis
interl.| interl.| o Ezechiel qui in typo Christi diceris filius hominis||
et dices ad Gog hec dicit Dominus Deus numquid non in die illo
interl.| interl.| totius mundi errore sublato||
cum habitaverit
interl.| interl.| in ecclesia||
populus meus Israel
interl.| interl.| qui mente cernit Deum||
confidenter scies
Numérotation du verset Ez. 38,15 
et venies de loco tuo
interl.| interl.| id est||
a lateribus aquilonis
interl.| interl.| qui omnem calorem credentium refrigerare conatur||
tu et populi multi tecum ascensores equorum universi cetus magnus
interl.| interl.| de quibus : equum et ascensorem proiecit in mare||
et exercitus vehemens
Numérotation du verset Ez. 38,16 
et ascendes super populum meum Israel quasi nubes ut operias terram in novissimis diebus
interl.| interl.| in tempore evangelice predicationis||
eris et adducam te super terram meam
interl.| interl.| oportet esse hereses ut qui probati sunt manifesti fiant||
ut sciant gentes me cum sanctificatus fuero in te in oculis eorum o Gog
interl.| interl.| id est cum penitus me intellexerint iudicem||
Numérotation du verset Ez. 38,17 
hec dicit Dominus Deus tu ergo ille es de quo locutus sum in diebus antiquis in manu servorum meorum prophetarum Israel qui prophetaverunt in diebus illorum temporum ut adducerem te super eos
interl.| interl.| Ioel quoque in valle Iosaphat dicit populos congregandos. Et ysaias et omnes prophete in quorum bonis operibus #szmo Domini fit||
marg.| marg.| SERVORUM  MEORUM. Moysi scilicet qui iuxta Septuaginta in libro Numerorum ait : egredietur homo de semine eius et dominabitur gentium plurimarum et levabitur Gog regnum.||
Numérotation du verset Ez. 38,18 
et erit in die illa in die adventus Gog super terram Israel ait Dominus Deus ascendet indignatio mea
interl.| interl.| cum venerit super terram Israel||
in furore meo
interl.| interl.| contra te||
Numérotation du verset Ez. 38,19 
et in zelo meo
interl.| interl.| pro populo meo||
in igne ire mee
interl.| interl.| qui viciorum tuorum ligna consumat||
locutus sum quia in die illa erit commotio magna super terram Israel
interl.| interl.| adnitente diabolo scilicet magna persecutio contra ecclesiam||
Numérotation du verset Ez. 38,20 
et commovebuntur
interl.| interl.| commotione parata||
a facie mea pisces maris et volucres celi et bestie agri et omne reptile quod movetur super humum cunctique homines qui sunt super faciem terre et subvertentur montes
interl.| interl.| qui se elevant contra scientiam Dei||
et cadent sepes et omnis murus in terra corruet
interl.| interl.| munimenta hereticorum cum apparuerit fortitudo ecclesiastici sermonis||
marg.| marg.| PISCES  MARIS. Habitatores scilicet ecclesie quorum alii ut pisces alii ut volucres celi et bestie agri et omne reptile quod movetur super terram alii ut retinentes hominis dignitatem unde apostolus etiam post resurrectionem dicit fore : alia corpora celestia alia terrestria alia ut pisces alia ut volucres etc. In actibus quoque apostolorum vas petro ostensum varietatem monstrat animarum que in archa quoque diluvii continentur.||
marg.| marg.| SEPES. Que imitantur ecclesiam Dei de cuius sepibus dicitur : qui destruit sepem mordebit eum coluber.||
Numérotation du verset Ez. 38,21 
et convocabo adversum eum
interl.| interl.| hereticorum principem Gog scilicet||
in cunctis montibus meis gladium
interl.| interl.| supplicium||
ait Dominus Deus gladius uniuscuiusque in fratrem suum dirigetur
interl.| interl.| ut hereticus pugnet contra hereticum quorum inter se dimicatio ecclesie victoria est||
Numérotation du verset Ez. 38,22 
et iudicabo eum peste
interl.| interl.| sua||
et sanguine
interl.| interl.| quem effudit||
et imbre vehementi
interl.| interl.| sermonibus eruditi et perfecti viri||
et lapidibus immensis
interl.| interl.| testimoniis scripturarum||
ignem et sulphur
interl.| interl.| penam scilicet sempiterni iudicii||
pluam super eum
interl.| interl.| diabolum||
et super exercitum eius et super populos multos qui sunt cum eo
interl.| interl.| socios impietatis quorum multitudine circundatur||
Numérotation du verset Ez. 38,23 
et magnificabor et sanctificabor
interl.| interl.| in fidelibus||
interl.| interl.| omni errore sublato punitis principibus||
et notus ero in oculis gentium multarum
interl.| interl.| qui illi credent||
et scient quia ego Dominus
interl.| interl.| beatitudine sua et penis adversariorum||




Comment citer cette page ?
Glossa ordinaria (Ez. 38), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 16/09/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber37.xml&chapitre=37_38)