initiale_L

Glossae Scripturae Sacrae-electronicae (Gloss-e)


<37. Ezechiel>

Capitulum 46

Numérotation du verset Ez. 46,1 
{t. 3 : Erfurt, f. 1# ; facsim., p. 2#} [Rusch, f. 1# ] hec dicit Dominus Deus porta atrii interioris que respicit ad orientem
interl.| interl.| unde : oritur sol iusticie||
erit clausa sex diebus
interl.| interl.| unde : sex diebus operaberis et facies omnia opera tua||
in quibus opus fit die autem sabbati
interl.| interl.| septimo scilicet in quo requies||
aperietur
interl.| interl.| per singulas hebdomadas||
sed et in die calendarum aperietur
marg.| marg.| HEC  DICIT  DOMINUS  DEUS. Primum perafrasticos verba pandenda sunt.||
marg.| marg.| SEX  DIEBUS IN  QUIBUS  OPERAMUR. Rabanus Maurus RABANUS. Porta orientalis atrii nobis clausa est. Postquam autem venerimus ad sabbatum in quo est requies vel ad diem kalendarum quando post cecam noctem et horribiles tenebras lucis exordium est aperitur nobis porta orientalis.||
marg.| marg.| IN DIE  KALENDARUM. Completis scilicet trigenta diebus die neomenie qui altius mensis finis alterius principium est ut quod privilegium habet septimus dies in hebdomada hoc habeat mens exordium.||
Numérotation du verset Ez. 46,2 
et intrabit princeps
interl.| interl.| causa qua aperiatur||
per viam vestibuli porte de foris
interl.| interl.| atrii scilicet exterioris||
et stabit in limine porte
interl.| interl.| interioris atrii que scilicet respicit ad orientem nec ingredietur atrium interius sed illo stante facit #sacerdotes holocaustum etc.||
et facient sacerdotes
interl.| interl.| angelice virtutes||
holocaustum eius
interl.| interl.| pro eo scilicet||
et pacifica eius et adorabit super limen porte et egredietur porta autem
interl.| interl.| post egressionem principis||
non claudetur
interl.| interl.| sed aperta erit||
usque ad vesperam
marg.| marg.| ET INTRABIT  PRINCEPS. Hieronymus HIERONIMUS. Qui nomen ducis scilicet et dignitatem fuerit assecutus.||
marg.| marg.| PER  VIAM  VESTIBULI. Id est per mundi huius labores et portam ecclesie que adhuc in terrenis finibus sita est non ingredietur autem interius atrium sed ad limene porte interioris stabit #au in e.||
marg.| marg.| STABIT IN  LIMINE etc. Rabanus Maurus RABANUS. Si princeps in presenti scriptura non ingreditur atrium interius sed stat in limine eius patet quia : nunc ex parte potest videre et ex parte cognoscere et nondum revelata facie gloriam contemplari Domini.||
marg.| marg.| HOLOCAUSTUM  EIUS. Indigemus enim misericordia Dei et omnis creatura ad comparationem creatoris immunda est divino igne purganda. Unde Ysaie prugata sunt labia.||
marg.| marg.| ET ADORABIT  SUPER  LIMEN. Ut postquam hostia principis sacro igne fuerit concremata ipse reconciliatus Deo tunc adorare possit super limen porte interioris atrii in quo steterit et post ea egrediatur.||
Numérotation du verset Ez. 46,3 
et adorabit populus terre
interl.| interl.| ideo non claudetur ut populous post principem adoret||
ad ostium porte illius in sabbatis
interl.| interl.| quando scilicet aperietur porta||
et in calendis coram Domino
marg.| marg.| ET ADORABIT  POPULUS  TERRE. Rabanus Maurus RABANUS. Ut postquam per sacrificium pacem receperit tunc in limine constitutus adoret omnipotentiam Dei et se atrii interioris ingressu fateatur indignum et statim egrediatur. Postquam autem qui primus est fuerit egressus non claudetur usque ad vesperam huius seculi ipsa porta interioris atrii sed aperta erit ut populus quoque terre sit ad hostium et adoret non omni tempore sed quando requieverit a peccatis et fugatis tenebris fidei et scientie lumen acceperit.||
Numérotation du verset Ez. 46,4 
holocaustum autem
interl.| interl.| quia superius holocaustorum numerum non posuerat hic ponit||
hoc offeret
interl.| interl.| per sacerdotes||
princeps Domino in die sabbati sex agnos immaculatos et arietem immaculatum
marg.| marg.| HOLOCAUSTUM  AUTEM  HOC. Rabanus Maurus RABANUS. Holocaustum autem quod offert princeps per sacerdotes in die sabbati sex agnorum immaculatorum erit pro sex scilicet diebus quibus operamur in mundo. Et aries immaculatus qui princeps gregis est ita ut per singulos arietes offeratur in sacrificio ephi id est decima pars chori. In agnorum autem sex sacrificio certa mensura non ponitur sed quantumcunque dederit manus eius qui offert id est per operum qualitate et mensura.||
Numérotation du verset Ez. 46,5 
et sacrificium ephi
interl.| interl.| que hebraice epha||
per arietem
interl.| interl.| in sacrificio scilicet arietis||
agnis autem sacrificium
interl.| interl.| erit scilicet||
quod dederit manus eius
interl.| interl.| id est quod offerre potuerit manus eius qui offert||
et olei hin
interl.| interl.| mensura||
per singula
interl.| interl.| erit||
ephi
marg.| marg.| ET OLEI  HIN. Rabanus Maurus RABANUS. Olei autem hin offeret per singula ephi (hoc est oleum quod sibi quinque virgines prepararunt) ut similam ungat sive commisceat et omnis oblatio Dei plena sit lumine veritatis et exhilaretur facies offerentis in oleo.||
Numérotation du verset Ez. 46,6 
in die autem calendarum vitulum de armento immaculatum et sex agni et arietes immaculati erunt
marg.| marg.| IN DIE  AUTEM etc. Neomeniarum scilicet dies hoc habet privilegium amplius a die sabbati ut vitulus immoletur de armento sive ut aliis trantulerunt thaurus immaculatus cetera autem id est sex agni immaculati et aries immaculatus et sacrificia eorum ritum sabbati possidebunt. Ita scilicet ut sicut in ariete ephi offertur sacrificii id est simile et hin olei ita offeratur et in vitulo.||
marg.| marg.| In die autem kalendarum. Tricesimo scilicet quando primogenita et levite numerantur in lege propter omnem Israel offertur vitulus de armento immaculatus (super quo plenius in priori capitulo disservimus) et agni sex et arietes immaculati et cetera que offeruntur in sabbatis ut scilicet eternam requiem consequamur et audire mereamur : euge serve bone et fidelis etc. Et non solum ad portam atrii interioris pervenire sed et intrare possimus ut plantati in domo Domini in atriis domus Dei nostri floreamus.||
Numérotation du verset Ez. 46,7 
et ephi per vitulum ephi quoque per arietem faciet sacrificium agnis autem sicut invenerit manus eius et olei hin per singula ephi
Numérotation du verset Ez. 46,8 
cumque ingressurus est princeps
interl.| interl.| predictus||
per viam vestibuli porte ingrediatur et per eandem viam exeat
marg.| marg.| INGRESSURUS. Liberi enim arbitrii est et potestatem habet ponendi animam et resumendi eam tam ad nos veniens quam ad celestia conscendens eadem maiestatis sue utitur libertate. Denique non querit nundinas vel solennitates nec differentiam ullam observat dierum quia omne tempus ei festivitas.||
Numérotation du verset Ez. 46,9 
et cum intrabit populus terre in conspectu Domini in sollemnitatibus qui ingreditur per portam aquilonis ut adoret egrediatur per viam porte meridiane
interl.| interl.| populus in nundinis tantum et solennitatibus ingreditur et egreditur et non per eandem viam sed per alteram atque alteram||
porro qui ingreditur per viam porte meridiane egrediatur per viam porte aquilonis non revertetur per viam porte per quam ingressus est sed e regione illius egredietur
marg.| marg.| QUI  INGREDITUR  PER  PORTAM. Rabanus Maurus RABANUS. Precipitur populo ut si ingressus fuerit per portam aquilonis ut adoret egrediatur per viam porte meridiane. Hic est populus gentium qui relinquens portam aquilonis a quo exardescunt mala super terram si templum fuerit ingressus non debet egredi nisi per viam porte meridiane id est luminis et caloris in qua cubat sponsus in meridie. Unde : surge aquilo et veni auster. Qui vero ingrediturper viam porte meridiane etc. hic est Iudeorum populus qui relinquens viam porte luminis transit ad portam aquilonis. De quo dicitur : aquilo ventus durissimus et : olla Hieremie a facie aquilonis acceditur. Aliter per portam aquilonis ingreditur qui peccata dimittit. Egreditur per portam meridianam qui virtutes sequitur. Econverso si iustus lapsus fuerit in peccatis ingreditur quidem per portam meridianam sed egreditur per viam porte aquilonis.||
marg.| marg.| NON  REVERTETUR. Non enim solum his qui egrediuntur de Sodomis precipitur ne respiciant retrorsum neque his qui mittunt manum ad aratrum ut non respiciant post tergum sed etiam in domo Domini constitutis ne scilicet revertentur ad infirma et egena elementa et incipitentes spiritu carne non consumentur sed de spiritualibus ad maiora procedant (unde preteritorum obliviscens ad futura vel priora me extendo) ut scilicet non ex parte cognoscant sed veniant ad perfectum quantum potest humana fragilitas ut scilicet cum omnia fecerint dicant servi inutiles sumus. Unde Paulus quasi imperfectus non quia iam accepi. Et alibi quasi perfectus ait : quoquot perfecti etc. Hinc perspicuum est omnem hominem et universam creaturam quanvis ad perfectionem venerit indigere misericordie Dei et plena perfectionem ex gratia non ex merito possidere.||
Numérotation du verset Ez. 46,10 
princeps autem
interl.| interl.| utrorumque silicet virtutis vel peccati testis assistens||
in medio eorum
interl.| interl.| ingredientium scilicet et egredientium unde : in medio vestrum stetit quem vos nescitis. Et apostolus : an ignoratis quoniam Christus in nobis||
cum ingredientibus ingredietur et cum egredientibus egredietur
marg.| marg.| IN MEDIO. Rabanus Maurus RABANUS. Unde apostolus : an ignoratis quoniam Christus in vobis est. Si autem in ignorantibus quantomagis in scientibus. Sed cum inter scientie steterit corpus mortuum fiet propter peccata spiritus vivet propter iusticiam.||
Numérotation du verset Ez. 46,11 
et
interl.| interl.| ergo||
in nundinis et in sollemnitatibus
interl.| interl.| sabbatorum scilicet et kalendarum||
erit sacrificium ephi per vitulum et ephi per arietem agnis autem erit sacrificium sicut invenerit manus eius et olei hin per singula ephi
marg.| marg.| EPHI  PER  VITULUM etc. Singula ephi per untrunque offeruntur in sacrificio. In agnis vero non est certus numerus nec voluntati dimissum arbitrium sed viribus quisque utitur bone conscientie ut quantum potest non quantum vult offerat et super omnia olei hin per singula ephi ut ungatur simila et lucerna accendatur in conspectu Domini et qui eo utuntur dicant : ego autem sicut oliva fructifera in domo Dei.||
Numérotation du verset Ez. 46,12 
cum autem fecerit princeps spontaneum holocaustum
interl.| interl.| Septuaginta : confessionem||
aut pacifica voluntaria Domino aperietur ei porta que respicit ad orientem et faciet holocaustum suum
interl.| interl.| quia spontaneum est non alii pro eo||
et pacifica sua
interl.| interl.| Septuaginta : salutaria quia reconciliatio pacificorum salus offerentis||
sicut fieri solet in die sabbati et egredietur
interl.| interl.| postquam obtulerit statim||
claudeturque porta postquam exierit
interl.| interl.| alii claudet ianuam ut scilicet servetur principi priveligium suum ne sacrificia eius populo misceantur||
marg.| marg.| PRINCEPS.  SEPTUAGINTA: dux. Unde Ysaias: dedi te ducem et preceptorem gentibus. Et Ezechiel : David princeps in medio eorum. Qui scilicet sponte facit dicens : voluntaria oris mei beneplacita fac Domine et holocaustum ut totum offerat Deo.||
marg.| marg.| PACIFICA  VOLUNTARIA. Quod non supra. Scriptum est enim : et facient sacerdotes olocaustum eius et pacifica eius et de spontaneis et voluntariis omnino reticetur post holocaustum offerat pacifica et reconcilietur Deo. Unde et virginitas maior est nuptiis quia non exigitur nec redditur sed offertur cum hoc fecerit princeps aperietur ei porta que respicit ad orientem. De qua : hec porta Domini iusti intrabunt ein eam. Et unde oritur sol iusticie.||
Numérotation du verset Ez. 46,13 
et agnum eiusdem anni immaculatum
interl.| interl.| quod sit holocaustum determinat||
faciet holocaustum quotidie
interl.| interl.| non certis diebus||
Domino semper mane faciet illud
marg.| marg.| ET FACIET  HOLOCAUSTUM. Rabanus Maurus RABANUS. Non sacerdotes pro eo sicut solet fieri in die sabbati. Omni autem tempore holocaustum et pacificum quod offertur voluntarie apertam habet portam Domini nec observat sabbatum sed omnes dies reputantur in sabbatum id est requiem.||
marg.| marg.| ET AGNUM  EIUSDEM  ANNI etc. Rabanus Maurus RABANUS. unde Ysaias : sicut agnus obmutescet et non aperiet os uum. Et Iohannes : ecce agnus Dei ecce qui tollit peccata mundi. Qui scilicet immolatur in Egypto de cuius sanguine armantur postes fidei et exterminator excluditur.||
marg.| marg.| Rabanus Maurus RABANUS. Eiusdem anni. Alii anniculum quia predicavit annum Domini acceptabilem et retributionis diem.||
marg.| marg.| SEMPER  MANE  FACIET etc. Non qualibet hora sed quando orto sole lucis exordium est de quo David : mane exaudies vocem meam. Mane astabo tibi et videbo. Et alibi : ad vesperum devorabitur fletus et ad mane leticia. Et : Deus Deus meus ad te de luce vigilo.||
marg.| marg.| Ne miretur lector si idem et princeps est et sacerdos et vitulus et aries et agnus cum in scripturis pro varietate causarum legamus eundem Dominum et Deum et hominem et prophetam et virgam et radicem et florem et principem et iudicem et regem iustum et iusticiam apostolum et episcopum brachium servum unigenitum filium pastorem et primogenitum hostium viam angelum sagittam et sapientiam et multa #idem genus.||
Numérotation du verset Ez. 46,14 
et sacrificium
interl.| interl.| Septuaginta : manaa||
faciet super eo cata mane
interl.| interl.| iuxta mane scilicet diluculo||
mane sextam partem ephi
interl.| interl.| subaudi simile||
interl.| interl.| dimidium scilicet modium ephi enim decima pars chori est tres modii scilicet||
et de oleo tertiam partem hin ut misceatur
interl.| interl.| alii aspergatur||
simile
interl.| interl.| hoc est||
sacrificium Domino legitimum iuge
interl.| interl.| nullo die intermissum||
atque perpetuum
interl.| interl.| omni tempore offerendum mane orto sole||
Numérotation du verset Ez. 46,15 
faciet
interl.| interl.| sic||
agnum
interl.| interl.| dux||
et sacrificium et oleum cata mane mane holocaustum sempiternum
Numérotation du verset Ez. 46,16 
hec dicit Dominus Deus si dederit princeps donum
interl.| interl.| vel hereditatem||
alicui de filiis suis hereditas eius filiorum suorum erit possidebunt ea hereditarie
interl.| interl.| iure successionis nec ad alium ab alio transibit||
marg.| marg.| HEC  DICIT  DOMINUS. Hucusque de principe nunc de eius heredibus sermo est quibus dare debeat et quorum sit vel ad tempus vel in perpetuum possessio.||
Numérotation du verset Ez. 46,17 
si autem dederit legatum de hereditate sua uni servorum suorum erit illius usque ad annum remissionis
interl.| interl.| septimum scilicet||
et
interl.| interl.| tunc||
revertetur ad principem hereditas autem eius filiis eius erit
marg.| marg.| USQUE AD  ANNUM. Septimum qui dicitur decor vel donec iubileus id est quinquagesimus adveniat quando omnis emptio vel donatio revertitur ad priores dominos. Servus enim habet usum pro tempore proprietatem possessionis filius principis.||
Numérotation du verset Ez. 46,18 
et non accipiet princeps de hereditate populi per violentiam et de possessione eorum sed de possessione sua hereditatem dabit filiis suis ut non dispergatur populus meus unusquisque a possessione sua
interl.| interl.| si potuerit scilicet princeps vel accipere ve rapere vel sub figura honoris tenere que non sunt sua et liberis relinquere||
marg.| marg.| ET NON  ACCIPIET  PRINCEPS. Sugillat non solum illius temporis sacerdotes vel principes sed nostros quoque qui ditiores fiunt quam ante essent dignitatis occasione ne tollant pauperibus per violentiam vel sub honoris nomine spolient divites et filiis suis quibus debetur paterna hereditas nihil relinquant nisi quod a parentibus sibi derelictum est. Ergo qui ditior est sacerdos cum venit ad sacrificium quidquid plus habuerit non filiis debet dare sed pauperibus et sanctis fratribus domesticis fidei qui vincunt merita librorum et reddat ea que domini sunt Domino qui ait: quod uni ex minimis meis fecistis mihi fecistis. Ipse enim in pauperibus suis suscipitur hospitio in carcere visitatur nudus tegitur sitiens bibit esuriens saturatur.||
marg.| marg.| DISPERGATUR etc. In partes qui in nomine Domini fuerat congregatus vel iuxta legem alterius hereditas transeat ad alium et pereat funiculus divisionis per quem sorte ad ununquemque venit hereditas dispergit autem populum Dei et aufert fidei possessionem sempiternam qui aliena bona vel rapina vel adulatione vel blandiciis vel pretextu religionis filiis fratribus et consanguineis relinquit.||
Numérotation du verset Ez. 46,19 
et introduxit me per ingressum
interl.| interl.| vir qui calamum manu tenebat et funiculum cementarii quo edificium metiretur||
qui erat ex latere
interl.| interl.| vel post tergum||
interl.| interl.| non dicit cuius orientalis australis vel cuiuslibet||
in gazophylacia sanctuarii
interl.| interl.| alii cubicula sacerdotum||
ad sacerdotes
interl.| interl.| scilicet||
que respiciebant ad aquilonem et erat ibi locus vergens ad occidentem
marg.| marg.| AD OCCIDENTEM. Alii mare. Scriptura enim sancta situm Iudee describens sepe mare occidentem vocat. Notandum quod locus sacerdotum qui pro delicto sive pro ignorantia et peccato coquunt sacrificia ne cruda offerantur in atrium exterius ad occidentem et aquilonem positus sit unde ventus frigidissimus oritur ubi solis lumine occumbit. Ex quo ostenditur quidquid ad edulium pertinet vel pro errore esse vel pro peccato. Si autem pro ignorantia offertur sacrificium quantomagis pro delicto conscientia unde Iob : ne forte peccaverint filii mei per ignorantiam scilicet.||
Numérotation du verset Ez. 46,20 
et dixit ad me iste est locus ubi coquent sacerdotes pro delicto et pro peccato ubi coquent sacrificium ut non efferant in atrio exteriori et sanctificetur populus
marg.| marg.| ET SANCTIFICETUR  POPULUS. Rabanus Maurus RABANUS. Qui scilicet sanctificationi non fuerat preparatus ne facile non sanctificatis sancta tribuamus nec margaritas ante porcos mittamus nec canibus sanctum demus. Unde Moyses tribus diebus ab omni immundicia et ab uxorum complexu populum vult sanctificari ut accedat ad montem Syna et sanctificatus sancta suscipiat. Si autem accessuri ad audienda verba Dei et suscipienda santificari iubentur ab uxoribus manifestum est et in lege illud apostolicum contineri : nolite fraudare invicem nisi forte ex consensu ut vacatis orationi. Et : ex consensu abstinendum ab uxoribus ut vacemus orationi.||
Numérotation du verset Ez. 46,21 
et eduxit me
interl.| interl.| vir predictus scilicet||
in atrium exterius
interl.| interl.| de loco sacerdotum qui vergebat ad aquilonem||
et circumduxit me per quattuor angulos atrii et ecce atriolum erat in angulo atrii atriola singula per angulos atrii
interl.| interl.| per singulos angulos scilicet quattuor habebat atriola||
marg.| marg.| ATRIUM  EXTERIUS. Illud de quo egressus est patet fuisse interius et multa esse atria in scripturis sanctis unde: qui statis in domo Domini in atriis domus Dei nostri. Et Hiesus ait: alias oves habeo que non sunt ex hoc atrio et illas oportet me adducere et fiet unum atrium et unus pastor. Sic enim in greco habetur quod latinus uno verbo plene explicare non valens in ovile transtulit. Quando enim dicit ex hoc atrio ostendit esse aliud quod vel in gentium turba ad distinctionem Israel vel in celis ad #differentiam terreni atrii demonstratur pro qualitate enim meritorum unicuique officio #atrium delegatur||
Numérotation du verset Ez. 46,22 
in quattuor angulos atrii atriola disposita quadraginta cubitorum per longum
interl.| interl.| in quo numero labores et tribulationes||
et triginta per latum
interl.| interl.| hic numerus perfectam significat etatem qua ad sacerdotale officium pervenitur unde : et Dominus triginta annos habens venit ad baptismum||
mensure unius quattuor erant
marg.| marg.| QUADRAGINTA  CUBITORUM. Rabanus Maurus RABANUS. Quo numero ieiunat Moyses et Helyas et ipse Christus ubi cibi ibi angustia atque temptatio quibus parantur ubi autem venitur in perfecti viri etatem iib calcanda sunt omnia et dicendum : habentes victum et vestitum his contenti simus. Et : si dederit mihi Dominus panem ad vescendum et vestimentum #q operiendum etc. vel illud : esca ventri et venter escis Deus autem hunc et has destruet. Neque enim in futuro manducabimus et bibimus sed illo pane vescemur de quo dicitur : panem angelorum manducavit homo etc. Et : meus cibus est ut faciam voluntatem eius qui me misit.||
marg.| marg.| MENSURE  UNIUS. Rabanus Maurus RABANUS. In mensura una que quattuor maiores angulos possidebat mundi plagas significat quibus in sudore vultus nostri comedimus panem nostrum et omnis labor noster ventri stercorique proficit.||
Numérotation du verset Ez. 46,23 
et paries
interl.| interl.| unus||
per circuitum ambiens quattuor atriola et culine
interl.| interl.| ubi cibi et mensarum preparatio||
fabricate erant subter porticus per gyrum
Numérotation du verset Ez. 46,24 
et dixit ad me hec est domus culinarum
interl.| interl.| quasi non ignores que cernis||
in qua coquent ministri domus Domini victimas populi
marg.| marg.| VICTIMA  POPULI. Que offeruntur pro peccato vel pro delicto et ignorantia sed tantum in alimenta et refrigeria sacerdotum ut meminerint se nichil aliud debere appetere cum etiam in templo carnes eorum refrigerio preparate sint.||




Comment citer cette page ?
Glossa ordinaria (Ez. 46), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 16/09/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber37.xml&chapitre=37_46)