initiale_L

Glossae Scripturae Sacrae-electronicae (Gloss-e)


<43. *Abdias*>

<43.1> Incipit prologus beati Hieronymi in Abdiam prophetam

Numérotation du verset Abd. ,1 
prol.|    {t. 3 : Erfurt, f. 270va ; facsim., p. 396a} [Rusch, f. 270va ] Iacob patriarcha fratrem habuit Esau qui ob ruborem corporis sui Edom hebrea lingua appellatus est, quod latine sanguineus dicitur.

a Revera : De Bruyne, Préfaces, XI : Prophetae minores, n° 6.4.
prol.|  Is memoratum, fratrem suum qui Israel nomen accepterat, gravi odio commotus interimere conatus est. Qua de causa, omnes qui populum Israel, hoc est filios patriarche Iacob, predicti Esau odium imitati persecuti sunt, Esau et Edom appellati sunt. Et quia populus Israel de captivitate Chaldeorum per Cyrum regem Persarum nutu Dei revocatus in Hierusalem, ab alio regno graviter afflictus atque oppressus est. Ideo hoc regnum, quod more Esau predictum populum persecutum est, per denuntiationem Abdie prophete increpatur, quod non Dei indignatione sed sua virtute populum superatum gloriabatur. De quo regno olim per David in Psalmo 136 dictum est : “Memorare Domine filiorum Edom in die Hierusalem”. Nam reliqua lectione comprehensa futurum in gentes iudicium, ob causas lectione comprehensas et regnum Dei in populo Israel significant.

Ps. 136, 7.
Iacob patriarcha... significant] Repertorium biblicum, n° 519.

Codd. : Rusch , Bruyne | Esau - et - Edom] Edom Bruyne , inv. Bruyne (CΘ)
gentes] gente Bruyne et Rusch Bruyne (Mv)] om. Bruyne ,
Numérotation du verset Abd. ,2 
prol.|  Hebrei hunc esse dicunt qui sub rege Samarie Achab et impiissima regina Iezabel pavit centum prophetas in specubus qui non curvaverunt genu ante Baal et de septem millibus erant quos Elias arguitur ignorasse. Sepulcrum quoque eius usque hodie cum mausoleo Elisei prophete et Baptiste Iohannis in Sebaste venerationi habetur que olim Samaria dicebatur. Hanc Herodes rex, Antipatris filius in honore Augusti Cesaris greco nomine vocavit Augustam. Hic igitur quia centum prophetas paverat accepit gratiam prophetalem et de duce exercitus fit dux Ecclesie. Tunc in Samaria parvum gregem {t. 3 : Erfurt, f. 270vb ; facsim., p. 396b} [Rusch, f. 270vb ] paverat, nunc in toto orbe Christi pascit Ecclesias. Et sicut Stephanus coronam meruit passionis, sic hic servitute10  Dei cum Paulo apostolo nomine gloriatur quia Abdias servus Domini in nostro sonat eloquio.11 

Repertorium biblicum, n° 517.

11  Codd. : Rusch , Bruyne
ante] om. Bruyne | erant quos] errantibus Bruyne | quoque] que Bruyne | venerationi Rusch Bruyne (MRv)] veneratione Bruyne | Antipatris Rusch Bruyne (M)] Antipatri Bruyne | paverat] salvaverat Bruyne | 10  servitute] servitutis Bruyne |




Comment citer cette page ?
Glossa ordinaria (Abd. ), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 21/04/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber43.xml&chapitre=43_)