initiale_L

Glossae Scripturae Sacrae-electronicae (Gloss-e)


<52. Machabeorum primus liber>

Capitulum 8

Numérotation du verset 1Mcc. 8,1 
Et audivit Iudas nomen Romanorum quia sunt potentes viribus et acquiescunt ad omnia que postulantur ab eis et quicumque accesserunt ad eos {t. 3 : Erfurt, f. 313vb ; facsim., p. 482b} [Rusch, f. 313vb ] statuerunt cum eis amicitias et quia sunt potentes viribus
Numérotation du verset 1Mcc. 8,2 
audierunt prelia eorum et virtutes bonas quas faciunt in Galatia quia obtinuerunt eos et duxerunt sub tributum
Numérotation du verset 1Mcc. 8,3 
et quanta fecerunt in regione Hispanie et quod in potestate redegerunt metalla argenti et auri que illic sunt et possederunt omnem locum consilio suo et patientia
Numérotation du verset 1Mcc. 8,4 
locos qui longe erant valde ab eis et reges qui supervenerant illis ab extremis terre contriverunt et percusserunt eos plaga magna ceteri autem dant eis tributum omnibus annis
Numérotation du verset 1Mcc. 8,5 
et Philippum et Persen Citiorum regem et ceteros qui adversus eos arma tulerunt contriverunt bello et obtinuerunt eos

tulerunt Cor3 (vel) Weber] tulerant ΩJ*
Numérotation du verset 1Mcc. 8,6 
et Antiochum magnum regem Asie qui eis pugnam intulerat habens centum viginti elephantos et exercitum magnum valde contritum ab eis
Numérotation du verset 1Mcc. 8,7 
et quia ceperunt eum vivum et statuerunt ei ut daret ipse et qui regnaverint post eum tributum magnum et daret obsides et constitutum
Numérotation du verset 1Mcc. 8,8 
et regionem Medorum et Lydos et Medos de optimis regionibus eorum et acceptas eas ab illis dederunt Eumeni regi
Numérotation du verset 1Mcc. 8,9 
et quia qui erant apud Elladam voluerunt ire et tollere eos et innotuit sermo his
Numérotation du verset 1Mcc. 8,10 
et miserunt ad eos ducem unum et pugnaverunt contra illos et ceciderunt ex eis multi et captivas duxerunt uxores eorum et filios et diripuerunt eos et terram eorum possederunt et destruxerunt muros eorum et in servitutem illos redegerunt usque in hunc diem
Numérotation du verset 1Mcc. 8,11 
et residua regna et insulas que aliquando restiterant illis exterminaverunt et in {t. 3 : Erfurt, f. 314ra ; facsim., p. 483a} [Rusch, f. 314ra ] potestatem redegerunt
Numérotation du verset 1Mcc. 8,12 
cum amicis autem suis et qui in ipsis requiem habebant conservaverunt amicitiam et obtinuerunt regna que erant proxima et que longe quia quicumque audiebant nomen eorum timebant eos.
Numérotation du verset 1Mcc. 8,13 
Quibus vero vellent auxilio esse ut regnarent. Regnabantquos autem vellent ut regno decurvabant

vellent] volebant Cor3 (Aliter) | regno] de regno Cor3 | quos autem... decurvabant ΩJ] om. Weber |
et exaltati sunt valde.
Numérotation du verset 1Mcc. 8,14 
Et in omnibus istis nemo portabat diadema nec induebatur purpura ut magnificaretur in ea
Numérotation du verset 1Mcc. 8,15 
et quia curiam fecerunt sibi et quotidie consulebant trecentos viginti consilium agentes semper de multitudine ut que digna sunt gerant
Numérotation du verset 1Mcc. 8,16 
et committunt uni homini magistratum suum per singulos annos dominari universe terre sue et omnes obediunt uni et non est invidia neque zelus inter eos
Numérotation du verset 1Mcc. 8,17 
et elegit Iudas Eupolemum filium Iohannis filii Iacob et Iasonem filium Eleazari et misit eos Romam constituere cum illis amicitiam et societatem
marg.| marg.| {t. 3 : Erfurt, f. 314ra ; facsim., p. 483a} [Rusch, f. 314ra ] Et elegit Iudas. Iudas, qui mittit legatos ad Romanos constituere cum illis amiciciam et societatem, significat redemptorem nostrum per predicatores sanctos Evangelium pacis gentibus offerre et convocare eas ad fidem suam. Quibus illi  rescripserunt in tabulis ereis, quod postulati fuerant,  et miserunt in Hierusalem, ut esset ibi apud eos memoriale pacis et societatis, quia gentes ad credulitatem Christi converse, firmum fidei sue statuunt pactum, quod signant longo tempore duraturum, et vere confessionis monimentum tradunt in Ecclesia catholica, ut ibi sit memoriale societatis eorum imperpetuum. Unde per prophetam dicitur : Ecce Dominus auditum fecit, et legatos ad gentes misit ; et angelus faciei eius salvabit eos in dilectione sua et indulgentia sua ipse redemit eos. Et item : Parum est, inquit, ut sis mihi serus ad suscitandas tribus Iacob et feces Israel convertendas, dedi te in lucem gentium, ut sis salus mea usque ad extremum terre. Et iterum : Dedi te in fedus populi, ut suscitares terram et possideres hereditates dissipatas. Et quid est quod Iudas duos legatos componende pacis gratia ad Romanos misit, nisi quod redemptor noster, ad convocandas ad fidem et societatem pacis gentes, duo testamenta in mundum direxit, sive aliter binos nuntios mittit propter sacramentum caritatis, quia duo sunt precepta caritatis, hoc est dilectionis Dei et proximi et omnis caritas minus quam inter duos haberi non potest. Nemo enim proprie ad seipsum habere caritatem dicitur, sed dilectione se in alterum tendit, ut esse caritas possit. Binos ad predicandum in Evangelio mittit Dominus discipulos, quatinus hoc nobis tacitus innuat, quia qui caritatem erga alterum non habet, predicationis officium suscipere nullatenus debet. Bene autem dicitur quia misit eos ante faciem suam in omnem {t. 3 : Erfurt, f. 314rb ; facsim., p. 483b} [Rusch, f. 314rb ] civitatem et locum quo erat ipse venturus. Predicatores enim suos Dominus sequitur, quia predicatio prevenit, et tunc ad mentis nostre habitaculum Dominus venit, verba exhortationis precurrunt atque per hoc veritas in mente suscipitur.||
Numérotation du verset 1Mcc. 8,18 
et ut auferrent ab eis iugum Grecorum quia viderunt quod in servitutem premerent regnum Israel
Numérotation du verset 1Mcc. 8,19 
et abierunt Romam viam multam valde et introierunt curiam et dixerunt
Numérotation du verset 1Mcc. 8,20 
Iudas Machabeus et fratres eius et populus Iudeorum miserunt nos ad vos statuere vobiscum societatem et pacem et conscribi nos socios et amicos vestros
Numérotation du verset 1Mcc. 8,21 
et placuit sermo in conspectu eorum
Numérotation du verset 1Mcc. 8,22 
et hoc rescriptum quod rescripserunt in tabulis aereis et miserunt Hierusalem ut esset apud eos ibi memoriale pacis et societatis
Numérotation du verset 1Mcc. 8,23 
bene sit Romanis et genti Iudeorum in mari et in terra in eternum gladiusque et hostes procul sint ab eis

hostes] hostis Weber sint] sit Weber
Numérotation du verset 1Mcc. 8,24 
{t. 3 : Erfurt, f. 314rb ; facsim., p. 483b} [Rusch, f. 314rb ] quod si institerit bellum Romanis prius aut omnibus sociis eorum in omni dominatione eorum
Numérotation du verset 1Mcc. 8,25 
auxilium feret gens Iudeorum prout tempus dictaverit corde pleno
Numérotation du verset 1Mcc. 8,26 
et preliantibus non dabunt neque subministrabunt triticum arma pecuniam naves sicut placuit Romanis et custodient mandata eorum nihil ab eis accipientes
Numérotation du verset 1Mcc. 8,27 
similiter autem et si genti Iudeorum prius acciderit bellum adiuvabunt Romani ex animo prout eis tempus permiserit
Numérotation du verset 1Mcc. 8,28 
et adiuvantibus non dabitur triticum arma pecunia naves sicut placuit Romanis et custodiant mandata eorum absque dolo
Numérotation du verset 1Mcc. 8,29 
secundum hec verba constituerunt Romani populo Iudeorum
Numérotation du verset 1Mcc. 8,30 
quod si post hec verba hii aut illi addere vel demere ad hec aliquid voluerint facient ex proposito suo et quecumque addiderint vel dempserint rata erunt
Numérotation du verset 1Mcc. 8,31 
sed et de malis que Demetrius rex fecit in eos scripsimus ei dicentes quare gravasti iugum tuum super amicos nostros et socios Iudeos
Numérotation du verset 1Mcc. 8,32 
si ergo iterum adierint nos adversum te faciemus illis iudicium et pugnabimus tecum mari terraque




Comment citer cette page ?
Glossa ordinaria (1Mcc. 8), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 15/07/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber52.xml&chapitre=52_8)