initiale_L

Glossae Scripturae Sacrae-electronicae (Gloss-e)


<64. *Epistola Pauli ad Ephesios*>

<64.1> Argumentum in epistolam ad Ephesios incipit.

prol.|  {t. 4 : Erfurt, f. 1104vb ; facsim., p. 369b} [Rusch, f. 1104vb ] Ephesii sunt Asiani. Hi, accepto verbo veritatis, perstiterunt in fide. Hos collaudat Apostolus, scribens eis ab urbe Roma de carcere per Tychicum diaconum.

1 Codd. : PL65 , 607C.
2 ab urbe] a PL65 3 per Tychicum diaconum] Ephesii ex Judeis et gentibus Apostolo predicante crediderunt, quibus firmiter stantibus scribit. In principio Epistole Judeos appellans sacramenta Christi Incarnationis exponit. Post ad gentes convertitur, et hortatur ut tantis beneficiis ingrati non sint. Deinde communiter usque ad finem moralia precipit statuta PL65
marg.|  Ephesiis sunt asiani. Hi per Paulum non fundati sed confirmati in fide firmiter in ea steterant et bonis operibus. His scribit a Roma de carcere per Tichicum confortatoriam epistolam cum ulterius non esset eos visurus. Sciens eos bonos non arguit de culpa. Sed ne relabantur timendum erat et quia nullus est adeo perfectus qui crescere non possit hortatur ad ulteriora et ne recedant pro suis tribulationibus teneantque suas ordinationes presertim ne perfectio erigat in tumorem, ostendit de quo statu ad quam dignitatem vocati sunt, dicens : omnia eis vel apostolis ipsis vel toto humano generi beneficia per solam gratiam data. Est igitur intentio Apostoli Ephesios in bonis habitis confirmare et ad ulteriora provocare nec non ad humilitatem gratiarumque actionem.




Comment citer cette page ?
Glossa ordinaria (Eph. Prol.1), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 21/04/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber64.xml&chapitre=64_Prol.1)