initiale_L

Glossae Scripturae Sacrae-electronicae (Gloss-e)


<75. Prothemata in epistolas canonicas**>

<75.1> Prologus Hieronymi in epistolas canonicas

prol.|  
marg.|   {t. 4 : Erfurt, f. 1176ra ; facsim., p. 511a} [Rusch, f. 1176ra ] Huic operi Hieronymus premittit prologum in quo ostendit quia ad certum ordinem digestionis secundum grecos epistolas redegit et veritatem in translatione servavit, quod non alii ante se.

Hieronymus (pseudo), Prologus in septem epistolas canonicas, PL 29, 821C-832A. Repertorium biblicum, n° 3235,14 ; Repertorium biblicum, n° 3755.

marg.|  Canonice dicuntur he epistole vel ideo quia in canone Ecclesiastice Scripture recepte sunt vel quia regulam supplent. Docent namque custodiam in fide, tolerantiam in persecutione. Instruunt etiam ad alias virtutes multas.

prol.|  Non ita ordo apud Grecos qui integre sapiunt et fidem rectam sectantur, epistolarum
marg.| + Epistola, id est supramissa, id est excellens missio quantum ad portatorem ipsorum scriptorum qui similiter mittitur qui non excellens sed potius inferior missio potest dici quantum ad ipsam scripturam que mittitur.

prol.|  septem,
marg.| + Iacobus, Petrus, Ioannes, Iudas, septem epistolas quas ecclesiastica consuetudo vocat catholicas, id est universales, hoc est a fide universalis Ecclesie non discrepantes, id est regulares, id est in fide et tolerantia passionum plurimisque virtutibus Ecclesiam regnantes.

marg.|   septem sunt he epistole propter septem dona Sancti spiritus, vel propter fidem sancte Trinitatis quam continent que per quattuor mundi partes diffusa est. Prima ponitur epistola Iacobi non quia primum scripta fuerit sed propter dignitatem, quia scripta est Iudeis qui digniores erant quia Dominus in propria persona predicavit illis et propter eos fuerat missus et ipsi primum fidem susceperant quorum episcopus Iacobus iste fuerat ordinatus. Secunda Petri ponitur quia electis advenis grece proselytis scripsit, id est de gentilitate ad iudaismum de iudaismo ad evangelice electionis gratiam conversis.

prol.|  que canonice nuncupantur, sicut in latinis codicibus invenitur.
sicut Som358 Rusch ] qui PL29
marg.| + Canonice dicte sunt ad distantiam earum quas fecerunt pseudo apostoli sub nominibus eorum quattuor que nihil aut parum preceptorum regulare vel catholice continebant.

parum] coniec., par Som358
prol.|  Quod10  , quia Petrus primus est in numero apostolorum, prime sunt etiam eius epistole in ordine ceterarum. Sed, sicut evangelistas dudum ad veritatis lineam correximus, ita has proprio ordini Deo iuvante reddidimus. Est enim una earum prima Iacobi, Petri due, Iohannis tres, et Iude una. Que si sic11  ut ab eis digeste sunt, ita quoque ab interpretantibus fideliter in latinum eloquium verterentur, nec ambiguitatem legentibus facerent, nec sermonum sese varietas impugaret. Illo precipue loco, ubi de Trinitatis unitate in prima Iohannis epistola positum legimus, in qua etiam ab infidelibus translatoribus multum erratum esse a fidei veritate comperimus, trium tantummodo12  vocabula - hoc est aque, sanguis et spiritus - in ipsa sua editione ponentes, et Patris Verbique ac Spiritus testimonium omittentes. In quo maxime et fides catholica roboratur, et Patris et Filii et Spiritus sancti una divinitatis substantia comprobatur. In ceteris vero epistolis, quantum a nostra aliorum distet editio, lectoris prudentie derelinquo. Sed tu, virgo Christi Eustochium, dum a me impensius Scripture veritatem inquiris, meam quodammodo senectutem invidorum dentibus vel morsibus13  corrodendam exponis qui me falsarium corruptoremque sanctarum Scripturarum pronuntiant. Sed ego in tali opere nec emulorum meorum invidentiam pertimesco, nec sancte Scripture veritatem poscentibus denegabo. 14 

14  Codd. : Som358 Rusch
10  Quod Rusch ] ut PL29 | 11  sic Rusch ] om. PL29 | 12  tantummodo Rusch ] tantum PL29 | 13  vel morsibus Rusch ] om. PL29 |




Comment citer cette page ?
Glossa ordinaria (Epcan. ), in : Glossae Scripturae Sacrae electronicae, ed. Martin Morard, IRHT-CNRS, 2016-2018. Consultation du 12/12/2019. (permalink : http://gloss-e.irht.cnrs.fr/php/editions_chapitre.php?livre=../sources/editions/GLOSS-liber75.xml&chapitre=75_)