Hugo de Sancto Caro

Capitulum 5

Numérotation du verset Am. 5,1 

Audite verbum istud, quo1 ego levo super vos planctum
1 quo] quod Weber
domus Israel
cecidit
non adiiciet ut resurgat
Numérotation du verset Am. 5,2 

virgo Israel
proiecta est
in terram suam
non est qui suscitet eam
Numérotation du verset Am. 5,3 

quia hec dicit Dominus Deus : urbs de qua egrediebantur
mille
relinquentur in ea centum
et de qua egrediebantur centum relinquentur in ea decem in domo Israel
Numérotation du verset Am. 5,4 

quia hec dicit Dominus domui Israel querite me et vivetis
Numérotation du verset Am. 5,5 

et nolite querere Bethel
et in Galgala nolite intrare
et in Bersabee
non intrabitis2
2 intrabitis] transibitis Weber
quia Galgala captiva ducetur
et Bethel erit inutilis.
Numérotation du verset Am. 5,6 

Querite
Dominum
et vivite
ne forte comburatur domus Ioseph
ut ignis3
3 domus Ioseph – ut ignis] inv. Weber
et devorabit
et non erit qui extinguat
Bethel.
Numérotation du verset Am. 5,7 

Qui convertitis in absinthium
iudicium
et iustitiam
in terra relinquitis
Numérotation du verset Am. 5,8 

facientem Arcturum
et Orionem
et convertentem
in mane
tenebras
et diem
in4 nocte mutantem
4 in] om. Weber
qui vocat aquas maris et effundit eas super faciem terre Dominus nomen eius
Numérotation du verset Am. 5,9 

qui subridet
vastitatem
super robustum
et depopulationem
super potentem affert
Numérotation du verset Am. 5,10 

odio
habuerunt
in porta
corripientem
et loquentem perfecte abominati sunt.
Numérotation du verset Am. 5,11 

idcirco
pro eo quod diripiebatis pauperem
et predam electam
tollebatis ab eo
domos
quadro lapide edificabitis
et non habitabitis in eis
vineas amantissimas plantabitis
et non bibetis vinum earum.
Numérotation du verset Am. 5,12 

Quia
cognovi
multa scelera vestra et fortia peccata vestra
hostes
iusti
accipientes munus et pauperes
in porta
deprimentes.
Numérotation du verset Am. 5,13 

Ideo prudens in tempore illo tacebit
quia tempus malum est.
Numérotation du verset Am. 5,14 

Querite bonum et non malum
ut vivatis et
erit Dominus Deus
exercituum vobiscum sicut dixistis.
Numérotation du verset Am. 5,15 

Odite malum et diligite bonum
et
constituite in porta iudicium si forte misereatur Dominus Deus exercituum
reliquiis Ioseph.
Numérotation du verset Am. 5,16 

Propterea
hec dicit Dominus Deus, exercituum Dominator : in omnibus plateis
planctus et in cunctis que foris sunt
dicetur ve ve
et vocabunt agricolam ad luctum et ad planctum eos qui sciunt plangere.
Numérotation du verset Am. 5,17 

Et in omnibus viis5 erit planctus
5 viis] vineis Weber
quia
pertransibo in medio tui
dicit Dominus.
Numérotation du verset Am. 5,18 

Ve desiderantibus
Domini diem6
6 Domini diem] inv. Weber
ad quid
eam vobis? dies Domini ista tenebre
et non lux.
Numérotation du verset Am. 5,19 

Quomodo
si fugiat vir a facie leonis
et occurrat ei ursus
et ingrediatur domum et innitatur manu sua super parietem et mordeat eum coluber.
Numérotation du verset Am. 5,20 

Numquid non tenebre dies Domini
et non lux et caligo et non splendor in ea?
Numérotation du verset Am. 5,21 

odi et proieci festivitates vestras
et non capiam odorem cetuum vestrorum
Numérotation du verset Am. 5,22 

Quod si obtuleritis7 mihi holocaustomata et munera vestra
7 obtuleritis] attuleritis Weber
non suscipiam et vota pinguium
vestrorum non respiciam.
Numérotation du verset Am. 5,23 

Aufer a me tumultum carminum tuorum
et cantica lyre tue non exaudiam8.
8 exaudiam] audiam Weber
Numérotation du verset Am. 5,24 

Et revelabitur
quasi aqua iudicium
et iustitia
quasi torrens fortis.
Numérotation du verset Am. 5,25 

Numquid hostias et sacrificium obtulistis mihi in deserto quadraginta annis domus Israel?
Numérotation du verset Am. 5,26 

Et portastis tabernacula9
9 tabernacula] tabernaculum Weber
Moloch regi10 vestro
10 regi] om. Weber
et imaginem
idolorum vestrorum
sidus dei vestri
que fecistis vobis
Numérotation du verset Am. 5,27 

Et migrare vos faciam trans Damascum
dicit11 Dominus Deus exercituum nomen eius.
11 dicit] dixit Weber

Capitulum 5

Numérotation du verset Am. 5,1 
marg.| Audite verbum istud] etc.
Primo, plangit eos Propheta propter venturam miseriam quam subiungit.
Secundo ipsum Dominum monentem eos inducit, ibi : [  Querite me {5. 186rb}   et vivetis] etc.
Tertio, Propheta quasi mediator quidam post verba Domini ipsos alloquitur, et ut convertantur multipliciter persuadet, ibi :   [Querite Dominum, et vivite] etc.
Quarto, quasi frustra se niti, et laborem suum perdere se considerat, irrevocabilem scientiam captivitatis concludit, ibi :   [Propterea hec dicit Dominus] etc.
Quinto, quasi ipsis relictis, ad duas Tribus sermonem convertit, ibi :   [Ve desiderantibus diem Domini] etc.
marg.| Dicit ergo. {t} Audite verbum istud] Sicut Samuel, et David, Saulem, et Ieremias Hierusalem, deploraturus decem Tribus Am. eas ad audiendum invitat.
marg.| {u} Quod ego levo super vos planctum] ex compassione, vel levandum predico.
marg.| {x} Domus Israel]
marg.| Ecce verbum ululatus, et planctus.
marg.| {y} Cecidit] Glossa In perpetuam captivitatem. Hoc dicit non quin surrectura sit in diebus, quibus salvabitur Iuda, ut dicit Andreas <de Sancto Victore> sed propter longum tempus captivitatis, Hieronymus hoc dicit quia numquam pristinam recipiet dignitatem.
marg.| {z} Non adiiciet ut resurgat] per se. {a}   Virgo Israel] quondam in Patriarchis. Vel   [Virgo] sterilis in bonis operibus.
marg.| {b} Proiecta est in terram suam] per idololatriam corrupta. Vel per Assyrios prostrata. {c}   Non est qui suscitet eam] placando iram Dei, sicut Moyses : Ex. 32.d.   [Urbs de qua] etc. quasi vere non resurget, quia venientibus Assyriis vix decima pars remanebit in captivitate prima, quod si ipsa decimatio non penituerit, et ipsa redeuntibus Assyriis captivabitur.
marg.| {e} Egrediebantur mille] tempore pacis.
marg.| {f} Reliquentur in ea centum] in prima captivitate.
marg.| {g} Decem] Hieronymus Ubi quondam fuit multitudo, vix pars decima remanebit.
marg.| {h} In domo Israel] id est in decem Tribubus.
marg.| {i} Querite me, et vivetis] Hic loquitur Dominus si forte auctoritatem loquentis extimescant.
marg.| {k} Et nolite querere in Bethel] ut ibi adoretis vitulum.
marg.| {l} Et in Galgala] etc. Que civitas est in confinio duarum Tribuum, et decem, et illuc exibant decem Tribus idola adorare, Os. 9.d. Omnes malitie eorum in Galgal.
marg.| {m} In Bersabee non transibitis] Hoc erat in duabus Tribubus. Unde per hoc notat duas Tribus idola adorasse. Etiam per hoc innuit populum decem Tribuum in tantum cultu simulacrorum furere, ut non esset contentus idolis suis, sed ad aliena transiret, ut dicit Hieronymus {n}   Quia Galgala] etc. quasi hoc ideo prohibeo, quia habitatores harum urbium captivabuntur, et idola earum nihil proderunt. Unde Septuaginta.   [Bethel erit quasi non sit] De Bersabee autem tacet, quia illo tempore non est destructa.
marg.| Mystice. {x} Domus Israel cecidit] etc. Hieronymus Non negat eum qui primam virginitatis perdidit gloriam posse resurgere, sed non resurget ad eandem gloriam, id est status dignitatem, licet ad maiorem possit resurgere caritatem, et ita per consequens ad maius premium.
marg.| Quia. {d} Urbs de qua] Hieromynus Prima beatitudo est in unitate, secunda in denario, tertia in centenario, quarta in millenario. Quia ergo cadit a mille, vix redit ad centum, et qui de centum vix redit ad decem. Sic intellige Glossa istam. Prima beatitudo est innocentiam tenuisse, quam qui perdit, statum illum non recuperat. Per tres limites sequentes intelligitur triplex status, scilicet incipientium per decem, proficientium per centum perfectorum per mille. Qui ergo cadit de mille per peccatum mortale, vix id est cum difficultate redit ad centum, et de centum si cadit, difficulter redit ad decem. Licet enim possit resurgere in maiori, vel equali caritate, vix tamen ad expeditionem quam habent hi qui in minori steterunt.
marg.| {i} Querite me, et vivetis] etc. Hieronymus Querite Dominum in Bethel, quod interpretatur domus Dei, qui confidunt in edificiis, sicut Iudei dicentes : Templum Domini est apud nos, scilicet, Ier. 7.a. In Galgal intrant, qui post Christi adventum rursus circumcidi volunt. In Bersabee intrant, qui {5.186va} dicunt quod tamen notus est in Iudea Deus, etc. Hieronymus In Bethel intrat, qui litteram sequitur occidentem. In Galgala, quod interpretatur revelatio, ascendunt, qui scrutatores sunt maiestatis. Ad Bersabee, id est puteum iuramenti transeunt, quia aquam Samaritane, id est sapientiam, secularem vel voluptatem carnalem que non satiat sitiunt. {a}   Querite Dominum] Sicut fit apud magnos cum plebem ream princeps iratus dure alloquitur, tunc aliquis amicus trahit eos in partem, et hortatur, ut querant Domini sui amorem. Ita hic post verba Domini comminantis, ipse Am. decem tribus alloquitur, et ut convertantur ad Dominum, primo ratiocinando, secundo comminando, tertio blandiendo persuadet, dicens [  querite Dominum] etc. ne inferat quod minatur. Iniuste enim facitis qui idola colitis, et ipsum relinquitis, qui potest vos perdere, et salvare, quia ipse fecit Arcturum, etc. sed vos odio habetis eum, et suos, et pauperes suos opprimitis, et ipse bene scit facta vestra. Ideo dico vobis, ipse auferet a vobis domos vestras, et vineas, et tunc non erit aliquis qui vos commoneat. Vos dicitis, quia filii Abrahe estis, opera Abrahe facite, si forte ira eius in misericordiam convertatur. Et hoc est quod dicit (querite Dominum) et non idola. {b}   Et vivite] quia alioquin moriemini vos. {c}   Ne forte comburatur] id est consumatur captivitate. {d}   Domus Ioseph] decem tribus, sic dicte propter Ieroboam primum regem earum que fuit de Ephraim. {e}   Ut ignis] id est ut strues lignorum, vel materia ignita. {f}   Et devorabit] ignis captivitatis. {g}   Et non erit qui extinguat] id est a captivitate liberet. {h}   Bethel] vitulum adorantes, Sept.   [domum Israel] {i}   Qui convertitis] Hoc refertur ad id quod dicit, querite Dominum. {k}   In absinthium] id est in amaritudinem idololatrie. {l}   Iudicium] quo cernere debetis inter Creatorem, et creaturam, vel (iudicium) quod debetis facere proximis. {k}   In absinthium convertitis] in iniuriam proximi, et iram Dei. {m}   Et iustitiam] iustum Deum. {n}   In terra] vestra existentes, vel pro terrenis   [relinquitis] Deum dico. {o}   Facientem Arcturum] etc. Septuaginta, Qui facit in excelso iudicium, et iustitiam in terra posuit, qui facit omnia, et transformat, et convertit in mane umbram mortis, et diem nocte contenebrans. Uno verbo Arcturum, et Oriona comprehenderunt, dicit Hieronymus {p}   Arcturum] qui septem stellis constat, quem vulgo Boetem dicunt. {q}   Et Orionem] qui in hyeme oritur, et ortu suo excitat tempestates, Symmach. habet generaliter   [stellas] Theodotio [  vesperum] Hebreus   [splendorem] {r}   Et convertentem in mane tenebras] etc. id est qui vicissitudines temporum facit. {s}   Qui vocat aquas maris] etc. id est qui verbo suo aquas maris ethereo colore suspendit in nubibus, et in dulcem pluviarum saporem eliquatas ad irrigationem terre diffundit. {t}   Qui subridet] id est quasi ridendo minatur, et quasi per lusum potentem quemque subvertit, Prv. 1.c. Ego in interitu vestro ridebo. Vel sicut qui irascitur ridere se simulat, ne magnitudinem ire ostendat.
marg.| {u} Vastitatem] captivitatis. {x}   Super robustum] decem tribus, que se robustas, et potentes putabant. {y}   Et depopulationem] id est iterum direptionem   [super potentem affert]
marg.| {z} Odio habuerunt correptionem] Ita Dominus minatus est eis, sed ipsi   [odio habuerunt corripientem] Hieronymus Me vel alios Prophetas, qui ad eos missi sunt. {a}   In porta] id est aperte, et iuste. Et alludit legi que iubet iudices sedere in porta, Dt. 16.d. {b}   Et loquentem perfecte] id est ex caritate corripientem, vel ipsum Deum   [abominati sunt] Unde Septuaginta habent   [Sermonem sanctum] Symmach.   [Verbum immaculatum] {c}   Idcirco pro eo] propter predicta, et etiam   [pro eo quod diripiebatis pauperem] quasi non tamen pro idololatria, sed et pro rapina puniemini. {d}   Et predam electam tollebatis ab eo] si quod pretiosum habebat, aut quod vobis placeret, Septuaginta : {5. 186vb} (Munera electa accipiebatis. ) {e}   Domus quadro lapide] etc. quasi pulchras, et fortes domos de rapina fecistis.
marg.| {f} Et non habitabitis in eis] Glossa, Repentina captivitate. vel morte subtracti. {g}   Vineas amantissimas plantabitis] etc. delectationem potuum procurantes.
marg.| {h} Quia cognovi] ego quem nihil latet.
marg.| {i} Multa scelera vestra] in Deum.
marg.| {k} Et fortia peccata vestra] ad opprimendum pauperes, et provocandum iram Dei, quia estis. {l}   Hostes iusti] cuiuslibet, vel iustitie. {m}   Accipientes munus] etc. ad pervertendum iudicium, et opprimendum pauperem.
marg.| {n} Ideo prudens] quia repulistis correptores, ideo de cetero tacebunt, quia videbunt se nihil prodesse.
marg.| {o} In tempore illo tacebit] imminente captivitate.
marg.| {p} Quia tempus malum est] cum iam nullum sit remedium.
marg.| {q} Querite] ut predicta possitis evadere.
marg.| {r} Bonum] essentialiter Deum. {s}   Et non malum] etc. idolum, vel mundum.
marg.| {t} Sicut dixistis] id est solebatis dicere, quod Deus erat vobiscum, quia filii Abrahe estis, opera ergo Abrahe facite. Hec scilicet. {u}   Odite malum] peccatum, vel diabolum. {x}   Et diligite bonum] id est rectum iudicium, vel ipsum Deum.
marg.| {y} Et constituite] etc. secundum legem, Dt. 16.
marg.| {z} Si forte] etc. cum hec feceritis, forte adhuc miserebuntur. {a}   Reliquiis Ioseph] id est vobis qui residui estis de decem tribubus. {b}   Propterea hec dicit Dominus] etc. Istud propterea, respicit omnia que dicta sunt supra ab illo loco : Super tribus sceleribus Israel, 2. cap. Unde Glossa Sepe monui vos de bono, sed quia noluistis facere mea precepta, ideo affligemini.
marg.| {c} In omnibus plateis] decem tribuum, vel per quas ducentur captivi. {d}   Planctus] erit cum venerit Assyrius. {e}   Et in cunctis que foris sunt] in villis habitantes, vel in hortis, et vineis, ubi prius letabuntur, plorabunt. {f}   Ve ve] propter afflictionem corporis, et amissionem rerum. {g}   Et vocabunt agricolam] etc. quasi non solum illi qui ex officio sciunt precinere ad provocandas lachrymas, sed etiam agricolas qui nesciunt, vocabunt ad planctum. {h}   Quia per transibo] etc. id est derelinquam vos inimicis. Dicit Hieronymus Quoties hoc verbum ponitur in sacra Scriptura ex persona Domini, pro pena accipiendum est.
marg.| Mystice. {a} Querite Dominum] etc. Hieronymus O vos Heretici querite Dominum, ne ardores diaboli vos comburant.
marg.| {o} Facientem Arcturum] etc. Per Arcturum intelligitur Ecclesia spiritu septiformi repleta. Per Orionem Martyres, qui contra se persecutorum excitant tempestates. Nota quod loquens de Arcturo, et Orione posuit nomina Greca, potius quam Hebrea, ut intelligatur hec prophetia mystice gentibus facta.
marg.| {r} Et convertentem] etc. Dominus convertit tenebras gentium in lucem quam Iudei in lege, et prophetia habebant in tenebras, in cuius rei typum ab hora sexta dies versus est crucifixoribus in noctem. Aque maris sunt peccatores ut Magdalena, Paulus, Augustinus , Mattheus, quos rursum elevat, et in dulcedinem versos facit predicatores. Superbiam autem secularem, vel Hereticorum quasi subridendo devastat, maxime eos qui odio habet corripientes seductores, et loquentem perfecte, id est verbo, et opere instruentem, vel secundum Symmachum verbum immaculatum, quod est Iesus Christus, abominantur. Idcirco pro eo heretici diripiunt sensum simplicium, edificant domos, figmenta sua : sed a sanctis Doctoribus subvertuntur. Plantant vineas, quia Christi mysteria habere se dicunt, sed non biberunt vinum, nisi fel draconum, quos videns vir Ecclesiasticus incorrigibiles, subtrahit eis verbum ne videatur canibus sanctum dare. {b}   Propterea hec dicit Dominus] etc. Habent Heretici, et alii iniqui latam viam que ducit ad mortem, ubi est contritio, et infelicitas, {5. 187ra} et his qui foris sunt extra Ecclesiam dicitur ve culpe, et ve gehenne. Habent etiam Heretici agricolas, in quorum arvis spine nascuntur qui vocantur ad luctum eternum. Vel in bono vocat cultores spirituales, ut plangant super eos qui penitentiam non egerunt. {a}   Ve desiderantibus] etc. Secunda pars prophetie, que in duas partes dividitur. Primo, comminatur duabus tribubus. Secundo, ne habeant fiduciam in sacrificiis ostendit quod non valebit eis, ibi :   [Odi, et proieci] etc. Iste due tribus captivitatem decem tribuum desiderabant, ut earum terras occuparent, ideo comminatur eis, ut quidam volunt, Hieronymus autem dicit quod due tribus frequenter audierant a Prophetis quod essent captivande, et post reversionem maiorem felicitatem habiture, sicut Ieremias postea plenius explicuit, quod alii indeterminate prophetaverant scilicet ipsas post Septuaginta annos reversuras, ideo isti adhuc incerti de tempore, et de miseriis que captivitatem essent consecuture, solebant optare captivitatem propter sequentem prosperitatem, ideo illas miserias hic eis predicit. Fugientibus enim a facie leonis Nabuchodonosor, scilicet, et Chaldeorum, occurret ursus Cambyses qui prohibuit templi edificationem, 1. Esd. 4. et Astuerus, et ceteri Medi, et Perse, a quibus cum liberati fuerint, et ingressi fuerint terram suam, et tota fiducia innixi fuerint super templum iam edificatum, tunc coluber veniet Antiochus Epiphanes, et morabitur in templo, et eos pessime mordebit. Dicit ergo.   [Ve desiderantibus] id est duabus tribubus. Illud etiam potuit dici quibusdam de decem tribubus qui comminantes Prophetas deridebant.
marg.| {b} Diem Domini] captivitatis.
marg.| {c} Ad quid eam vobis] supple desideratis. {d}   Dies Domini ista tenebre] tribulatio. {e}   Et non lux] prosperitas. {f}   Quomodo si fugiat vir] supple, ita veniet vobis. {g}   A facie leonis] Nabuchodonosor, et Chaldeorum. {h}   Et occurrat ei ursus] Assuerus, qui sub Esther omnes Iudeos precepit interfici.
marg.| {i} Et ingrediatur domum] in reditu de Babylone.
marg.| {k} Et innitatur manu sua] id est fiduciam habeat. {l}   Super parietem] templi iam edificati. {m}   Et mordeat eum coluber] Antiochus Epiphanes 1Mcc. 1. Cum ergo sic futurum sit.
marg.| {n} Numquid non tenebre dies Domini] meroris.
marg.| {q} Et non lux] letitie. {p}   Et caligo] miserie. {q}   Et non splendor in ea] felicitatis. {r}   Odi et proieci festivitates vestras] etc. Hoc dicit, ne due tribus confiderent in sacrificiis que in templo Deo, non idolis videbantur offerre, Is. 1.d. Solemnitates vestras odivit anima mea, Mal. 2.a. Dispergam super vultum vestrum stercus solennitatum vestrarum, etc.
marg.| {s} Et non capiam odorem] incensi. {t}   Cetuum] Is. 1.d. Iniqui sunt cetus vestri. {u}   Quia si obtuleritis mihi holocaustomata] maiora sacrificia. {x}   Et munera vestra] minora.
marg.| {y} Non suscipiam ; Glossa quia etsi manibus mihi, demonibus corde offertis. {z}   Aufer a me tumultum carminum tuorum] id est sonum confusum cantorum, qui hinc Deum, inde idola laudabant in excelsis scilicet vel labiis Deo cantabant, corde idolis. {a}   Et cantica lyre] et aliorum musicorum que fecit David, 1Par. 25. {b}   Et revelabitur] oculis omnium.
marg.| {c} Quasi aqua] que cum descendit, locum quem obtexerat patefacit. {d}   Iudicium] Dei qui corda vestra a labiis discernit.
marg.| {e} Et iustitia] vindicta Dei. {f}   Quasi torrens fortis] qui omnia secum trahit. Et merito ita erit, quia semper ab initio idolis immolastis, non mihi. Unde.
marg.| {g} Numquid hostias] etc. quasi dicat non, sed potius idolis, Hieronymus Ex quo factum est caput vituli, Ex. 32.a. omnia que obtulerunt filii Israel in deserto, aut idolis obtulisse aut metu pene fecisse, et ita Deo non placuisse monstrantur. {h}   Et portastis tabernacula] que mihi facta erant a Moyse.
marg.| Vel forte ut dicit Andreas <de Sancto Victore> ipsi occulte alia tabernacula portabant, et imaginem sideris adorabant. {i} Moloch regi vestro] ad honorem dei Ammonitarum, vel idoli cuiuscumque quem pro rege habebatis. {k}   Et imaginem] supple, portatis.
marg.| {5. 187rb} {l} Idolorum vestrorum] non tantum unius. {m}   Sidus dei vestri] quod Hebraice dicitur   [Choaba] id est Lucifer, quem Saraceni venerantur [  Sidus] id est forma sideris.
marg.| {n} Dei vestri] id est quod erant Deus vester, supple portastis, quod Stephanus Act. 7.e. ubi hac auctoritate utitur addit Rempham, a Septuaginta habet, ut dicit Hieronymus pro quo Theodotio posuit   [obscuritatem] Aquila, et Symmachus ipsum Hebraicum posuerunt [  chion]
marg.| {o} Que] scilicet tabernacula, idola et sidus.
marg.| {p} Fecistis vobis] ex corde, et malitia propria adinvenistis. {q}   Et migrare vos faciam trans Damascum] in Babylonem, quia sicut dicit Hieronymus in originali, non est putandus errasse primus Martyr, qui dixit trans Babylonem, Act. 7. quia magis sensum posuit, quam verbum. Illa autem Interl.   [que dicit. Trans Damascum] ultra montes Medorum, non est Hieronymus quia illa tantum ad decem tribus pertinet, hic autem magis fit sermo ad duas.
Numérotation du verset Am. 5,mystice 
marg.| Mystice. {a} Ve desiderantibus] etc. secundum Hieronymum hoc dicitur Hypocritis, qui sicut Phariseus ille se magnificant, et dicunt se desiderare dissolvi, et esse cum Christo, sed tradentur leoni diabolo, et urso ministris eius, et colubro conscientie accusanti, vel diversis tormentorum generibus que per hec significantur.
marg.| {r} Odi, et proieci] etc. Glossa Numquam redimuntur peccata eleemosynis factis de rapina, Hieronymus . Hec omnia Hereticis competunt, qui fugiunt leonem, unam heresim, et incurrunt in ursum, in aliam heresim : ingrediuntur domum quam putant Ecclesiam, et a serpente mordentur. Horum sacrificia, et cetus, laudes, et ieiunia odit Deus, et lucem eorum ac diem occupant tenebre, et caligo. Ipsi portant tabernacula Moloch, qui de seipsis habitationem demonum faciunt, et sub nomine Christi varia idola, id est falsa dogmata fingunt, et sidus eius colunt qui in lucis Angelum se transformat.
marg.| Ideo feretur trans Damascum4, ut sanguinem Christi non bibant, sed aureo calice Babylonis inebrientur.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Am. Capitulum 5), in : Sacra Pagina, IRHT-CNRS, 2025. Consultation du 15/01/2025. (Permalink : https://gloss-e.irht.cnrs.fr/php/editions_chapitre.php?id=hug&numLivre=42&chapitre=42_5)
Signaler un complément d'information

Notes :