Hugo de Sancto Caro

Capitulum 13

Numérotation du verset 2Mcc. 13,1 

anno centesimo quadragesimo nono cognovit Iudas Antiochum Eupatoris venire cum multitudine adversus Iudeam
Numérotation du verset 2Mcc. 13,2 

et cum eo Lysiam procuratorem et prepositum negotiorum secum habentem peditum centum decem millia et equitum quinque millia et elephantos viginti duo currus cum falcibus trecentos
Numérotation du verset 2Mcc. 13,3 

commiscuit autem se illis et Menelaus et cum multa fallacia deprecabatur Antiochum non pro patrie salute sed sperans se constitui in principatum
Numérotation du verset 2Mcc. 13,4 

sed Rex regum suscitavit animos Antiochi in peccatorem et suggerente Lysia hunc esse causam omnium malorum iussit ut eis est consuetudo comprehensum in eodem loco necari
Numérotation du verset 2Mcc. 13,5 

erat autem in eodem loco turris quinquaginta cubitorum aggestum undique habens cineris hec prospectum habebat in preceps
Numérotation du verset 2Mcc. 13,6 

inde in cinerem deici iussit sacrilegum omnibus eum propellentibus ad interitum
Numérotation du verset 2Mcc. 13,7 

et tali lege prevaricatorem legis contigit mori nec terre dari Menelaum
Numérotation du verset 2Mcc. 13,8 

et quidem satis iuste nam quia multa erga aram Dei delicta commisit cuius ignis et cinis erat sanctus ipse in cineris morte damnatus est
Numérotation du verset 2Mcc. 13,9 

sed rex mente effrenatus veniebat nequiorem se Iudeis ostensurus
Numérotation du verset 2Mcc. 13,10 

quibus Iudas cognitis precepit populo ut die ac nocte Dominum invocarent quo sicut semper et nunc adiuvaret eos
Numérotation du verset 2Mcc. 13,11 

quippe qui lege et patria sanctoque templo privari vererentur ac populum qui nuper paululum respirasset ne sineret blasphemis rursum nationibus subdi
Numérotation du verset 2Mcc. 13,12 

omnibus itaque id simul facientibus et petentibus a Domino misericordiam cum fletu et ieiuniis per triduum continuum prostratis hortatus est eos Iudas ut se prepararent
Numérotation du verset 2Mcc. 13,13 

ipse vero cum senioribus cogitavit priusquam rex admoveret exercitum ad Iudeam et obtineret civitatem exire et Domini iudicio committere exitum rei
Numérotation du verset 2Mcc. 13,14 

dans itaque potestatem omnium Deo mundi creatori et hortatus suos ut fortiter dimicarent et usque ad mortem pro legibus templo civitate patria et civibus starent circa Modin exercitum constituit
Numérotation du verset 2Mcc. 13,15 

et dato signo suis Dei victoria iuvenibus fortissimis electis nocte aggressus aulam regiam in castris interfecit viros quatuor millia et maximum elephantorum cum his qui superpositi erant
Numérotation du verset 2Mcc. 13,16 

summoque metu ac perturbatione hostium replentes rebus prospere gestis abierunt
Numérotation du verset 2Mcc. 13,17 

hoc autem factum est die illucescente adiuvante eum Domini protectione
Numérotation du verset 2Mcc. 13,18 

sed rex accepto gustu audacie Iudeorum arte difficultates locorum temptabat
Numérotation du verset 2Mcc. 13,19 

et Bethsure quod erat Iudeorum presidium munitum castra admovebat sed fugabatur impingebat minuebatur
Numérotation du verset 2Mcc. 13,20 

his autem qui intus erant Iudas necessaria mittebat
Numérotation du verset 2Mcc. 13,21 

enuntiavit autem mysteria hostibus Rhodocus quidam de iudaico exercitu qui requisitus comprehensus conclusus est
Numérotation du verset 2Mcc. 13,22 

iterum rex sermonem habuit ad eos qui erant in Bethsuris dexteram dedit accepit abiit
Numérotation du verset 2Mcc. 13,23 

commisit cum Iuda superatus est ut autem cognovit rebellasse Philippum Antiochie qui relictus erat super negotia mente consternatus Iudeos deprecans subditusque eis iurat de omnibus quibus iustum visum est et reconciliatus obtulit sacrificium honorificavit templum et munera posuit
Numérotation du verset 2Mcc. 13,24 

Machabeum amplexus est et fecit eum ab Ptolomaide usque Gerrenos ducem et principem
Numérotation du verset 2Mcc. 13,25 

ut autem venit Ptolomaidam graviter ferebant Ptolomenses amicitie conventionem indignantes ne forte foedus irrumperent
Numérotation du verset 2Mcc. 13,26 

tunc ascendit Lysias tribunal et exposuit rationem et populum sedavit regressusque est Antiochiam et hoc modo regi profectio et reditus processit.

Capitulum 13

Numérotation du verset 2Mcc. 13,1 
marg.| {a} Anno centesimo quadragesimo] etc. Primo agitur de adventu Eupatoris, et Lysie in Iudeam.
marg.| Secundo, interponitur de morte Menelai, ibi : [Commiscuit autem se illis]
marg.| Tertio, Iudas se et suos preparat per orationem, exhortationem, et ieiunium contra crudelitatem regis, ibi : [Sed rex mente effrenatus]
marg.| Quarta facta oratione aggreditur aulam nocte, et occiduntur hostium quatuordecim millia, et maximus Elephantorum, ibi : [Ipse vero cum senioribus]
marg.| Quinto, rex obsidet Bethsuram, ibi : [Sed rex accepto]
marg.| Sexto, proditor Iudeorum Rhodochus concluditur, ibi : [Enunciabat autem mysteria]
marg.| Septimo, rex confederatur Iudeis, Ptolemenses inde indignantur, sed sedat eos Lysias, et revertuntur Antiochiam, ibi : [Iterum rex sermonem habuit,
Numérotation du verset 2Mcc. 13,2 
marg.| {b} Negotiorum] vel negotiatorum.
marg.| {c} Et elephantos vigintiduos] In priori libro cap. 6.d. habetur triginta duos. Unde error scriptorum fuit hic, vel ibi : Non enim potest dici, quod aliud fuit bellum illud ab isto, quia Glossa dicit hic, quod hec historia, et litteraliter, et allegorice in priori libro est explicita. Quod autem hic sequitur, quod in castris regis nocte interfecta sunt per Iudam quatuordecim millia, et maximus elephantorum, ibi {5.261vb} manifestius exprimitur ubi dicitur quod Eleazarus unam de bestiis loricatam loricis interfecit.
marg.| {d} Cum falcibus] id est currus falcatos, quibus, scilicet falces erant apposite undique ad secandum. De quibus habetur Idc. 1.d. et 4.a.
Numérotation du verset 2Mcc. 13,3 
marg.| {e} Et Menelaus] qui fratrem suum iustum.
marg.| Ovinam occidi fecerat, et Iasonem supplantaverat, supra 4.e.
marg.| {f} Et cum multa fallacia deprecabatur] adulando, ut fortiter ageret contra Iudeos.
Numérotation du verset 2Mcc. 13,5 
marg.| {g} Aggestum undique habens cineris] cumulum.
marg.| {h} Hec prospectum habebat in preceps] quia in loco prerupto sita erat.
Numérotation du verset 2Mcc. 13,7 
marg.| {i} Et tali lege] etc. Quia per que peccat quis, per hec, et punietur. Sap. 11.c. Simile Idc. 1.b. Sicut feci, etc. Supra eodem 9.a. Et quidem satis iuste etc.
marg.| {k} Ut se prepararent] ad bellum, scilicet.
Numérotation du verset 2Mcc. 13,15 
marg.| {l} Nocte aggressus aulam] Contra lib. 1. cap. 6.f. dicitur, quod Eleazarus in die interfecit elephantem, quia refulsit sol in clypeos aureos, etc. Solutio. In nocte fuit inchoatum hoc bellum, in die consummatum.
Numérotation du verset 2Mcc. 13,16 
marg.| {m} Rebusque prospere gestis] Contra. Iudas fugit, et Eleazarus est occisus. Solutio. Ideo prospere dicit, quia adversarios valde damnificaverunt. Adversa autem hic reticet, quia eos quibus scribit ad gratiarum actiones monet.
Numérotation du verset 2Mcc. 13,21 
marg.| {n} Enuntiabat autem mysteria] secreta Iude, et suorum consilia.
Numérotation du verset 2Mcc. 13,23 
marg.| {o} Superatus est] De hoc in primo libro non legitur.
Numérotation du verset 2Mcc. 13,25 
marg.| {a} Ne forte fedus irrumperent] Iudei. Vel   [irrumperet] Iudas, scilicet. Sed contrarium accidit, quod rex fedus irrumpit, ut dicitur primo libro capitulo 6.g.a.
a 1Mcc. 6.


Comment citer cette page ?
Martin Morard, ed., Hugo de Sancto Caro. Postilla in totam Bibliam (2Mcc. Capitulum 13), in : Sacra Pagina, IRHT-CNRS, 2024. Consultation du 21/12/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=53&chapitre=53_13)
Signaler un complément d'information

Notes :