Biblia communis

Capitulum 2

Numérotation du verset 2Pt. 2,1 
Fuerunt vero et pseudo prophete in populo.
Sicut et in vobis erunt {t. 4 : Erfurt, f. 1185vb ; facsim., p. 530b} magistri mendaces
qui introducent
sectas perditionis,
et eum
qui emit
eos
Deum1 negant,
superducentes sibi celerem perditionem.
1 Deum] Dominum Weber
Numérotation du verset 2Pt. 2,2 
Et multi
sequentur eorum luxurias,
per quos via
veritatis blasphemabitur.
Numérotation du verset 2Pt. 2,3 
Et in avaritia fictis verbis de vobis negotiabuntur
quibus
iudicium iam olim non cessat
et perditio eorum non dormitat.
Numérotation du verset 2Pt. 2,4 
Si enim
Deus angelis
peccantibus non pepercit, sed rudentibus
inferni detractos in Tartarum tradidit cruciandos2,
in iudicium3 reservari.
2 cruciandos] om. Weber
3 iudicium] + cruciatos Weber
Numérotation du verset 2Pt. 2,5 
Et originali mundo non pepercit.
Sed octavum
Noe iustitie preconem custodivit,
diluvium mundo impiorum inducens
Numérotation du verset 2Pt. 2,6 
et civitates
Sodomorum et Gomorrheorum in cinerem {t. 4 : Erfurt, f. 1186ra ; facsim., p. 531a} redigens,
eversione damnavit, exemplum eorum qui impie acturi sunt ponens.
Numérotation du verset 2Pt. 2,7 
et
iustum Loth oppressum
a nefandorum iniuria ac luxuriosa4 conversatione eripuit5,
4 ac luxuriosa] om. Weber
5 eripuit] eruit Weber
Numérotation du verset 2Pt. 2,8 
aspectu enim et auditu iustus erat
habitans apud eos qui de die in diem6 animam iustam iniquis operibus cruciabant.9
Numérotation du verset 2Pt. 2,10 
Magis autem eos qui
post carnem
in concupiscentia immunditie ambulant,
dominationemque contemnunt,
audaces
sibi placentes,
sectas non metuunt
introducere9 blasphemantes.
9 introducere] om. Weber
Numérotation du verset 2Pt. 2,11 
Ubi angeli
fortitudine et virtute cum sint maiores,
non portant adversum se execrabile iudicium.
Numérotation du verset 2Pt. 2,12 
Hii
vero velut irrationabilia
pecora naturaliter
in captionem et in perniciem in his
que ignorabant10
blasphemantes in corruptione sua
et peribunt11
10 ignorabant] ignorant Weber
11 peribunt] et praem. Weber
Numérotation du verset 2Pt. 2,13 
percipientes {t. 4 : Erfurt, f. 1186rb ; facsim., p. 531b} mercedem iniustitie,
voluptatem
existimantes diei delicias coinquinationes et macule,
deliciis affluentes, in conviviis suis luxuriantes vobiscum,
Numérotation du verset 2Pt. 2,14 
oculos habentes plenos adulterii12
et incessabiles delicti,
pellicientes13
animas instabiles, cor exercitatum
avaritia14 habentes
maledictionis filii,
12 adulterii] adulterio Weber
13 pellicientes Rusch ] pellicentes Weber
14 avaritia] avaritie Weber
Numérotation du verset 2Pt. 2,15 
derelinquentes rectam viam
erraverunt
secuti viam Balaam ex Bosor,
qui mercedem iniquitatis amavit,
Numérotation du verset 2Pt. 2,16 
correptionem vero habuit sue vesanie subiugale
mutum in hominis voce loquens prohibuit prophete insipientiam.
Numérotation du verset 2Pt. 2,17 
Hii sunt
fontes sine aqua
et nebule turbinibus exagitate
quibus
caligo tenebrarum reservatur.
Numérotation du verset 2Pt. 2,18 
Superbia15 enim vanitatis
loquentes pellicent in desideriis carnis luxurie
eos qui paululum effugiunt. Qui in errore
conversantur,
15 superbia] superba Weber
Numérotation du verset 2Pt. 2,19 
libertatem illis promittentes,
cum ipsi {t. 4 : Erfurt, f. 1186va ; facsim., p. 532a} servi sint corruptionis.
A quo enim quis superatus est huius et servus est.
Numérotation du verset 2Pt. 2,20 
Si enim refugientes coinquinationes mundi
in cognitione Domini nostri et salvatoris Iesu Christi,
his rursus impliciti superantur, facta sunt eis posteriora deteriora prioribus.
Numérotation du verset 2Pt. 2,21 
melius enim
erat illis non cognoscere viam iustitie quam post agnitionem retrorsum converti ab eo quod illis traditum est sancto mandato.
Numérotation du verset 2Pt. 2,22 
contigit enim eis
illud veri proverbii,
canis reversus ad suum vomitum et sus lota in volutabro luti.


Comment citer cette page ?
Martin Morard, ed., Biblia Communis (2Pt. 2), in : Sacra Pagina, IRHT-CNRS, 2024. Consultation du 03/12/2024. (Permalink : https://gloss-e.irht.cnrs.fr/php/editions_chapitre.php?id=biblia&numLivre=78&chapitre=78_2)
Signaler un complément d'information

Notes :