<76. Epistola Iacobi**>

^a Idc. 13, 14 ; cf. Lc. 1, 15.

^b ¶Fons : Cf. Hieronymus, De viris inlustribus [CPL 616], 2, ed. E. Richardson, 1896, p. 7 : « Iacobus qui appellatur frater domini, cognomento iustus, ut nonnulli existimant, ioseph ex alia uxore, ut autem mihi uidetur mariae, sororis matris domini, cuius iohannes in libro suo meminit, filius, post passionem domini statim ab apostolis hierosolymorum episcopus ordinatus, unam tantum scripsit epistulam, quae de septem catholicis est, quae et ipsa ab alio quodam sub nomine eius edita adseritur, licet paulatim tempore procedente obtinuerit auctoritatem. hegesippus uicinus apostolicorum temporum in quinto commentariorum libro de iacobo narrans ait: 'suscepit ecclesiam hierosolymae post apostolos frater domini, iacobus, cognomento iustus, - multi siquidem iacobi uocabantur. hic de utero matris sanctus fuit, uinum et siceram non bibit, carnem nullam comedit, nunquam adtonsus est nec unctus unguento nec usus balneo. huic soli licitum erat ingredi sancta sanctorum; siquidem uestibus laneis non utebatur, sed lineis, solus que ingrediebatur templum et fixis genibus pro populo deprecabatur, in tantum ut camelorum duritiam traxisse eius genua crederentur'. dicit et multa alia quae enumerare longum est. [...] sed et iosephus in uicesimo libro antiquitatum refert et clemens in septimo Ὑποτυπώσεων, mortuo festo, qui iudaeam regebat, missum esse a nerone successorem eius albinum. 'qui cum necdum ad prouinciam peruenisset, ananus, inquit, pontifex, adulescens anani filius, de genere sacerdotali, accepta occasione ἀναρχίας, concilium congregauit et conpellens publice iacobum ut christum dei filium denegaret, contradicentem lapidari iussit. qui praecipitatus de pinna templi, confractis cruribus adhuc semianimis tollens ad caelum manus diceret: 'domine, ignosce eis, quod enim faciunt, nesciunt', fullonis fuste, quo uestimenta extorqueri solent, in cerebro percussus interiit'. tradit idem iosephus tantae eum sanctitatis fuisse et celebritatis in populo, ut propter eius necem creditum sit subuersam hierosolymam. hic est de quo et apostolus paulus scribit ad galatas: 'alium autem apostolorum uidi neminem nisi iacobum fratrem domini'; et apostolorum super hoc crebrius acta testantur, euangelium quoque quod appellatur secundum hebraeos et a me nuper in graecum sermonem latinum que translatum est, quo et origenes saepe utitur, post resurrectionem saluatoris refert [...] . triginta itaque annis hierosolymae rexit ecclesiam, id est usque ad septimum neronis annum, et iuxta templum, ubi et praecipitatus fuerat, sepultus, titulum usque ad obsidionem titi et ultimam adriani notissimum habuit. quidam e nostris in monte oliueti eum conditum putant, sed falsa eorum opinio est ». [MM2022]. – Ed.   Bruyne, Préfaces XVI (Epcan.), n°3.1, p. 257. Repertorium biblicum, n° 808.