Biblia communis

Capitulum 3

Numérotation du verset Qo. 3,1 
{Erfurt, t. 3, f. 23rb   ; facsim., t. 2, p. 697b} Omnia tempus habent et suis spatiis transeunt universa sub celo.
Numérotation du verset Qo. 3,2 
Tempus nascendi
et tempus
moriendi,
tempus plantandi et tempus evellendi quod plantatum est,
Numérotation du verset Qo. 3,3 
Tempus
occidendi
et tempus sanandi,
tempus destruendi
et tempus edificandi,
Numérotation du verset Qo. 3,4 
tempus flendi
et tempus ridendi,
tempus plangendi et tempus saltandi,
Numérotation du verset Qo. 3,5 
tempus spargendi {Erfurt, t. 3, f. 23va   ; facsim., t. 2, p. 698a} lapides
et tempus colligendi,
tempus amplexandi
et tempus longe fieri ab amplexibus1,
1 ab amplexibus] a complexibus Weber
Numérotation du verset Qo. 3,6 
tempus acquirendi
et tempus perdendi,
tempus custodiendi
et tempus abiciendi,
Numérotation du verset Qo. 3,7 
tempus scindendi
et tempus consuendi,
tempus tacendi
et tempus loquendi,
Numérotation du verset Qo. 3,8 
tempus dilectionis
et tempus odii,
tempus belli
et tempus pacis.
Numérotation du verset Qo. 3,9 
Quid habet amplius homo de labore suo ?
Numérotation du verset Qo. 3,10 
Vidi afflictionem quam dedit Deus filiis hominum ut distendantur in ea.
Numérotation du verset Qo. 3,11 
Cuncta fecit bona in tempore suo et mundum tradidit disputationi eorum ut non inveniat homo opus quod operatus est Deus ab initio usque ad finem.
Numérotation du verset Qo. 3,12 
Et cognovi quod non esset melius nisi letari
et facere bona2
in vita sua.
2 bona] bene Weber
Numérotation du verset Qo. 3,13 
Omnis enim homo
qui comedit
et {Erfurt, t. 3, f. 23vb   ; facsim., t. 2, p. 698b} bibit
et videt bonum de labore suo hoc donum Dei est.
Numérotation du verset Qo. 3,14 
Didici quod omnia opera que fecit Deus perseverent in eternum3.
Non possumus eis quicquam addere nec auferre que fecit Deus ut timeatur.
3 eternum] perpetuum Weber
Numérotation du verset Qo. 3,15 
Quod factum est ipsum permanet. Que futura sunt iam fuerunt
et Deus instaurat quod abiit.
Numérotation du verset Qo. 3,16 
Vidi sub sole in loco iudicii impietatem et in loco iustitie iniquitatem
Numérotation du verset Qo. 3,17 
et dixi in corde meo : iustum et impium iudicabit Dominus4
et tempus omnis5 rei tunc
erit.
4 Dominus] Deus Weber
5 omnis] omni Weber
Numérotation du verset Qo. 3,18 
Dixi in corde meo de filiis
Hominum
ut probaret eos Deus et ostenderet similes esse bestiis.
Numérotation du verset Qo. 3,19 
Idcirco unus
interitus est hominis et iumentorum et equa utriusque condicio. Sicut moritur homo, sic et illa moriuntur. Similiter spirant omnia
et nihil habet homo amplius iumento6. Cuncta subiacent vanitati
6 a. i.] inv. Weber
Numérotation du verset Qo. 3,20 
et omnia pergunt ad unum locum ; de terra facta sunt
et in terram pariter {Erfurt, t. 3, f. 24ra   ; facsim., t. 2, p. 699a} revertuntur7.
7 revertuntur] -tentur Weber
Numérotation du verset Qo. 3,21 
Quis novit si spiritus filiorum Adam ascendat sursum
et si spiritus iumentorum descendat deorsum ?
Numérotation du verset Qo. 3,22 
Et deprehendi nihil esse melius quam letari hominem in opere suo et hanc esse partem illius. Quis enim eum adducet ut post se futura cognoscat ?


Comment citer cette page ?
Martin Morard, ed., Biblia Communis (Qo. 3), in : Sacra Pagina, IRHT-CNRS, 2025. Consultation du 29/01/2025. (Permalink : https://gloss-e.irht.cnrs.fr/php/editions_chapitre.php?id=biblia&numLivre=29&chapitre=29_3)
Signaler un complément d'information

Notes :