Hugo de Sancto Caro

<40.507b> Prologus ‘Temporibus Oziae’

  Incipit prologus in librum Osee prophete. - Temporibus Ozie et Ioathe, Achaz et Ezechie regum Iuda et Ieroboam - filii Iohe regis, Osee filius Beeri ad prophetiam dicendam Spiritu sancto repletus est. De memorato itaque numero regum, Achaz rex Iudaa et Ieroboam rex Israelb, Dominum derelinquentes, ut historie Regum et Paralipomenon indicant, etiam Israel idololatrie crimen imperio ac potestate sua admittere coegerunt. Propter quod Deus ad Osee hec locutus est dicens: Accipe tibi uxorem fornicariam sive fornicationum et fac filios fornicationis. Fornicariam itaque, non electione corporis meretricem sed gentilem Deum ignorantem appellat, que Dei creatoris sui amore contempto, simulacrorum se subiecit desideriis. Sed cum Dei precepto propheta in hac re paruisset, conceptum ex ea filium Iezrael precepit nominare, Deo pollicente, post breve tempus sanguinem Iezrael in domo Iehu vindicare. Cuius promissionis hec causa est: Iehu per Eliseum in regem inuncto ad defendendum sanguinem Naboth civis Iezrael, que tunc temporis metropolis erat, quem Iezabel Achab regis Israel uxor interemerat, sicut Regum historia exponit, is cum graviter iuxta divinum preceptum vindicandi sanguinis causa in omnem memorati domum desevisset, hoc peracto Dominum dereliquisse invenitur. Cuius pronepote Ieroboam, qui lectione comprehensus est, originis sue facta imitante ac contra Dei precepta et religionem cum populo Israel agente, sanguis Naboth, qui in loco certe Iezrael fuerat profusus, in domo Iehu patris memorati Ieroboe propter peccatum redundaturus significatur. Hinc factum est ut ira Dei in populo Israel per denuntiationem prophete processura diceretur. Domui autem Iude misericordia lectione comprehensa ob hoc promissa est, quia Ezechias rex Iude filius Achaz, sublatis idolis, que tam pater eius quam ceteri reges consecraverunt, templum Dei purgasse ac purificasse monstratur. c
a Cf. 4Rg. 16 ; 2Par. 28.
b Ieroboam I ; cf. 3Rg. 11, 26-14, 20, praesertim 3Rg. 15, 30.34 ; 3Rg. 16, 2.19.26.31 ; 4Rg. 3, 3 ; 10, 29.31, etc. ; Sir. 47, 29.
c ¶Fons. : HIERONYMUS (PSEUDO), Prologus in Osee propheta, ed. DE BRUYNE, Préfaces, XI: Prophetae minores, n° 6. Cf. A. T. S ULAVIK, Guillelmus de Luxi [1267-1275 c.]. In Osee expositio propheta, CCCM 219, p. 148.1-148.23. Cf. Repertorium biblicum, n° 507 et 11252. Cf. M. C. DIAZ Y DIAZ , Index scriptorum latinorum Medii Aevi Hispanorum, t. 1, 1958, p. 16, n. 58.

<40.507b> Prologi Hieronymi in Osee expositio

Numérotation du verset Os. Prol.507b,1 
marg.| {5. 5.167va} Temporibus Ozie] etc. Hic prologus est in Os. tantum : In quo primo determinatur, quis prophetaverit, et quando. Secundo queritur quid et quibus. In prima parte determinatur quis, et quo tempore prophetaverit usque ibi :   [De memorato] etc. {b}   Et Ieroboam] qui fuit quartus a Iehu. {c}   Os.] Igitur Os. de Tribu Issachar fuit ortus forte in Bethleemoth que et Bethsesimoth, Ios. 12.b. Nm. 33.f. Bethleemoth : hic prenuncians dedit signum, Veniet Dominus sicut quercus que est in Silo. Hoc sumitur de fine libri huius ubi dicitur [  Ego ut abietem virentem] etc. dicit Theodotio [  Ego sicut quercus que est in Silo] Hic in terra sua sepultus, placida quiete dormivit, id est sine martyrio. Per nomina autem Regum qui hic ponuntur, patet (ut dicit Glossa,) Os. et ante captivitatem decem Tribuum prophetasse sub Ozia, et Ioathan, et ipsam ingruentem sub Achaz luxisse, et preteritam propter emendationem Iude retexuisse sub Ezechia. {d}   Ut Historie Regum] 4Rg.9. cap. usque ad 15.
marg.| {e} Et Paralipomenon] 2Par. 28. de Achaz. {f}   Propter quod Deus]  : sic patet propter quam causam prophetaverit, scilicet propter malitiam, et peccata Regum, et populi utriusque. Sed quia posset queri : quare ergo utrisque scilicet decem. Tribubus, et duabus non prophetat malum ? Ideo ostendit postea quare malum decem Tribubus prophetaverit ibi :   [Accipe tibi] Et deinde quare duabus bona promiserit, licet Achaz malus extiterat, ibi :   [Domini autem Iude] etc. {g}   Accipe tibi] Hoc fecit ad Litteram : ut tali facto annuncies decem Tribubus, quia fornicate sunt a me. Et ita hic ponit signum culpe. {h}   Et fac filios fornicationis] id est genera filios de fornicaria prius, non genera fornicando.
marg.| {i} Non elocati, vel non tantum elocati] Et loquitur mystice, vel historice. Mystice sine, tantum, quasi dicat. Hoc facto significabis quod decem Tribus fornicate sunt, non sicut cum meretricibus elocati corporis, id est que elocant, id est prostituunt pro mercede corpus suum : sed sicut Gentes cum idolis. Secundum quod historice loquitur, est ibi, tantum, et est sensus planus.
marg.| {k} Paruisset] Hieronymus Neque Dominus rem turpem precepit, neque Propheta obediendo peccavit ; sed potius fornicariam ad {5. 167vb} pudicitiam revocavit, et manens in sua bonitate de mala bonam fecit. Et nota quod in hoc Propheta, et in aliis ita de adventu Christi, et vocatione Gentium prenunciatur, ut veritas historie penitus non deseratur. {l}   Deo pollicente] id est comminante. {m}   Vindicari, vel vindicare] id est similem vindictam in domo Iehu facere illi vindicte, quam exercuit Dominus in domum Iezabel, et Achab pro sanguine fuso in agro Iezrahel, 3Rg. 21. {n}   In Regem inuncto] 4Rg.9.a.
marg.| {o} Ad defendendum] id est ad vindicandum. Simile Iudith. 1.d. Iuravit ut se defenderet, etc. {p}   Memorati] Achab.
marg.| {q} Desevisset] 4Rg.9.
marg.| {r} Imitante] 4Rg.15.
marg.| {s} In loco certe, vel certo, vel terre] {t}   Procuratoris memorati] id est proavi.
marg.| {u} Lectione] in 1.c. Os. {x}   Sublatis idolis] 4Rg.18. {y}   Consecraverunt] 2Par. 29.
prol.| Explicit Expositio Prologi super Apocalypsim in Osee. Postilla super Osee Prophetam incipit.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Os. Prologi Hieronymi in Osee expositio), in : Sacra Pagina, IRHT-CNRS, 2024. Consultation du 21/11/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=40&chapitre=40_Prol.507b)
Signaler un complément d'information

Notes :