Hugo de Sancto Caro

Capitulum 7

Numérotation du verset Za. 7,1 

Et factum est in anno quarto Darii regis, factum est verbum Domini ad Zachariam in quarta noni mensis1 qui est Casleu.
1 noni mensis] inv. Weber
Numérotation du verset Za. 7,2 

Et miserunt ad domum Dei Sarasar et Rogomelech et viri qui erant cum eis2 ad deprecandum3 faciem Domini,
2 eis] eo Weber |
3 deprecandum] deprecandam Weber |
Numérotation du verset Za. 7,3 

ut dicerent sacerdotibus
domus Domini exercituum et prophetis loquentes :
Numquid flendum est mihi4
4 est mihi] inv. Weber
in mense quinto
vel sanctificare me debeo sicuti iam feci5 multis annis ?
5 iam feci] inv. Weber
Numérotation du verset Za. 7,4 

Et factum est verbum Domini exercituum ad me dicens :
Numérotation du verset Za. 7,5 

Loquere
ad omnem populum terre
et ad sacerdotes dicens : Cum ieiunaretis
et plangeretis
in quinto
et septimo
per hos septuaginta annos
numquid ieiunium ieiunastis mihi ?
Numérotation du verset Za. 7,6 

Et cum comedistis et cum bibistis
numquid non vobis comedistis et vobismetipsis bibistis ?
Numérotation du verset Za. 7,7 

Numquid non sunt verba que locutus est Dominus in manu prophetarum priorum
cum adhuc Hierusalem habitaretur et esset opulenta et6 ipsa et urbes in circuitu eius et ad austrum
6 et] om. Weber
et in campestribus habitaretur.
Numérotation du verset Za. 7,8 

Et factum est verbum Domini ad Zachariam dicens :
Numérotation du verset Za. 7,9 

Hec ait Dominus exercituum dicens : Iudicium verum iudicate
et misericordiam. Et miserationes facite unusquisque cum fratre suo.
Numérotation du verset Za. 7,10 

Et viduam et pupillum
et advenam et pauperem
nolite calumniari et malum vir fratri suo
non cogitet
in corde suo.
Numérotation du verset Za. 7,11 

Et noluerunt attendere
et verterunt scapulam recedentes7
7 recedentes] recedentem Weber
et aures
suas
aggravaverunt
ne audirent
Numérotation du verset Za. 7,12 

et cor suum posuerunt
ut8
8 ut] om. Weber
adamantem
ne audirent legem et verba que misit Dominus exercituum in spiritu suo sancto9 per manum prophetarum priorum.
9 sancto] om. Weber
Et
facta est indignatio
magna a Deo10 exercituum.
10 Deo] Domino Weber
Numérotation du verset Za. 7,13 

Et factum est
sicut locutus est
et sicut11 non audierunt
11 sicut] om. Weber
sic clamabunt
et non audiam12 dicit Dominus exercituum.
12 audiam] exaudiam Weber
Numérotation du verset Za. 7,14 

Et
dispersi eos per omnia regna
que nesciunt et terra desolata
est ab eis
eo quod non esset transiens et revertens et posuerunt terram desiderabilem in desertum.

Capitulum 7

Numérotation du verset Za. 7,1 
marg.| Et factum est in anno quarto] etc. Secunda pars totalis Prophetie, ubi ponuntur ea que vidit Zacharias anno Darii. Et habet tres partes.
marg.| Primo, agitur de questione quam fecerunt principes Persarum super ieiunio suo, scilicet hoc cap. et sequenti. In nono vero, et decimo cap. agitur de his que acciderunt Iudeis sub Grecis. Ab undecimo usque ad finem predicit Propheta que ventura erant eis sub Romanis. Primo, ergo in hac parte prima ponitur questio quam fecerunt quidam principes Darii, qui forte erant Proselyti, scilicet, utrum iam restaurato templo, et populo de captivitate reverso affligere se deberent ut prius solebant tempore desolationis.
marg.| Secundo, accepta occasione ex hac questione, docetur populus cuiusmodi ieiunium placeat Deo, ibi : [ Et factum est verbum Domini] etc.   [Loquere ad omnem populum] etc. Tertio, responsio ponitur ad propositam questionem, ibi, Hec dicit Dominus exercituum.   [Ieiunium quarti] etc. in fine octavi cap. Dicit ergo.
marg.| {z} Et factum est, etc.   quarta mensis noni, qui est Casleu] secundum Hebreos, qui apud nos December dicitur.
marg.| {a} Et miserunt ad domum Dei] id est ad templum quod incipiebat consummati. Sexto enim anno Darii totum perfectum est 1Esr. 6.c. tamen adhuc in septimo anno eius aliqua sunt facta que vel ad templum vel ad atria, pertinebant, ut sit verum quod dicitur Io. 2.d. Templum hoc quadraginta sex annis edificatum est.
marg.| {b} Sarasar, et Rogomelech] Hieronymus Hebrei autumant istos fuisse Persas, et Duces Darii timentes Deum.
marg.| {c} Et viri qui erant cum eis] In Orig. qui cum eo, ut dicerent, id est ut quererent ipsi nuncii a sacerdotibus quorum est respondere de lege, utrum ipsi principes deberent flere, et ieiunare in quinto mense in memoriam destructionis Hierusalem que eo mense combusta est, 4Rg.ult. c. et Ier. ult. c. An sicut solent flere cum flentibus Iudei, ita deberent gaudere cum gaudentibus restaurato iam templo.
marg.| {d} Numquid flendum est mihi] id est nobis. Vel [  mihi] Sarasar scilicet. Iste forte erat maximus inter eos, ideo singulariter pro eo loquitur.
marg.| Et ex hoc videtur, quod verior littera sit [ qui cum eo erant] supra eodem.
marg.| {e} Et sanctificare me debeo] etc. Hieronymus Fletus, et ieiunium sanctificatio dicitur, quia per abstinentiam curati sanctificantur.
marg.| {5. 218ra} {a} Et factum est verbum Domini] etc. Secunda pars ubi occasione accepta ex hac questione, iubetur propheta docere populum quomodo debeant placere Deo, quia non per ieiunium solum, sed per opera misericordie. Ad que invitat eos tribus persuasionibus. Primo quia ipsi antequam instarent operi templi, et in captivitate positi, multum ieiunaverunt, et nihil eis profuit, ut habitum est in Aggeo. Secundo, quia patres eorum similiter ieiunabant male, ut habetur Is. 58.b. et nihilominus captivati sunt, ibi :   [Numquid non sunt] Tertio, per multorum prosperorum promissionem ad opera misericordie eos excitat, scilicet in cap. seq.
marg.| {b} Loquere ad omnem populum terre] tu Zacharia ex persona mea.
marg.| {c} Et ad sacerdotes] specialiter, ut ipsi sciant, et populum docere, et querentibus principibus respondere.
marg.| {d} Cum ieiunaretis, et plangeretis in quinto] quando combusta est civitas, ut dictum est.
marg.| {e} Et septimo] quando occisus est Godolias ab Ismael. Ier. 41.a.
marg.| {f} Numquid ieiunium ieiunastis mihi] id est iuxta beneplacitum meum vel ad gloriam meam ? quasi dicat non.
marg.| {g} Et cum comedistis, etc.   et vobismetipsis bibistis] id est ad voluntatem vestram, et utilitatem. Is. 58.a. Ecce in die ieiunii vestri invenitur voluntas vestra, etc. Am. 6. Qui comeditis agnum de grege, etc. Vos ergo frustra hactenus ieiunastis, misericordiam, et iudicium relinquentes, sine quibus nullum ieiunium mihi placere, scire poteratis per precedentes Prophetas. Unde.
marg.| {h} Numquid non sunt verba que] scilicet sequuntur.
marg.| {i} In manu prophetarum priorum] maxime. Is. 58.
marg.| {k} Et ad Austrum, et in campestribus habitaretur] In montanis que sunt ad meridiem. {l}   Et factum est verbum Domini] etc. Hec est quedam interpositio antequam ponantur verba que facta sunt ad patres, ut intelligant etiam modo eadem verba ad se fieri que olim facta fuerunt ad patres eorum.
marg.| {m} Verbum Domini] idem quod factum est ad patres, modo fit ad Zachariam, tam ad commonitionem populi presentis, quam ad commemorationem preteriti.
marg.| {n} Hec ait Dominus exercituum] id est dixit olim patribus, et adhuc vobis dicit. {o}   Iudicium verum iudicate] etc. Mi. 6.b. Indicabo tibi, o homo quid sit bonum, etc. Is. 58.c. Cum effuderis esurienti animam tuam, etc.
marg.| {q} Et viduam, et pupillum] etc. Is. 1.e. Subvenire oppresso.
marg.| {p} Cum fratre suo] Glossa post iudicii veritatem sequitur clementia in cunctos, maxime in fratres, vel eiusdem sanguinis, vel eiusdem fidei. Ergo secundum hoc potius debet fieri beneficium in fratrem secundum sanguinem, quam in alium ? Responsio. Quedam secundum legem nature debent distribui, sicut patrimonium. Quedam secundum legem gratie, sicut prebende, que solum magis spiritualibus sunt dande.
marg.| {r} Et malum vir fratri suo non cogitet in corde suo] Nota peccata cordis, oris, et operis prohibet in verbis premissis.
marg.| {q} Et viduam] etc. Glossa quorum cura a Deo nobis committitur.
marg.| {s} Et averterunt] etc. quasi dicat, ita monuit Dominus per Prophetas ut corde, ore, opere, veritatem, et misericordiam {5. 218rb} custodirent, ipsi vero averterunt corpus ne facerent, aures ne audirent, cor ne intelligerent verba Dei. Is. 6.c. exceca cor populi huius, etc. Ier. 2.f. Verterunt ad me tergum, etc. Ezech. 3.b. Omnis quippe domus Israel attrita fronte est, etc.
marg.| {t} Et facta est] etc. quasi dicat, hec mandavit, hec magis voluit Dominus quam contorquere hominem caput suum et saccum et cinerem sternere, que quia non fecerunt secuta est indignatio Domini, et impletum est verbum quod dixit Dominus per Prophetas, et Prv. 1.d. ubi fere hec eadem verba dicuntur. Et sicut non audierunt, sic clamabunt et non exaudiam, ibi   [Tunc invocabunt et non exaudiam,
marg.| {u} Et dispersi eos per omnia regna que nesciunt] Glossa Assyriorum et Chaldeorum, Persarum et aliorum.
marg.| {x} Et terra] omnis Iuda.
marg.| {y} Desolata est] sola relicta vel solitaria facta.
marg.| {z} Ab eis] Iudeis et regnis.
marg.| {a} Eo quod non esset transiens] etc. id est intantum quod nullus transiret per eam, que prius lacte manabat et melle. Hieronymus possunt hec referri ad eos, qui in Ecclesia Domini audire nolunt, sed cor aggravant, et ideo derelicti a Deo disperguntur per omnia regna virorum, et desolata fit terra, id est liberum arbitrium, vel anima eorum que erat prius desiderabilis et hospitium sancte Trinitatis vertitur in desertum et habitationem demonum.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Za. Capitulum 7), in : Sacra Pagina, IRHT-CNRS, 2024. Consultation du 21/11/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=50&chapitre=50_7)
Signaler un complément d'information

Notes :