Glossa ordinaria

Capitulum 2

Numérotation du verset Mi. 2,1 

Ve qui cogitatis inutile et operamini malum in cubilibus vestris in luce matutina faciunt1 illud quia2 contra Deum est manus eorum.
1 faciunt] aciunt cacogr. Rusch |
2 quia] quoniam Weber |
Numérotation du verset Mi. 2,2 

Et concupierunt agros et violenter tulerunt et domos rapuerunt et calumniabantur virum et domus3 eius virum et hereditatem eius
3 domus] domum Weber
Numérotation du verset Mi. 2,3 

Idcirco hec dicit Dominus : Ecce ego cogito super familiam istam malum unde non auferetis colla vestra et non ambulabitis superbi quoniam tempus pessimum est.
Numérotation du verset Mi. 2,4 

In die illa sumetur super vos parabola et cantabitur canticum cum suavitate dicentium : Depopulatione vastati sumus, pars populi mei commutata est. Quomodo recedet a me cum revertatur qui regiones vestras4 dividat ?
4 vestras] nostras Weber
Numérotation du verset Mi. 2,5 

Propter hoc non erit tibi mittens funiculum5 in cetu Domini.
5 funiculum] + sortis Weber
Numérotation du verset Mi. 2,6 

Ne loquamini loquentes, non stillabit super istos, non comprehendet confusio,
Numérotation du verset Mi. 2,7 

dicit Dominus6 Iacob. Numquid abbreviatus est spiritus Domini aut tales sunt cogitationes eius ? Nonne verba mea bona sunt cum eo qui recte graditur ?
6 Dominus] domus Weber
Numérotation du verset Mi. 2,8 

Et e contrario populus meus in adversarium consurrexit. Desuper tunicam7 pallium sustulistis et8 eos qui simpliciter transiebant9 convertistis in bellum.
7 tunicam] tunica Weber |
8 et] om. Weber |
9 s. t.] inv. Weber |
Numérotation du verset Mi. 2,9 

Mulieres populi mei eiecistis de domo deliciarum suarum a parvulis earum tulistis laudem meam in perpetuum.
Numérotation du verset Mi. 2,10 

Surgite et ite quia non habetis hic requiem propter immunditiam eius corrumpetur putredine pessima.
Numérotation du verset Mi. 2,11 

Utinam non essem vir habens spiritum et mendacium potius loquerer. Stillabo tibi in vinum et in ebrietatem et erit super quem stillabitur10 populus iste.
10 stillabitur] stillatur Weber
Numérotation du verset Mi. 2,12 

Congregatione congregabo Iacob totum te. In unum conducam reliquias Israel. Pariter ponam illum quasi gregem in ovili quasi pecus in medio caularum. Tumultuabuntur a multitudine hominum.
Numérotation du verset Mi. 2,13 

Ascendet enim pandens iter ante eos. Divident et transibunt portam et egredientur per eam. Et transibit rex eorum coram eis et Dominus in capite eorum.

Capitulum 2

Numérotation du verset Mi. 2,1 
Ve qui cogitatis inutile et operamini malum in cubilibus vestris in luce matutina faciunt1 illud quia2 contra Deum est manus eorum.
1 faciunt] aciunt cacogr. Rusch
2 quia] quoniam Weber
interl.| o cetus Iudeorum, ve erit vobis
interl.| opere impletis
interl.| et cubilia ad quiescendum data stupris polluitis
interl.| malum quod nocte tractatis summo mane implere festinatis
interl.| ideo ve, quia vestra operatio contraria Deo est
marg.| Quomodo recedet. Cuius virtute poterit repelli ne vastet meum populum cum nec ego velim repellere propter peccata populi, nec alius possit.
Numérotation du verset Mi. 2,2 
Et concupierunt {t. 3 : Erfurt, f. 275rb ; facsim., p. 405b} agros et violenter tulerunt et domos rapuerunt et calumniabantur virum et domus3 eius virum et hereditatem eius
3 domus] domum Weber
interl.| ecce exponit per partes quod nocte ocgitant et die explent.
interl.| obliti paradisi
interl.| obliti domus non manufacte in celis
interl.| concupierunt
interl.| provecte etatis
interl.| et non solum provectiores, sed et parvulos qui propter etatem erant digni misericordia vastant
Numérotation du verset Mi. 2,3 
Idcirco hec dicit Dominus : Ecce ego cogito super familiam istam malum unde non auferetis colla vestra et non ambulabitis superbi quoniam tempus pessimum est.
interl.| quia hec cogitatis
interl.| tribum malorum Iudeorum
interl.| penam gravem patientibus que ita premet ne possitis colla levare
interl.| quos captivitas presserit
Numérotation du verset Mi. 2,4 
In die illa sumetur super vos parabola et cantabitur canticum cum suavitate dicentium : Depopulatione vastati sumus, pars populi mei commutata est. Quomodo recedet a me cum revertatur qui regiones vestras4 dividat ?
4 vestras] nostras Weber
interl.| dicetur
interl.| miserie vestre vertentur in canticum
interl.| templum meum quod in vobis et in aliis gentibus habebam mutabitur in ruinam
interl.| Assyrius vel romanus
interl.| sibi sorte distribuit
Numérotation du verset Mi. 2,5 
Propter hoc non erit tibi mittens funiculum5 in cetu Domini.
5 funiculum] + sortis Weber
interl.| o familia Israel super quam cogito malum, non habebis partem in hereditate sanctorum
Numérotation du verset Mi. 2,6 
Ne loquamini loquentes, non stillabit super istos, non comprehendet confusio,
interl.| maledictus qui peccat in spe
interl.| istud
interl.| non de improviso veniet captivitas
interl.| per apertam violentiam
interl.| captivitatis
marg.| Ne loquamini. Et cum sit ita captivandi o domus Iacob nolite vos decipere, et ad consolationem mutuam dicere Quia bonus est Deus non immittet captivitatem quam timemus numquid spiritus Domini qui omnibus largus est in vobis erit breviatus, et seuerus aut taliter cogitat ut homo qui furore percutit.
Numérotation du verset Mi. 2,7 
dicit Dominus6 Iacob. Numquid abbreviatus est spiritus Domini aut tales sunt cogitationes eius ? Nonne verba mea bona sunt cum eo qui recte graditur ?
6 Dominus] domus Weber
interl.| qui aliis largus in bonitate vobis erit brevis
interl.| quales hominum qui antiquam retinent iram
interl.| Responsio Domini contra presumptionem eorum, bonus quidem sum, sed non malis, sed illis qui recte gradiuntur.
marg.| Nonne verba Bonus bonis, sed vobis non, quia quantum in vobis est contra me insurrexistis colendo idola et infeliciem populum spoliastis auxilio Dei quasi protegente pallio, et simplices {t. 3 : Erfurt, f. ; facsim., p. 406a} maiorum auctoritati credentes, vertistis in bellum contra me, ideo stillabo super vos confusionem.
Numérotation du verset Mi. 2,8 
Et e contrario populus meus in adversarium consurrexit. Desuper tunicam7 pallium sustulistis et8 eos qui simpliciter transiebant9 {t. 3 : Erfurt, f. 275va ; facsim., p. 406a} convertistis in bellum.
7 tunicam] tunica Weber
8 et] om. Weber
9 s. t.] inv. Weber
Numérotation du verset Mi. 2,9 
Mulieres populi mei eiecistis de domo deliciarum suarum a parvulis earum tulistis laudem meam in perpetuum.
interl.| in populo meo cunctis, vel interfectis, vel captis nullus erat qui caneret mea cantica
marg.| Mulieres populi. Nec solum hec fecistis, sed etiam matronas olim delicatas captivas ire fecistis, vel per matronas urbes Iude metaphorice captivate intelliguntur.
Numérotation du verset Mi. 2,10 
Surgite et ite quia non habetis hic requiem propter immunditiam eius corrumpetur putredine pessima.
interl.| ergo
interl.| in captivitatem
interl.| In hac terra que propter scelera vestra polluta est, et ideo corrumpetur putredine pessima Babylonica vel romana captivitate in ultione sanguis Christi
marg.| Surgite et ite. Mystice iubemur non putare requiem in rebus mundi et ira post Dominum in paradisum, quod si noluerimus non inveniemus hic veram requiem, quia ubi Christus non lucet non requies sed tribulatio est et qui se hic voluptati applicant gravi contritione conterentur.
Numérotation du verset Mi. 2,11 
Utinam non essem vir habens spiritum et mendacium potius loquerer. Stillabo tibi in vinum et in ebrietatem et erit super quem stillabitur10 populus iste.
10 stillabitur] stillatur Weber
interl.| optarem et ipse anathema esse pro fratribus, ut inter pseudoprophetas solus per eam non pereunte populo
interl.| et me stillante sermonem captivitatis, iste populus velit, nolit sustinebit que dico
marg.| Utinam non esse. Et quamvis dixi vobis imminentibus Babyloniis vel romanis : surgite et ite in captivitatem, ne putetis quod gaudeam in annuntiatione horum malorum. Utinam de spiritu meo qui falli posset et non de spiritu Dei qui non mentitur hoc prolatum esset ut multitudo credens in filium Dei non traderetur eterne captivitati, sed quia a spiritu Dei missus sum predico veritatem, stillo tibi sermonem qui in modum vini te inebriat et corruere facit.
marg.| Habens spiritum. Ubicumque in veteri vel Novo Testamento spiritus sine additamento ponitur, in bonam partem accipitur.
Numérotation du verset Mi. 2,12 
Congregatione congregabo Iacob totum te. In unum conducam reliquias Israel. Pariter ponam illum quasi gregem in ovili quasi pecus in medio caularum. Tumultuabuntur a multitudine hominum.
interl.| sepiam muro firmissimo ut ex duobus perietibus fiat unum ovile
interl.| in loco pascue in medio caularum
interl.| Tumultus clamor est nimie multitudinis pari aspiratione emissus
marg.| Congregatione congregabo. Et ne putetis me esse vatem solummodo captivitatis quam per spiritum Dei predico, sciatis me esse etiam vatem illorum bonorum que per Christum in primo vel in secundo adventu eventura sunt, qui in me vobis loquitur natus de virgine, congregabo Iacob in una Ecclesia, in una fide, et cum populo gentium reliquias Israel in uno ovili copulabo, et tanta erit multitudo quod tumultuabuntur communi voce bonum pastorem laudantes qui quasi dux itineris precedet eos plantans eis queque ardua. Quo precedente et iter dividente transibit credulum pecus per eum qui est porta et egredietur de mortalitate ad immortalitatem, et ipse qui est pastor ut rex et Dominus transibit ante eos, et erit in capite eorum, hec omnia, vel de primo vel de secundo adventu possunt intelligi
Numérotation du verset Mi. 2,13 
Ascendet enim pandens iter ante eos. Divident et transibunt portam et egredientur per eam. Et transibit rex eorum coram eis et Dominus in capite eorum.
interl.| ad paradisum
interl.| ut dux
interl.| proficiendo
interl.| idem pastor et porta
interl.| iam perfecti
interl.| sicut olim in columna ignis et nubis
interl.| reges eos in virga ferrea
interl.| apparens eis
interl.| tamquam princeps.


Comment citer cette page ?
Martin Morard et alii, ed., Glossa ordinaria cum Biblia latina (Mi. Capitulum 2), in : Sacra Pagina, IRHT-CNRS, 2024. Consultation du 06/05/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=45&chapitre=45_2)
Signaler un complément d'information

Notes :