Biblia communis

Capitulum 17

Numérotation du verset 2Par. 17,1 
Regnavit autem {t. 2 : Erfurt, f. 120vb ; facsim., p. 240b} Iosaphat filius eius pro eo et invaluit contra Israel.
Numérotation du verset 2Par. 17,2 
Constituitque militum numeros in cunctis urbibus Iuda1 que erant vallate muris. Presidiaque disposuit in terra Iuda et in civitatibus Ephraim quas ceperat Asa pater eius.
1 Iuda] Iude Weber
Numérotation du verset 2Par. 17,3 
Et fuit Dominus cum Iosaphat quia ambulavit in viis David patris sui primis et non speravit in Baalim,
Numérotation du verset 2Par. 17,4 
sed in Deo patris sui, et p errexit in preceptis illius, et non iuxta peccata Israel.
Numérotation du verset 2Par. 17,5 
Confirmavitque Dominus regnum in manu eius, et dedit omnis Iuda
munera Iosaphat.
Facteque sunt ei infinite divitie
et multa gloria.
Numérotation du verset 2Par. 17,6 
Cumque sumpsisset cor eius audaciam propter vias Domini, etiam excelsa et lucos de Iuda abstulit.
Numérotation du verset 2Par. 17,7 
Tertio autem anno regni sui misit de principibus suis
Benail et Obdiam et Zachariam et Nathanael et Micheam, ut docerent in civitatibus Iuda,
Numérotation du verset 2Par. 17,8 
et cum eis levitas Semeiam et Nathaniam et Zabadiam, Asael quoque, et Semiramoth et Ionathan, Adoniamque2 et Tobiam3 et Tobadoniam levitas et cum eis Elisama et Ioram sacerdotes.
2 Adoniamque] Adoniam Weber
3 Tobiam Weber ] Thobiam Rusch Clementina
Numérotation du verset 2Par. 17,9 
Docebantque populum4 in Iuda habentes librum legis Domini, et circuibant cunctas urbes Iuda, atque erudiebant populum.
4 populum] om. Weber
Numérotation du verset 2Par. 17,10 
Itaque factus est pavor Domini super omnia regna terrarum que erant per gyrum Iuda, nec audebant bellare contra Iosaphat.
Numérotation du verset 2Par. 17,11 
Sed et Philistei Iosaphat munera deferebant, et vectigal argenti. Arabes quoque adducebant pecora arietum septem millia septingentos
et hircos totidem
Numérotation du verset 2Par. 17,12 
Crevit ergo Iosaphat et magnificatus5 usque in sublime, et6 edificavit in Iuda {t. 2 : Erfurt, f. 121ra ; facsim., p. 241a} domos ad instar turrium, urbesque muratas,
5 magnificatus] + est Weber
6 et] atque Weber
Numérotation du verset 2Par. 17,13 
et multa opera patravit in urbibus Iuda. Viri quoque bellatores et robusti erant in Hierusalem,
Numérotation du verset 2Par. 17,14 
quorum iste numerus per domus7 atque familias singulorum. In Iuda principes exercitus Ednas8 dux et cum eo robustissimorum trecenta millia.
7 domus] domos Weber
8 Ednas Weber ] Eduas cacogr. Rusch
Numérotation du verset 2Par. 17,15 
Post hunc Ioannan princeps et cum eo ducenta octoginta millia.
Numérotation du verset 2Par. 17,16 
Post istum quoque Amasias filius Zechri consecratus Domino, et cum eo ducenta millia virorum fortium.
Numérotation du verset 2Par. 17,17 
Hunc sequebatur robustus ad prelia Eliada9 et cum eo tenentium arcum et clipeum ducenta millia.
9 Eliada] Heliada Weber
Numérotation du verset 2Par. 17,18 
Post istum etiam Iozadat10 et cum eo centum octoginta millia expeditorum militum.
10 Iozadat] Iozabath Weber
Numérotation du verset 2Par. 17,19 
Hi omnes erant ad manum regis exceptis aliis quos posuerat in urbibus muratis et in universo Iuda.


Comment citer cette page ?
Martin Morard, ed., Biblia Communis (2Par. 17), in : Sacra Pagina, IRHT-CNRS, 2025. Consultation du 02/04/2025. (Permalink : https://gloss-e.irht.cnrs.fr/php/editions_chapitre.php?id=biblia&numLivre=17&chapitre=17_17)
Signaler un complément d'information

Notes :