Capitulum 12

Numérotation du verset 2Cor. 12,1 
Si
gloriari oportet
non expedit quidem,
veniam autem
ad visiones
et revelationes Domini.
Numérotation du verset 2Cor. 12,2 
Scio hominem
in Christo
ante annos quatuordecim,
sive in corpore nescio, sive extra corpus nescio,
Deus scit,
raptum huiusmodi1 usque ad tertium celum.
1 huiusmodi] eiusmodi Weber
Numérotation du verset 2Cor. 12,3 
Et scio
huiusmodi hominem sive {t. 4 : Erfurt, f. 1097ra ; facsim., p. 353a} in corpore, sive extra corpus nescio,
Deus scit,
Numérotation du verset 2Cor. 12,4 
quoniam raptus est in paradisum,
et audivit arcana verba,
que non licet homini loqui.
Numérotation du verset 2Cor. 12,5 
Pro huiusmodi2
gloriabor
pro me autem nihil
gloriabor nisi in infirmitatibus meis.
2 huiusmodi] eiusmodi Weber
Numérotation du verset 2Cor. 12,6 
Nam
et si voluero gloriari
non ero insipiens,
veritatem enim dicam,
parco autem
ne quis in me existimet
supra id quod videt in3 me,
aut
audit aliquid4 ex me.
3 in] om. Weber
4 aliquid] om. Weber
Numérotation du verset 2Cor. 12,7 
Et ne magnitudo revelationum
extollat me,
datus est
mihi
stimulus carnis mee
angelus Satane, ut me colaphizet.
Numérotation du verset 2Cor. 12,8 
Propter quod
ter Dominum rogavi
ut discederet a me,
Numérotation du verset 2Cor. 12,9 
et dixit mihi :
sufficit tibi gratia mea,
nam
virtus in infirmitate perficitur.
Libenter igitur gloriabor in infirmitatibus meis,
ut inhabitet in me virtus Christi.
Numérotation du verset 2Cor. 12,10 
Propter quod placeo mihi in infirmitatibus meis5,
in contumeliis,
in necessitatibus,
in persecutionibus,
{t. 4 : Erfurt, f. 1097rb ; facsim., p. 353b} in angustiis
pro Christo,
cum enim
infirmor
tunc
potens sum.
5 meis] om. Weber
Numérotation du verset 2Cor. 12,11 
Factus sum insipiens vos coegistis me6
Ego enim debui a vobis commendari, nihil
enim minus feci7
ab his,
qui sunt supra modum
apostoli,
tametsi nihil sum,
6 coegitis me] inv. Weber
7 feci] fui Weber
Numérotation du verset 2Cor. 12,12 
signa tamen apostolatus mei8 facta sunt super vos in omni patientia,
signis,
et prodigiis
et virtutibus.
8 apostolatus mei] apostoli Weber
Numérotation du verset 2Cor. 12,13 
Quid est enim quod minus habuistis pre ceteris Ecclesiis
nisi quod egoipse non gravavi vos ? Donate mihi
hanc iniuriam.
Numérotation du verset 2Cor. 12,14 
Ecce
tertio
hoc paratus sum
venire ad vos, et non ero gravis vobis.
Non enim quero que vestra sunt
sed vos.
Nec enim debent filii parentibus
thesaurizare sed parentes filiis.
Numérotation du verset 2Cor. 12,15 
Ego autem
libentissime
impendam
et superimpendar egoipse
pro animabus vestris, licet
plus vos diligens minus
diligar.
Numérotation du verset 2Cor. 12,16 
Sed esto,
ego vos non gravavi,
sed cum essem astutus dolo vos cepi.
Numérotation du verset 2Cor. 12,17 
Numquid
per aliquem eorum quos misi ad vos circumveni vos ?
Numérotation du verset 2Cor. 12,18 
Rogavi Titum,
et misi cum illo fratrem.
Numquid Titus vos circumvenit ? Nonne eodem spiritu ambulavimus ?
Nonne hisdem vestigiis ?
Numérotation du verset 2Cor. 12,19 
Olim putatis quod excusemus nos apud vos ?
Coram Deo
in Christo loquimur
omnia autem, carissimi, propter vestram edificationem.
Numérotation du verset 2Cor. 12,20 
Timeo enim
ne forte cum venero,
non quales
volo, inveniam vos et ego inveniar a vobis, qualem non vultis,
ne forte
contentiones,
emulationes,
susurrationes,
inflationes,
seditiones,
animositates,
dissensiones,
detractiones9,
sint inter vos,
9 susurrationes, inflationes seditiones - animositates, dissensiones, detractiones] inv. Weber
Numérotation du verset 2Cor. 12,21 
ne iterum
cum venero,
humiliet
me Deus apud vos,
et lugeam multos ex his
qui ante peccaverunt,
et non egerunt penitentiam super immunditia,
et fornicatione,
et impudicitia
quam gesserunt.


Comment citer cette page ?
Martin Morard, ed., Biblia Communis (2Cor. 12), in : Sacra Pagina, IRHT-CNRS, 2024. Consultation du 01/05/2024. (Permalink : https://gloss-e.irht.cnrs.fr/php/editions_chapitre.php?id=biblia&numLivre=62&chapitre=62_12)
Signaler un complément d'information

Notes :