Glossae Scripturae Sacrae-electronicae (Gloss-e)

Numérotation du verset Idc. 7,1

Igitur Ierobaal qui est¹ {t. 1: Erfurt, f. 242rb; facsim., p.483b} et Gedeon de nocte consurgens et omnis populus cum eo venit ad fontem qui vocatur Arad. Erant autem castra Madian in valle ad septentrionalem plagam collis Excelsi.

¹ est] om. P14417

Numérotation du verset Idc. 7,2

Dixitque Dominus ad Gedeon: Multus tecum est populus

nec tradetur Madian in manus eius ne glorietur contra me Israel et dicat meis viribus liberatus sum.

Numérotation du verset Idc. 7,3

Loquere ad populum, et cunctis audientibus predica: Qui formidolosus et timidus est revertatur.

Recesseruntque de monte Galaad et reversi² sunt ex populo viginti duo millia virorum

et tantum decem millia remanserunt.

² reversi] reversa Weber

Numérotation du verset Idc. 7,4

Dixitque Dominus ad Gedeon: Adhuc populus multus est. Duc eos

ad aquas

et ibi probabo illos

et de {t. 1: Erfurt, f. 242va; facsim., p.484a} quo dixero tibi ut tecum vadat³ ipse pergat⁴ quem ire prohibuero revertatur⁵.

³ t. v. Rusch Weber ] inv. Ω^SJ

⁴ ipse pergat Ω^J Ω^L etc. Rusch Weber ] ipse vadat Ω^SM, Cor3 (antiq. non habent ipse )

⁵ revertatur Cor3 (hebr. ipse non vadat ) Ω^J Rusch Weber ] ipse praem. Amiatinus F B Θ^AMG Ω^SM

Numérotation du verset Idc. 7,5

Cumque descendisset populus ad aquas dixit Dominus ad Gedeon: Qui manu et⁶ lingua lambuerint aquas

sicut solent canes lambere

separabis eos seorsum. Qui autem curvatis genibus biberint

in altera parte erunt.

⁶ manu et Λ ^H² Ω Ed1455 Rusch ] om. Ω^L Weber ; Cor2 : « De glossa Augustini quidam interponunt quod dicitur et manu quod nec antiq. nec hebr. habent sed non de hoc loco accipitur quod dicitur manu sed cum dicitur in sequentibus ibi (v. 6) qui manu ad os proiciente »; Cor 1 +3: « Hebr. antiq. (?) non habent si qui lingua lambuerunt ( sic ) etc. sed Glossa exponit “qui manu et lingua lambuerunt ( sic )” etc. Et est alia translatio que sumitur de greco sicut videtur velle glossa. Tamen hoc planius est in originali Augustini quia non super hunc textum debet esse glossa sed infra eodem: “fuit itaque numerus eorum qui manu ad os proiciente” etc. Et ibi alia translatio habet “factus est numerus eorum qui lambuerunt manu sua lingua sua trecenti viri” ». Cf. revera Rabanus, Commentaria in Iud., lib. 2, cap. 5, PL 108, 1161: « Fuit itaque numerus eorum, qui manu ad os projiciente aquas lambuerant, trecenti viri. Omnis autem reliqua multitudo flexo poplite biberat etc. Plerique Latini codices non habent, manu sua, sed tantummodo, lingua sua, quoniam sic intellexerunt quod supra dictum est, sicut canes. Graecus autem utrumque habet, manu sua, lingua sua, ut intelligatur quod manu aquam raptam in os projiciebant. Et hoc erat simile bibentibus canibus, qui non ore apposito, sicut boves, aquam ducunt quam bibunt, sed lingua in os rapiunt, sicut etiam isti fecisse intelliguntur, cum manu in os aquam projicerent, quam lingua exciperent. Nam et interpretatio ex Hebraeo planius id habet his verbis: Fuit itaque numerus eorum qui manu in os projiciente aquam lambuerant, trecenti viri. Neque enim solent homines ita bibere, ut sine opere manus, lingua, sicut canes, aquam hauriant. Aut vero istis praeceptum fuerat ut hoc facerent: sed cum ad bibendum descendissent ad aquas, multi genu flexo biberunt, quod facilius et minore labore fieret; pauci vero quia non flexo genu se incurvaverunt, et ut canes biberunt, sed aquam manu in os jactam. Quorum numerus, quia trecenti erant, signum insinuat crucis propter litteram T Graecam, in qua iste numerus significatur. Hinc etiam gentes magis in crucifixum credituras praefiguratum est, quod littera Graeca est. »

Numérotation du verset Idc. 7,6

Fuit itaque numerus eorum qui manu ad os proiciente aquas lambuerant trecenti viri.

omnis autem reliqua multitudo flexo poplite biberat.

Numérotation du verset Idc. 7,7

Et ait Dominus ad Gedeon: In trecentis viris qui lambuerunt aquas liberabo vos et tradam in manu tua Madian⁷. Omnis autem reliqua multitudo revertatur in locum suum.

⁷ in manu tua - M . Rusch ] inv. Ω^J Weber

Numérotation du verset Idc. 7,8

Sumptis itaque pro numero cibariis et tubis omnem reliquam multitudinem abire precepit ad tabernacula sua et ipse cum trecentis viris se certamini dedit. Castra autem Madian erant subter in valle.

Numérotation du verset Idc. 7,9

Eadem nocte dixit Dominus ad eum: Surge et descende {t. 1: Erfurt, f. 242vb; facsim., p.484b} in castra quia tradidi eos in manu tua.

Numérotation du verset Idc. 7,10

Sin autem solus ire formidas, descendat tecum Phara puer tuus.

Numérotation du verset Idc. 7,11

Et cum audieris quid loquantur, tunc confortabuntur manus tue et securior ad hostium castra descendes. Descendit ergo ipse et Phara puer eius in partem castrorum ubi erant armatorum vigilie.

Numérotation du verset Idc. 7,12

Madian autem et Amalech et omnes orientales populi fusi iacebant in valle ut locustarum multitudo. Cameli autem⁸ innumerabiles erant sicut arena que iacet in litore⁹ maris.

⁸ autem] quoque Weber

⁹ litore] litoribus Weber

Numérotation du verset Idc. 7,13

Cumque venisset Gedeon narrabat aliquis somnium proximo¹⁰ suo et in hunc modum referebat quod viderat. Vidi somnium et videbatur mihi quasi subcinericius panis ex hordeo volvi

et in castra Madian¹¹ descendere cumque pervenisset ad tabernaculum. Percussit illud atque subvertit et terre funditus coequavit.

¹⁰ somnium proximo] somnum proximio cacogr. Rusch

¹¹ c. M . Ω^S²^M] inv. Weber

Numérotation du verset Idc. 7,14

Respondit is cui loquebatur: Non est hoc aliud nisi gladius Gedeonis filii Ioas viri Israelite. Tradidit enim Dominus¹² in manu eius Madian {t. 1: Erfurt, f. 243ra; facsim., p.485a} et omnia castra eius.

¹² enim Dominus] Deus Weber

Numérotation du verset Idc. 7,15

Cumque audisset Gedeon somnium et interpretationem eius adoravit et reversus est¹³ ad castra Israel et¹⁴ ait: Surgite; tradidit enim Dominus in manus nostras castra Madian.

¹³ est] om. Weber

¹⁴ et] om. Weber

Numérotation du verset Idc. 7,16

Divisitque trecentos viros in tres partes et dedit tubas

in manibus eorum lagenasque

vacuas ac lampades

in medio lagenarum.

Numérotation du verset Idc. 7,17

Et dixit ad eos: Quod me facere videritis hoc facite.

Ingrediar partem castrorum et quod fecero sectamini.

Numérotation du verset Idc. 7,18

Quando personuerit¹⁵ tuba

in manu mea

vos quoque per castrorum circuitum clangite et conclamate Domino et Gedeoni.

¹⁵ personuerit Rusch Edmaior. (O plerique codd., edd. )] personaverit Weber Edmaior. (V Amiatinus )

Numérotation du verset Idc. 7,19

Ingressusque est Gedeon et trecenti viri qui erant cum eo in partem¹⁶ castrorum incipientibus vigiliis noctis medie et custodibus suscitatis ceperunt bucinis clangere et complodere inter se lagenas.

¹⁶ partem Ω^J Rusch ] parte Weber

Numérotation du verset Idc. 7,20

Cumque per gyrum castrorum in tribus personarent locis et hydrias confregissent, tenuerunt sinistris manibus

lampades et dextris sonantes tubas clamaveruntque gladius Domini et Gedeonis

Numérotation du verset Idc. 7,21

stantes singuli in loco suo per circuitum castrorum hostilium. Omnia itaque castra turbata sunt et vociferantes ululantesque fugerunt.

Numérotation du verset Idc. 7,22

Et nihilominus insistebant trecenti viri bucinis personantes. Immisitque Dominus gladium in omnibus castris et mutua se cede truncabant,

Numérotation du verset Idc. 7,23

fugientes usque {t. 1: Erfurt, f. 243rb; facsim., p.485b} Bethseta¹⁷ et crepidinem Abelmeula in Thebbath¹⁸. Conclamantes autem viri Israel de Nepthali et Aser et omni Manasse persequebantur Madian. Et dedit Dominus victoriam populo Israel in die illa¹⁹.

¹⁷ Bethseta Ω^J Weber ] Bethsecha Ω^S, Bethsera Ω^P, Bethseca Rusch , Bethsecha Cor3 (vel B.), Bethsetta Clementina

¹⁸ Abelmeula V etc. Φ Ω Ω^L Ω^P Ed1455 Rusch Weber ] Abelmehula Ed1530 Clementina | Thebbath Ω^S Ω^L Ω^P Ed1455 Rusch ] Thebbat Ω ^M, Tebbath Cava .. .B Amiatinus T M Φ O ... Ω^J Clementina Weber , Tebbatum Ed1530

¹⁹ Et dedit... Israel (suo C) in die illa Cava L Π^D ( in ras. ) M Φ^V Ψ Ω ^M Ω^S ( marg. ) Ω^P Ω^L Ed1455 Rusch Ed1530 ] om. Cor1 (antiq. et hebr. non habent hoc) Ω^J Cor3 (alii: Et dedit... illa, set antiqui et hebrei non habent) Clementina Weber

Numérotation du verset Idc. 7,24

Misitque Gedeon nuntios in omnem montem Ephraim dicens: Descendite in occursum Madian et occupate aquas usque Bethbera atque Iordanem. Clamavitque omnis Ephraim et preoccupavit aquas atque Iordanem usque Bethbera.

Numérotation du verset Idc. 7,25

Apprehensosque duos viros Madian - Oreb et Zeb - interfecit, Oreb in petra Oreb, Zeb vero in torculari Zeb, et persecuti sunt Madian, capita Oreb et Zeb portantes ad Gedeon, trans fluenta Iordanis.

<09. Iudicum*>

Capitulum 7