Glossae Scripturae Sacrae-electronicae (Gloss-e)

Numérotation du verset Idc. 20,1

Egressi itaque sunt¹ omnes filii Israel et pariter congregati quasi vir unus de Dan usque Bersabee et terra Galaad ad Dominum in Maspha

¹ i. s.] inv. P14417 Weber

Numérotation du verset Idc. 20,2

omnes quoque² anguli populorum et cuncte tribus Israel in ecclesiam populi Dei convenerunt quadringenta millia peditum pugnatorum.

² quoque] -que Weber

Numérotation du verset Idc. 20,3

Nec latuit filios Beniamin quod ascendissent filii Israel in Maspha. Interrogatusque Levita maritus mulieris interfecte quomodo tantum scelus perpetratum esset,

Numérotation du verset Idc. 20,4

respondit: Veni in Gabaa Beniamin cum uxore mea illucque diverti.

Numérotation du verset Idc. 20,5

Et ecce homines civitatis illius circumdederunt nocte domum in qua manebam, volentes me occidere et uxorem meam incredibili furore libidinis³ vexantes denique mortua est.

³ f. l.] inv. Weber

Numérotation du verset Idc. 20,6

Quam arreptam in frusta concidi misique partes in omnes terminos possessionis vestre quia numquam tantum nefas et tam grande piaculum factum est in Israel.

Numérotation du verset Idc. 20,7

Adestis omnes filii Israel decernite quid facere debeatis.

Numérotation du verset Idc. 20,8

Stansque omnis populus et⁴ quasi unius hominis sermone respondit: Non recedemus in tabernacula nostra nec suam quisquam intrabit domum

⁴ et] om. Weber

Numérotation du verset Idc. 20,9

sed hoc contra Gabaa in commune faciemus.

Numérotation du verset Idc. 20,10

Decem viri eligantur e centum ex omnibus tribubus Israel et centum de mille et mille de decem milibus ut comportent exercitui cibaria et possimus pugnare⁵ contra Gabaa Beniamin et⁶ reddere ei pro scelere quod meretur.

⁵ pugnare] pugnantes Weber

⁶ et] om. Weber

Numérotation du verset Idc. 20,11

Convenitque universus Israel ad civitatem quasi homo unus⁷ eadem mente unoque consilio

⁷ h. u.] inv. Weber

Numérotation du verset Idc. 20,12

et miserunt nuntios ad omnem tribum Beniamin qui dicerent: Cur tantum nefas in vobis repertum est?

Numérotation du verset Idc. 20,13

Tradite homines de Gabaa qui hoc flagitium perpetrarunt ut moriantur et auferatur malum de Israel. Qui noluerunt fratrum suorum filiorum Israel audire mandatum

Numérotation du verset Idc. 20,14

sed ex cunctis urbibus que sortis sue⁸ erant convenerunt in Gabaa ut illis ferrent auxilium et contra universum Israel populum dimicarent.

⁸ s. sue] inv. Weber

Numérotation du verset Idc. 20,15

{t. 1: Erfurt, f. 251ra; facsim., p.501a} Inventique sunt viginti quinque millia de Beniamin educentium gladium preter habitatores Gabaa

Numérotation du verset Idc. 20,16

qui septingenti erant viri fortissimi ita sinistra ut dextera preliantes et sic fundis lapides ad certum iacientes⁹ ut capillum quoque possent percutere et nequaquam in alteram partem ictus lapidis deferretur.

⁹ lapides - ad... iac.] inv. Weber

Numérotation du verset Idc. 20,17

Virorum quoque Israel absque filiis Beniamin inventa sunt quadringenta millia educentium gladios et paratorum ad pugnam

Numérotation du verset Idc. 20,18

qui surgentes venerunt in domum Dei, hoc est in Silo, consulueruntque Dominum¹⁰ atque dixerunt: Quis erit in exercitu nostro princeps certaminis contra filios Beniamin? Quibus respondit Dominus: Iudas sit dux vester.

¹⁰ Dominum] eum Weber

Numérotation du verset Idc. 20,19

Statimque filii Israel surgentes mane castrametati sunt iuxta Gabaa

Numérotation du verset Idc. 20,20

et inde procedentes ad pugnam contra Beniamin urbem oppugnare ceperunt.

Numérotation du verset Idc. 20,21

Egressique filii Beniamin de Gabaa occiderunt de filiis Israel die illo viginti duo millia virorum¹¹.

¹¹ virorum] viros Weber

Numérotation du verset Idc. 20,22

Rursum filii Israel et fortitudine et numero confidentes in eodem loco in quo prius certaverant aciem direxerunt

Numérotation du verset Idc. 20,23

ita tamen ut prius ascenderent et flerent coram Domino usque ad noctem, consulerentque eum et dicerent: Debemus¹² ultra procedere ad dimicandum contra filios Beniamin fratres nostros¹³ an non? Quibus ille respondit: Ascendite ad eos¹⁴ et inite certamen.

¹² Debemus] Debeo Weber

¹³ nostros] meos Weber

¹⁴ eos] eum Weber

Numérotation du verset Idc. 20,24

Cumque filii Israel altera¹⁵ die contra Beniamin ad prelium processissent,

¹⁵ altera] altero Weber

Numérotation du verset Idc. 20,25

eruperunt filii Beniamin de portis Gabaa et occurrentes eis tanta in illos cede bacchati sunt ut decem et octo millia virorum educentium gladium prosternerent.

Numérotation du verset Idc. 20,26

Quam ob rem omnes filii Israel venerunt in domum Dei et sedentes flebant coram Domino. Ieiunaveruntque die illo¹⁶ usque ad vesperam et obtulerunt ei holocausta atque¹⁷ pacificas victimas

¹⁶ d. i.] inv. Weber

¹⁷ atque] et Weber

Numérotation du verset Idc. 20,27

et super statu suo interrogaverunt. Eo tempore ibi erat arca federis Domini¹⁸

¹⁸ Domini] Dei Weber

Numérotation du verset Idc. 20,28

et Phinees, filius Eleazari, filii Aaron, prepositus domus. Consuluerunt igitur Dominum atque dixerunt: Exire ultra debemus ad pugnam contra filios Beniamin fratres nostros an quiescere? Quibus ait Dominus: Ascendite. Ccras enim tradam eos in manus vestras.

Numérotation du verset Idc. 20,29

Posueruntque filii Israel insidias per circuitum urbis Gabaa

Numérotation du verset Idc. 20,30

et tertia vice sicut semel et bis contra Beniamin {t. 1: Erfurt, f. 251rb; facsim., p.501b} exercitum produxerunt.

Numérotation du verset Idc. 20,31

Sed et filii Beniamin audacter eruperunt de civitate et fugientes adversarios longius persecuti sunt ita ut vulnerarent ex eis sicut primo die et secundo¹⁹ et cederent per duas semitas vertentes terga²⁰ quarum una ferebatur²¹ in Bethel et²² altera in Gabaa atque prosternerent triginta circiter viros.

¹⁹ die - et s.] inv. Weber

²⁰ v. t.] inv. Weber

²¹ ferebatur] ferebat Weber

²² et] om. Weber

Numérotation du verset Idc. 20,32

Putaverunt enim solito eos more cedere. Qui fugam arte simulantes inierunt²³ consilium ut abstraherent eos de civitate et quasi fugientes ad supradictas semitas perducerent.

²³ inierunt] iniere Weber

Numérotation du verset Idc. 20,33

Omnes itaque filii Israel surgentes de sedibus suis tetenderunt aciem in loco qui vocatur Baalthamar insidie quoque que circa urbem erant paulatim se aperire ceperunt

Numérotation du verset Idc. 20,34

et ab occidentali urbis parte procedere. Sed et alia decem millia virorum de universo Israel habitatores urbis ad certamina provocabant ingravatumque est bellum contra filios Beniamin et non intellexerunt quod ex omni parte illis instaret interitus.

Numérotation du verset Idc. 20,35

Percussitque eos Dominus in conspectu filiorum Israel et interfecerunt ex eis in illo die viginti quinque millia et centum viros omnes bellatores et educentes gladium.

Numérotation du verset Idc. 20,36

Filii autem Beniamin, cum se inferiores esse vidissent, ceperunt fugere. Quod cernentes filii Israel dederunt eis ad fugiendum locum ut ad preparatas insidias devenirent quas iuxta urbem posuerant.

Numérotation du verset Idc. 20,37

Qui cum repente de latibulis surrexissent et Beniamin terga cedentibus daret ingressi sunt civitatem et percusserunt eam in ore gladii.

Numérotation du verset Idc. 20,38

Signum autem dederant filii Israel his quos in insidiis collocaverant ut postquam urbem cepissent ignem accenderent ut²⁴ ascendente in altum fumo captam urbem demonstrarent.

²⁴ ut] et Weber

Numérotation du verset Idc. 20,39

Quod, cum cernerent filii Israel in ipso certamine positi, putaverunt enim filii Beniamin eos fugere et instantius persequebantur²⁵ cesis de exercitu eorum triginta viris

²⁵ persequebantur] sequebantur Weber

Numérotation du verset Idc. 20,40

et viderunt²⁶* quasi columnam fumi de civitate conscendere Beniamin quoque respiciens retro²⁷ captam cerneret civitatem et flammas in sublime ferri

²⁶ et viderunt plerique codd., edd. ] ut viderunt Rusch Ed1540 , videruntque Ω ^M, et viderent Amiatinus Ω^J Clementina Weber (Θ^H))

²⁷ respiciens retro] retro aspiciens Weber

Numérotation du verset Idc. 20,41

qui prius simulaverant fugam versa facie fortius resistebant. Quod cum vidissent filii Beniamin in fugam versi sunt

Numérotation du verset Idc. 20,42

et ad viam deserti ire ceperunt illuc quoque eos adversariis persequentibus. Sed et hi qui urbem succenderant occurrerunt eis

Numérotation du verset Idc. 20,43

atque ita factum est ut ex utraque parte ab hostibus cederentur nec erat ulla requies morientium²⁸. Ceciderunt atque prostrati sunt ad orientalem plagam urbis Gabaa.

²⁸ r. m.]] inv. Weber

Numérotation du verset Idc. 20,44

Fuerunt autem qui in eodem loco interfecti sunt decem et octo millia virorum omnes robustissimi pugnatores.

Numérotation du verset Idc. 20,45

Quod cum vidissent, qui remanserant de Beniamin fugerunt in solitudinem et pergebant ad petram cuius vocabulum est Remmon. In illa quoque fuga palantes et in diversa tendentes occiderunt quinque millia viros. Et cum ultra tenderent persecuti sunt eos et interfecerunt etiam alios duo millia.

Numérotation du verset Idc. 20,46

Et sic factum est ut omnes qui ceciderant de Beniamin in diversis locis essent viginti quinque millia pugnatores ad bella promptissimi.

Numérotation du verset Idc. 20,47

Remanserunt itaque de omni numero Beniamin qui evadere {t. 1: Erfurt, f. 251va; facsim., p.502a} potuerant et fugere in solitudinem sexcenti viri sederuntque in petra Remmon mensibus quatuor.

Numérotation du verset Idc. 20,48

Regressi autem filii Israel omnes reliquias civitatis a viris usque ad iumenta gladio percusserunt cunctasque urbes et viculos Beniamin vorax flamma consumpsit.

<09. Iudicum*>

Capitulum 20