Glossae Scripturae Sacrae-electronicae (Gloss-e)

Numérotation du verset Dn. 5,1

Balthasar rex

fecit grande convivium optimatibus suis mille

et unusquisque secundum suam bibebat etatem.

Numérotation du verset Dn. 5,2

Precepit autem¹ rex

iam temulentus

ut afferrentur vasa aurea et argentea que asportaverat Nabuchodonosor pater eius

de templo quod fuit in Hierusalem ut biberent in eis rex et optimates eius, uxoresque et concubine eius²

¹ autem] ergo om. Weber

² eius] om. Weber

Numérotation du verset Dn. 5,3

Tunc allata sunt vasa aurea que asportaverat de templo quod fuerat in Hierusalem, et biberunt in eis rex et optimates eius, uxores et concubine eius³.

³ eius] illius Weber

Numérotation du verset Dn. 5,4

Bibebant vinum

et laudabant

deos suos

aureos

et argenteos

et aereos

et ferreos, ligneosque et lapideos.

Numérotation du verset Dn. 5,5

In eadem hora

apparuerunt digiti quasi manus hominis scribentis contra candelabrum

in superficie parietis aule regie

et rex aspiciebat articulos manus scribentis.

Numérotation du verset Dn. 5,6

Tunc facies regis⁴ commutata est

et cogitationes eius conturbabant eum, et compages renum eius solvebantur,

et genua eius ad se invicem collidebantur.

⁴ f. r.] inv. Weber

Numérotation du verset Dn. 5,7

Exclamavit itaque rex fortiter ut introducerent magos Chaldeos et haruspices.

Et proloquens rex ait sapientibus Babylonis: Quicumque legerit scripturam {t. 3: Erfurt, f. 239ra ; facsim., p. 333a} hanc, et interpretationem eius manifestam mihi fecerit, purpura vestietur

et auream torquem habebit in collo

et tertius in regno meo erit.

Numérotation du verset Dn. 5,8

Tunc, ingressi omnes sapientes regis, non potuerunt scripturam legere nec interpretationem indicare regi.

Numérotation du verset Dn. 5,9

Unde rex Balthasar satis conturbatus est, et vultus illius immutatus est sed et optimates eius turbabantur.

Numérotation du verset Dn. 5,10

Regina autem

pro re que acciderat regi et optimatibus eius, domum convivii ingressa est, et proloquens ait: Rex in eternum vive. Non te conturbent cogitationes tue neque facies tua immutetur.

Numérotation du verset Dn. 5,11

Est vir in regno tuo qui spiritum deorum sanctorum habet in se

et, in diebus patris tui, scientia et sapientia invente sunt in eo.

Nam et rex Nabuchodonosor

pater tuus

principem magorum incantatorum Chaldeorum et haruspicum constituit eum. Pater, inquam, tuus o rex,

Numérotation du verset Dn. 5,12

quia spiritus amplior et prudentior⁵ intelligentiaque et⁶ interpretatio somniorum et ostensio secretorum ac solutio ligatorum invente sunt in eo. Hoc est in Daniele⁷ cui rex imposuit⁸ nomen Balthasar. Nunc itaque Daniel vocetur et interpretationem narrabit.

⁵ prudentior] prudentia Weber

⁶ et] om. Weber

⁷ Daniele] Danielo Weber

⁸ imposuit] posuit Weber

Numérotation du verset Dn. 5,13

Igitur introductus est Daniel coram rege ad quem prefatus rex ait: Tu es Daniel de filiis captivitatis Iude,

quem adduxit rex pater meus de Iudea ?

Numérotation du verset Dn. 5,14

Audivi de te quoniam spiritum deorum habeas

et scientia

intelligentiaque

ac sapientia

ampliores invente sunt in te.

Numérotation du verset Dn. 5,15

Et nunc introgressi sunt in conspectu meo sapientes magi ut Scripturam hanc legerent et interpretationem eius indicarent mihi, et nequiverunt sensum sermonis {t. 3: Erfurt, f. 239rb ; facsim., p. 333b} huius edicere.

Numérotation du verset Dn. 5,16

Porro ego audivi de te quod possis obscura interpretari et ligata dissolvere. Si ergo vales scripturam legere et interpretationem eius indicare mihi, purpura vestieris, et torquem auream circa collum tuum habebis, et tertius in regno meo princeps eris.

Numérotation du verset Dn. 5,17

Ad que respondens Daniel ait coram rege: Munera tua sint tibi,

et dona domus tue alteri da ; scripturam autem legam tibi rex,

et interpretationem eius ostendam tibi.

Numérotation du verset Dn. 5,18

O rex, Deus altissimus regnum

et magnificentiam gloriam et honorem dedit Nabuchodonosor patri tuo,

Numérotation du verset Dn. 5,19

et propter magnificentiam quam dederat ei, universi populi tribus et lingue tremebant et metuebant eum. Quos volebat interficiebat et quos volebat percutiebat, quos volebat exaltabat et quos volebat humiliabat.

Numérotation du verset Dn. 5,20

Quando autem elevatum est cor eius et spiritus illius obfirmatus est ad superbiam, depositus est de solio regni sui et gloria eius ablata est,

Numérotation du verset Dn. 5,21

et a filiis hominum eiectus est. Sed et cor eius cum bestiis positum est et cum onagris erat habitatio eius. Fenum quoque ut bos comedit et rore celi corpus eius infectum est, donec cognosceret quod potestatem haberet⁹ Altissimus in regno hominum, et quemcumque voluerit suscitabit super illud.

⁹ haberet] habeat Weber

Numérotation du verset Dn. 5,22

Tu quoque filius eius Balthasar non humiliasti cor tuum, cum scires hec omnia,

Numérotation du verset Dn. 5,23

sed adversum Dominatorem celi elevatus es et vasa domus eius

allata sunt coram te, et tu et optimates tui

et uxores tue et

concubine tue¹⁰ vinum bibistis in eis.

Deos quoque argenteos et aureos et aereos ferreos ligneosque et lapideos qui non vident neque {t. 3: Erfurt, f. 239va ; facsim., p. 334a} audiunt neque sentiunt laudasti.

Porro Deum, qui habet flatum

tuum in manu sua

et omnes vias tuas,

non glorificasti.

¹⁰ tue] om. Weber

Numérotation du verset Dn. 5,24

Idcirco ab eo missus est articulus manus que scripsit hoc quod exaratum est.

Numérotation du verset Dn. 5,25

Hec est autem scriptura que digesta est: Mane

thecel¹¹

phares.

¹¹ thecel] scrips. hic et ubique, thetel Rusch

Numérotation du verset Dn. 5,26

Et hec interpretatio sermonis. Mane: numeravit Deus regnum tuum

et complevit

illud ;

Numérotation du verset Dn. 5,27

thecel: appensus¹² es in statera

et inventus es minus habens ;

¹² appensus] appensum Weber

Numérotation du verset Dn. 5,28

phares: divisum est regnum tuum et datum est Medis et Persis.

Numérotation du verset Dn. 5,29

Tunc iubente rege indutus est Daniel purpura,

et circumdata est torques aurea collo eius, et predicatum est de eo quod haberet potestatem tertius in regno suo.

Numérotation du verset Dn. 5,30

Eadem nocte

interfectus est Balthasar rex Chaldeus

Numérotation du verset Dn. 5,31

et Darius Medus

successit in regnum annos natus sexaginta duos.

<38. Daniel**>

Capitulum 5