Hugo de Sancto Caro

Capitulum 6

Numérotation du verset Est. 6,1 

Noctem illam rex duxit insomnem
iussitque sibi afferri1 historias et annales priorum temporum. Qui cum illo presente legerentur
1 sibi afferri ΩS Rusch Clementina ] inv. Weber
Numérotation du verset Est. 6,2 

ventum est ad eum locum
ubi scriptum erat quomodo nuntiasset Mardocheus insidias Bagathan2 et Thares eunuchorum regem Assuerum iugulare cupientium.
2 Bagathan] scrips. cum Weber , Bagatham Rusch
Numérotation du verset Est. 6,3 

Quod cum rex audisset ait : Quid pro hac fide honoris ac premii Mardocheus3 consecutus est ? Dixeruntque ei servi illius ac ministri :
3 Mardocheus] Mardochens cacogr. Rusch
Nihil omnino mercedis accepit.
Numérotation du verset Est. 6,4 

Statimque rex : Quis est inquit in atrio ? Aman quippe interius atrium domus regie intraverat, ut suggereret regi et iuberet Mardocheum affigi patibulo quod ei fuerat preparatum.
Numérotation du verset Est. 6,5 

Responderunt pueri : Aman stat in atrio. Dixitque rex : Ingrediatur.
Numérotation du verset Est. 6,6 

Cumque esset ingressus ait illi : Quid debet fieri viro quem rex honorare desiderat ? Cogitans autem4 in corde suo Aman5 et reputans quod nullum alium rex nisi se vellet honorare
4 autem Rusch Clementina ] om. Weber |
5 in corde suo – Aman] inv. Weber |
Numérotation du verset Est. 6,7 

respondit : Homo quem rex honorare cupit
Numérotation du verset Est. 6,8 

debet indui vestibus regiis et imponi super equum qui de sella regis est et accipere regium diadema super caput suum
Numérotation du verset Est. 6,9 

et primus de regis principibus ac tyrannis teneat equum eius et per plateam civitatis incedens clamet et6 dicat : Sic honorabitur quemcumque rex voluerit honorare.
6 et Ω Rusch Clementina ] ac Weber
Numérotation du verset Est. 6,10 

Dixitque ei rex : Festina
et sumpta stola et equo fac7 ut locutus es Mardocheo Iudeo, qui sedet ante fores palatii. Cave ne quicquam de his que locutus es pretermittas.
7 fac Ω Rusch Clementina ] + ita Weber
Numérotation du verset Est. 6,11 

Tulit itaque Aman stolam
et equum indutumque Mardocheum in platea civitatis et impositum equo precedebat atque clamabat : Hoc honore condignus est quemcumque rex voluerit honorare.
Numérotation du verset Est. 6,12 

Reversus est Mardocheus ad ianuam palatii et Aman festinavit ire in domum suam lugens et operto capite
Numérotation du verset Est. 6,13 

narravitque Zares uxori sue et amicis omnia que evenissent sibi. Cui responderunt sapientes
quos habebat in consilio et uxor eius : Si de semine Iudeorum
est Mardocheus ante quem cadere cepisti non poteris ei resistere
sed cades in conspectu eius.
Numérotation du verset Est. 6,14 

Adhuc illis loquentibus venerunt eunuchi regis et cito eum ad convivium quod regina paraverat pergere compulerunt.

Capitulum 6

Numérotation du verset Est. 6,1 
marg.| {h} Noctem illam] etc. GLOSSA Non dormitabit, neque dormiet, qui custodit Israel, Is. 21.c. Custos, quid de nocte, etc. Ier. 1.c. Quid tu vides Ieremia ? Virgam vigilantem ego video, etc.
marg.| {i} Historias, et annales] IOSEPHUS dicit nolens vigilias noctis in otio perdere, ad gubernationem sui principatus {1. 392vb} voluit eas habere.
marg.| {k} Nihil omnino mercedis accepit. Statimque Rex. Quis est inquit in atrio ? Aman quippe interius atrium domus regie intraverat] etc. Verum est respectu futuri premii, licet Ps. dicat. In custodiendis illis retributio multa.
marg.| {k} Vestibus Regiis] id est virtutum varietate, et operibus bonis. De quibus, Eccles. 9.b. Omni tempore vestimenta tua sint candida, Apc. 16.c. Beatus, qui custodit vestimenta sua ne nudus ambulet, Is. 42.a. Induere vestimentis glorie tue Hierusalem civitas sancta.
marg.| {l} Super equum] Equus est populus fidelium, in cordibus quorum residet Rex Angelorum, Hab. tertio b. Ascendes super equos tuos, et quadrige tue salvatio. Item Ibidem d. Viam fecisti in mari equis tuis, etc. Iob. 39.c. Numquid prebebis equo fortitudinem, aut circumdabis collo eius hinnitum ?
marg.| {m} Qui de sella Regis est, et accipere regium diadema super caput suum, et primus de regiis principibus, ac tyrannis, teneat equum eius] etc. Sella regis est humilitas, Is. 66.a. Super quem requiescet spiritus meus, etc. Prv. 29.d. Superbum sequitur humilitas, humilem spiritu suscipiet gloria.
marg.| {n} Stola, et equo, fac ita, ut locutus est] etc. id est veste regia.
marg.| {o} Qui sedet ante fores palatii] etc. Ecce Qui se humiliat, exaltabitur, Lc. 18.
marg.| {p} Precedebat, atque clamabat : Hoc honore condignus est, quemcumque Rex voluerit honorate] etc. GLOSSA Qui sibi videbatur super alios gloriosior, et potentior, infra alios apparet vilior, et inferior, secundum illud. Deposuit potentes de sede, et exaltavit humiles, Lc. 1.e. Et est hec mutatio dextere excelsi. Prv. 11.d. Qui stultus est, serviet sapienti.
marg.| {q} Lugens] secundo Corinth. septimo, c. Tristitia seculi mortem operatur. Est autem tristitia {1. 393ra} bona. De qua ibidem : Tristitia, que secundum Deum est, penitentiam in salutem stabilem operatur. De hac dicitur 2Rg. 15.f. Porro David ascendit clivum olivarum, scandens, et flens operto capite, et nudis pedibus incedens.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Est. Capitulum 6), in : Sacra Pagina, IRHT-CNRS, 2024. Consultation du 04/05/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=24&chapitre=24_6)
Signaler un complément d'information

Notes :