Glossae Scripturae Sacrae-electronicae (Gloss-e)

Biblia communis

Capitulum 9

Numérotation du verset Idt. 9,1

Quibus ascendentibus¹,

¹ ascendentibus] abscedentibus Weber

Iudith ingressa est oratorium suum et induens se cilicio,

posuit cinerem super caput suum

et prosternens se Domino clamavit ad Dominum dicens :

Numérotation du verset Idt. 9,2

Domine Deus patris mei Simeon,

qui dedisti illi gladium in defensione alienigenarum qui violatores extiterunt in coinquinatione sua et denudaverunt femur virginis in confusionem

Numérotation du verset Idt. 9,3

et dedisti mulieres eorum in predam et filias eorum in captivitatem et omnem predam in divisionem servis tuis^a

⁰ Cf. Gn. 34, 29.

qui zelaverunt zelum tuum, subveni queso te Domine Deus meus, mihi vidue.

Numérotation du verset Idt. 9,4

Tu enim fecisti priora et illa post illa cogitasti

et hoc factum est quod ipse voluisti.

Numérotation du verset Idt. 9,5

Omnes enim vie tue parate sunt et tua iudicia in providentia tua posuisti.

Numérotation du verset Idt. 9,6

Respice castra Assyriorum nunc,

sicut tunc castra Egyptiorum videre² dignatus es, quando post servos tuos armati currebant^b confidentes in quadrigis

⁰ Cf. Ex. 14, 9.

² Egyptiorum videre Ω^S Ω^J Rusch Clementina ] inv. Weber

et in equitatu suo et in multitudine bellatorum.

Numérotation du verset Idt. 9,7

Sed aspexisti super castra eorum et tenebre fatigaverunt eos.

Numérotation du verset Idt. 9,8

Tenuit pedes eorum abyssus

et aque

operuerunt eos^c.

⁰ Cf. Ex. 15, 5.

Numérotation du verset Idt. 9,9

Sic fiant

et isti, Domine,

qui confidunt in multitudine sua et in curribus suis et in contis et in sagittis suis et in lanceis gloriantur

Numérotation du verset Idt. 9,10

et nesciunt quia tu ipse es Deus noster, qui conteris bella ab initio et Dominus nomen est tibi.

Numérotation du verset Idt. 9,11

Erige brachium tuum

sicut ab initio et allide virtutem eorum in virtute tua, cadat virtus eorum in iracundia tua³ qui promittunt

³ iracundia tua Ω^J Rusch Clementina ] iracundiam tuam Weber

se violare sancta tua et polluere tabernaculum nominis⁴ tui et deicere gladio suo cornu altaris tui.

⁴ nominis Ω Rusch Clementina ] honoris Weber

Numérotation du verset Idt. 9,12

Fac, Domine, ut gladio proprio eius superbia amputetur,

Numérotation du verset Idt. 9,13

capiatur laqueo oculorum suorum in me,

et percuties eum ex labiis caritatis mee.

Numérotation du verset Idt. 9,14

Da mihi in animo constantiam ut contemnem⁵ illum et virtutem ut evertam illum.

⁵ contemnem Ω^S Rusch ] contemnam Weber

Numérotation du verset Idt. 9,15

Erit enim memoriale nominis tui,

cum manus feminea

deiecerit eum.

Numérotation du verset Idt. 9,16

Non enim in multitudine est virtus tua, Domine,

neque in equorum viribus voluntas tua,

nec superbi ab initio placuerunt tibi

sed humilium et mansuetorum semper tibi⁶ placuit deprecatio.

⁶ semper tibi Ω^S Rusch Clementina ] inv. Weber

Numérotation du verset Idt. 9,17

Deus celorum,

creator aquarum

et dominus totius creature

exaudi me miseram

deprecantem et de tua misericordia presumentem.

Numérotation du verset Idt. 9,18

Memento, Domine, testamenti tui

et da verbum in ore meo

et in corde meo

consilium corrobora, ut domus tua

in tua sanctificatione permaneat

Numérotation du verset Idt. 9,19

et omnes gentes

agnoscant quoniam tu es Deus

et non est alius preter te.

Capitulum 9

Numérotation du verset Idt. 9,1

Quibus ascendentibus¹,

¹ ascendentibus] abscedentibus Weber

^interl.| vel : abscedentibus

^marg.| QUIBUS ASCENDENTIBUS. Postquam ad presbyteros locuta est, oratorium ingreditur Iudith, quia sollicitudo sanctorum post predicationis obsequium redit ad cordis sui secretum, ut ibi compleat pure ascensionis incensum secundum illud^a : «Cum oraveris intra in cubiculum tuum».

^a Mt. 6, 6.

Iudith ingressa est oratorium suum et induens se cilicio,

^interl.| penitentie

posuit cinerem super caput suum

^interl.| memoriam fagilitatis et mortis

et prosternens se Domino clamavit ad Dominum dicens :

^interl.| per humilitatis affectum se sperans exaudiri sacrificium Deo spiritus contribulatus

Numérotation du verset Idt. 9,2

Domine Deus patris mei Simeon,

^marg.| DOMINE DEUS. Bene in oratione actum Simeonis commemorat qui cum fratre Levi stuprum sororis in alienigenas vindicavit^b. Futurum enim erat ut Holophernes qui in Iudith voluit explere immunditiam libidinis gladio feriretur ultionis.

^b Cf. Gn. 34, 25.

qui dedisti illi gladium in defensione alienigenarum qui violatores extiterunt in coinquinatione sua et denudaverunt femur virginis in confusionem

^interl.| Dine filie Iacob^c

^c Cf. Gn. 30, 21.

Numérotation du verset Idt. 9,3

et dedisti mulieres eorum in predam et filias eorum in captivitatem et omnem predam in divisionem servis tuis²

² Cf. Gn. 34, 29.

^interl.| filiis Iacob

qui zelaverunt zelum tuum, subveni queso te Domine Deus meus, mihi vidue.

^interl.| desolate

Numérotation du verset Idt. 9,4

Tu enim fecisti priora et illa post illa cogitasti

^interl.| omnia ordine disposuisti

et hoc factum est quod ipse voluisti.

Numérotation du verset Idt. 9,5

Omnes enim vie tue parate sunt et tua iudicia in providentia tua posuisti.

Numérotation du verset Idt. 9,6

Respice castra Assyriorum nunc,

^marg.| RESPICE CASTRA. Sicut luxuriosos luxuriosis comparat, ita nunc superbis superbos, Assyrios scilicet Egyptiis, quia sicut potentia divina est in illis, ita manifestari potest et his subversis, quia idem Dominus eadem potentia eadem iustitia.

sicut tunc castra Egyptiorum videre³ {t. 2 : Erfurt, f. 176rb ; facsim., p. 351b} dignatus es, quando post servos tuos armati currebant⁴ confidentes in quadrigis

³ Egyptiorum videre Ω^S Ω^J Ed1455 Rusch Clementina ] inv. Weber

⁴ Cf. Ex. 14, 9.

^interl.| non in Domino

et in equitatu suo et in multitudine bellatorum.

Numérotation du verset Idt. 9,7

Sed aspexisti super castra eorum et tenebre fatigaverunt eos.

^interl.| «vultus autem Domini super facientes mala»^d

^d Ps. 34, 17 ; 1Pt. 3, 12.

Numérotation du verset Idt. 9,8

Tenuit pedes eorum abyssus

^interl.| ut evadere non possent

et aque

^interl.| maris

operuerunt eos⁵.

⁵ Cf. Ex. 15, 5.

Numérotation du verset Idt. 9,9

Sic fiant

^interl.| similes illis

et isti, Domine,

^interl.| puniantur

qui confidunt in multitudine sua et in curribus suis et in contis et in sagittis suis et in lanceis gloriantur

Numérotation du verset Idt. 9,10

et nesciunt quia tu ipse es Deus noster, qui conteris bella ab initio et Dominus nomen est tibi.

^interl.| soli

Numérotation du verset Idt. 9,11

Erige brachium tuum

^interl.| potentiam quam videris dimisisse

sicut ab initio et allide virtutem eorum in virtute tua, cadat virtus eorum in iracundia tua⁶ qui promittunt

⁶ iracundia tua Ω^J Ed1455 Rusch Clementina ] iracundiam tuam Weber

^interl.| iactant

se violare sancta tua et polluere tabernaculum nominis⁷ tui et deicere gladio suo cornu altaris tui.

⁷ nominis Ω Ed1455 Rusch Clementina ] honoris Weber

Numérotation du verset Idt. 9,12

Fac, Domine, ut gladio proprio eius superbia amputetur,

^marg.| {t. 2 : Erfurt, f. 176rb ; facsim., p. 351b} FAC DOMINE. Hoc non dicit delectatione pene sed amore iustitie. Sic prophete quicquid in spiritu iusto iudicio vident futurum in eodem spiritu predicant faciendum, immo per eos ipse predixit qui eis revelat atque facit quale est illud ^e : «Fiat mensa eorum coram ipsis in laqueum» etc. et^f : «Percutiet te Deus paries dealbate».

^e Ps. 68, 23.

^f Act. 23, 3.

^marg.| MYSTICE. Omnis hereticus vel schismaticus vel Iudeus vel paganus qui Ecclesiam verbo vel exemplo corrumpere voluerit, proprio superbie gladio caput inique voluntatis amittit. Unde^g : «ipsa conteret caput tuum».

^g Gn. 3, 15.

Numérotation du verset Idt. 9,13

capiatur laqueo oculorum suorum in me,

^interl.| per portam oculorum intret affectio concupiscentiarum, unde^h : «qui viderit mulierem ad concupiscendum eam iam mechatus est eam»

^h Mt. 5, 28.

et percuties eum ex labiis caritatis mee.

^interl.| dulcia videantur ei labia mea, id est verba

Numérotation du verset Idt. 9,14

Da mihi in animo constantiam ut contemnem⁸ illum et virtutem ut evertam illum.

⁸ contemnem Ω^S Rusch ] contemnam Weber

Numérotation du verset Idt. 9,15

Erit enim memoriale nominis tui,

^interl.| «non nobis Domine non nobis sed nomini»ⁱ etc.

ⁱ Ps. 113, 9.

cum manus feminea

^interl.| fragilis sexus

deiecerit eum.

^interl.| «qui se exaltat humiliabitur»^j

^j Lc. 14, 11.

^interl.| superbum

Numérotation du verset Idt. 9,16

Non enim in multitudine est virtus tua, Domine,

^interl.| in qua confidit Holophernes

neque in equorum viribus voluntas tua,

^interl.| «fallax equus ad salutem»^k et «nolite fieri sicut equus et mulus»^l etc.

^k Ps. 32, 17.

^l Ps. 31, 9.

nec superbi ab initio placuerunt tibi

^interl.| unde diabolus et primus homo cecidit

sed humilium et mansuetorum semper tibi⁹ placuit deprecatio.

⁹ semper tibi Ω^S Ed1455 Rusch Clementina ] inv. Weber

Numérotation du verset Idt. 9,17

Deus celorum,

^interl.| sanctorum

creator aquarum

^interl.| apostolorum

et dominus totius creature

^interl.| nove

exaudi me miseram

^interl.| afflictam

deprecantem et de tua misericordia presumentem.

^interl.| non de viribus meis

Numérotation du verset Idt. 9,18

Memento, Domine, testamenti tui

^interl.| promissionis qui promittis te esse cum fidelibus tuis

et da verbum in ore meo

^interl.| quo loquor ad eum

et in corde meo

^interl.| ex quo procedunt verba

consilium corrobora, ut domus tua

^interl.| quam delere vult

in tua sanctificatione permaneat

^interl.| in eternum

Numérotation du verset Idt. 9,19

et omnes gentes

^interl.| audito miraculo

agnoscant quoniam tu es Deus

^interl.| solus

et non est alius preter te.

Comment citer cette page ?
Martin Morard et alii, ed., Glossa ordinaria cum Biblia latina (Idt. Capitulum 9), in : Sacra Pagina, IRHT-CNRS, 2024. Consultation du 27/04/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=23&chapitre=23_9)

Signaler un complément d'information

Notes :

<23. Iudith**>

Capitulum 9

<23. Iudith**>

Capitulum 9