- 1Mcc. 6, 42 : Et iratus est etc. Congregat typicus Antiochus exercitum non solum a propriis, sed etiam de extraneis, quia servicia persecutorum, non contenta est seditione interna, sed etiam forinsecus servis Christi inmania excitat bella. Instituunt pedites, ordinant equites, preparant elephantes, ut nihil desit eorum crudelitati, sed quicquid excogitare potest impietas, totum preparat atrocitas. Sed et figuraliter sicut pedites et equites possunt designare lictores et carnifices, ita et elephanti, propter enormitatem corporum ac crudelitatem animorum possunt designare fastum principum, quibus bene convenit quod bestiis ad exacerbandam iram ostenderunt sanguinem uve et mori, quia in effusione sanguinis martyrum excitata est sevica persecutorum. Et bene dicitur quod astiterunt singulis elephantis mille viri in loricis concatenatis et galee in capitibus eorum et equites ordinati unicuique bestie , quia plures sunt qui favent adulationi principum, quorum lorice concatenate sunt, hoc est, doli pravorum consiliorum invicem perplexi sunt. Et galeam eneam habent in capitibus suis, cum iniquitatis duritiam circumdant mentibus suis, ubi etiam equites assunt ordinati, quia superbie elatio ibi non deerit, ubi communis nature per misericordiam non consideratur equalitas, sed mundani favoris appetitur vanitas. Sed et turres lignee, que imposite bestiis vigintiduos in se continebant viros, exprimunt fragilitatem potentie, qua semper se persecutores prevalere martyribus confidunt. Et recte dicitur : Intus erat magister bestie et residuum equitum hinc inde statuit, quia crudelitas mentium que totum machinabatur malum, intus estuabat in cordibus persecutorum, cui etiam actus superbi forinsecus adminiculabantur in tortura innocentum. His quoque ita dispositis Iudas statuit tubis exercitum suum commovere, quia predicatores sancti, cum insitunt bella persecutionis, non cessant verbis confortare animos auditorum. Et licet terrena gloria resplendeat in pompa mundana, seu varia in cruciatibus tormentorum incandescant genera, tamen martyres Christi imperterriti manent vindicis sui inde utique spiritualis adherentes lateri vincunt atque prosternunt impiorum audaciam.

- Lc. 12, 5 : OSTENDAM AUTEM VOBIS . Quia duo sunt genera persecutorum unum aperte persequentium, alterum fraudulenter blandientium. Sicut supra contra hypocrisim, ita hic armat contra carnifices.

- Ios. 9, 1 : Prohibemur iurare : -Negligenter, sicut hic Iosue, et Principes iuraverunt Gabaonitis. -Precipitanter, sicut David contra Nabal, 1Rg. 25. -Assidue, pro lucro temporali, ut mercatores, Eccl. 23.b. Iurationi non assuescat os tuum. -Otiose, sicut faciunt pueri, Ex. 20.b. Non assumes nomen Dei tui in vanum. -Erronee, ut cupidi. Mt. 23.b. Qui iuraverit in templo, nihil est, quod autem in auro templi debet. -Falso, ut falsi testes, Prv. 19.a. Falsus testis non erit impunitus. - Dolose, sicut carnifices. Ps. 23. Nec iuravit in dolo proximo suo.

- Idc. 2, moraliter : Moraliter. {c} Suscitavitque Dominus] etc. Is. 3.d. Dominus ad Iudicium veniet, etc. Iudices sunt Prelati, et Apostoli, quos suscitavit Dominus, gratiam infundendo, sive inspirando. Dn. 13.e. Suscitavit Dominus spiritum pueri iunioris, qui statim dixit : Revertimini ad iudicium. Dicuntur autem iudices prelati, quia ex officio debent se iudicando examinare, an sint digni ad prelationem, Vel idonei. Eccl. 7.a. Noli querere fieri iudex, nisi valeas virtute irrumpere iniquitatem. Et alibi 37.d. Tenta animam tuam antequam des ei potestatem. Item debent iudicare de subditis, inter lepram, et non lepram, et inter lepram, et lepram. Lv. 13.a. Homo, in cuius cute, vel carne orta fuerit plaga lepre, adducetur ad Aaron Sacerdotem, vel ad quemlibet filiorum eius. His iudicibus dicitur. Recte iudicate filiis hominum. Item : Iudicate populo, et humili. Is. 1.e. Iudicate pupillo, defendite viduam, et venite, et arguite me dicit Dominus. Ad quid suscitat hos iudices  Ut liberet subditos de manu vastantium, id est demonum hereticorum, schismaticorum, tyrannorum, opponendo se quasi murum pro domo Israel. Liberare autem debent eos predicationis gladio, ut Paulus Eph. ult. Orationis clypeo, ut Aaron. Sap. 18.d. Item Sacramentorum ministerio, eleemosynarum subsidio. Hec enim quatuor debent prelati subditis, predicationem, orationem, Sacramentorum administrationem, bonorum suorum communicationem. Quilibet igitur antequam promoveri debeat, debet attendere in se, si sit in reddendo hec quatuor idoneus. Sed e contra faciunt multi Prelatorum, oves suas non liberant, ut pastores, sed spoliant, ut fures. Unde Mi. 2.c. Desuper tunicam pallium tulistis. Excoriant, ut carnifices. Mi. 3.a. Audite principes domus Iacob, et duces domus Israel : Numquid vestrum est scire iudicium, qui odio habetis bonum, et diligitis malum, qui violenter tollitis pelles eorum desuper eos, et carnem desuper ossibus eorum, qui comederunt carnem populi mei, et pellem eorum desuper excoriaverunt. Item tondent, ut mercenarii Ez. 34.a. Lac comedebatis, et lanis operiebamini, et quod crassum erat comedebatis, et gregem meum non pascebatis. Item devorant, ut lupi. Ps. 13. Qui devorant plebem meam, ut cibum panis.

- 1Rg. 19, 1 : {i} Lictores] id est carnifices.

- 1Rg. 22, 1 : {c} Emissariis, qui circumstabant] etc. GLOSSA Emis sarii sunt, qui imperio regis emittuntur ad interficiendos reos. Idem etiam dicuntur apparitores, et lictores, vel carnifices.

- 1Rg. 25, 1 : Septem modis prohibemur iurare -Negligenter, sive indiscrete, ut Iosue Gabaonitis : Iosue 9.c. -Precipitanter, ut David hic contra Nabal. -Assidue, ut mercatores. Sir. 23.b. Iurationi non assuescat os tuum. -Otiose, ut pueri. Ex. 20.b. Non assumes nomen Dei tui in vanum Sir. 23.b. Nominibus Sanctorum non admiscearis -Erronee, ut cupidi. Mt. 23.b. Qui iuraverit per templum, nihil est, qui autem iuraverit in auro templi, debitor est. -Falso, ut mali testes. Prv. 19.a. Falsus testis non erit impunitus. -Dolose, ut carnifices. Ps. 13. Nec iuravit in dolo proximo suo.

- Prv. 21, mystice : {h} Et non cessabit] tribuere, vel acquirere laborando, unde tribuat necessitatem patienti. Ps. 111. Iucundus homo, qui miseretur et tribuit ; disponit sermones suos in iudicio. Sed sunt multi, qui se iustos estimant, si sui tantum iudiciarii sint, sive carnifices, si peccata propria defleant, si aliena non rapiant, similes viti, que totum vinum suum bibit ; aut fonti, qui totam aquam suam glutit. Non est sic, sed qui vero modo iustus est, non solum sibi, sed omnibus laborat et vivit, pro omnibus orando, ieiunando, vigilando et alia bona faciendo, que quanto communiora, tanto sunt meliora. Unde supra 5.c. Bibe aquam de cisterna tua et fluenta putei tui. Et postea. Deriventur fontes tui foras et in plateis aquas tuas divide, pro peccatoribus orando et flendo.

- 1Mcc. 6, mystice : Sed figuraliter sicut pedites, et equites possunt designare lictores, et carnifices, ita elephanti fastum principum, quibus ostendebatur sanguis uve, et mori, quia in effusione sanguinis martyrum excitata est sevitia persecutorum. Hic sanguis elephantos malos, id est tyrannos, excitat ad furorem, sed bonos elephantos, id est viros sanctos excitat ad fervorem Gn. 49.b. Lavabit in vino stolam suam.

- Mt. 2, 10 : {h} Gavisi sunt gaudio magno valde: Naturaliter gaudet mens hominis, cum succedunt ei prospera, sed gaudio gaudet, cum equaliter sustinet adversa, sed valde magno gaudio gaudet, cum ei contumelie sunt grate, sicut Act. 5.g. Ibant Apostoli gaudentes etc. Primum gaudium habuit Isaac, Deo manens gratus in prosperis. Secundum Iob, qui innocentiam suam defendit in adversis. Tertium, Laurentius, atque Vincentius, qui carnifices irriserunt in tormentis. Item gaudium est in vita naturali, ut per Ezechiam patet. Is. 38.d. Morientium enim est pena et tristitia. Maius autem gaudium est in vita gratie. Sed maximum gaudium est in securitate conscientie. In gaudio enim illius non miscebitur extraneus. Prv. 14.b ; 2Cor. 1.c. Gloria nostra hec est, testimonium conscientie nostre. Incomparabiliter maius gaudium est vita glorie. De quo Io. 16.e. Gaudium vestrum nemo tollet a vobis.

- Lc. 12, 1 : {g} Dico autem etc. Beda. Quia duo sunt genera persecutorum, unum aperte persequentium, alterum fraudulenter blandentium, sicut contra hypocrisim, ita hic armat contra carnifices. Unde dicit. Dico autem vobis amicis meis, qui nihil terrenum cupitis: Quia amicus huius mundi inimicus Dei constituitur. Iacob 4.a.

- Apc. 9, 2 : {t} Nocent] vel quia acquirendo divitias faciunt fraudes, et ita nocent aliis, vel quia prefecti incitabunt tortores, et carnifices ad nocendum sanctis.

- Ps. 43, 22 : {I} ¶ Per luxuriam multi victimant se diabolo. Unde prostibulum est quasi macellum diaboli. Et meretrices sunt quasi lanie et carnifices diaboli: que quasi ad stallum vendunt carnes suas, vel ipse lene vetule que iuvenculas prostituunt et venales exponunt sunt la nie diaboli. de quibus dicitur Iohel. 3 Posuerunt puerum in prostibulo et puellam vendiderunt pro vino ut biberent. In quo notatur earum consuetudo que semper ebrie sunt sicut ait Claudianus . Vix lassa recedit et iam vina petit. Item cum sacerdotum sit sacrificare, ipse sunt sacerdotes vel sacerdotisse diaboli que victimant animas diabolo: nec { CLXXXI r } etiam parcunt filiis nec filiabus suis quas etiam prostituunt. Unde Ps. 105. Immolaverunt filios suos et filias suas demoniis. Victima ergo diaboli fit anima per luxuriam. Unde Prv. 7 Irretivit eum multis sermonibus et blanditiis labiorum protraxit illum: statimque eam sequitur quasi bos ductus ad victimam.

- Ps. Annexe4 Table alphabétique du contenu de l’édition de 1523, 5 : Carnifices animi seu affectiones male. cxxxii. C. t.2

- Ps. 21, moraliter :  .13. Speravit in domino, eripiat eum, salvum. hoc derisorie dicebant carnifices et alii infideles de martyribus Christi.