Capitulum 47
Numérotation du verset
Ez. 47,1
Et convertit me ad portam domus
et ecce aque egrediebantur subter limen domus ad orientem
facies enim domus respiciebat ad orientem aque autem descendebant in latus templi dextrum
ad meridiem
altaris
Numérotation du verset
Ez. 47,2
et eduxit me per viam porte aquilonis et convertit me ad viam foras portam exteriorem viam que respiciebat ad orientem et ecce aque
redundantes a latere dextro
Numérotation du verset
Ez. 47,3
cum egrederetur vir ad orientem qui habebat funiculum in manu sua et mensus est mille cubitos et transduxit me per aquam usque ad talos
Numérotation du verset
Ez. 47,4
rursumque mensus
est mille
et transduxit me per aquam usque ad genua rursumque1
1 rursumque]
om. Weber
Numérotation du verset
Ez. 47,5
et mensus est
mille
et transduxit me per aquam usque ad renes et mensus est mille
torrentem
quem non potui pertransire
quoniam intumuerant aque profunde
torrentis
qui non potest transvadari
Numérotation du verset
Ez. 47,6
et dixit ad me
certe vidisti fili hominis et duxit me et convertit ad ripam torrentis
Numérotation du verset
Ez. 47,7
cumque me convertissem
ecce in ripa torrentis ligna multa nimis ex utraque parte
Numérotation du verset
Ez. 47,8
et ait
ad me aque iste
que egrediuntur
ad tumulos sabuli orientalis et descendunt ad plana deserti intrabunt mare et exibunt et sanabuntur aque
Numérotation du verset
Ez. 47,9
et omnis anima vivens que serpit quocumque venerit torrens vivet et erunt pisces multi satis postquam venerint illuc aque iste et sanabuntur et vivent omnia ad que venerit torrens
Numérotation du verset
Ez. 47,10
vivent et stabunt super illa piscatores
ab Engaddi
usque ad Engallim
siccatio sagenarum erunt plurime species erunt piscium eius
sicut pisces maris magni
multitudinis nimie
Numérotation du verset
Ez. 47,11
in litoribus autem eius et in palustribus non sanabuntur quia in salinas dabuntur
Numérotation du verset
Ez. 47,12
et super torrentem orietur in ripis eius ex utraque parte omne lignum pomiferum non defluet folium ex eo
et non deficiet fructus eius per singulos menses afferet primitiva
quia aque eius de sanctuario egredientur
et erunt fructus eius in cibum
et folia eius ad medicinam
Numérotation du verset
Ez. 47,13
hec dicit Dominus Deus hic est terminus in quo possidebitis terram in duodecim tribubus Israel quia Ioseph duplicem funiculum
habet
Numérotation du verset
Ez. 47,14
possidebitis autem eam singuli eque ut frater suus quam levavi manum meam ut darem patribus vestris et cadet terra hec vobis in possessionem
Numérotation du verset
Ez. 47,15
hic est autem terminus terre ad plagam septentrionalem a mari magno via Bethalon
venientibus Sadada
Numérotation du verset
Ez. 47,16
Emath
Berotha
Sabarim
que est inter
medium2
2 medium] terminum
Weber
Damasci
et confinium Emath domus
Atticon
que est iuxta terminos Auran
Numérotation du verset
Ez. 47,17
et erit terminus a mari usque ad atrium Enon3 terminus Damasci et ab aquilone ad aquilonem et terminus Emath plaga4
septentrionalis
3 Enon] Aenon
Weber
|
4 plaga] + autem
Weber
|
Numérotation du verset
Ez. 47,18
porro plaga orientalis de medio Auran
et de medio Damasci et de medio Galaad et de medio terre Israel Iordanis disterminans ad mare orientale metiemini etiam plagam orientalem
Numérotation du verset
Ez. 47,19
plaga autem australis meridiana
a Thamar
usque ad aquas Contradictionis Cades
et torrens usque ad mare magnum
et plaga ad
meridiem
australis
Numérotation du verset
Ez. 47,20
et plaga maris
mare magnum
a confinio per directum donec venias Emath hec est plaga maris
Numérotation du verset
Ez. 47,21
et dividetis terram istam vobis per tribus Israel
Numérotation du verset
Ez. 47,22
et mittetis eam in hereditatem
vobis et advenis
qui accesserint ad vos qui genuerint filios
in medio vestrum
et erunt vobis sicut indigene
inter filios Israel
vobiscum divident possessionem in medio tribuum Israel
Numérotation du verset
Ez. 47,23
in tribu autem quacumque fuerit advena ibi dabitis possessionem illi ait Dominus Deus
Capitulum 47
Numérotation du verset
Ez. 47,1
marg.|
{5.141vb}
Et convertit me ad portam domus]
etc. Istud capitulum dividitur in duas partes principales.
marg.|
In prima agit de aquis, que egrediebantur de Templo, que intumescebant in fluvium magnum ; et de piscibus eius, et de ripis, et arboribus fructiferis super ripas fluminis.
marg.|
In secunda parte incipit agere de terminis terre Promissionis, et distributione sortium, ibi
[Hec dicit Dominus Deus, hic est terminus]
etc. Dicit ergo :
marg.|
{u}
Et convertit me ad portam domus]
id est ostium porticus Templi.
marg.|
{x}
Et ecce aque egrediebantur subter limen domus ad Orientem]
id est Oriebantur subter limen porticus, sive vestibuli Templi, et egrediebantur inde, et fluebant versus Orientem.
marg.|
{y}
Facies enim domus respiciebat ad Orientem]
id est Apertura Templi ubi aque oriebantur, erat ex parte Orientis.
marg.|
{z}
Aque autem descendebant in latus Templi dextrum ad Meridiem altaris]
: Aque enim ille defluebant in latere dextro Templi iuxta altare in parte Meridionali, inter altare scilicet, et murum atrii interioris, qui est ad Meridiem. Iste rivus (ut dicunt quidam) in quatuor rivulos scindebatur.
marg.|
Unus fluebat ad coquinas porticuum Australium : alius fluebat ad coquinas porticuum Aquilonarium, duo alii fluebant ad coquinas, que erant in duobus lateribus porticuum Orientalium. Et hi duo rivuli toto edificio procedentes ex parte Orientali ad unum veniebant. Et similiter alii duo rivuli exeuntes de toto edificio, unus ex parte Aquilonis, alius ex parte Australi, reflectebant cursum suum ad Orientem, et conveniebant ad alios duos rivulos Orientales, et sic faciebant torrentem in quo Propheta traducitur, primo usque ad talos, secundo usque ad genua, tertio usque ad renes. Dicit ergo.
marg.|
{a}
Et eduxit me]
de toto edificio.
marg.|
{b}
Per viam porte Aquilonis]
id est per viam, per quam exitur de porta Aquilonari.
marg.|
Et nota quod breviori via duxisset eum per portam Orientalem ad videndum fluvium ; qui currebat ad Orientem ; sed porta Orientalis erat clausa, ut dictum est, supra quadragesimo quarto a. Ideo eum duxit per portam Aquilonarem, et postea convertit eum ad Orientem, sicut dicitur hic.
marg.|
{c}
Et convertit me ad viam foras portam exteriorem]
Viam dico
[que respiciebat ad Orientem]
id est iter quo tendebam versus Aquilonem in exeundo de edificio, reflectitur ; et convertitur ab Aquilone versus Orientem.
marg.|
{d}
Et ecce apparuerunt aque]
Aque, dico, redundantes a latere dextro, id est que oriebantur a latere dextro Templi. Ecce, inquam, aque ille apparuerunt.
marg.|
{e}
Cum egrederetur vir de porta Aquilonis reflectens iter ad Orientem]
marg.|
{f}
Qui habebat funiculum in manu sua]
ad mensurandum.
marg.|
{g}
Et mensus est mille cubitos]
in longum fluvii decurrentis ad Orientem.
marg.|
{h}
Et traduxit me per aquam usque ad talos]
Septuaginta.
[Et transivit in aqua remissionis]
Per illos enim mille cubitos erat aqua ita modica, quod non attingebat nisi usque ad talos.
marg.|
{i}
Rursumque mensus est mille]
cubitos. {k}
Et traduxit
{5.
142ra}
me per aquam usque ad genua. Rursumque mensus est mille, et traduxit me per aquam usque ad renes]
Septuaginta [Transivit aquam usque ad lumbos.] Sic ergo patet quod plus, et plus inveniebat aquam profundam.
marg.|
Unde adhuc sequitur. {a}
Et mensus est mille cubitos torrentem, quem non potui pertransire]
etc. Septuaginta :
[Et mensus est mille, et non poterat pertransire : quoniam ferebatur aqua instar precipitis torrentis qui transiri non potest]
Sic construe : Mensus est mille cubitis torrentem.
marg.|
Vel sic : Mensus est mille, cubitos scilicet, et sic mensus est torrentem : vel, tunc inveni torrentem quem non potui pertransire, quoniam intumuerant aque profundi torrentis qui non poterat transvadari.
marg.|
{b}
Et dixit ad me : Certe vidisti fili hominis]
profunditatem fluvii, et quomodo semper procedendo profundior invenitur.
marg.|
{c}
Et duxit me, et convertit ad ripam torrentis]
Prius ostenderat Prophete profunditatem fluvii, modo convertit eum ad intuendum ripas ipsius plenas arboribus, quod pertinet ad amenitatem, et utilitatem, quia in arboribus est amenitas, et utilitas fructuum. Dicit ergo :
[Et duxit me, et convertit ad ripam torrentis]
sive secundum Septuaginta [
fluminis]
marg.|
{d}
Cumque me convertissem, sive convertisset]
ad ripam scilicet.
marg.|
{e}
Ecce in ripa torrentis, sive fluminis, ligna multa nimis, sive arbores multe, ex utraque parte]
id est in utraque ripa erat abundantia arborum.
marg.|
Sed antequam agat de foliis et fructibus istarum arborum : divertit ad agendum de cursu huius torrentis, quo scilicet currat ; et de dulcedine eius, et de piscibus eius. Unde sequitur.
marg.|
{f}
Et ait ad me : Aque iste que egrediuntur ad tumulos sabuli Orientalis, et descendunt ad plana deserti : intrabant mare]
mortuum, mare scilicet Orientale.
marg.|
Et nota quod tangit hic proprietatem Nili et Iordanis qui trahunt secum sabulum.
marg.|
Et hoc patet per hoc quod quando aliquis stat in illis fluviis, involvuntur pedes eius sabulo et arena.
marg.|
Dicit ergo quod aque iste fluent usque ad Iordanem qui facit tumulos sabuli : sicut etiam patet in Sequana, ita quod aliquando congregat sabulum in quendam locum ubi accipitur ad opus Ecclesie B. Virginis. Ideo autem dicit [
sabuli Orientalis]
quia Iordanis et sabulum illud quod congregat Iordanis, sunt ex parte Orientis secundum situm illius loci a quo fluere dicuntur iste aque. De istis aquis dicit, quod intrabunt mare mortuum, et exibunt, sicut Rhodanus intrat lacum de Losanna, et exit.
marg.|
{g}
Et sanabuntur aque]
maris, scilicet ab amaritudine.
marg.|
{h}
Et omnis anima vivens, vel animalium, que serpit, sive serpentium, quocumque venerit torrens, sive fluvius, vivet]
id est vivere poterit, quod est contra naturam maris mortui.
marg.|
Sicut enim dicit Beatus Hieronymus, nihil potest in hoc mari esse vitale. Est enim mare amarissimum quod Greci Asphaltiten, id est stagnum bituminis vocant : et ab eo quod nihil in se vitale habebat, nomen mortis sortitum est. Revera enim, iuxta Litteram, hucusque nihil quod spiret, et possit incedere, pre amaritudine nimia in hoc mari potest reperiri, ne cochleole quidem, nec parvi vermiculi, et anguille, et cetera animantium sive serpentium genera, quorum magis corpuscula possumus noscere quam nomina. Denique etiamsi Iordanis auctus imbribus pisces illuc influens rapuerit statim moriuntur, et pinguibus aquis supernatant.
marg.|
{5.
142rb} Dicit ergo quod aque iste venientes in hoc mare, sanabunt illud ab hac amaritudine, et abundabit piscibus. Unde sequitur.
marg.|
{i}
Et erunt pisces multi satis]
in illo, scilicet mari, postquam venerint illinc aque iste.
marg.|
{k}
Et]
id est quia.
marg.|
{l}
Sanabuntur]
aque maris a sua amaritudine.
marg.|
{m}
Et]
sic
[vivent]
id est vivere poterunt
[omnia ad que venerit torrens]
Omnia autem ista predicta, et sequentia dicunt Iudei futura in adventu sui Messie, ad Litteram, in mille annorum regno : sed decipiuntur. Sequitur.
marg.|
{n}
Et stabunt super illas piscatores]
ut capiant pisces.
marg.|
{o}
Ab Engaddi usque ad Engallim siccatio sagenarum erit]
id est ab uno termino maris usque ad alium terminum ubique siccabuntur sagene, et instrumenta piscatorum reparabuntur. Engallim enim (ut dicit beatus Hieronymus) in principio est maris mortui, ubi Iordanis ingreditur : Engaddi vero, ubi finitur, et consummatur mare mortuum.
marg.|
{p}
Plurime species erunt piscium eius, sicut pisces maris magni multitudinis nimie]
id est diversa erunt, et multa genera piscium in hoc mari, sicut sunt in mari magno pisces multi, et magni, beatus Hieronymus habet in Textu [
In his autem que egrediuntur ripas, et sunt palustria, non sanabuntur]
In Expositione autem dicit [
In litoribus eius, et in palustribus sive in his que extra litora egrediuntur, aque non sanabuntur,
marg.|
{q}
In litoribus autem eius, et palustribus]
id est in palustribus litoribus, ubi solent esse paludes, et canne.
marg.|
{r}
Non sanabuntur]
aque, scilicet, ab amaritudine, sed ibi erunt amare. Et subdit quare.
marg.|
{s}
Quia in salinas dabuntur]
ut inde fiat sal ad usus hominum.
marg.|
{t}
Et super torrentem orietur in ripis eius]
etc. Revertitur ad hoc quod supra ceperat dicere de arboribus que erant in ripis torrentis.
marg.|
Unde dicit
[ut super torrentem, sive fluvium, orietur in ripis eius ex utraque parte omne lignum pomiferum]
sive
[frugiferum]
secundum Septuaginta, id est omne genus ligni fructiferi ; Aliqui Libri habent [
In ripis eius ex omni parte]
marg.|
Sed verior Littera est secundum B. Hieronymus
[ex utraque parte]
marg.|
Tamen potest sic exponi.
[Et]
id est ex omni parte, id est in utraque parte.
marg.|
{u}
Non defluet solium ex eo]
id est semper erunt viridia folia illorum lignorum, sicut folia cedri. Unde Septuaginta habent [
Non inveterascet ex eo]
marg.|
{x}
Et non deficiet fructus eius]
quia
[per singulos menses afferet primitiva]
id est novos, et optimos fructus, Septuaginta
[Per singulos menses innovabuntur omnia]
Et hoc erit.
marg.|
{y}
Quia aque eius]
id est aque huius torrentis quo irrigabitur omne lignum riparum.
marg.|
{z}
De Sanctuario egredientur]
id est de limine Templi sive Sanctuarii, et ideo habebunt talem efficaciam ut sic arbores faciant fructificare. De quarum fructu adhuc subditur.
marg.|
{a}
Et erunt fructus eius]
id est cuiuslibet ligni.
marg.|
{b}
In cibum, et folia eius ad medicinam]
Ridiculosum est hec intelligere futura esse ad Litteram, sicut Iudei intelligunt, Septuaginta [
Et ascensio eius ad sanitatem]
Sequitur.
marg.|
{5.
142va} {a}
Hec dicit Dominus Deus]
etc. Ab isto loco usque ad finem Libri agit Auctor de limitatione terre Promissionis, et distributione per sortes. Primo autem antequam terram dividat per sortes, distinguit terminos, sive marchias ipsius ex omni parte, Orientali, et Occidentali, Aquilonari, et Australi. Dicit ergo ;
marg.|
{b}
Hic est terminus]
qui, scilicet postea limitabitur.
marg.|
{c}
In quo]
id est circa quem, vel infra quem.
marg.|
{d}
Possidebitis terram]
Promissionis.
marg.|
{e}
In duodecim Tribubus Israel]
divisam, scilicet inter duodecim Tribus. Sed cum non essent nisi duodecim filii Iacob, et superius dixerat quod Levi non haberet partem in hereditate populi : posset venire in dubium qualiter duodecim Tribubus divideretur Terra, Ideo Anthypophore respondet dicens.
marg.|
{f}
Quia Ioseph duplicem funiculum habet]
id est duplicem partem, sive sortem in hereditate, que dicitur funiculus, quia funiculo mensuratur hereditas.
marg.|
{g}
Possidebitis autem eam]
id est Terram.
marg.|
{h}
Singuli eque, ut frater suus]
: quia pluribus dabunt maiorem partem, et paucioribus minorem.
marg.|
{i}
Super quam levavi manum meam]
id est ostendi potentiam meam, vel extendi vindictam meam deiiciendo et expellendo de ea septem populos. Vel
[levavi manum meam iurando]
vel promittendo.
marg.|
{k}
Ut darem]
eam scilicet
[patribus vestris]
marg.|
{l}
Et cadet terra hec vobis in possessionem]
Hieronymus id est cedet vobis in hereditatem, non arbitrio dividentis, sed sorte, que in Domini potestate consistit. Unde, et Iosue, qui divisor Terre fuit, non propriam sibi separavit terram, ne optimam elegisse videretur, sed accepit a Principibus omnium Tribuum Thamnathsare in monte Ephraim. Iosue ult. g.
marg.|
{m}
Hic est autem terminus,
etc.
Septentrionalem]
id est Aquilonarem.
marg.|
{n}
A Mari magno]
incipit terminus, id est a Mari mediterraneo, quod est ex parte Occidentis. Vel aliter. A Mari magno via Hethalon, id est via qua venitur de Mari magno ad Hethalon, est supple, terminus. Via, dico, competens.
marg.|
{o}
Venientibus Sedada]
: quia per illam viam itur ad viam illam. {p}
Emath, Berotha, Sabarim,
etc.
domus]
vel atrium
[Thichon]
que est iuxta terminos Auran. Et intellige quod iste civitates vel ille site erant in confinio terre Israel ex parte Aquilonari. Nota tamen quod non oportet quod essent directe, et immediate coniuncte termino Terre : sed confinia istarum civitatum vel villarum attingebant usque ad terminos terre Promissionis. Item non oportet quod essent site eo ordine quo hic dicuntur. Licet enim in hoc loco prius dicatur Sedada quam Emath ; tamen Nm. 34.b. prius ponitur Emath, quam Sedada, ubi dicitur, Ad septentrionalem partem a Mari magno termini incipient, pervenientes usque ad montem altissimum, a quo venient in Emath, usque ad terminos Sedada ; ibuntque confinia usque Zephrona, et villam Enam. Lege ergo sic Litteram : Emath est terminus, supple, vel est in termino Terre a parte Septentrionali. Est autem Emath civitas
[ut dicit
Hieronymus
]
que postea dicta est Epiphania ab Antiocho Epiphane. Et similiter Berotha est terminus : et Sabarim que est inter medium Damasci, et confinium Emath, id est que est inter Damascum, et Emath, sive inter terram que pertinet ad Damascum, et terram que pertinet ad Emath. Quelibet enim civitas magna, larga habebat confinia. Et nota quod dicitur [
inter medium]
id est in medio. Et habetur simile in Ps. 103. inter medium montium pertransibunt aque, id est in medio montium. Sequitur.
marg.|
{q}
Domus vel atrium Thichon]
est, supple, terminus, vel in termino Terre.
marg.|
{r}
Que]
Thichon scilicet
[est iuxta terminos Auram, vel atrium medium quod pergit ad terminos Auran]
Auram
[ut dicit
Hieronymus
]
oppidum est Damasci in solitudine.
marg.|
{s}
Et erit terminus a Mari]
mediterraneo, ut predictum est,
{5.
142vb}
[usque ad atrium Enon, sive Asarenon, terminum Damasci]
Vel sic [
Atrium Enon, vel Asarenon, qui scilicet terminus est Damasci]
Atrium enim Enon est terminus Damasci, sicut, et oppidum. Auran. Dicitur autem villa Enam Nm. 34.b. ubi terminatur plaga Septentrionalis, Aliqui Libri habent
[terminus Damasci]
: sed non est vera Littera. Potest tamen sic legi secundum quosdam.
marg.|
{t}
Terminus Damasci]
id est confinium Damasci est, supple, terminus, vel in termino terre Promissionis.
marg.|
Non enim Damascus terminabat Terram, quia remota erat sed terminus, id est confinium Damasci.
marg.|
{u}
Et ab Aquilone ad Aquilonem]
Sic supplendum est. Et hec Terra sic extendebatur ab una parte Aquilonis usque ad aliam.
marg.|
{x}
Terminus Emath]
id est confinium Emath, erat, terminus, vel in termino Terre.
marg.|
{y}
Plaga Septentrionalis]
sic erat, vel sic terminabatur, vel extendebatur.
marg.|
{z}
Porro plaga Orientalis]
protendetur.
marg.|
{a}
De medio Auram, et de medio Damasci]
Nota quod dixerat quod plaga Septentrionalis extendebatur a mari usque ad atrium Enon terminum Damasci. Damascus ergo, et ville que erant circa Damascum, et confinia eius, erant finis illius plage. Ibi ergo ubi finivit plagam Septentrionalem, incipit terminus plage Orientalis. Damascus enim, et confinia eius sunt quasi in angulo Septentrionis, et Orientis secundum situm terre Promissionis. Dicit ergo quod plaga ista incipit a medio Auran, et medio Damasci (quod idem est, quia Auran est oppidum Damasci) et de medio Auran, et de medio Damasci, id est de confinio, sive meditullio terre Auram, et Damasci protenditur usque ad Galaad, et medium terre Israel, quam habuerunt ultra Iordanem.
marg.|
{b}
Et de medio Galaad, et de medio terre Israel]
protenditur, supple, usque ad Iordanem. Et.
marg.|
{c}
Iordanis]
erit
[determinans vel disterminans]
id est dividens, et terminans terram Promissionis. Iordanis, dico, fluens.
marg.|
{d}
Ad Mare Orientale]
id est ad Mare mortuum. Et sic.
marg.|
{e}
Metiemini]
ut dictum est
[plagam Orientalem]
Hieronymus habet [
Et a Mari Orientali]
etc. quod exponit sic : Finis huius plage est Iordanis fluvius disterminans, et Mare Orientale, quod in hoc loco Mare mortuum, non linguam Rubri intelligunt. Vel aliter, et melius.
marg.|
{d}
Ad mare Orientale metiemini]
id est terminabitis
[plagam Orientalem]
ex parte enim Orientis est terminus, et finis fluvius Iordanis, et Mare mortuum.
marg.|
Et nota quod secundum istam limitationem terra duarum Tribuum, et dimidie ultra Iordanem non computatur de terra Promissionis. Et nota etiam quod (sicut dicit Hieronymus) Galaad mons est collibus. Libani colligatus, et cecidit in sortem Ruben, et Gad, et dimidie Tribus Manasse, et est a tergo Phenicis, et Arabie, ad quem montem usque pervenit Iacob de Carris profectus, et comprehensus est a Laban, Gn. 31. De quo, et Ier. loquitur 22.b. Galaad tu mihi initium Libani. Quem cepit de Amorrheorum regione Galaad filius Marchir filii Manasse.
marg.|
{f}
Plaga autem Australis]
id est Meridiana, incipiet
[a Thamar]
et extendetur
[usque ad aquas contradictionis Cades]
id est usque ad Cades ubi fuerunt aque contradictionis, sicut dicitur, Nm. 20.b. Septuaginta [
Ad aquas Mariboth]
quod contradictionem [
sive Didicasmoi]
quod iurgia sonat. Thamar autem (ut dicit Hieronymus) est urbs in solitudine, quam, et Salomon miris operibus extruxit, et hodie Palmyra nuncupatur, Hebreoque sermone Thamar dicitur, que vox in Lingua nostra palmam sonat.
marg.|
{g}
Et torrens]
Egypti erit, supple, terminus, vel in termino Meridionalis plage. Torrens, dico, fluens. {h}
Usque ad Mare magnum]
Torrens autem iste dicitur Rhinocolura, qui iuxta urbem
{5.
143ra} Rhinocoluram Mari magno influit, Mari scilicet magno, quod Egypti Palestineque protenditur litoribus. Et hec est plaga ad Meridiem Australis. Sequitur.
marg.|
{a}
Et plaga Maris]
id est plaga Occidentalis est.
marg.|
{b}
Mare magnum]
id est limitatur Mari magno, et incipit hec plaga.
marg.|
{c}
A confinio]
ipsius Maris, id est a torrente Rhinocolura qui est in confinio Maris, quia in mare fluit, et protenditur.
marg.|
{d}
Per directum, donec venias Emath]
: quia a torrente Egypti qui mari influit, usque ad eum locum qui est contra Emath urbem Syrie que Epiphania postea dicta est, protenditur latus Occidentale, et cingitur hoc latus Mari magno per directum ab uno termino usque ad alium.
marg.|
{e}
Hec est plaga Maris]
que iam dicta est. Et nota quod supra dictum est, quod Emath erat terminus in latere Aquilonari, hic dicitur quod fuit terminus in latere Occidentali : Ex hoc videtur quod erat ita sita quasi in angulo, ut, et ad Aquilonem, et ad Occidentem terminaret terram Promissionis. Similiter Damascus erat terminus, et ex parte Orientis, et ex parte Aquilonis. Vel potest dici quod due sunt Emath, Hieronymus tamen vult quod ista Emath sit eadem que prius dicta est, Sequitur.
marg.|
{f}
Et dividetis terram istam]
etc. id est Proselytis qui conversi fuerint ad fidem vestram.
marg.|
{g}
Qui genuerint filios in medio vestrum]
etc. quasi dicat, Postquam probati fuerint inter vos diu, et iam filios inter vos genuerint, tunc dabitis eis possessionem. Unde adhuc subditur.
marg.|
{h}
Vobiscum vident possessionem in medio Tribuum Israel ;
Noluit Dominus quod proselyti haberent sortem vel hereditatem per se ex una parte, ne insolescerent, et a populo Israel dividerentur, sed voluit eos habere portionem in illa Tribu, in qua reperti fuissent.
Comment citer cette page ?
Martin Morard, ed., Hugo de Sancto Caro. Postilla in totam Bibliam (Ez. Capitulum 47), in : Sacra Pagina, IRHT-CNRS, 2024. Consultation du 26/12/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=37&chapitre=37_47)
Martin Morard, ed., Hugo de Sancto Caro. Postilla in totam Bibliam (Ez. Capitulum 47), in : Sacra Pagina, IRHT-CNRS, 2024. Consultation du 26/12/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=37&chapitre=37_47)
Notes :