Hugo de Sancto Caro

Capitulum 7

Numérotation du verset Tb. 7,1 

Ingressi sunt autem
ad Raguelem1
1 Raguelem ΣT EW* Ω Ed1530 Clementina Rusch ] Ragu(h)el ΠF K* Weber
et suscepit eos
Raguel cum gaudio.
Numérotation du verset Tb. 7,2 

Intuensque Tobiam Raguel, dixit Anne uxori sue : Quam similis est iuvenis iste consobrino meo.
Numérotation du verset Tb. 7,3 

Et cum hec dixisset ait : Unde estis iuvenes fratres nostri ? At illi dixerunt : Ex tribu Neptalim sumus, ex captivitate Ninive
Numérotation du verset Tb. 7,4 

Dixitque illis Raguel : Nostis Tobiam fratrem meum? Qui dixerunt : Novimus.
Numérotation du verset Tb. 7,5 

Cumque multa bona loqueretur de eo, dixit angelus ad Raguelem : Tobias, de quo interrogas, pater istius est.
Numérotation du verset Tb. 7,6 

Et misit se Raguel et cum lacrimis osculatus est eum et plorans supra collum eius
Numérotation du verset Tb. 7,7 

dixit : Benedictio sit tibi, fili mi, quia boni et optimi viri filius es.
Numérotation du verset Tb. 7,8 

Et Anna uxor eius et Sara ipsorum filia lacrimate sunt.
Numérotation du verset Tb. 7,9 

Postquam autem locuti sunt, precepit Raguel occidi arietem et parari convivium. Cumque hortaretur eos discumbere ad prandium,
Numérotation du verset Tb. 7,10 

Tobias dixit : Hic ego hodie non manducabo neque bibam, nisi prius petitionem meam confirmes et promittas mihi dare Saram filiam tuam.
Numérotation du verset Tb. 7,11 

Quo audito verbo Raguel
expavit, sciens quid evenerit illis septem viris
qui ingressi sunt ad eam, et timere cepit ne forte et huic similiter contingeret. Et cum nutaret et non daret petenti ullum responsum,
Numérotation du verset Tb. 7,12 

dixit ei angelus : Noli timere dare eam isti
quoniam huic timenti
Deum debetur coniunx filia tua. Propterea alius
non potuit habere illam.
Numérotation du verset Tb. 7,13 

Tunc dixit Raguel :
Non dubito quod Deus preces et lacrimas meas in conspectu suo admiserit.
Numérotation du verset Tb. 7,14 

Et credo quoniam ideo fecit vos venire ad me ut ista coniungeretur cognationi sue secundum legem Moysi.
Et nunc noli dubium gerere quod tibi eam tradam.
Numérotation du verset Tb. 7,15 

Et apprehendens
dexteram filie sue,
dextere Tobie tradidit dicens : Deus Abraham et Deus Isaac, Deus Iacob
vobiscum sit et ipse coniungat vos impleatque benedictionem suam in vobis.
Numérotation du verset Tb. 7,16 

Et, accepta carta, fecerunt conscriptionem coniugii.
Numérotation du verset Tb. 7,17 

Et post epulati sunt, benedicentes Deum.
Numérotation du verset Tb. 7,18 

Vocavitque Raguel ad se Annam uxorem suam et precepit ei ut pararet alterum cubiculum.
Numérotation du verset Tb. 7,19 

Et introduxit illuc Saram filiam suam et lacrimata est.
Numérotation du verset Tb. 7,20 

Dixitque ei : Forti animo esto filia mea. Dominus celi det tibi gaudium pro tedio quod perpessa es.

Capitulum 7

Numérotation du verset Tb. 7,1 
marg.| {b} Ingressi sunt autem] GLOSSA Doctores verbi ad populum gentilem, quem Dominus per Doctores adiit.
marg.| {c} Suscepit] GLOSSA Populus, quem non cognovi, servivit mihi, in auditu auris obedivit mihi.
marg.| {d} Consobrino meo] scilicet maiori Tobie.
marg.| {e} Dixisset] scilicet Raguel.
marg.| {f} Ex Tribu Nephtalim] Quoad Tobiam verum fuit ad litteram, quoad Angelum, verum fuit iuxta nominis interpretationem. Nephtalim enim interpretatur dilatatio, et Angelus erat de illis, qui erant dilatati caritate.
marg.| {g} Ex captivitate Ninive] GLOSSA Ex his scilicet quos Ninivite captivaverunt.
marg.| {h} Fratrem meum] id est cognatum.
marg.| {i} Loqueretur] id est Raguel.
marg.| {k} Deo eo] id est de Tobia maiore.
marg.| {l} Misit me] id est ivit versus eum.
marg.| {m} Uxor eius] scilicet Raguelis.
marg.| {n} Non manducabo] Simile dixit Eliezer Gn. 24.d. quando ivit Mesopotamiam pro accipienda uxore Isaac filio Abrahe.
marg.| {1. 378ra} a Raguel] id est Gentilis populus.
marg.| {b} Expavit] audiens comminationes pene eterne.
marg.| {c} Illis septem] scilicet Doctoribus suis.
marg.| {d} Timere cepit] serviliter primo.
marg.| {e} Non potuit] quasi dicat peccatum, et obstinatio eorum impedivit eos, ut eam non haberent. Simile Io. 52.f. Propterea non poterant credere, id est obstinati nolebant.
marg.| {f} Secundum legem Moysi] Nm. ult. c.
marg.| {g} Et accepta carta] GLOSSA Sicut in Baptismo abrenunciemus diabolo, et omnibus operibus eius, et in patrem, et in filium, et in Spiritum sanctum nos credere confitemur, et symbolum nostre fidei quasi cartam accipimus.
marg.| {h} Alterum cubiculum] ab eo scilicet in quo septem viri Sare mortui sunt.
marg.| {i} Lacrymata est] Sara, vel mater eius.
marg.| {k} Forti animo esto] quasi dicat, non timeas similem eventum.
marg.| {l} Pro tedio] id est merito tedii, quod sustinuisti. Vel pro tedio, id est loco tedii.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Tb. Capitulum 7), in : Sacra Pagina, IRHT-CNRS, 2024. Consultation du 05/05/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=22&chapitre=22_7)
Signaler un complément d'information

Notes :