Glossae Scripturae Sacrae-electronicae (Gloss-e)

Numérotation du verset 4Esr. 12,1

Et factum est dum loqueretur leo verba hec ad aquilam. Et vidi

Numérotation du verset 4Esr. 12,2

et ecce quod superaverat caput et non comparaverunt quatuor ale ille¹ que ad eum transierunt et erecte sunt ut regnarent, et erat regnum eorum exile et tumultu plenum.

¹ comparaverunt… ille] comparuit et ale due Weber

Numérotation du verset 4Esr. 12,3

Et vidi et ecce ipsa non apparebant² et omne corpus aquile incendebatur, et expavescebat terra valde. Et ego a tumultu et³ excessu mentis et a magno timore vigilavi, et dixi spiritui meo :

² apparebant] apparescebant Weber

³ tumultu et] multo Weber

Numérotation du verset 4Esr. 12,4

Ecce tu prestitisti mihi⁴ hoc⁵ in eo quod scrutaris⁶ vias Altissimi.

⁴ prestitisti mihi] inv. Weber

⁵ hoc] hec Weber

⁶ scrutaris] scrutas Weber

Numérotation du verset 4Esr. 12,5

Ecce adhuc fatigatus sum animo et spiritu meo invalidus sum valde, et nec modica est in me virtus a multo timore quam⁷ expavi nocte hac.

⁷ quam] quem Weber

Numérotation du verset 4Esr. 12,6

Nunc ergo orabo Altissimum ut me confortet usque in finem.

Numérotation du verset 4Esr. 12,7

Et dixi : Dominator Domine, si inveni gratiam ante oculos tuos, et si iustificatus sum apud te pre multis, et si certum ascendit deprecatio mea ante faciem tuam,

Numérotation du verset 4Esr. 12,8

conforta me et ostende servo tuo mihi interpretationem et distinctionem visus horribilis huius, ut plenissime consoleris⁸ animam meam.

⁸ consoleris] consolens Tr621 , + marg. vel consolas Tr621², consoles Weber

Numérotation du verset 4Esr. 12,9

Dignum enim me habuisti ostendere mihi temporum⁹ novissima. Et dixit ad me :

⁹ temporum propter hom. Ed1460 Ed1462 Rusch ] + finem et temporum Weber

Numérotation du verset 4Esr. 12,10

Hec est interpretatio visionis huius¹⁰ :

¹⁰ huius] + quam vidisti Weber

Numérotation du verset 4Esr. 12,11

Aquilam quam vidisti ascendentem de mari, hoc est regnum¹¹ quod visum est in visione Danieli¹² fratri tuo.

¹¹ regnum] + quartum Weber

¹² visione Danieli] visu Danielo Weber

Numérotation du verset 4Esr. 12,12

Sed non est illi interpretatum quomodo ego nunc tibi interpretor¹³.

¹³ interpretor] + vel interpretavi Weber

Numérotation du verset 4Esr. 12,13

Ecce dies veniunt et exsurget regnum super terram et erit timor acrior¹⁴ omnium regnorum que fuerunt ante eum¹⁵.

¹⁴ timor acrior] timoratior Weber

¹⁵ eum] eam Weber

Numérotation du verset 4Esr. 12,14

Regnabunt autem in ea reges duodecim¹⁶, unus post unum.

¹⁶ reges d.] inv. Weber

Numérotation du verset 4Esr. 12,15

Nam secundus¹⁷ incipiet regnare et¹⁸ ipse tenebit amplius tempus pre duodecim.

¹⁷ secundus] + qui Weber

¹⁸ et] om. Weber

Numérotation du verset 4Esr. 12,16

Hec est interpretatio duodecim alarum quas vidisti.

Numérotation du verset 4Esr. 12,17

Et quam vidisti¹⁹ vocem que locuta est non de capitibus eius exeuntem²⁰, sed de medio corporis²¹ eius.

¹⁹ quam vidisti] quoniam audisti Weber

²⁰ exeuntem] exientem Weber

²¹ corporis] –re Weber

Numérotation du verset 4Esr. 12,18

Hec est interpretatio. Quoniam post tempus regni illius nascentur contentiones non modice et periclitabitur ut cadat, et non cadet tunc sed iterum constituetur in suum initium.

Numérotation du verset 4Esr. 12,19

Et quoniam vidisti subalares octo coherentes alis eius,

Numérotation du verset 4Esr. 12,20

hec est interpretatio : Exsurgent enim in ipso octo reges, quorum erunt tempora levia et anni citati, et duo quidem ex ipsis parient²².

²² parient] perient Weber

Numérotation du verset 4Esr. 12,21

Appropinquante autem tempore medio, quatuor²³ servabuntur in tempore, cum incipiet appropinquare tempus eius ut finiatur. Due²⁴ vero in finem servabuntur.

²³ autem - tempore medio quattuor] inv. Weber

²⁴ Due] Duo Weber

Numérotation du verset 4Esr. 12,22

Et quoniam vidisti tria capita quiescentia,

Numérotation du verset 4Esr. 12,23

hec est interpretatio : In novissimis eius suscitabit Altissimus tria regna et revocabit²⁵ in ea multa, et dominabuntur²⁶ terram

²⁵ revocabit] renovabit Weber

²⁶ dominabuntur] dominabunt Weber

Numérotation du verset 4Esr. 12,24

et qui habitant²⁷ in ea cum labore multo super omnes qui fuerunt ante hos. Propter hoc ipsi vocati sunt capita aquile.

²⁷ habitant] inhabitant Weber

Numérotation du verset 4Esr. 12,25

Isti enim erunt qui recapitulabunt impietates eius et qui perficient novissima eius.

Numérotation du verset 4Esr. 12,26

Et quoniam vidisti caput maius non apparens, hec est interpretatio eius²⁸. Quoniam unus ex eis super {t. 2 : Erfurt, f. 163rb ; facsim., p. 325b} lectum suum morietur, et tamen cum tormentis.

²⁸ apparens… interpretatio eius] apparescentem Weber

Numérotation du verset 4Esr. 12,27

Nam duo qui perseveraverint²⁹, gladius eos comedet.

²⁹ perseveraverint Ed1460 Ed1462 Rusch Clementina ] –verunt Weber

Numérotation du verset 4Esr. 12,28

Unius enim gladius comedet qui cum eo, sed tamen³⁰ hic gladio in novissimis cadet.

³⁰ tamen Ed1460 Ed1462 Rusch ] + et Weber

Numérotation du verset 4Esr. 12,29

Et quoniam vidisti duas subalares traicientes³¹ super caput quod est in³² dextera parte,

³¹ traicientes scrips. cum Ed1460 Ed1462 ] , trajicientes Rusch Clementina , treicientes Weber

³² in Ed1460 Ed1462 Rusch ] a Weber

Numérotation du verset 4Esr. 12,30

hec est interpretatio : Hi sunt quos conservavit Altissimus in finem suum³³, hoc erat regnum exile et turbationis plenum,

³³ suum Ed1460 Ed1462 Rusc] suam Weber

Numérotation du verset 4Esr. 12,31

sicut vidisti et leonem quem vidisti de silva evigilantem et rugientem³⁴ et loquentem ad aquilam et arguentem eam et³⁵ iniustitias ipsius per omnes sermones eius, sicut audisti.

³⁴ et rugientem Ed1460 Ed1462 Rusch ] mugientem Weber

³⁵ et Ed1460 Ed1462 Rusch ] om. Weber

Numérotation du verset 4Esr. 12,32

Hic est unctus quem reservavit Altissimus in finem ad eos et impietates ipsorum et³⁶ arguet illos et incutiet³⁷ coram ipsis scerptiones³⁸ eorum.

³⁶ et Ed1460 Ed1462 Rusch ] om. Weber

³⁷ et incutiet Ed1460 Ed1462 Rusch ] de iniustitiis ipsorum et infulciet Weber

³⁸ scerptiones Ed1460 Ed1462 Rusch ] discerptiones Clementina ], spretiones Weber

Numérotation du verset 4Esr. 12,33

Statuet enim eos³⁹ in iudicium vivos, et erit cum arguerit eos, tunc corripiet⁴⁰ eos.

³⁹ eos] + primum Weber

⁴⁰ corripiet] corrumpet Weber

Numérotation du verset 4Esr. 12,34

Nam residuum populum meum liberabit cum miseria⁴¹, qui salvati sunt super fines meos et iocundabit eos quoadusque veniet⁴² finis, dies iudicii, de quo locutus sum tibi ab initio.

⁴¹ miseria] misericordia Weber

⁴² veniet] veniat Weber

Numérotation du verset 4Esr. 12,35

Hoc somnium quod vidisti et hec interpretationes⁴³.

⁴³ interpretationes] interpretatio eius Weber

Numérotation du verset 4Esr. 12,36

Tu ergo solus dignus fuisti scire Altissimi secretum hoc.

Numérotation du verset 4Esr. 12,37

Scribe ergo omnia ista in libro que vidisti, et pone⁴⁴ ea in loco abscondito.

⁴⁴ pone] pones Weber

Numérotation du verset 4Esr. 12,38

et docebis ea sapientes de populo tuo, quorum corda scis⁴⁵ posse capere et servare secreta hec.

⁴⁵ corda scis] inv. Weber

Numérotation du verset 4Esr. 12,39

Tu autem adhuc sustine hic alios dies septem, ut tibi ostendatur quicquid visum fuerit Altissimo ostendere tibi.

Numérotation du verset 4Esr. 12,40

Et profectus est a me.

Numérotation du verset 4Esr. 12,XXXII

Et factum est cum audisset omnis populus quoniam pertransierunt septem dies, et ego non fuissem reversus in civitatem, et congregavit se omnis a minimo usque ad maximum et venit ad me, et dixerunt mihi dicentes :

Numérotation du verset 4Esr. 12,41

Quid peccavimus tibi et quid iniuste egimus in te quoniam derelinquens nos sedisti in loco hoc ?

Numérotation du verset 4Esr. 12,42

Tu enim nobis superes⁴⁶ ex omnibus populis⁴⁷, sicut botrus de vinea⁴⁸ et sicut lucerna in loco obscuro, et sicut portus et navis salvata⁴⁹ a tempestate.

⁴⁶ superes] superasti Weber

⁴⁷ populis] prophetis Weber

⁴⁸ vinea] vindemia Weber

⁴⁹ et navis salvata] navi salvate Weber

Numérotation du verset 4Esr. 12,43

Aut non sufficiunt nobis mala que contingunt⁵⁰ ?

⁵⁰ contingunt] contigerunt Weber

Numérotation du verset 4Esr. 12,44

Si ergo tu nos dereliqueris, quanto nobis erat⁵¹ melius si essemus succensi et nos cum⁵² incendio Sion ?

⁵¹ n. e.] inv. Weber

⁵² cum] om. Weber

Numérotation du verset 4Esr. 12,45

Nec enim nos sumus meliores⁵³ eorum qui ibi mortui sunt. Et ploraverunt voce magna. Et respondi ad eos et dixi :

⁵³ sumus meliores] inv. Weber

Numérotation du verset 4Esr. 12,46

Confide, Israel, et noli tristari, tu domus Iacob.

Numérotation du verset 4Esr. 12,47

Est enim memoria vestra⁵⁴ coram Altissimo, et Fortis non est oblitus vestri in temptatione⁵⁵.

⁵⁴ vestra] vestri Weber

⁵⁵ temptatione] contentione Weber

Numérotation du verset 4Esr. 12,48

Ego enim non dereliqui vos neque excessi a vobis, sed veni in hunc locum ut deprecarer pro desolatione Sion et ut quererem misericordiam pro humilitate sanctificationis vestre.

Numérotation du verset 4Esr. 12,49

Et nunc ite unusquisque vestrum in domum suam, et ego veniam ad vos post dies istos.

Numérotation du verset 4Esr. 12,50

Et profectus est populus, sicut dixi, ei in civitatem.

Numérotation du verset 4Esr. 12,51

Ego autem sedi in campo septem diebus, sicut mihi mandavit, et manducabam de floribus solummodo agri, de herbis facta est esca mihi⁵⁶ in diebus illis.

⁵⁶ e. m.] inv. Weber , esca Tr621

<21. Liber Esdrae quartus**>

Capitulum 12