Glossae Scripturae Sacrae-electronicae (Gloss-e)

Numérotation du verset Idt. 5,1

Nuntiatumque est Holopherni principi

militie Assyriorum quod filii Israel

prepararent se ad resistendum

ac montium itinera conclusissent

Numérotation du verset Idt. 5,2

et furore nimio exarsit in¹ iracundia magna vocavitque omnes principes

Moab et duces Ammon

¹ in Rusch Ed1455 Clementina ] om. Weber

Numérotation du verset Idt. 5,3

et dixit eis : Dicite mihi quid sit populus iste,

qui montana obsidet, aut que et quales et quante sint civitates eorum

que etiam sit virtus eorum, aut que sit multitudo eorum, vel quis {t. 2 : Erfurt, f. 173vb ; facsim., p. 346b} rex militie illorum,

Numérotation du verset Idt. 5,4

quare pre omnibus qui habitant in oriente isti contempserunt et non exierunt in obviam nobis

ut susciperent nos cum pace ?

Numérotation du verset Idt. 5,5

Tunc Achior

dux omnium filiorum Ammon

respondens ait : Si digneris audire, domine², dicam veritatem in conspectu tuo de populo isto qui in montanis habitat

et non egredietur verbum falsum ex ore meo.

² domine Ed1455 Rusch ] + meus Weber , + mi Ω^S Ω^J Clementina

Numérotation du verset Idt. 5,6

Populus iste ex progenie Chaldeorum est.

Numérotation du verset Idt. 5,7

Hic primum in Mesopotamiam habitavit, quoniam noluerunt sequi deos

patrum suorum

qui erant in terra Chaldeorum^a.

^a Cf. Ios. 24, 14.

Numérotation du verset Idt. 5,8

Deserentes itaque cerimonias

patrum suorum que in multitudine deorum erant,

Numérotation du verset Idt. 5,9

unum Deum celi coluerunt qui et precepit eis ut exirent

inde et habitarent in Charram³ ^b. Cumque operuisset⁴ omnem terram fames,

descenderunt in Egyptum

illic⁵ per quadringentos annos sic multiplicati sunt,

ut dinumerari eorum non posset⁶ exercitus.

^b Cf. Gn. 11, 31-32 ; Act. 7, 2-4.

³ Charram Ω^J Rusch ] Carram Ω^S Ω^M, Charam Weber

⁴ operuisset Ω^M Ed1455 Rusch Clementina ] cooperuisset Weber

⁵ illic] illicque Weber

⁶ posset Ω Ed1455 Rusch Clementina ] possit Weber

Numérotation du verset Idt. 5,10

Cumque gravasset⁷ eos rex Egypti

atque in edificationibus

urbium suarum

in luto

et latere subiugasset eos et⁸ clamaverunt

ad Deum suum

et percussit totam terram Egypti plagis variis.

⁷ gravasset Ω^S Ω^J Rusch ] gravaret Weber

⁸ et] om. Weber

Numérotation du verset Idt. 5,11

Cumque eiecissent eos Egyptii a se⁹

et cessasset plaga ab eis et iterum eos vellent capere et ad suum servitium revocare,

⁹ Egyptii - a se] inv. Weber

Numérotation du verset Idt. 5,12

fugientibus his, Deus celi

mare aperuit

ita ut hinc inde aque quasi murus solidarentur et isti pede sicco fundum maris perambulando transirent^c.

^c Cf. Ex. 14, 21.

Numérotation du verset Idt. 5,13

In quo loco dum innumerabilis exercitus Egyptiorum

eos persequeretur, ita aquis coopertus est,

ut non remaneret vel unus qui factum posteris nuntiaret.

Numérotation du verset Idt. 5,14

Egressis etiam mare Rubrum, deserta Sina montis occurrerunt^d in quibus numquam homo {t. 2 : Erfurt, f. 174ra ; facsim., p. 347a} habitare potuit^e,

vel filius hominis requievit.

^d Cf. Ex. 19, 2 ; Nm. 33, 15.

^e Cf. Sap. 11, 2.

Numérotation du verset Idt. 5,15

Illic fontes amari

obdulcati sunt eis ad bibendum^f

et per annos quadraginta annonam de celo consecuti sunt^g.

^f Cf. Ex. 15, 25.

^g Cf. Ex. 16, 35.

Numérotation du verset Idt. 5,16

Ubicumque ingressi sunt sine arcu et sagitta

et absque scuta et gladio Deus eorum pugnavit pro eis¹⁰ et vicit^h.

^h Cf. Ios. 10, 14.

¹⁰ pugnavit - pro eis Ω^S Rusch Ed1455 Clementina ] inv. Weber

Numérotation du verset Idt. 5,17

Et non fuit qui insultaret

populo isti nisi quando recessit a cultu¹¹ Domini Dei sui.

¹¹ cultu Ed1455 Rusch Clementina ] cultura Weber

Numérotation du verset Idt. 5,18

Quotienscumque autem preter ipsum Deum suum alterum coluerunt, dati sunt

in predam

et in gladium

et in opprobrium.

Numérotation du verset Idt. 5,19

Quotienscumque autem penituerunt se recessisse a cultura Dei sui,

dedit eis Deus celi virtutem resistendi.

Numérotation du verset Idt. 5,20

Denique Chananeum regem et Iebuseum et Pherezeum¹² et Etheum et Eveum et Amorreum et omnes potentes in Esebon prostraverunt et terras eorum et civitates eorum ipsi possederunt.

¹² Pherezeum] Ferezeum Weber

Numérotation du verset Idt. 5,21

Et usque dum non peccarent in conspectu Dei sui erant cum illis bona Deus enim illorum odit iniquitatem.

Numérotation du verset Idt. 5,22

Nam et ante hos annos cum recessissent a via

quam dederat illis Deus ut ambularent

in eam exterminati sunt

preliis multis nationibus et plurimi eorum captivi abducti sunt in terram non suam.

Numérotation du verset Idt. 5,23

Nuper autem reversi sunt¹³

ad Dominum¹⁴ Deum suum, ex dispersione qua dispersi fuerant adunati sunt et ascenderunt montana hec omnia et iterum possident Hierusalem

ubi sunt sancta sanctorum¹⁵.

¹³ sunt] om. Weber

¹⁴ Dominum] om. Weber

¹⁵ sanctorum Ω^S Rusch Ed1455 ] eorum Weber

Numérotation du verset Idt. 5,24

Nunc ergo mi¹⁶ domine, perquire si est aliqua iniquitas eorum in conspectu Dei eorum, ascendamus ad illos quoniam tradens tradet illos Deus eorum tibi et subiugati erunt sub iugo potentie tue.

¹⁶ mi Ω^J Ω^M Ed1455 Rusch Clementina ] meus Weber

Numérotation du verset Idt. 5,25

Si vero¹⁷ non est offensio populi huius coram Deo suo, non poterimus resistere illis, quoniam Deus eorum defendet illos et erimus in opprobrium universe terre.

¹⁷ vero Ω Ed1455 Rusch Clementina ] autem Weber

Numérotation du verset Idt. 5,26

Et factum est {t. 2 : Erfurt, f. 174rb ; facsim., p. 347b} cum cessasset loqui Achior verba hec¹⁸, irati sunt omnes magnates Holophernis et cogitabant interficere eum dicentes ad alterutrum :

¹⁸ hec Ω Ed1455 Rusch Clementina ] om. Weber

Numérotation du verset Idt. 5,27

Quis iste est

qui filios Israel

posse dicat resistere regi Nabuchodonosor

et exercitibus eius

homines inermes et sine virtute

et sine peritia artis pugne ?

Numérotation du verset Idt. 5,28

Ut ergo agnoscat Achior quoniam fallit nos,

ascendemus in montana et cum capti fuerint potentes eorum, tunc cum eisdem gladio transverberabitur,

Numérotation du verset Idt. 5,29

ut sciat omnis gens quoniam Nabuchodonosor deus terre est

et preter ipsum alius non est.

<23. Iudith**>

Capitulum 5