Nicolaus de Lyra

Capitulum 20

Numérotation du verset Ios. 20,1 

Et locutus est Dominus ad Iosue dicens: loquere filiis Israel et dic eis:
Numérotation du verset Ios. 20,2 

Separate urbes fugitivorum de quibus locutus sum ad vos per manum Moysi
Numérotation du verset Ios. 20,3 

ut confugiat ad eas quicumque animam percusserit nescius et possit evadere iram proximi qui ultor est sanguinis
Numérotation du verset Ios. 20,4 

cum ad unam harum confugerit civitatum. Stabitque ante portam civitatis et loquetur senioribus urbis illius ea que se comprobent innocentem sicque suscipient eum et dabunt ei locum ad habitandum.
Numérotation du verset Ios. 20,5 

Cumque ultor sanguinis eum fuerit persecutus, non tradent in manus eius quia ignorans percussit proximum eius nec ante biduum triduumve eius probatur inimicus.
Numérotation du verset Ios. 20,6 

Et habitabit in civitate illa donec stet ante iudicium causam reddens facti sui et moriatur sacerdos magnus qui fuerit in illo tempore. Tunc revertetur homicida et ingredietur civitatem et domum suam de qua fugerat.
Numérotation du verset Ios. 20,7 

Decreveruntque Cedes in Galilea montis Neptalim1 et Sichem in monte Ephraim et Chariatharbe ipsa est Hebron in monte Iuda
1 Neptalim] Nephtali Weber
Numérotation du verset Ios. 20,8 

et trans Iordanem contra orientalem plagam Hiericho statuerunt Bosor que sita est in campestri solitudine de tribu Ruben et Ramoth Galaad2 de tribu Gad et Gaulon in Basan de tribu Manasse.
2 Galaad] in praem. Weber
Numérotation du verset Ios. 20,9 

He civitates constitute sunt cunctis filiis Israel et advenis qui habitabant3 inter eos ut fugeret ad eas qui animam nescius percussisset et non moreretur in manu proximi effusum sanguinem vindicare cupientis donec staret ante populum expositurus causam suam.
3 habitabant] habitant Weber

Capitulum 20

Numérotation du verset Ios. 20,ad litteram 
marg.| {125} .1. Et locutus. Postquam actum est de terre divisione, hic consequenter agitur de civitatum refugii separatione. et primo circa hoc preceptum Domini renovatur. secundo executioni datur, ibi :   Decreveruntque. Circa primum dicitur.
marg.| .2. Separate. Nu. 35. et Dt. 19. ubi ista materia plenius est tractata : et ideo brevius est hic pertranseundum.
marg.| .3. Quicumque id est causaliter omnino.
marg.| .4. Stabitque ante portam id est ante iudices qui antiquitus sedebant in foribus civitatum ut quilibet posset ad eos accedere. ideo subditur :
marg.| .5. Et loquetur. Sententia tamen finalis de sua innocentia vel de contraria non dabatur per iudices civitatum refugii, sed per iudices illius civitatis in cuius terminis homicidium fuerat perpetratum, prout declaratum fuit Nm. 35.
marg.| .6. Cumque ultor id est proximus occisi ad quem spectat causam defuncti prosequi.
marg.| .7. Non tradent. et est sententia suspensiva usque ibi :
marg.| .8. Donec. In civitate in cuius terminis fuerat homicidium perpetratum. ubi ducebatur de civitate refugii cum securitate, et sententia data de eius innocentia reducebatur ad civitatem refugii ibidem salvandus. Si autem daretur sententia contra eum, tradebatur amicis interfecti {126} occidendus.   Et non   moriatur   qui   interfecit a casu.   Donec   moriatur hoc refertur ad illud predictum.
marg.| .9. Et habitabit. quia de civitate refugii non poterat ad proprium locum redire, donec moreretur summus sacerdos. cuius cause assignate fuerunt. Nu. 35.
marg.| .10. Decreveruntque. Hic ponitur executio predicti mandati, quia separaverunt sex civitates fugitivorum, tres circa Iordanem, et tres ultra secundum quod fuerat preceptum a Domino, Nu. 35. et patet littera. Notandum tamen, quod omnes civitates refugii fuerunt assignate Levitis, prout habetur in capitulo sequenti ad designandum, quod in clericis debet esse refugium totius populi. Moral. exponendo, civitates fugitivorum designant remedia peccatorum, fuerunt autem tres ultra Iordanem et tres citra, ad denotandum quod ante baptismum et post fuerunt remedia contra peccata. Per fluvium enim Iordanis intelligitur baptismus, quia in eo Christus fuit baptizatus, conferens aquis virtutem mundandi tactu sue sacratissime carnis. Ante baptismum vero fuerunt tria remedia contra peccatum fides parentalis, oblatio legalis, et circumcisio legalis. Post baptismum vero fuerunt tria remedia, ieiunium contra vitia carnalia, oratio contra spiritualia eleemosyna que est opus pietatis valentis ad omnia.
Numérotation du verset Ios. 20,moraliter 
marg.| {125} .1. Et locutus est. Sequitur :
marg.| .2. Separate. Fuerunt autem sex civitates ad hoc assignate scilicet tres ultra Iordanem, et tres citra. per Iordanem vero significatur baptismus, eo quod Christus ibi fuit baptizatus, et tunc tactu sanctissime sue carnis dedit vim regenerativam aquis. Per civitates autem refugii significantur remedia contra peccata, ad que debent peccatores refugere pro salute. Ante vero baptismum per Iordanem {126}significatum, fuerunt tria remedia contra peccata scilicet fides parentalis : postea circumcisio carnalis a tempore Abrahe, et oblatio legalis a tempore legis date, ut patet in Levit. ubi pro variis peccatis determinantur oblationes diverse. Post baptismum vero inter alia remedia assignantur tria scilicet vera contritio, integra confessio, et debita satisfactio.
marg.| Vel aliter scilicet ieiunium contra vitia carnalia, oratio contra peccata spiritualia, et eleemosyna que est opus pietatis valentis ad omnia. 1. Tit. 4.


Comment citer cette page ?
Martin Morard, ed., Nicolaus de Lyra (Ios. 20), in : Sacra Pagina, IRHT-CNRS, 2025. Consultation du 04/04/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=08&chapitre=08_20)
Signaler un complément d'information

Notes :