Capitulum 15

[a] Scriptura Novi Testamenti in quo gratia Spiritus sancti ²⁵ et ²⁶ revelatur et datur. Nec²⁷ sunt ordeacei, ut supra, quia hic non²⁸ - ut in lege - vitale alimentum anime figuris quasi tenacissima palea tegitur. Hic non duo²⁹ pisces - ut in lege duo unguebantur rex et sacerdos - sed³⁰ pauci, id est sancti Novi Testamenti qui de fluctibus seculi sunt erepti, et sustinent turbulentum mare et exemplo suo nos reficiunt, ne in via deficiamus. [f] Ibi supra fenum ut desideria carnis comprimantur, hic super terram ubi et ipse mundus relinqui precipitur. [d] Vel mons in quo Dominus reficit est altitudo³¹ Christi. Ibi ergo fenum super terram quia ibi celsitudo Christi propter carnales carnali spe et desiderio tegitur. Hic, remota omni cupiditate carnali, convivas Novi Testamenti spei permanentis soliditas continet. [b] Ibi quinque millia quia carnales quinque sensibus subditi, hic quatuor propter quatuor virtutes quibus spiritualiter vivitur, prudentiam, temperantiam, fortitudinem, iustitiam. Quarum³² prima cognitio est rerum appetendarum et vitandarum. Secunda refrenatio cupiditatis ab his que temporaliter delectant. Tertia firmitas contra molestias seculi. Quarta que per omnes diffunditur dilectio Dei et proximi. [c] Et ibi et hic mulieres et parvuli excepti sunt quia in Veteri et ³³ Novo Testamento non mittuntur ad numerum [e] qui non perdurant occurrere in virum perfectum vel infirmitate virium vel levitate mentis. [g] Utraque refectio in monte celebrata est quia utriusque Testamenti Scriptura altitudinem celestium preceptorum mandat et premiorum, utraque altitudinem³⁴ Christi predicat. ^{U j}