string(58) "/var/www/html/gloss-e/sources/editions/lyr/GLOSS-lyr37.xml"
Nicolaus de Lyra

Capitulum 13

Numérotation du verset Ez. 13,1 

Et factus est sermo Domini ad me dicens
Numérotation du verset Ez. 13,2 

fili hominis vaticinare ad prophetas Israel
qui prophetant et dices prophetantibus de corde suo
audite verbum Domini
Numérotation du verset Ez. 13,3 

hec dicit Dominus Deus ve prophetis insipientibus
qui sequuntur spiritum suum
et nihil
vident
Numérotation du verset Ez. 13,4 

quasi vulpes in desertis prophete tui Israel erant
Numérotation du verset Ez. 13,5 

non ascendistis ex adverso neque opposuistis murum pro domo Israel ut staretis in prelio in die Domini
Numérotation du verset Ez. 13,6 

vident vana et divinant mendacium dicentes ait Dominus cum Dominus non miserit eos et perseveraverunt confirmare sermonem
Numérotation du verset Ez. 13,7 

numquid non visionem cassam vidistis et divinationem mendacem locuti estis
et
dicitis ait Dominus cum ego non sim locutus
Numérotation du verset Ez. 13,8 

propterea hec dicit Dominus Deus quia locuti estis vana
et vidistis mendacium ideo ecce ego ad vos ait Dominus Deus
Numérotation du verset Ez. 13,9 

et erit manus mea super prophetas qui vident vana et divinant mendacium.
In concilio populi mei non erunt
et in scriptura domus Israel non scribentur
nec in terra
Israel ingredientur
et scietis quia ego Dominus Deus
Numérotation du verset Ez. 13,10 

eo quod deceperint populum meum
dicentes
pax pax1
1 pax²] om. Weber
et non est pax et
ipse edificabat parietem
illi autem liniebant eum luto absque paleis
Numérotation du verset Ez. 13,11 

dic ad eos qui liniunt absque temperatura
quod casurus sit erit enim imber inundans
et dabo lapides pregrandes
desuper irruentes et ventum procelle dissipantem
Numérotation du verset Ez. 13,12 

siquidem ecce cecidit paries numquid non dicetur vobis ubi est litura quam levistis
Numérotation du verset Ez. 13,13 

propterea hec dicit Dominus Deus et erumpere faciam spiritum tempestatum in indignatione mea et imber inundans in furore meo erit et lapides grandes in ira in consummationem
Numérotation du verset Ez. 13,14 

et destruam parietem
quem levistis absque temperamento et adequabo eum terre et revelabitur fundamentum eius et cadet et consumetur in medio eius et scietis
quia ego sum Dominus
Numérotation du verset Ez. 13,15 

et complebo indignationem meam in parietem et in his qui linunt eum absque temperamento dicamque vobis non est paries et non sunt qui linunt eum
Numérotation du verset Ez. 13,16 

prophete Israel
qui prophetant ad Hierusalem
et vident ei visionem pacis et
non est pax
ait Dominus Deus
Numérotation du verset Ez. 13,17 

et tu fili hominis pone faciem tuam contra filias populi tui
que prophetant de corde suo et vaticinare super eas
Numérotation du verset Ez. 13,18 

et dic hec ait Dominus Deus ve que consuunt pulvillos
sub omni cubito manus et faciunt cervicalia
sub capite universe etatis ad capiendas animas cum caperent animas populi mei vivificabant animas eorum
Numérotation du verset Ez. 13,19 

et violabant me ad populum meum
propter pugillum ordei
et fragmen panis ut interficerent animas
que non moriuntur et vivificarent animas
que non vivunt
mentientes populo meo credenti mendaciis.
Numérotation du verset Ez. 13,20 

Propter hoc
hec dicit Dominus Deus ecce ego ad pulvillos vestros quibus vos capitis animas
volantes et dirumpam eos de brachiis vestris
et dimittam animas
quas vos capitis animas
ad volandum
Numérotation du verset Ez. 13,21 

et dirumpam cervicalia vestra
et liberabo populum meum de manu vestra neque erunt ultra in manibus vestris ad predandum
et
scietis quia ego Dominus
Numérotation du verset Ez. 13,22 

pro eo quod merere fecistis
cor iusti mendaciter quem ego non contristavi
et confortastis manus impii
ut non reverteretur
a via sua mala et viveret
Numérotation du verset Ez. 13,23 

propterea vana
non videbitis et divinationes non divinabitis amplius
et
eruam populum meum de manu vestra et scietis
quoniam ego Dominus.

Capitulum 13

Numérotation du verset Ez. 13,1 
differentia
marg.| {LYR37.13T} De differentia ab hebrea veritate, Ed1507, f. 81ra
Numérotation du verset Ez. 13,1 
marg.| £ .1. % {4.1165} Et factus est : Hic consequenter Ezechiel prophetizat contra falsos prophetas : et primo contra sexum virilem, secundo contra muliebrem, ibi : Et tu fili hominis. Prima in duas : quia primo {4.1166} ponitur pseudoprophetarum culpa, secundo denuntiatur eorum pena ibi, Propterea. Circa primum dicitur.
marg.| £ .2. % Vaticinare ad prophetas : scilicet falsos. ideo subditur.
marg.| £ .3. % Et dices prophetantibus, id est de sua afflictione, non ex divina revelatione : ideo subditur.
marg.| £ .1. % {4.1167} Quasi vulpes in desertis : Est autem vulpes animal dolosum intendens deceptioni avium, sic isti prophete intendebant ad deceptionem simplicium. ideo arguit eos dicens.
marg.| £ .2. % Non ascendistis ex adverso : peccata populi arguendo.
marg.| £ .3. % Neque opposuistis murum pro domo Israel : pro peccatoribus ferventer orando.
marg.| £ .4. % Ut staretis in prelio in die Domini : percussionem Domini vestris meritis avertendo.
marg.| £ .5. % Vident vana et divinant mendacium : Mutat loquendi modum de secunda parte ad tertiam.
marg.| £ .6. % Dicentes ait Dominus : ut in modo loquendi conformarent se veris prophetis ad facilius decipiendum.
marg.| £ .7. % Et perseveraverunt confirmare sermonem : Idem pluries et pluribus diebus repetendo, et dictum suum falso iuramento firmando.
marg.| £ .8. % Numquid non visionem, etc. quasi dicat, sic.
marg.| £ .9. % Propterea hec dicit Dominus Deus : Hic consequenter ponitur pena : et primo sic prophetantium, secundo eis credentium, ibi : Et ipse. Circa primum dicitur : Propterea hec dicit Dominus Deus, id est propter mendacia prophetica.
marg.| £.10.% Ecce ego ad vos : scilicet puniendos.
marg.| £.11.% Et erit manus mea, id est vindicte mee potentia.
marg.| £.12.% {4.1168} Super prophetas : scilicet falsos.
marg.| £.13.% In consilio populi mei non erunt, id est in cetu revertentium de Babylone, scilicet in personis suis nec in filiis ab eis procreatis.
marg.| £.14.% Et in scriptura domus : Redeuntes enim de Babylone habuerunt genealogias suas descriptas, ut sic singuli redirent ad hereditates patrum suorum, ut habetur 1. Esdre.
marg.| £.15.% Nec in terram Israel ingredientur : cum revertentibus de Babylone sic exponitur hec littera communiter : sed quia redeuntes de Babylone in Iudeam fuerunt in magna afflictione et servitute, ideo bonum redeuntium non videtur fuisse tantum, quod illius boni privatio esset sufficiens istorum falsorum prophetarum punitio : ideo videtur mihi, quod sic debet intelligi saltem principaliter. In consilio populi mei, etc., id est in societate supernorum civium. Et in scriptura domus Israel non scribentur, id est in libro vite in quo scribuntur electi : Nec in terram Israel ingredientur, id est in terram viventium, per quam intelligitur celestis habitatio, ubi mors locum non habet.
marg.| £.16.% Dicentes pax : et non est pax : Sic enim dicebant populo, quod nullo modo habebant dubitare de adventu regis Babylonis super eum : quod tamen erat falsum.
marg.| £.17.% Et ipse : Hic consequenter ponitur pena credentium falsis prophetis, cum dicitur : Et ipse. scilicet populus meus.
marg.| £.18.% Edificabat, id est Hierusalem, ut dicit Rabbi Salomon in qua populus edificabat ita secure, acsi deberet ibi semper manere.
marg.| £ .1. % {4.1169} Illi autem : scilicet prophete falsi.
marg.| £ .2. % Liniebant eum luto absque paleis, id est verbis adulatoriis populo applaudebant. Aliter exponitur, ut per parietem intelligatur congeries peccatorum et maxime in cultu idolorum, in quo falsi prophete suis adulationibus nutriebant populum. et ideo denuntiatur casus edificii huius cum dicitur.
marg.| £ .3. % Erit enim imber, id est exercitus Chaldeorum abundans in bellatoribus viris, sicut imber in guttis.
marg.| £ .4. % Et dabo lapides pregrandes, etc., id est exercitus principes.
marg.| £ .5. % De super irruentes, id est fortiter incitantes cuneos suos ad destructionem murorum.
marg.| £ .6. % Et ventum, id est Nabuchodonosor regem.
marg.| £ .7. % Si quidem ecce cecidit paries, id est Hierusalem, et altaria idolorum ibi edificata.
marg.| £ .8. % Numquid non dicetur vobis, etc. improperando.
marg.| £ .9. % Ubi est litura quam linistis ? Quasi diceret apparet falsitas in adulationibus vestris.
marg.| £.10.% Et erumpere faciam, etc., id est Nabuchodonosor, quem prius vocavit ventum procelle, Et patent cetera ex dictis. Est enim repetitio eiusdem sententie ad maiorem assertionem usque ibi:
marg.| £.11.% Et revelabitur : Chaldei enim minaverunt muros Hierusalem in aliquibus locis, ut sic facerent eos ruere.
marg.| £.12.% Et complebo, id est effectum vindicte mee.
marg.| £.13.% {4.1170} In pariete : et patet ex dictis sententia.
marg.| £.14.% Et tu : Hic consequenter prophetat contra falsas prophetissas. Et dividitur in duas, quia primo ponitur earum culpa. secundo, pena ibi : Propter hoc. Circa primum dicitur.
marg.| £.15.% Fili hominis : ostendendo divinam indignationem.
marg.| £.16.% Contra filias, id est falsas prophetissas.
marg.| £.17.% Que prophetant : et non spiritu divino.
marg.| £.18.% Ve qui consuunt : Hoc dupliciter exponitur. Uno modo, ut per pulvillos et cervicalia intelligantur verba adulatoria et mendacia, que dicebant iste mulieres malis hominibus et idololatris. Alio modo intelligendo pulvillos et cervicalia ad litteram. prophete enim veri non solum prophetabant verbis, sed etiam factis et sensibilibus signis, sicut Ieremias posuit catenas in collo suo ad signandum captivitatem futuram. Ier. 27. Et eodem modo prophete falsi faciebant eos imitantes, sicut Sedechias fecit sibi cornua ferrea. 3Rg. 22.b. Et eodem modo prophetisse false faciebant pulvillos et cervicalia, facientes homines accumbere super ea dicentes : Sic potestis dormire secure et quiete, non timentes in aliquo de adventu Chaldeorum.
marg.| £.19.% Sub capite, id est hominum cuiuslibet etatis.
marg.| £.20.% Ad capiendas, id est decipiendas suis mendaciis.
marg.| £.21.% Et violabant, id est cogebant me ad puniendum ipsum. Nec est intelligendum quod violentia seu coactio cadat in Deo : sed hoc dicitur ad denotandum quod non vult per se malum pene sed per accidens, scilicet propter ordinem sue iustitie, cum eius proprium sit misereri et parcere.
marg.| £ .1. % {4.1171} Propter pugillum, etc., id est propter vilem questum talia faciebant.
marg.| £ .2. % Ut interficerent animas, etc. Iustis enim viventibus in Domino, nihil eis dantibus, prophetabant mortem et infortunia : et iniustis (qui per peccatum sunt mortui) prophetabant vitam et prospera propter eorum dona.
marg.| £ .3. % Propter hoc : Hic ponitur earum pena, cum dicitur.
marg.| £ .4. % Ecce ego, id est ad facta vestra punienda.
marg.| £ .5. % Quibus vos, id est decipitis.
marg.| £ .6. % Animas, id est homines, qui deberent elevari ad cognitionem divinorum. Et loquitur de eis ad modum volatilium, que attendentia ad instrumenta aucupis in quibus sunt aliqua attrahentia, ut grana et huiusmodi : {4.1172} illic descendunt et capiuntur retibus suis sic isti attendentes ad verba prophetissarum decipiebantur ab eis.
marg.| £ .7. % Et dirumpam, id est taliter puniam vos quod non poteritis talia facere nec populum meum decipere.
marg.| £ .8. % Et scietis per experientiam mee vindicte.
marg.| £ .9. % Pro eo : quantum in vobis fuit infortunia sibi prophetando.
marg.| £.10.% Quem ego, id est non disposui inferre talia sibi.
marg.| £.11.% Et confortastis : prophetando sibi bona.
marg.| £.12.% Ut non reverteretur etc. per hoc enim nutriebatur in malo suo.
marg.| £.13.% Et viveret : scilicet si a peccatis suis peniteret.
marg.| £.14.% Propterea vana, etc. quia auferam vos de vita presenti, ita quod populum meum decipere non poteritis.
Numérotation du verset Ez. 13,moraliter 
marg.| £ .1. % {4.1165} Et factus est sermo : Secundum sensum litteralem Ezechiel in hoc capitulo prophetat contra prophetie falsitatem : et primo quantum {4.1166} ad homines prophetantes, per quos signantur falsi predicatores, de quibus subditur.
marg.| £ .2. % Et dices prophetantibus, id est predicantibus non secundum Scripture Sacre sententiam, sed magis secundum suam fictionem propter questum temporalem. Ideo subditur : 1
1 Scripture … temporalem. Ideo subditur Ed1634 ] Scripture Ed1603
Numérotation du verset Ez. 13,moraliter 
marg.| £ .5. % {4.1167} Vident vana et divinant mendacium : secundum suas phantasias, quas asserunt revelationes divinas.
marg.| £ .6. % Dicentes ait Dominus : ut magis eis credatur.
marg.| † Cum Dominus non miserit : Sed ipsi se ingerunt sue superioris autoritate decipiendo simplices in occultis. Et subditur eorum pena cum dicitur.
marg.| £.13.% In consilio populi mei non erunt, id est in congregatione sanctorum, sed magis in congregatione damnatorum : ideo sequitur.
marg.| £.14.% {4.1168} Et in scriptura domus Israel non scribentur, id est in libro vite, in quo scribuntur electi.
marg.| £.17.% Et ipse edificabat parietem : Hic consequenter prophetat contra credentes falsis prophetis : per quos signantur credentes predicatoribus predictis, de quibus dicitur : Ipse edificabat parietem, id est malam doctrinam : Et ponitur hic singulare pro plurali, sicut Ex. 8. Venit musca gravissima, id est multitudo muscarum.
Numérotation du verset Ez. 13,moraliter 
marg.| £ .1. % {4.1169} Illi autem liniebant eum, etc. scilicet parietem male doctrine, hoc enim faciunt male assentientes et applaudentes.
marg.| £ .2. % Luto absque paleis : Quia sicut paries linitus luto absque paleis non est stabilis, sic nec doctrina carens fulcimento veritatis : ideo subditur pena cum dicitur.
marg.| {4.1170} † Propterea hec dicit Dominus Deus, etc. Spiritum, id est demonum, ad punitionem falsi predicatoris, et suorum discipulorum.
marg.| £.14.% Et tu fili hominis : Hic prophetat Ezechiel contra falsas prophetissas, per quas signantur mulieres sortilege et divinatrices, que per talia decipiunt simplices, et aliquando pro modico questu : ideo subditur.
Numérotation du verset Ez. 13,moraliter 
marg.| {4.1171} £ .1. % Propter pugillum hordei et fragmen panis : tales enim vetule aliquando {4.1172} fingunt, quod de nocte vadunt cum animabus defunctorum : et illis qui dant eis aliquid dicunt prospera de animabus parentum suorum, et aliis adversa.


Comment citer cette page ?
Martin Morard, ed., Nicolaus de Lyra (Ez. 13), in : Sacra Pagina, IRHT-CNRS, 2025. Consultation du 04/12/2025. (Permalink : https://gloss-e.irht.cnrs.fr/php/editions_chapitre.php?id=lyr&numLivre=37&chapitre=37_13)
Signaler un complément d'information

Notes :