Glossae Scripturae Sacrae-electronicae (Gloss-e)

Glossa ordinaria

Biblia communis

Capitulum 29

Numérotation du verset Sir. 29,1

Qui facit misericordiam¹

¹ Qui facit] DE FENORE praem. Weber

fenerat proximum

et qui prevalet manu

mandata servat

Numérotation du verset Sir. 29,2

fenera proximum tibi in tempore necessitatis illius et iterum redde proximo in tempore suo

Numérotation du verset Sir. 29,3

confirma verbum et fideliter age cum illo et in omni tempore invenies quod tibi necessarium est

Numérotation du verset Sir. 29,4

multi quasi inventionem estimaverunt fenus

et prestiterunt molestiam his qui se adiuvaverunt

Numérotation du verset Sir. 29,5

donec accipiant osculantur manum dantis et in promissionibus humiliant vocem suam

Numérotation du verset Sir. 29,6

et in tempore redditionis postulabit tempus et loquetur verba acedie et murmurationum et tempus causabitur

Numérotation du verset Sir. 29,7

si autem potuerit reddere aversatus solide vix reddet dimidium et computabit illud quasi inventionem

Numérotation du verset Sir. 29,8

Sin autem fraudavit illum pecunia sua et possidebit illum inimicum gratis

Numérotation du verset Sir. 29,9

et convicia et maledicta reddet illi et pro honore et beneficio reddet illi contumeliam

Numérotation du verset Sir. 29,10

multi non causa nequitie non feneraverunt sed fraudari gratis timuerunt

Numérotation du verset Sir. 29,11

verumtamen super humilem animo fortior esto et pro eleemosyna non trahas illum

Numérotation du verset Sir. 29,12

propter mandatum

assume pauperem et propter inopiam eius ne dimittas illum vacuum

Numérotation du verset Sir. 29,13

perde pecuniam pro fratre et amico

et non abscondas illam sub lapide

in perditionem

Numérotation du verset Sir. 29,14

pone thesaurum tuum in preceptis Altissimi

et proderit tibi magis quam aurum

Numérotation du verset Sir. 29,15

conclude eleemosynam

in corde pauperis

et hec pro te exorabit ab omni malo

Numérotation du verset Sir. 29,16

Eleemosyna viri

quasi sacculus² cum ipso

² sacculus Ω Rusch ] sacculum Weber

et gratiam hominis

quasi pupillam conservabit

Numérotation du verset Sir. 29,17

et postea resurget et retribuet illis retributionem unicuique in caput illorum³

³ v. 16-17 Π^H M L Q Y Φ Z² T² S Ψ^D Ω (ipsorum) Rusch ex Sir. 17, 18-19] om. Clementina Weber

Numérotation du verset Sir. 29,18

super scutum potentis et super lanceam adversus inimicum tuum pugnabit

Numérotation du verset Sir. 29,19

vir bonus

fidem facit proximo suo

et qui perdiderit confusionem derelinquet sibi

Numérotation du verset Sir. 29,20

gratiam fideiussoris

ne obliviscaris

dedit enim pro te animam suam

Numérotation du verset Sir. 29,21

repromissorem

Fugit

peccator et immundus

Numérotation du verset Sir. 29,22

bona repromissoris sibi asscribit peccator et ingratus sensu derelinquet liberantem se

Numérotation du verset Sir. 29,23

vir repromittit de proximo suo et cum perdiderit reverentiam

relinquetur ab eo

Numérotation du verset Sir. 29,24

Repromissio nequissima

multos perdidit dirigentes

et commovit illos quasi fluctus maris

Numérotation du verset Sir. 29,25

viros potentes

gyrans

migrare fecit

et vagati sunt in gentibus alienis

Numérotation du verset Sir. 29,26

peccator transgrediens mandata Domini incidet in promissionem

nequa et qui conatur multa agere

incidet in iudicium

Numérotation du verset Sir. 29,27

recupera proximum secundum virtutem tuam et attende tibi ne incidas

Numérotation du verset Sir. 29,28

initium vite aqua et panis et vestimentum et domus protegens turpitudinem

Numérotation du verset Sir. 29,29

melior victus pauperis sub tegimen asserum quam epule splendide in peregre sine domicilio

Numérotation du verset Sir. 29,30

super minimum et magnum placeat tibi et improperium peregrinationis non audies

Numérotation du verset Sir. 29,31

vita nequa hospitandi de domo in domum

et ubi hospitabitur non fiducialiter aget nec aperiet os

Numérotation du verset Sir. 29,32

Hospitabit

et pascet

et potabit ingratos et ad hec amara audiet

Numérotation du verset Sir. 29,33

transi hospes

et orna mensam et que in manu habes ciba ceteros

Numérotation du verset Sir. 29,34

exi a facie honoris amicorum meorum necessitudine domus mee hospitio mihi factus est frater

Numérotation du verset Sir. 29,35

gravia hec homini habenti sensum correptio domus et improperium feneratoris

Capitulum 29

Numérotation du verset Sir. 29,1

Qui facit misericordiam¹

¹ Qui facit] DE FENORE praem. Weber

^interl.| ad misericordiam et largitatem invitat

fenerat proximum

^interl.| mercedem in futuro recepturus

^interl.| usuram recipit

et qui prevalet manu

^interl.| munificentia

mandata servat

^interl.| Dei qui ait: date et dabitur vobis

Numérotation du verset Sir. 29,2

fenera proximum tibi in tempore necessitatis illius et iterum redde proximo in tempore suo

^interl.| sic fides et iustitia ab utroque servatur et nulla fraus interponitur

Numérotation du verset Sir. 29,3

confirma verbum et fideliter age cum illo et in omni tempore invenies quod tibi necessarium est

^interl.| quia gratiam Dei habebis quia maximum emolimentum est unde: primum querite regum Dei etc.

Numérotation du verset Sir. 29,4

multi quasi inventionem estimaverunt fenus

^interl.| usuram

et prestiterunt molestiam his qui se adiuvaverunt

Numérotation du verset Sir. 29,5

donec accipiant osculantur manum dantis et in promissionibus humiliant vocem suam

^marg.| DONEC ACCIPIANT. Huiusmodi morbum melius curat timor Dei qui enim Deum quasi semper presentem pertimescit neminem fraudare intendit.

Numérotation du verset Sir. 29,6

et in tempore redditionis postulabit tempus et loquetur verba acedie et murmurationum et tempus causabitur

Numérotation du verset Sir. 29,7

si autem potuerit reddere aversatus solide vix reddet dimidium et computabit illud quasi inventionem

Numérotation du verset Sir. 29,8

Sin autem fraudavit illum pecunia sua et possidebit illum inimicum gratis

Numérotation du verset Sir. 29,9

et convicia et maledicta reddet illi et pro honore et beneficio reddet illi contumeliam

Numérotation du verset Sir. 29,10

multi non causa nequitie non feneraverunt sed fraudari gratis timuerunt

^marg.| MULTI NON CAUSA. Illos notat qui neminem sedere volunt sed pretimore periturarum rerum prodesse nolunt. Contra quos dicitur: nolite thesaurizare vobis thezauros in terra etc.

Numérotation du verset Sir. 29,11

verumtamen super humilem animo fortior esto et pro eleemosyna non trahas illum

Numérotation du verset Sir. 29,12

propter mandatum

^interl.| date et dabitur vobis

assume pauperem et propter inopiam eius ne dimittas illum vacuum

^interl.| munere tuo

^marg.| PROPTER MANDATUM. Omnibus indigentibus misericordia facienda nec pro avaricia caritas proximi ammittenda.

Numérotation du verset Sir. 29,13

perde pecuniam pro fratre et amico

^interl.| temporaliter pauperi tribuendo misericorditer ut recipias ineternum

et non abscondas illam sub lapide

^interl.| duro et avaro corde

in perditionem

^interl.| quia ibunt avari in supplicium eternum

^marg.| ET NON ABSCONDAS. Qui enim viderit fratrem suum necesse habere et clauserit viscera sua ab eo quomodo caritas Dei manet in illo ? eo ?

Numérotation du verset Sir. 29,14

pone thesaurum tuum in preceptis Altissimi

^interl.| qui precipit fieri eleemosynam

et proderit tibi magis quam aurum

^interl.| absconditum

Numérotation du verset Sir. 29,15

conclude eleemosynam

^interl.| corporalem vel spiritualem

in corde pauperis

^interl.| bene monendo contulendo in corde enim absconditur eleemosyna

et hec pro te exorabit ab omni malo

^interl.| removendo

Numérotation du verset Sir. 29,16

Eleemosyna viri

^interl.| dispersit dedit pauperibus

quasi sacculus² cum ipso

² sacculus Ω Ed1455 Rusch ] sacculum Weber

^interl.| quia merces iustitie ineternum

et gratiam hominis

^interl.| iustitiam vel vitam eternam

quasi pupillam {Erfurt, t. 3, f. 62ra ; facsim., t. 2, p. 775a} conservabit

Numérotation du verset Sir. 29,17

et postea resurget et retribuet illis retributionem unicuique in caput illorum³

³ v. 16-17 Π^H M L Q Y Φ Z² T² S Ψ^D Ω Ed1455 (ipsorum) Rusch ex Sir. 17, 18-19] om. Clementina Weber

^interl.| mentem

Numérotation du verset Sir. 29,18

super scutum potentis et super lanceam adversus inimicum tuum pugnabit

^marg.| SUPER SCUTUM. Magis valet eleemosyna contra iacula inimici quam arma terrena quia hec dubiam illa certissimam parit victoriam ut absorbeatur mors in victoria.

Numérotation du verset Sir. 29,19

vir bonus

^interl.| doctor

^interl.| quia fideiussor Deo

fidem facit proximo suo

^interl.| suscipiendo curam proximi

et qui perdiderit confusionem derelinquet sibi

^interl.| fidem vel proximum sibi commissum

^marg.| QUI PERDIDERIT. Idem qui unitatem fidei sinceritatem legis non custodit sed implicatur erroribus variis vel sic. Doctorem scilicet qui pro fide et bonis operibus promittit vitam eternam.

Numérotation du verset Sir. 29,20

gratiam fideiussoris

^interl.| dignus est operarius mercede sua

ne obliviscaris

^interl.| doctoris

dedit enim pro te animam suam

^interl.| suscipiendo te in curam suam

^marg.| GRATIAM FIDEIUSSORIS. Hec sententia Pelagium reprehendit qui liberum arbitrium gratie preponit cum per solam gratiam liberentur electi.

Numérotation du verset Sir. 29,21

repromissorem

^interl.| predicatorem

Fugit

^interl.| despiciendo

peccator et immundus

^interl.| in anima

Numérotation du verset Sir. 29,22

bona repromissoris sibi asscribit peccator et ingratus sensu derelinquet liberantem se

Numérotation du verset Sir. 29,23

vir repromittit de proximo suo et cum perdiderit reverentiam

^interl.| Scripturarum non observando regulam

relinquetur ab eo

^interl.| tamquam hereticus

^interl.| subdito scilicet

Numérotation du verset Sir. 29,24

Repromissio nequissima

^interl.| hereticorum scilicet traditio

multos perdidit dirigentes

^interl.| recte ambulantes scilicet pro opinione sua

et commovit illos quasi fluctus maris

^interl.| quia edificaverant super arenam

Numérotation du verset Sir. 29,25

viros potentes

^interl.| superbos

gyrans

^interl.| in circuitu⁴ erroris

⁴ circuitu] circûcitu cacogr. Rusch

migrare fecit

^interl.| a statu fidei

et vagati sunt in gentibus alienis

^interl.| ab unitate Ecclesie

Numérotation du verset Sir. 29,26

peccator transgrediens mandata Domini incidet in promissionem

^interl.| de qua dicitur: Maledictus qui non permanserit in sermonibus legis.

nequa et qui conatur multa agere

^interl.| sermonibus tantum non factis

incidet in iudicium

^interl.| damnationem

Numérotation du verset Sir. 29,27

recupera proximum secundum virtutem tuam et attende tibi ne incidas

^marg.| RECUPERA PROXIMUM. Consulit ut secundum vires proximo prebeas solacium et sic tibi prevideas ne in peccati laqueum cadas.

Numérotation du verset Sir. 29,28

initium vite aqua et panis et vestimentum et domus protegens turpitudinem

^marg.| INITIUM HOMINIS. Fragilitatem et hospitalitatem et honestatem docet et ut temperantes simus in victu et in vestitu honesti moribus largi insuscipiendis fratribus. In principio enim non fuit tanta luxuria cibi et potus vel tanta ambitio vestium currium et palatiorum unde a principio pomis arborum et oleribus herbarum vivebant antiqui et Dominus primis parentibus tunicas pelliceas post peccatum fecit.

Numérotation du verset Sir. 29,29

melior victus pauperis sub tegimen asserum quam epule splendide in peregre sine domicilio

^marg.| MELIOR EST VICTUS. Ad litteram. Melius est tenuem victum sub vilitugurio sumere cum securitate quam splendidas epulas cum fatigatione in incertis locis querere. Allegorice vero. Melior est victus spiritualis sensus qui sub vili tegmine litterarum a paupere populo in Ecclesie unitate catholica habetur quam ambiciose delicie philosophorum que in diversis libris sub incerta opinione continentur ubi labor et superflua cura.

Numérotation du verset Sir. 29,30

super minimum et magnum placeat tibi et improperium peregrinationis non audies

^marg.| MINIMUM PRO. Sufficiat tibi quod habes ne superflue queras quod adipisci non vales unde quidam sapientium ait. Melius est tibi non habere quod tribuas quam imprudenter petere quod non habes et alibi^a: «Melius est nomen bonum quam delicie multe».

^a Prv. 21, 1.

Numérotation du verset Sir. 29,31

vita nequa hospitandi de domo in domum

^interl.| bonum est stabilem esse et constantem unde: nolite transire de domo in domum

et ubi hospitabitur non fiducialiter aget nec aperiet os

^interl.| quasi difficile securitatem inter ignotos inveniet

Numérotation du verset Sir. 29,32

Hospitabit

^interl.| in domo aliena

et pascet

^interl.| familiam domus

et potabit ingratos et ad hec amara audiet

Numérotation du verset Sir. 29,33

transi hospes

^interl.| ad propria

et orna mensam et que in manu habes ciba ceteros

^marg.| TRANSI. Quasi qui alieno delectaris hospitio redi ad propria et de labore tuo te et alios pasce. Noli de aliena domo pastum tibi superfluum querere. Sufficit mihi susceptio procuratio proximorum.

Numérotation du verset Sir. 29,34

exi a facie honoris amicorum meorum necessitudine domus mee hospitio mihi factus est frater

Numérotation du verset Sir. 29,35

gravia hec homini habenti sensum correptio domus et improperium feneratoris

^marg.| IMPROPERIUM FENERATORIS ⁵. Mystice autem monetur vir ecclesiasticus in domo Ecclesie assidue manere ibi potest pabulum vere sapientie habere ne inter philosophos et hereticos periculose hospitando secularis sapientie doctrinam querat et non inveniat. In futuro autem examine eternum improperium sustineat.

⁵ Feneratoris] FENA Rusch

Comment citer cette page ?
Martin Morard et alii, ed., Glossa ordinaria cum Biblia latina (Sir. Capitulum 29), in : Sacra Pagina, IRHT-CNRS, 2024. Consultation du 21/11/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=32&chapitre=32_29)

Signaler un complément d'information

Notes :

<32. Ecclesiasticus seu Sirach>

Capitulum 29

<32. Ecclesiasticus seu Sirach>

Capitulum 29