Glossa ordinaria

Capitulum 27

Numérotation du verset Sir. 27,1 

Propter inopiam
multi deliquerunt et qui querit locupletari
avertit oculum suum
Numérotation du verset Sir. 27,2 

si in medio compaginis lapidum palus figitur sic et inter medium venditionis et emptionis angustabitur peccatis
Numérotation du verset Sir. 27,3 

conteretur delictum.
Numérotation du verset Sir. 27,4 

si non in timore Domini tenueris
instanter cito subvertetur
domus tua
Numérotation du verset Sir. 27,5 

si in pertusura cribri remanebit stercus sic aporia hominis
in cogitatu illius.
Numérotation du verset Sir. 27,6 

Vasa figuli probat fornax et homines iustos temptatio tribulationis.
Numérotation du verset Sir. 27,7 

sicut rusticatio de ligno ostendit fructum illius sic verbum excogitatum hominis cordis
Numérotation du verset Sir. 27,8 

ante sermonem non collaudes virum hec enim temptatio est hominum
Numérotation du verset Sir. 27,9 

si sequaris iustitiam
apprehendes illam
et indues quasi poderem honoris
et inhabitabis cum ea
et proteget te
in sempiternum et in die agnitionis
invenies firmamentum
Numérotation du verset Sir. 27,10 

Volatilia
ad sibi similia conveniunt
et veritas
ad eos qui operantur illam revertetur
Numérotation du verset Sir. 27,11 

leo
venationi insidiatur semper sic peccata
operantibus iniquitates
Numérotation du verset Sir. 27,12 

homo sanctus in sapientia manet sicut sol nam stultus sicut luna immutatur
Numérotation du verset Sir. 27,13 

in medio insensatorum serva verbum tempori in medio autem cogitantium
assiduus esto
Numérotation du verset Sir. 27,14 

narratio peccantium odiosa et risus illorum delictis peccati
Numérotation du verset Sir. 27,15 

loquella multum
iurans horripilationem
Capiti
statuet et irreverentia ipsius obturatio
aurium
Numérotation du verset Sir. 27,16 

effusio sanguinis in rixa superborum
et maledictio illorum auditus gravis
Numérotation du verset Sir. 27,17 

qui denudat arcana amici perdet fidem et non inveniet amicum ad animum suum
Numérotation du verset Sir. 27,18 

dilige proximum et coniungere fide cum illo
Numérotation du verset Sir. 27,19 

quod si denudaveris absconsa illius non persequeris post eum
Numérotation du verset Sir. 27,20 

sicut enim homo qui perdit
amicum suum sic qui perdit
amicitiam proximi sui
Numérotation du verset Sir. 27,21 

et sicut qui dimittit avem de manu sua sic reliquisti proximum tuum et non eum capies
Numérotation du verset Sir. 27,22 

non illum sequaris quoniam longe abest
effugit enim quasi caprea de laqueo quoniam vulnerata est
Numérotation du verset Sir. 27,23 

colligare et maledicti est concordatio
Numérotation du verset Sir. 27,24 

denudare autem amici mysteria
desperatio est
Numérotation du verset Sir. 27,25 

annuens oculo fabricat iniqua et nemo eum abiciet
Numérotation du verset Sir. 27,26 

in conspectu oculorum tuorum condulcabit
os tuum et super sermones tuos admirabitur
novissime autem pervertet os suum
et in verbis tuis dabit scandalum
Numérotation du verset Sir. 27,27 

multa audivi et non coequavi ei et Dominus odiet illum
Numérotation du verset Sir. 27,28 

qui in altum mittit
lapidem super caput
eius cadet et plaga dolosi dividet vulnera
Numérotation du verset Sir. 27,29 

et qui foveam
fodit in illam decidet et qui statuit lapidem
proximo offendet in eo
et qui laqueum alio peribit in illo
Numérotation du verset Sir. 27,30 

facienti
nequissimum super ipsum devolvetur
et non agnoscet unde adveniat illi
Numérotation du verset Sir. 27,31 

illusio et improperium superborum et vindicta
sicut leo insidiabitur illi
Numérotation du verset Sir. 27,32 

Laqueo
Peribunt
qui oblectantur casu iustorum dolor
autem consumet illos antequam moriantur
Numérotation du verset Sir. 27,33 

ira et furor utraque execrabilia
et vir peccator continens erit illorum

Capitulum 27

Numérotation du verset Sir. 27,1 
Propter inopiam
interl.| cordis vel operis
multi deliquerunt et qui querit locupletari
interl.| in mundo
avertit oculum suum
interl.| a timore Dei
Numérotation du verset Sir. 27,2 
si in medio compaginis lapidum palus figitur sic et inter medium venditionis et emptionis angustabitur peccatis
marg.| SICUT  IN  MEDIO. Hac comparatione exprimit angustiam avari cui eque videtur deesse quod habet et quod non habet dum timet amittere quod possidet et aliena rapere incessanter ardet semper enim sollicitudo torquet et in futuro pena eterna manet.
Numérotation du verset Sir. 27,3 
conteretur delictum.
interl.| ibi avaricia cessabit ubi avarus corpore et anima punietur
Numérotation du verset Sir. 27,4 
si non in timore Domini tenueris
interl.| #qua timor Domini custodia vite
instanter cito subvertetur
interl.| de improviso
domus tua
interl.| terrenum habitaculum vel spes terrenorum
Numérotation du verset Sir. 27,5 
si in pertusura cribri remanebit stercus sic aporia hominis
interl.| fluxio vel derivatio stimulus vel molestia vulnus vel aculeus
in cogitatu illius.
marg.| SICUT  IN  PERTUSURA. Sicut cribrum grana a paleis secernit ita timor Dei sordidas cogitationes a corde repellit potest quoque in cribro temptatio Satane intelligi unde: Satanas expetivit vos ut cribraret sicut triticum.
Numérotation du verset Sir. 27,6 
Vasa figuli probat fornax et homines iustos temptatio tribulationis.
Numérotation du verset Sir. 27,7 
sicut rusticatio de ligno ostendit fructum illius sic verbum excogitatum hominis cordis
interl.| thesaurum cordis et qualitatem
marg.| SICUT  RUSTICATIO. Unaqueque arbor ex fructu suo cognoscitur et bonus homo de bono thesauro cordis sui profert bonum. Malus autem malum. Exabundantia enim cordis os loquitur. Cultura ergo ligni in fructu manifestat qualitatem eius.
Numérotation du verset Sir. 27,8 
ante sermonem non collaudes virum hec enim temptatio est hominum
interl.| quia procedit ex levitate non ex discretione
marg.| ANTE  SERMONEM. Quia sermo indicat cogitationem quasi diceret nemo laudet eum quem manifestis inditiis non cognovit laude dignum. Potest autem sermo pro bono opere accipi ut neminem ante probationem bonorum operum laudemus unde non laudes ante mortem quemquam.
Numérotation du verset Sir. 27,9 
si sequaris iustitiam
interl.| docendo bene vivendo
apprehendes illam
interl.| eternam remunerationem eius
et indues quasi poderem honoris
interl.| tunicam scilicet talarem id est consummatam actionem
et inhabitabis cum ea
interl.| unde cauda hostie precipitur offerre
et proteget te
interl.| perseveranter
in sempiternum et in die agnitionis
interl.| iudicii scilicet quando illuminabuntur abscondita tenebrarum
invenies firmamentum
interl.| firmum iustitie premium
Numérotation du verset Sir. 27,10 
Volatilia
interl.| sanctorum anime virtutibus pennate
ad sibi similia conveniunt
interl.| angelos scilicet quibus in futuro sociabuntur
et veritas
interl.| Christus
ad eos qui operantur illam revertetur
interl.| ut remuneret eos in die iudicii
Numérotation du verset Sir. 27,11 
leo
interl.| diabolus qui semper homini insidiatur
{Erfurt, t. 3, f. 61ra ; facsim., t. 2, p. 773a} venationi insidiatur semper sic peccata
interl.| ut in laqueum mortis scilicet precipitent
operantibus iniquitates
Numérotation du verset Sir. 27,12 
homo sanctus in sapientia manet sicut sol nam stultus sicut luna immutatur
interl.| quia inconstans et mutabilis unde: cor stultorum dissimile erit
Numérotation du verset Sir. 27,13 
in medio insensatorum serva verbum tempori in medio autem cogitantium
interl.| legem Dei
assiduus esto
marg.| IN  MEDIO  INSENSATORUM. Temperantiam et cautelam loquendi docet quia inconsiderata locutio sepe infirmis nocet tutius est ergo audire quam loqui.
marg.| IN  MEDIO  SENSATORUM. Qui solverit unum de mandatis et docuerit sic homines magnus vocabitur in regno celorum.
Numérotation du verset Sir. 27,14 
narratio peccantium odiosa et risus illorum delictis peccati
interl.| luxus seculi peccatorum cumulum facit
Numérotation du verset Sir. 27,15 
loquella multum
interl.| frequens iuratio
iurans horripilationem
interl.| errorem et tedium
Capiti
interl.| menti
statuet et irreverentia ipsius obturatio
interl.| clausio vel stipatio
aurium
marg.| LOQUELA  MULTUM. Quia sicut actio eorum bonis contraria ira et loquela ad maledicendum prona ad audiendum gravis.
Numérotation du verset Sir. 27,16 
effusio sanguinis in rixa superborum
interl.| inter superbos iurgia unde effusio sanguinis
et maledictio illorum auditus gravis
Numérotation du verset Sir. 27,17 
qui denudat arcana amici perdet fidem et non inveniet amicum ad animum suum
marg.| QUI  DENUDAT. Ostendit in quo maxime leditur amicitia in malo scilicet proditionis que fidem scilicet perdit et amicitie equitatem non custodit et ideo dissipat caritatem.
Numérotation du verset Sir. 27,18 
dilige proximum et coniungere fide cum illo
Numérotation du verset Sir. 27,19 
quod si denudaveris absconsa illius non persequeris post eum
interl.| quia irrevocabilis est
Numérotation du verset Sir. 27,20 
sicut enim homo qui perdit
interl.| in morte
amicum suum sic qui perdit
interl.| omnino
amicitiam proximi sui
Numérotation du verset Sir. 27,21 
et sicut qui dimittit avem de manu sua sic reliquisti proximum tuum et non eum capies
Numérotation du verset Sir. 27,22 
non illum sequaris quoniam longe abest
interl.| non potest revocari
effugit enim quasi caprea de laqueo quoniam vulnerata est
marg.| QUASI  CAPREA. Caprea capra silvestris dicta quasi capiens ardua. Capree autem ibices vel avices dicuntur eo quod ad instar avium alta et excelsa teneneant et in sublimis habitent ita ut de sublimitate vix humanis obtutibus pateant. He si quando adversitatem ferarum vel hominum presenserint de altis cacuminibus sese precipitantes suis se cornibus in ramis arborum recipiunt illesas.
Numérotation du verset Sir. 27,23 
colligare et maledicti est concordatio
interl.| id est post maledictum reconciliatio amicorum fit
Numérotation du verset Sir. 27,24 
denudare autem amici mysteria
interl.| secreta
desperatio est
marg.| DENUDARE  AUTEM  AMICI. Proditoris inconstantiam morum ostendit qui dolose et ficte agit et in malo perseverat quia nemo eum abiicit id est reprehendit hereticos quoque notat vel schismaticos qui infidi et proditores sunt de quibus in Proverbiis scriptum est: homo apostata vir inutilis graditur ore perverso annuit oculis terit pede etc.
Numérotation du verset Sir. 27,25 
annuens oculo fabricat iniqua et nemo eum abiciet
Numérotation du verset Sir. 27,26 
in conspectu oculorum tuorum condulcabit
interl.| comprimet
os tuum et super sermones tuos admirabitur
interl.| quasi laudans
novissime autem pervertet os suum
interl.| ad maledicendum
et in verbis tuis dabit scandalum
interl.| aliis
Numérotation du verset Sir. 27,27 
multa audivi et non coequavi ei et Dominus odiet illum
Numérotation du verset Sir. 27,28 
qui in altum mittit
interl.| blasphemando Deum
lapidem super caput
interl.| dure scilicet vindicte sententia qua mentem perpetuo dolore cruciat
eius cadet et plaga dolosi dividet vulnera
interl.| augebit scilicet vulnera peccatorum
Numérotation du verset Sir. 27,29 
et qui foveam
interl.| perditionis
fodit in illam decidet et qui statuit {Erfurt, t. 3, f. 61rb ; facsim., t. 2, p. 773b} lapidem
interl.| scandalum
proximo offendet in eo
interl.| #re eterni tormenti
et qui laqueum alio peribit in illo
Numérotation du verset Sir. 27,30 
facienti
interl.| contra proximum
nequissimum super ipsum devolvetur
interl.| id est eterne pene subiacebit
et non agnoscet unde adveniat illi
marg.| FACIENTI  CONSILIUM. Quia non prospicit quod veniat dies eius. Estimat enim hereticus vel schismaticus quod melior sit eius secta quam veritas catholica unde illudit seipsum.
Numérotation du verset Sir. 27,31 
illusio et improperium superborum et vindicta
interl.| de improviso ventura
sicut leo insidiabitur illi
interl.| qui circuit quarens quam devoret
Numérotation du verset Sir. 27,32 
Laqueo
interl.| eterne perditionis
Peribunt
interl.| persecutores
qui oblectantur casu iustorum dolor
interl.| invidie
autem consumet illos antequam moriantur
interl.| etiam in hac vita
Numérotation du verset Sir. 27,33 
ira et furor utraque execrabilia
interl.| in conspectu Dei
et vir peccator continens erit illorum
marg.| IRA  ET  FUROR. Incipit disputare de his qui ira et furore exardescunt.


Comment citer cette page ?
Martin Morard et alii, ed., Glossa ordinaria cum Biblia latina (Sir. Capitulum 27), in : Sacra Pagina, IRHT-CNRS, 2024. Consultation du 04/05/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=32&chapitre=32_27)
Signaler un complément d'information

Notes :