Glossae Scripturae Sacrae-electronicae (Gloss-e)

Glossa ordinaria

Biblia communis

Capitulum 25

Numérotation du verset Sir. 25,1

In tribus placitum est spiritui meo que sunt probata coram Deo et hominibus

Numérotation du verset Sir. 25,2

concordia fratrum et amor proximorum

et vir et mulier sibi consentientes

Numérotation du verset Sir. 25,3

tres species odivit anima mea et aggravor valde anime illorum

Numérotation du verset Sir. 25,4

Pauperem

Superbum

et divitem

Mendacem

et senem fatuum

et insensatum

Numérotation du verset Sir. 25,5

in iuventute tua non congregasti et quomodo invenies eam in senectute tua

Numérotation du verset Sir. 25,6

quam speciosum canitie iudicium

et presbyteris cognoscere consilium

Numérotation du verset Sir. 25,7

quam speciosa veteranis sapientia et gloriosis intellectus et consilium

Numérotation du verset Sir. 25,8

corona senum multa peritia et gloria illorum timor Dei

Numérotation du verset Sir. 25,9

novem insuspicabilia cordis magnificavi et decimum dicam in lingua hominibus

Numérotation du verset Sir. 25,10

homo qui iocundatur in filiis

vivens et videns

subversionem inimicorum

Numérotation du verset Sir. 25,11

Beatus

qui inhabitat cum muliere sensata

et qui

in lingua sua non est lapsus

et qui

non servivit indignis se

Numérotation du verset Sir. 25,12

beatus qui

invenit amicum verum

et qui

enarrat iustitiam auri audienti

Numérotation du verset Sir. 25,13

quam magnus qui

invenit sapientiam et scientiam

Sed

non est super timentem Deum

Numérotation du verset Sir. 25,14

timor Dei super omnia superposuit

Numérotation du verset Sir. 25,15

beatus cui donatum est habere timorem Dei qui tenet illum cui assimilabitur

Numérotation du verset Sir. 25,16

timor Dei initium dilectionis eius fidei autem initium agglutinandum est ei

Numérotation du verset Sir. 25,17

omnis plaga tristitia cordis est et omnis malitia nequitia mulieris est

Numérotation du verset Sir. 25,18

et omnem plagam et non plagam videbit cordis

Numérotation du verset Sir. 25,19

et omnem nequitiam et non nequitiam mulieris

Numérotation du verset Sir. 25,20

et omnem obductum

et non obductum odientium

Numérotation du verset Sir. 25,21

et omnem vindictam et non vindictam inimicorum

Numérotation du verset Sir. 25,22

non est caput nequius super caput colubri

Numérotation du verset Sir. 25,23

et non est ira super iram inimici commorari leoni et draconi placebit quam habitare cum muliere nequa

Numérotation du verset Sir. 25,24

nequitia mulieris

immutat faciem eius

et obcecabit vultum suum tamquam ursus et quasi saccum ostendit in medio proximorum eius

Numérotation du verset Sir. 25,25

et audiens suspirabit modicum

Numérotation du verset Sir. 25,26

brevis malitia super malitiam mulieris sors peccatorum cadat super illam

Numérotation du verset Sir. 25,27

ascensus arenosus in pedibus veterani sic mulier linguata homini quieto

Numérotation du verset Sir. 25,28

ne respicias

in mulieris

speciem et non concupiscas mulierem in specie

Numérotation du verset Sir. 25,29

Mulieris

Ira

et irreverentia

et confusio magna

Numérotation du verset Sir. 25,30

mulier si primatum habeat contraria est viro suo

Numérotation du verset Sir. 25,31

cor humile

et facies tristis

et plaga mortis

mulier nequa

Numérotation du verset Sir. 25,32

Manus

debiles et genua dissoluta

mulier que non beatificat virum suum

Numérotation du verset Sir. 25,33

a muliere initium factum est peccati et per illam omnes morimur

Numérotation du verset Sir. 25,34

non des aque tue

Exitum

nec modicum nec mulieri

nequa veniam prodeundi

Numérotation du verset Sir. 25,35

si non ambulaverit ad manum tuam

et confundet te in conspectu inimicorum

Numérotation du verset Sir. 25,36

a carnibus tuis

abscide illam ne semper te abutatur

Capitulum 25

Numérotation du verset Sir. 25,1

In tribus placitum est spiritui meo que sunt probata coram Deo et hominibus

Numérotation du verset Sir. 25,2

concordia fratrum et amor proximorum

^interl.| unde: solliciti servate unitatem spiritus in vinculo pacis

et vir et mulier sibi consentientes

^interl.| qui diligit proximum legem implevit

^marg.| VIR ET MULIER. Viri diligite uxores vestras sicut et Christus Ecclesiam possumus in viro spiritum in muliere animam accipere qui si in timore et dilectione Dei consenserint quitquid petierint fiet eis unde: si duo consenserint ex vobis fiet illis.

Numérotation du verset Sir. 25,3

tres species odivit anima mea et aggravor valde anime illorum

^interl.| quia mihi contraria sentiunt

^marg.| TRES SPECIES. Possunt hec ad diabolum transferri qui pauper et superbus est. Cum enim per superbiam perdiderit gloriam superbire non cessat. Dives et mendax est. Unde: cum loquitur mendacium ex proprio loquitur quia mendax est et pater eius. Senex et fatus est. Unde: melior est puer et pauper et sapiens quam rex senex et stultus qui nescit providere in posterum etc. Sapientiam est sibi datam inter angelos non servavit quia conditori suo subiici noluit.

Numérotation du verset Sir. 25,4

Pauperem

^interl.| qui inops virtutibus

Superbum

^interl.| quia contra condicionem paupertatis animose extollitur

et divitem

^interl.| hereticum qui sensu abundat et eloquentia

Mendacem

^interl.| qui concessis sibi bonis in mendacio ab utitur

et senem fatuum

^interl.| qui longo tempore sapientiam neglexit

et insensatum

^interl.| qui magis amat caduca quam eterna

Numérotation du verset Sir. 25,5

in iuventute tua non congregasti et quomodo invenies eam in senectute tua

^marg.| QUE IN IUVENTUTE. Qui in iuventute non discit sapientiam in senectute fructum eius non habet. Unde egestatem operata est manus remissa manus autem fortium #d[i]vitias parat qui autem meditatur in lege Domini dabit fructum in tempore suo.

Numérotation du verset Sir. 25,6

quam speciosum canitie iudicium

^interl.| quia in longo tempore debet esse sapientia et prudentia

et presbyteris cognoscere consilium

^marg.| QUAM SPECIOSUM. Canum caput docet habere sensum et longenam etatem cognoscere consilium ut in timore Dei iudicent iudicium rectum quod est valde gloriosum audiant presbyteri et Ecclesiarum prepositi quia non licet eis ignorare legis scientiam et sapientiam.

Numérotation du verset Sir. 25,7

quam speciosa veteranis sapientia et gloriosis intellectus et consilium

^interl.| «intellectus bonus omnibus facientibus eum»^a

^a Ps. 110, 10.

Numérotation du verset Sir. 25,8

corona senum multa peritia et gloria illorum timor Dei

^interl.| beatus vir qui timet Dominum

Numérotation du verset Sir. 25,9

novem insuspicabilia cordis magnificavi et decimum dicam in lingua hominibus

^marg.| NOVEM INSUSPICABILIA. Corde creditur ad iustitiam ore autem confessio fit ad salus. Novem ergo sunt insuspicabilia id est ab omni suspitione falsitatis aliena que parit homini fides recta.

Numérotation du verset Sir. 25,10

homo qui iocundatur in filiis

^interl.| hoc est primum ut homo iocundetur in filiis scilicet operibus bonis etc.

vivens et videns

^interl.| hoc est secundum

{Erfurt, t. 3, f. 60ra ; facsim., t. 2, p. 771a} subversionem inimicorum

^interl.| demonum vel vitiorum

Numérotation du verset Sir. 25,11

Beatus

^interl.| hoc est tertium

qui inhabitat cum muliere sensata

^interl.| sapientia scilicet unde posside sapientiam

et qui

^interl.| hoc est quartum

in lingua sua non est lapsus

^interl.| qui in verbo non offendit perfectus est

et qui

^interl.| hoc est quintum

non servivit indignis se

^interl.| demonibus vel vitiis a quo enim quis superatur huiusmodi servus est

Numérotation du verset Sir. 25,12

beatus qui

^interl.| hoc est sextum

invenit amicum verum

^interl.| qui ait vos autem dixi amicos etc.

et qui

^interl.| hoc est septimum

enarrat iustitiam auri audienti

^interl.| predicat scilicet verbum Dei rectum et iustum

Numérotation du verset Sir. 25,13

quam magnus qui

^interl.| hoc est octavum

invenit sapientiam et scientiam

^interl.| qua est bonum facere

Sed

^interl.| hoc est novum

non est super timentem Deum

^marg.| SAPIENTIAM ET SCIENTIAM. Que est malum cavere unde: et ecce timor Domini ipse est sapientia et recedere a malo intelligentia hinc est quod unum speciebus virtutum superadditur timor Dei qui sicut novenarius imperfectus est nisi denario suppleatur sic omnis operatio virtutum sine timore. Timor enim Domini sanctus permanens in seculum seculi ipse est fidei fundamentum et caritatis origo per ipsum fit bonum et pervenitur ad premium. Sed quia scriptum est timor Domini initium sapientie et alibi. Timor non est in caritate etc. et iterum timete Dominum omnes sancti eius etc. Queritur quomodo timor Domini (si est initium sapientie et dilectionis) non sit in caritate et quomodo omnes sancti diligant Dominum et nihil desit timentibus eum et qualiter intelligatur timor Domini permanet in seculum seculi. Sed illum timorem Domini quo timet quis incipiens opera iustitie ne districtus iudex se minus castigatum inveniens damnet caritas pellit foras que ex suo merito fiduciam habet in die iudicii. Presentium quoque adversitatum timorem perfecta caritas eicit quam desiderabat qui dicebat a timore inimici eripe animam meam hanc habebat qui dixit: Quis nos separabit a caritate Christi. Tribulatio an angustia etc. Nec est contrarius Ioanni psalmista qui ait: timor Domini sanctus permanet in seculum seculi duo enim sunt timores. Unus quo timent Deum homines ne mittantur in gehennam qui scilicet introducit caritatem et sic venit ut exeat. Si enim adhuc propter penas times Deum nondum amas quem sic times non bona desideras sed mala caves sic tamen corrigis te et incipis bona desideras sed mala caves sic tamen corrigis te et incipis bona desiderare. Cum vero bona desiderare ceperis erit in te timor sanctus ne amittas bona non timor gehenne sed ne te deserat presentia Dei quam amplecteris et in eternum frui desideras.

Numérotation du verset Sir. 25,14

timor Dei super omnia superposuit

^interl.| hoc est decimum

Numérotation du verset Sir. 25,15

beatus cui donatum est habere timorem Dei qui tenet illum cui assimilabitur

Numérotation du verset Sir. 25,16

timor Dei initium dilectionis eius fidei autem initium agglutinandum est ei

Numérotation du verset Sir. 25,17

omnis plaga tristitia cordis est et omnis malitia nequitia mulieris est

^marg.| OMNIS PLAGA. Non est maior gratia quam vera letitia mentis nec maior plaga qua tristitia fraudulenti cordis in idolatria vel in heresi quia in eius nequitia omnis malitia est.

Numérotation du verset Sir. 25,18

et omnem plagam et non plagam videbit cordis

^interl.| intelligens errorem suum sed tamen penam non cavebit

^marg.| ET OMNEM PLAGAM. Videt plagam cordis qui intelligit iniuriam sue pravitatis sed non videt quia per penitentiam non corrigit.

Numérotation du verset Sir. 25,19

et omnem nequitiam et non nequitiam mulieris

Numérotation du verset Sir. 25,20

et omnem obductum

^interl.| vindictam iudicis qui odientes se delebit

et non obductum odientium

^interl.| quia non cavet

Numérotation du verset Sir. 25,21

et omnem vindictam et non vindictam inimicorum

^interl.| quasi cum iustitiam Dei cognovissent non intellexerunt quoniam qui talia agunt digni sunt morte

Numérotation du verset Sir. 25,22

non est caput nequius super caput colubri

^marg.| NON EST CAPUT. Nequitia hereticorum comparata serpentibus et feris animantibus terre crudelior invenitur quia illa ledunt corpus hec animam ideo eius cohabitatio omnibus noxia est.

Numérotation du verset Sir. 25,23

et non est ira super iram inimici commorari leoni et draconi placebit quam habitare cum muliere nequa

^interl.| quia duritia cordis excecat visum mentis nec futurum prospicit iudicium

Numérotation du verset Sir. 25,24

nequitia mulieris

^interl.| perversitas heretici

immutat faciem eius

^interl.| quia decipit sub speciem virtutum

et obcecabit vultum suum tamquam ursus et quasi saccum ostendit in medio proximorum eius

^interl.| quia ineptas novitates predicat et tegit nefando verborum velamento

Numérotation du verset Sir. 25,25

et audiens suspirabit modicum

^interl.| quia difficile ad penitentiam flectitur etsi aliquando se penitere mentietur

Numérotation du verset Sir. 25,26

brevis malitia super malitiam mulieris sors peccatorum cadat super illam

^marg.| BREVIS OMNIS. Parva est omnis malitia ad comparationem idolatrie et pravitatis heretice quia peccant non per fragilitatem carnis sed per superbiam mentis.

Numérotation du verset Sir. 25,27

ascensus arenosus in pedibus veterani sic mulier linguata {Erfurt, t. 3, f. 60rb ; facsim., t. 2, p. 771b} homini quieto

^interl.| arena fluida et instabilis infirmos pedes retardat veterani sic onerosa est modestie catholici viri loquacitas

Numérotation du verset Sir. 25,28

ne respicias

^interl.| communicando

in mulieris

^interl.| heretici

speciem et non concupiscas mulierem in specie

^interl.| pravam doctrinam fuco verborum adornatam

Numérotation du verset Sir. 25,29

Mulieris

^interl.| enim

Ira

^interl.| iudicii

et irreverentia

^interl.| offensio Dei

et confusio magna

^interl.| pena eterna

Numérotation du verset Sir. 25,30

mulier si primatum habeat contraria est viro suo

^marg.| MULIER SI PRIMATUM. Historice ostendit quam noxius sit primatus mulieris que subiici debet non preponi. Cui dictum est multiplicabo erumnas tuas et sub viri potestate eris etc. Unde Paulus: mulier in silentio discat cum omni subiectione etc. Mystice hanc mulierem synagogam hereticorum accipimus que relinquit ducem pubertatis sue hic si primatum habeat contraria erit viro id est doctori catholico perversa sentiendo et prava docendo.

Numérotation du verset Sir. 25,31

cor humile

^interl.| cogitatio vilis

et facies tristis

^interl.| quia letitiam Spiritus Sancti non habet

et plaga mortis

^interl.| eterne

mulier nequa

Numérotation du verset Sir. 25,32

Manus

^interl.| opera

debiles et genua dissoluta

^interl.| gressus instabiles

mulier que non beatificat virum suum

^interl.| Christum vel predicatorem suum quia non obedivit nec fidem servavit

Numérotation du verset Sir. 25,33

a muliere initium factum est peccati et per illam omnes morimur

^interl.| quia superbia elationis qua viam veritatis deseruit et in errorem declinavit origo est perditionis ipsi et aliis

Numérotation du verset Sir. 25,34

non des aque tue

^interl.| doctrine

Exitum

^interl.| extra limitem rectitudis

nec modicum nec mulieri

^interl.| heretico

nequa veniam prodeundi

^interl.| libertatem docendi

Numérotation du verset Sir. 25,35

si non ambulaverit ad manum tuam

^interl.| id est si tibi subdi noluerit sed potius contentiosa fuerit

et confundet te in conspectu inimicorum

^interl.| infidelium

Numérotation du verset Sir. 25,36

a carnibus tuis

^interl.| a condicione infirmorum sed separa illam

abscide illam ne semper te abutatur

^interl.| ad luxum sue pravitatis

Comment citer cette page ?
Martin Morard et alii, ed., Glossa ordinaria cum Biblia latina (Sir. Capitulum 25), in : Sacra Pagina, IRHT-CNRS, 2024. Consultation du 04/05/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=32&chapitre=32_25)

Signaler un complément d'information

Notes :

<32. Ecclesiasticus seu Sirach>

Capitulum 25

<32. Ecclesiasticus seu Sirach>

Capitulum 25