Glossae Scripturae Sacrae-electronicae (Gloss-e)

Glossa ordinaria

Biblia communis

Capitulum 31

Numérotation du verset Sir. 31,1

Vigilia honestatis

tabefacit carnes

et cogitatus illius

auferet somnum

Numérotation du verset Sir. 31,2

cogitatus presentie avertit sensum

et infirmitas

gravis sobriam

facit animam

Numérotation du verset Sir. 31,3

laboravit dives

in congregatione substantie

et in requie sua replebitur bonorum suorum

Numérotation du verset Sir. 31,4

Laboravit

Pauper

in diminutione victus et in fine

inops fit

Numérotation du verset Sir. 31,5

qui aurum diligit

non iustificabitur et qui insequitur consumptionem replebitur ex ea

Numérotation du verset Sir. 31,6

multi dati sunt in auri casus

et facta est in facie ipsius perditio illorum

Numérotation du verset Sir. 31,7

lignum offensionis est aurum sacrificantium ve

illis qui sectantur illud et omnis imprudens deperiet in illo

Numérotation du verset Sir. 31,8

beatus dives qui inventus est sine macula

et qui post aurum non abiit nec speravit in pecunia

et thesauris

Numérotation du verset Sir. 31,9

quis est hic et laudabimus eum fecit enim mirabilia in vita sua

Numérotation du verset Sir. 31,10

quis probatus est in illo

et perfectus est et erit illi in gloria eterna

qui potuit transgredi

et non est transgressus

et facere mala et non fecit

Numérotation du verset Sir. 31,11

ideo stabilita sunt bona illius in Deo

et eleemosynas illius enarrabit

ecclesia sanctorum

Numérotation du verset Sir. 31,12

DE CONTINENTIA Supra mensam magnam sedisti non aperias super illam faucem tuam prior

Numérotation du verset Sir. 31,13

non dicas simulata sunt que super illa sunt

Numérotation du verset Sir. 31,14

memento quoniam malum oculus nequa

Numérotation du verset Sir. 31,15

nequius oculo quid creatum est ideo ab omni facie sua lacrimabitur

cum viderit

Numérotation du verset Sir. 31,16

ne extendas manum tuam prior et invidia

contaminatus obrubescas

Numérotation du verset Sir. 31,17

nec comprimaris in convivio

in vino¹

¹ in vino] om. Weber

Numérotation du verset Sir. 31,18

intellige proximi tui ex te ipso

Numérotation du verset Sir. 31,19

utere quasi homo frugi que tibi apponuntur et non cum manducas multum odio habearis

Numérotation du verset Sir. 31,20

cessa prior causa discipline et noli nimius esse ne forte offendas

Numérotation du verset Sir. 31,21

et si in medio multorum sedisti prior illis non extendas manum tuam nec prior poscas bibere

Numérotation du verset Sir. 31,22

quam sufficiens est homini erudito vinum exiguum et in dormiendo non laborabis ab illo et non senties dolorem

Numérotation du verset Sir. 31,23

vigilia et cholera et tortura viro infrunito

Numérotation du verset Sir. 31,24

somnus sanitatis in homine parco dormiet usque in mane et anima illius cum ipso delectabitur

Numérotation du verset Sir. 31,25

et si coactus fueris in edendo multum surge e medio et vome et refrigerabit te et non adduces corpori tuo infirmitates

Numérotation du verset Sir. 31,26

audi me fili et ne spernas me et in novissimo invenies mea verba

Numérotation du verset Sir. 31,27

in omnibus operibus tuis esto velox et omnis infirmitas non occurret tibi

Numérotation du verset Sir. 31,28

splendidum in panibus benedicent labia multorum et testimonium veritatis illius fidele

Numérotation du verset Sir. 31,29

in nequissimo pane murmurabit civitas

et testimonium nequitie illius verum est

Numérotation du verset Sir. 31,30

diligentes in vino noli provocare

multos enim exterminavit vinum

Numérotation du verset Sir. 31,31

ignis probat ferrum durum sic vinum corda superborum arguet in ebrietate potatum

Numérotation du verset Sir. 31,32

equavit in vita vinum hominibus si bibas illud moderate eris sobrius

Numérotation du verset Sir. 31,33

que est vita que minuitur vino

Numérotation du verset Sir. 31,34

quid defraudat vitam mors

Numérotation du verset Sir. 31,35

Vinum

in iocunditate creatum est non in ebrietate ab initio

Numérotation du verset Sir. 31,36

exultatio anime et cordis vinum moderate potatum

Numérotation du verset Sir. 31,37

sanitas est et corpori et anime

Numérotation du verset Sir. 31,38

vinum multum potatum irritationem et iram et ruinas multas facit

Numérotation du verset Sir. 31,39

amaritudo anime vinum multum potatum

Numérotation du verset Sir. 31,40

ebrietatis animositas imprudentis offensio minorans virtutem et faciens vulnera

Numérotation du verset Sir. 31,41

in convivio vini non arguas proximum

et non despicias eum in iocunditate illius

Numérotation du verset Sir. 31,42

verba improperii non dicas illi et non premas illum in repetendo

Capitulum 31

Numérotation du verset Sir. 31,1

Vigilia honestatis

^interl.| in studio scilicet virtutum

tabefacit carnes

^interl.| carnales voluptates

et cogitatus illius

^interl.| confige timore tuo carnes meas a iudiciis enim tuis timui

auferet somnum

^interl.| pigricie tedium

Numérotation du verset Sir. 31,2

cogitatus presentie avertit sensum

^interl.| quia previdet et premia bonorum et supplicia malorum

et infirmitas

^interl.| corporis

gravis sobriam

^interl.| ab omni concupiscentia

facit animam

^interl.| a delictis

Numérotation du verset Sir. 31,3

laboravit dives

^interl.| in Domino

in congregatione substantie

^interl.| spiritualis

et in requie sua replebitur bonorum suorum

^interl.| premio scilicet bonorum suorum

Numérotation du verset Sir. 31,4

Laboravit

^interl.| in terrena concupiscentia

Pauper

^interl.| scientia

in diminutione victus et in fine

^interl.| huius vite

inops fit

^interl.| carens celestibus divitiis

Numérotation du verset Sir. 31,5

qui aurum diligit

^interl.| quodlibet pecuniam que per avariciam colligitur

non iustificabitur et qui insequitur consumptionem replebitur ex ea

^interl.| id est qui in hac ambitione consumit presentem vitam eterna implebitur ignominia

Numérotation du verset Sir. 31,6

multi dati {Erfurt, t. 3, f. 62vb ; facsim., t. 2, p. 776b} sunt in auri casus

^interl.| in casum auri datur qui eius ambitione capitur

et facta est in facie ipsius perditio illorum

^interl.| qui eius amore ultra modum ardescunt

Numérotation du verset Sir. 31,7

lignum offensionis est aurum sacrificantium ve

^interl.| eternum

illis qui sectantur illud et omnis imprudens deperiet in illo

^interl.| ineternum

^marg.| LIGNUM. Sicut Adam in ligno vetito transgressus deorum sibi altitudinem speravit sic amatores auri diversorum errorum simulacris servientes animas suas quasi sacrificando demonibus immolant ut plurima possideant. Potest allegorice in hereticorum et philosophorum doctrina accipi que splendore eloquentie nitet et curiosos seducit.

Numérotation du verset Sir. 31,8

beatus dives qui inventus est sine macula

^interl.| erroris et cuiuslibet peccati

et qui post aurum non abiit nec speravit in pecunia

^interl.| seculari

et thesauris

Numérotation du verset Sir. 31,9

quis est hic et laudabimus eum fecit enim mirabilia in vita sua

^interl.| virtutibus studendo miraculis coruscando

Numérotation du verset Sir. 31,10

quis probatus est in illo

^interl.| in amore conditoris

et perfectus est et erit illi in gloria eterna

^interl.| quia fecit scilicet

qui potuit transgredi

^interl.| secundum liberum arbitrium

et non est transgressus

^interl.| preceptum Dei

et facere mala et non fecit

^interl.| pertinaciter quasi impenitens

Numérotation du verset Sir. 31,11

ideo stabilita sunt bona illius in Deo

^interl.| conservata ad remunerationem

et eleemosynas illius enarrabit

^interl.| predicando

ecclesia sanctorum

Numérotation du verset Sir. 31,12

DE CONTINENTIA Supra mensam magnam sedisti non aperias super illam faucem tuam prior

^interl.| mensam quam heretici maculare contendunt quorum intentione nihil nequius invenitur

^marg.| SUPRA MENSAM. Ad litteram continentiam et temperantia docet et mystice ut in lege Dei simus cauti et providi mensa enim magna est copia scripturarum in qua non debemus esse procaces ut aliquid sine doctore rapiamus sed sanctorum doctorum viam teneamus.

Numérotation du verset Sir. 31,13

non dicas simulata sunt que super illa sunt

^marg.| NON DICAS etc. Quasi diceret ne presumptione aliquid agas vel antequam discas ad scribendum manum mittas.

Numérotation du verset Sir. 31,14

memento quoniam malum oculus nequa

Numérotation du verset Sir. 31,15

nequius oculo quid creatum est ideo ab omni facie sua lacrimabitur

^interl.| in futura ultione

cum viderit

^interl.| quod modo latet revelante iudice

Numérotation du verset Sir. 31,16

ne extendas manum tuam prior et invidia

^interl.| diaboli

contaminatus obrubescas

Numérotation du verset Sir. 31,17

nec comprimaris in convivio

^interl.| in iudicio cum dixerit iudex discedite a me omnes qui opermini #iniquitatem

in vino¹

¹ in vino] om. Weber

^interl.| in quo est luxuria vel vino sapientie ne plus sapias quam sapere oportet

Numérotation du verset Sir. 31,18

intellige proximi tui ex te ipso

Numérotation du verset Sir. 31,19

utere quasi homo frugi que tibi apponuntur et non cum manducas multum odio habearis

^marg.| UTERE QUASI. Quasi sobrietatem dilige temperanter age et nequid nimis ne in scandalum confusionis incidas. Convenit ergo christiano ante omnia humilitatem diligere in lectione scripture cautum esse rectam fidem tenere modum in scientia servare et caritatis regulam ut probatus sit coram Deo et hominibus.

Numérotation du verset Sir. 31,20

cessa prior causa discipline et noli nimius esse ne forte offendas

Numérotation du verset Sir. 31,21

et si in medio multorum sedisti prior illis non extendas manum tuam nec prior poscas bibere

Numérotation du verset Sir. 31,22

quam sufficiens est homini erudito vinum exiguum et in dormiendo non laborabis ab illo et non senties dolorem

^marg.| QUAM SUFFICIENS. Tenuis victus tam anime quam corpori utilis est superfluus vero e contra.

^marg.| VINUM EXIGUUM. Vinum quoque spirituale sumptum moderate utile est tam corpori quam anime immoderate vero insanire facit et a Deo disiungit unde anxia cura et turbatio maxima et perpetua tortura.

Numérotation du verset Sir. 31,23

^interl.| quia

vigilia et cholera et tortura viro infrunito

^interl.| guloso

Numérotation du verset Sir. 31,24

somnus sanitatis in homine parco dormiet usque in mane et anima illius cum ipso {Erfurt, t. 3, f. 63ra ; facsim., t. 2, p. 777a} delectabitur

^interl.| in eterna beatitudine

^marg.| SOMNUS SANITATIS. Subtilior est somnus in parco victu. Mystice autem qui sobrius est in parco vino in contemplatione veritatis quiescit usque in mane resurrectionis.

Numérotation du verset Sir. 31,25

et si coactus fueris in edendo multum surge e medio et vome et refrigerabit te et non adduces corpori tuo infirmitates

^marg.| VOME. Aiunt medici quod vomitus stomachum purgat coleram minuit. Mystice autem qui transgreditur mensuram et gravatur carnalibus delictis per confessionem peccati feditatem evomat et per corporis castigationem ad sanitatem redeat.

Numérotation du verset Sir. 31,26

audi me fili et ne spernas me et in novissimo invenies mea verba

Numérotation du verset Sir. 31,27

in omnibus operibus tuis esto velox et omnis infirmitas non occurret tibi

^marg.| IN OMNIBUS OPERIBUS. Monet ne tempus perdamus sed bene operemur et mandata Dei custodientes requiem inveniamus animabus nostris.

Numérotation du verset Sir. 31,28

splendidum in panibus benedicent labia multorum et testimonium veritatis illius fidele

^marg.| SPENDIDUM IN PANIBUS. Ad litteram: Ad eleemosynam invitat quia qui seminat in benedictionibus de benedictionibus et metet. Mystice autem qui panem verbi fideliter dispensat et testimonium veritatis non occultat in presenti et in futuro benedicetur.

Numérotation du verset Sir. 31,29

in nequissimo pane murmurabit civitas

^interl.| dogmate hereticorum

et testimonium nequitie illius verum est

^interl.| quo ait testis falsus non erit impunitus

Numérotation du verset Sir. 31,30

diligentes in vino noli provocare

^interl.| quasi diceret: ebriosos fuge facile enim irascuntur

multos enim exterminavit vinum

^marg.| MULTOS ENIM. Ebrietas multos subvertit que sensum minuit iram excitat libidinem inflammat animi secreta revelat.

Numérotation du verset Sir. 31,31

ignis probat ferrum durum sic vinum corda superborum arguet in ebrietate potatum

^marg.| IGNIS. Id est sicut ignis ferri duritiam mollit et candescere facit sic vinum corda superborum inflammans ad facinus impellit.

Numérotation du verset Sir. 31,32

equavit in vita vinum hominibus si bibas illud moderate eris sobrius

^marg.| EQUA VITA. Vinum sobrie potatum vitam equitatis non tollit sed sobrietatem et cetera virtutum ornamenta adducit.

Numérotation du verset Sir. 31,33

que est vita que minuitur vino

Numérotation du verset Sir. 31,34

quid defraudat vitam mors

^interl.| sensum minuendo egritudinem ingerendo

Numérotation du verset Sir. 31,35

Vinum

^interl.| ebrietas

in iocunditate creatum est non in ebrietate ab initio

^interl.| terreni fructus ad alimentum hominis conditi sunt non ad detrimentum

Numérotation du verset Sir. 31,36

exultatio anime et cordis vinum moderate potatum

^interl.| sepe idem repetit ut fortius memorie infigat

Numérotation du verset Sir. 31,37

sanitas est et corpori et anime

Numérotation du verset Sir. 31,38

vinum multum potatum irritationem et iram et ruinas multas facit

^marg.| VINUM MULTUM. Patet irritationem iram et ruinas multas ebrietate nasci et amaritudinem anime et animosam offensionem virtutes minorari scelerum vulnera multiplicari.

Numérotation du verset Sir. 31,39

amaritudo anime vinum multum potatum

Numérotation du verset Sir. 31,40

ebrietatis animositas imprudentis offensio minorans virtutem et faciens vulnera

Numérotation du verset Sir. 31,41

in convivio vini non arguas proximum

^interl.| alter alterius onera portate et sic adimplebitis legem Christi

et non despicias eum in iocunditate illius

^interl.| sicut Cham patrem suum

Numérotation du verset Sir. 31,42

verba improperii non dicas illi et non premas illum in repetendo

Comment citer cette page ?
Martin Morard et alii, ed., Glossa ordinaria cum Biblia latina (Sir. Capitulum 31), in : Sacra Pagina, IRHT-CNRS, 2024. Consultation du 04/05/2024. (Permalink : https://gloss-e.irht.cnrs.fr/php/editions_chapitre.php?id=liber&numLivre=32&chapitre=32_31)

Signaler un complément d'information

Notes :

<32. Ecclesiasticus seu Sirach>

Capitulum 31

<32. Ecclesiasticus seu Sirach>

Capitulum 31