Capitulum 32

Numérotation du verset Nm. 32,1 

Filii autem Ruben et Gad habebant pecora multa et erat illis in iumentis infinita substantia. Cumque vidissent Iazer et Galaad aptas alendis animalibus,
Numérotation du verset Nm. 32,2 

venerunt ad Moysen et ad Eleazarum sacerdotem et principes multitudinis atque dixerunt
Numérotation du verset Nm. 32,3 

Astaroth1 et Dibon et Iazer et Nemra Esbon et Eleale et Sabam et Nebo et Beon
1 Astaroth Ω Rusch ] Astharoth , Ataroth Clementina Rusch
Numérotation du verset Nm. 32,4 

terram quam percussit Dominus in conspectu filiorum Israel regionis uberrime est ad pastum animalium et nos
servi tui habemus iumenta plurima
Numérotation du verset Nm. 32,5 

precamurque si invenimus gratiam coram te ut des nobis famulis tuis eam in possessionem ne facias nos transire Iordanem
Numérotation du verset Nm. 32,6 

quibus respondit Moyses numquid fratres vestri ibunt ad pugnam et vos hic sedebitis
Numérotation du verset Nm. 32,7 

cur subvertitis mentes filiorum Israel ne transire audeant in locum quem eis daturus est Dominus
Numérotation du verset Nm. 32,8 

nonne ita egerunt patres vestri quando misi de Cadesbarne ad explorandam terram
Numérotation du verset Nm. 32,9 

cumque venissent usque ad vallem Botri lustrata omni regione subverterunt cor filiorum Israel ut non intrarent fines quos eis Dominus dedit
Numérotation du verset Nm. 32,10 

qui iratus iuravit dicens
Numérotation du verset Nm. 32,11 

si videbunt homines isti qui ascenderunt ex Egypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi me
Numérotation du verset Nm. 32,12 

preter Caleb filium Iephone Cenezeum et Iosue filium Nun isti impleverunt voluntatem meam
Numérotation du verset Nm. 32,13 

iratusque Dominus adversum Israel circumduxit eum per desertum quadraginta annis donec consumeretur universa generatio que fecerat malum in conspectu eius
Numérotation du verset Nm. 32,14 

et ecce inquit vos surrexistis pro patribus vestris incrementa et alumni hominum peccatorum ut augeretis furorem Domini contra Israel
Numérotation du verset Nm. 32,15 

qui si nolueritis sequi eum in solitudine populum derelinquet et vos causa eritis necis omnium
Numérotation du verset Nm. 32,16 

at illi prope accedentes dixerunt caulas ovium fabricabimus
et stabula iumentorum parvulis quoque nostris urbes munitas
Numérotation du verset Nm. 32,17 

nos autem ipsi armati et accincti pergemus ad prelium ante filios Israel donec introducamus eos ad loca sua parvuli nostri et quicquid habere possumus erunt in urbibus muratis propter habitatorum insidias
Numérotation du verset Nm. 32,18 

non revertemur in domos nostras usquequo possideant filii Israel hereditatem suam
Numérotation du verset Nm. 32,19 

nec quicquam queremus trans Iordanem quia iam habemus possessionem nostram in orientali eius plaga
Numérotation du verset Nm. 32,20 

quibus Moyses ait si facitis quod promittitis expediti pergite coram Domino ad pugnam
Numérotation du verset Nm. 32,21 

et omnis vir bellator armatus Iordanem transeat donec subvertat Dominus inimicos suos
Numérotation du verset Nm. 32,22 

et subiciatur ei omnis terra tunc eritis inculpabiles et apud Dominum et apud Israel et obtinebitis regiones quas vultis coram Domino
Numérotation du verset Nm. 32,23 

sin autem quod dicitis non feceritis nulli dubium quin peccetis in Dominum et scitote quoniam peccatum vestrum apprehendet vos
Numérotation du verset Nm. 32,24 

edificate ergo urbes parvulis vestris et caulas ac stabula ovibus ac iumentis et quod polliciti estis implete
Numérotation du verset Nm. 32,25 

dixeruntque filii Gad et Ruben ad Moysen servi tui sumus faciemus quod iubet dominus noster
Numérotation du verset Nm. 32,26 

parvulos nostros et mulieres et pecora ac iumenta relinquemus in urbibus Galaad
Numérotation du verset Nm. 32,27 

nos autem famuli tui omnes expediti pergemus ad bellum sicut tu domine loqueris
Numérotation du verset Nm. 32,28 

precepit ergo Moyses Eleazaro sacerdoti et Iosue filio Nun et principibus familiarum per tribus Israel et dixit ad eos
Numérotation du verset Nm. 32,29 

si transierint filii Gad et filii Ruben vobiscum Iordanem omnes armati ad bellum coram Domino et vobis fuerit terra subiecta date eis Galaad in possessionem
Numérotation du verset Nm. 32,30 

sin autem noluerint transire vobiscum in terram Chanaan inter vos habitandi accipiant loca
Numérotation du verset Nm. 32,31 

responderuntque filii Gad et filii Ruben sicut locutus est Dominus servis suis ita faciemus
Numérotation du verset Nm. 32,32 

ipsi armati pergemus coram Domino in terram Chanaan et possessionem iam suscepisse nos confitemur trans Iordanem
Numérotation du verset Nm. 32,33 

dedit itaque Moyses filiis Gad et Ruben et dimidie tribui Manasse filii Ioseph regnum Seon regis Amorrei et regnum Og regis Basan et terram eorum cum urbibus suis per circuitum
Numérotation du verset Nm. 32,34 

igitur extruxerunt filii Gad Dibon et Atharoth et Aroer
Numérotation du verset Nm. 32,35 

Etrothsophan et Iazer Iecbaa
Numérotation du verset Nm. 32,36 

et Bethnemra et Betharan urbes munitas et caulas pecoribus suis
Numérotation du verset Nm. 32,37 

Filii vero Ruben edificaverunt Esbon et Eleale et Chariathaim
Numérotation du verset Nm. 32,38 

et Nabo et Baalmeon versis nominibus Sabama quoque imponentes vocabula urbibus quas extruxerant.
Numérotation du verset Nm. 32,39 

Porro filii Machir filii Manasse perrexerunt in Galaad et vastaverunt eam interfecto Amorreo habitatore eius .
Numérotation du verset Nm. 32,40 

Dedit ergo Moyses terram Galaad Machir filio Manasse qui habitavit in ea.
Numérotation du verset Nm. 32,41 

Iair autem filius Manasse abiit et occupavit vicos eius quos appellavit Avothiair id est villas Iair
Numérotation du verset Nm. 32,42 

Nobe quoque perrexit et apprehendit Canath cum viculis suis vocavitque eam ex nomine suo Nobe.

Capitulum 32

Numérotation du verset Nm. 32,1 
marg.| {f} Filii autem] etc. infra addit dimidiam Tribum Manasse, que cum istis remansit citra Iordanem.
marg.| {g} In iumentis] etc. Aliqui libri habent, infinita substantia, et plures, id est multa iumenta habebant. GLOSSA Quos multa mundi impedimenta implicant, habitationem celestis patrie non requirunt : qui dum pro fide ad certamen properant, eam non sibi, sed proximis vindicat, nec amant : pro illa pugnant, sed pignora sua extra illam deponunt.
marg.| {h} Iazer, et Galaad] civitates sunt.
Numérotation du verset Nm. 32,6 
marg.| {i} Vos hic] etc. Nos vero Clerici in sudore alieno vescentes pane nostro, sedemus, fratribus nostris pugnantibus. Quid igitur nisi saltem spiritualiter orantes pro eis laboremus. Dictum est enim Adam, totique posteritati eius : In sudore vultus tui vesceris pane tuo.
Numérotation du verset Nm. 32,7 
marg.| {k} Cur subvertitis] Hic ostenditur quanta esset diligentia Moysi circa populum, cum sciret se Iordanem non transiturum ; et tamen sollicitus erat pro terra acquirenda. Homines enim in his solent solliciti esse, ubi emolumentum sperant aliquod habere.
Numérotation du verset Nm. 32,8 
marg.| {l} Patres vestri] 1. exploratores.   [Quando misi] supra 20.
Numérotation du verset Nm. 32,9 
marg.| {m} Ad vallem Botri] ubi ad fertilitatem loci denunciandam populo levaverunt botrum in vecte.
Numérotation du verset Nm. 32,11 
marg.| {n} Si videbunt] id est non videbunt. Simile in Ps. 94. Si introibunt in requiem meam, id est non introibunt. Vel est aposiopesis, et est supplendum, iam amplius non credatis mihi.
Numérotation du verset Nm. 32,13 
marg.| {o} Iratusque Dominus] propter murmurationem eius, sup. 20. ad aquas contradictionis, vel potius in reditu exploratorum de terra promissionis, sup. 13.c.
Numérotation du verset Nm. 32,14 
marg.| {p} Et alumni hominum] id est imitatores, et transcendentes in malo.
Numérotation du verset Nm. 32,17 
marg.| {q} Parvuli nostri] {1. 149va} Hic arguuntur illi, qui cum uxoribus, et parvulis transierant. Unde subditur.
Numérotation du verset Nm. 32,20 
marg.| {a} Expediti] a sarcinis, scilicet et utensilibus.
marg.| {b} Pergite] expediti a sarcinis. Unde Mt. 10.b. dicitur Apostolis : Nolite possidere aurum, neque argentum, neque pecuniam in zonis vestris.
Numérotation du verset Nm. 32,23 
marg.| {c} Apprehendet vos] Peccatum non dormit, neque quiescit. Unde in Ps. 39. Comprehenderunt me iniquitates mee, et non potui, ut viderem. Unde Salom. Sicut leo sanguini, et ursus venationi insidiatur, sic peccatum iniquitatem operantibus. Sir. 27.b. Leo venationi insidiatur semper, sic peccatum operantibus iniquitatem.
marg.| {d} Habitandi] etc. Aliqui habent, loca non accipiant : et ratum stare potest ; aliter tamen, et aliter.
Numérotation du verset Nm. 32,41 
marg.| {e} Iair] Alius fuit Iair Galaatides de Tribu Manasse. Similiter, qui fuit octavus Iudex, habens triginta filios, quos fecit principes triginta civitatum, quos vocavit nomine suo Avoth Iair, id est oppida Iair. Ita legitur Iud. 10.a.
Numérotation du verset Nm. 32,42 
marg.| {f} Nobe] etc. GLOSSA Utinam legamus semper, et videamus, que rite nobis imminent profectiones, et mansiones.


Comment citer cette page ?
Martin Morard, ed., Hugo de Sancto Caro. Postilla in totam Bibliam (Nm. Capitulum 32), in : Sacra Pagina, IRHT-CNRS, 2024. Consultation du 02/05/2024. (Permalink : https://gloss-e.irht.cnrs.fr/php/editions_chapitre.php?id=hug&numLivre=06&chapitre=06_32)
Signaler un complément d'information

Notes :